ᒪᑎᔪᐤ 7:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ “ᓇᒪ ᒥᓯᐛ ᐊᐛᓐ ᑲ ᐸᒋ ᐃᓯᓂᐧᑲᓯᑦ, ‘ᑕᐸᔨᒋᒐᔨᓐ, ᑕᐸᔨᒋᒐᔨᓐ,’ ᒋᑭ ᐅᒋ ᐱᒐᐤ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᓐᒡ ᑲ ᑐᑕᒡ ᑕᓐ ᐊ ᐃᓯ ᓂᑐᐛᔨᒥᑯᒡ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐊᐅᑯᓐᒡ ᐊᓐᒡ ᒐ ᐱᒐᒡ᙮”

ᒪᑎᔪᐤ 7:21 ပူးပေါင်းရင်းမြစ်များ

ᒪᑎᔪᐤ 12:50

ᒧᔭᒻ ᓂᑲᐎᔾ ᑭᔭ ᓂᐧᑲᓂᓯᒡ ᓂᑦ ᐃᑕᔨᒪᐅᒡ ᐊᓐᒡ ᑲ ᑐᑕᒡ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐅᑦ ᐃᑕᔨᑎᒧᐅᓂᔪᐤ᙮”

ᒪᑎᔪᐤ 16:17

ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 18:19

“ᒥᓐ ᒋ ᐎᑎᒪᑎᓇᐛᐤ, ᓂᓱ ᐊᐛᓐᒋ ᑕᐱᔅᑯᓐ ᐊ ᐃᑕᔨᑎᒥᐃᑯᒡ ᒐᒂᔪᐤ ᑕᓐ ᐊ ᐃᓯ ᓂᑐᑎᒪᒡ ᐊᐅᑯᓐ ᐊᓐ ᒐ ᐃᓯ ᐃᑐᑎᒪᑯᒡ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 18:3

ᐊᑯ ᒂ ᐃᔅᒋᔄᑦ, “ᑕᑈ ᒋ ᐎᑎᒪᑎᓇᐛᐤ, ᒧᔭᒻ ᐊᑲ ᒂᔅᑲᑎᓯᔭᒂ ᐊᑲ ᐃᑕᔨᑕᑯᓯᔭᒂ ᒧᔭᒻ ᐊᐛᔅ ᐊ ᐃᑕᔨᑕᑯᓯᑦ, ᓇᒪ ᓂᑕ ᒋᑭ ᒋ ᐱᒐᓇᐛᐤ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒪᑎᔪᐤ 18:35

ᐊᑯ ᒋᓴᔅ ᒥᓐ ᒂ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᒐ ᐃᑐᑕᑕᐧᒄ ᓄᑕᐎᔾ ᒋᒋᒋᓯᑯᒡ ᐊ ᑕᑦ, ᐊᑲ ᐛᐸᔨᑎᒧᐛᒂᓂᒋ ᒋᐧᑲᓂᓱᐛᐅᒡ ᒋᑕᐃᐛᒡ ᐅᒡ᙮”

ᒪᑎᔪᐤ 19:24

ᒥᓐ ᐸᐃᒂᐤ ᓂᑭ ᐃᔅᒋᔄᓐ, ᐊᑐᐎᔅ ᐊᔨᒥᓂᔪᐤ ᐊᐛᓐ ᑲ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᔅᐱᔅ ᐊᓐ ᐊᐛᓯᔅ ᑲ ᒥᔅᑎ ᐱᔎᐅᑯᓇᑦ ᒐᒋ ᓴᐳᔅᑲᐧᒃ ᐅᔅᑲᒋᐧᑯᔪᐤ ᐊᓐᑕ ᐊ ᐱᑯᓇᔭᐱᔅᑲᔨᒡ᙮”

ᒪᑎᔪᐤ 25:10

ᐊᑯ ᐊᓐᒡ ᐊᑲ ᓇᔅᒡ ᐃᑈᐧᑲᒡ ᐅᔅᒋᓂᒋᔎᓯᒡ ᑲ ᐅᑎᓂᒐᒡ ᐱᒥᔪᐤ᙮ ᒪᒂᒡ ᒪᒃ ᐊ ᐃᔅᐱᔅ ᐊᑲ ᑕᒡ, ᒋ ᑎᑯᓯᓂᔪᐛ ᐊᓂᔭ ᐅᔅᒋᓂᐳᐛᓇ᙮ ᐊᓐᒡ ᒪᒃ ᐅᔅᒋᓂᒋᔎᓯᒡ ᑲ ᐊᔭᔅᑯᐎᒡ ᒋ ᐊᑎ ᐎᒐᐛᐅᒡ ᐊ ᐊᑎ ᐱᒐᔨᒋ ᐊᓐᑕ ᐊ ᒥᒋᓱᓇᓄᐎᒡ, ᐊᑯ ᒂ ᒋᐸᐛᑭᓄᐅᑦ ᐊᓐ ᔅᑐᐧᑭᓐ᙮”

ᒪᑎᔪᐤ 25:21

“ ‘ᑕᑈ ᒋ ᒥᔪᑐᑕᓐ ᑭᔭ ᑕᑈ ᒋ ᒥᔪ ᐊᐱᑎᓯᓐ,’ ᒋ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ᐊᑐᔅᒐᔅᑎᒥᓐ ᐊᓐ ᐊ ᐊᐱᓴᓯᒡ ᑕᓐ ᑲ ᐃᓯ ᐱᑯᓴᔨᒥᑯᔨᓐ ᐊᑯ ᐊᑐᐎᔅ ᐊ ᒥᓴᒋ ᒐᒂᔪᐛ ᒐ ᐱᔅᑎᓂᒪᑯᔨᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ᐱᒐ, ᒐ ᐸᒋ ᐎᒋᐃᔨᓐ ᑕᓐ ᐊ ᐃᓯ ᒥᔽᔨᑎᒪᓐ᙮’ ”

ᒪᑎᔪᐤ 26:39

ᐊᑯ ᐊᓐᑕ ᐛᔪᐎᔅ ᐎᔾ ᒂ ᐃᑐᑕᑦ, ᒋ ᐅᒋᒋᐧᑯᓂᐳᐤ ᒪᒃ, ᒂ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒐᒋ ᐃᓯᓇᑯᓂᒂ ᐸᒋ ᐃᒐᓂᒧᐎ ᐅ ᑕᓐ ᒐ ᐃᓯ ᐛᐎᓯᒐᔨᑎᒪᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ᐃᑐᑕᑭᓄᐤ, ᓇᒪᐎᔾ ᓂᔾ ᓂᑦ ᐃᑕᔨᑎᒧᐅᓐ᙮”

ᒪᑎᔪᐤ 26:42

ᐊᑯ ᒥᓐ ᒂ ᐊᔭᒥᐊᑦ ᒋᓴᔅ ᒂ ᐃᔅᒋᔄᑦ, “ᓄᑕ ᒐ ᐊᑲ ᒋ ᐃᒐᓂᑭᓄᐅᒂ ᐅ ᒐ ᐃᓯ ᐎᓯᒐᔨᑎᒪᓐ ᐊᐅᑯᓐ ᑭᑈ ᒐ ᐃᓯ ᐃᑐᑎᒪᓐ, ᒋᔾ ᒋᑦ ᐃᑕᔨᑎᒧᐅᓐ ᒐᒋ ᐃᑐᑕᑭᓄᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:35

ᐊᓐ ᐊᐛᓐ ᒐ ᐃᑐᑎᒧᒂ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᐊᐅᑯᓐ ᐊᓐ ᐛᐧᑲᓂᓯᔭᓐ ᑭᔭ ᐊᐅᑯᓐ ᐊᓐ ᐛᑲᐎᔭᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:47

ᒪᒃ ᒋᔅᒋᓯᒄ ᑐᑕᑯᔨᓇ ᒐᒋ ᒥᒋᑐᑎᒥᓐ, ᐊᑯᔅ ᑯᐃᑯᐱᑕ ᐊᓐ ᒋᔅᒋᓯᒄ᙮ ᐃᐛᒃ ᒋᑭ ᒥᔽᐤ ᒐᒋ ᐱᒐᔨᓐ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᒥᒄ ᐊ ᓂᐱᑕᔭᐱᔨᓐ ᐃᔅᐱᔅ ᐎ ᑕᐱᔅᑯᓐ ᒐᒋ ᑭᓄᐛᔨᑎᒥᓐ ᒋᔅᒋᓯᒂ ᒥᒋ ᐃᔅᑯᑕᒡ ᒪᒃ ᒐᒋ ᐃᑐᑕᔨᓐ᙮

ᓗᒃ 11:28

ᐊᑯ ᒋᓴᔅ ᒂ ᐃᑕᑦ, “ᓂᐦᐃ, ᑕᑈ, ᒥᒄ ᒪᒃ ᐅᔅᑕ ᓱᐛᔨᑕᑯᓱᐅᒡ ᐊᓐᒡ ᑲ ᐸᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᑭᔭ ᑲ ᓂᓇᐃᑎᒧᐛᒡ᙮”

ᓗᒃ 13:25

ᐊᑲ ᒪᒃ ᐛᒋ ᐱᒐᐛᐛᒂ, ᐃᔅᐱ ᒋᐸᐊᒐ ᒋᐱᔎᔪᐤ ᐊᓐ ᑲ ᑎᐸᔨᑕᐧᒃ ᐊᓂᔭ ᒥᒋᐛᐱᔪᐤ, ᐎᐎᑎᒥᒡ ᓂᐳᔭᒂ ᐊ ᑎᑥᐛᐃᒐᔭᒄ ᒋᑭ ᐃᔅᒋᔄᓇᐛᐤ, ‘ᐅᑎᐸᔨᒋᒐᐤ, ᐸᒋ ᔪᑕᓂᒧᐅᓇᓐ᙮’ ᑭᔭ ᒐ ᐃᓯ ᐎᑎᒪᑕᒄ, ‘ᓇᒪ ᒋᑭ ᐅᒋ ᓴᓂᒪᑎᓇᐛᐤ ᐛᔅ ᓇᒪ ᒋ ᒋᔅᒐᔨᒥᑎᓇᐛᐤ, ᓇᒪ ᑭᔭ ᓂ ᒋᔅᒐᔨᑕᓐ ᑕᓐᑕ ᐛᒋᔭᒄ᙮’ ”

ᓗᒃ 18:25

ᐊᑐᐎᔅ ᐊᔨᒥᓂᔪᐤ ᐊᐛᓐ ᑲ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᐃᔅᐱᔅ ᐊᓐ ᐊᐛᓯᔅ ᑲ ᒥᔅᑎ ᐱᔎᐅᑯᓇᑦ ᒐᒋ ᓴᐳᔅᑲᐧᒃ ᐅᔅᑲᒋᐧᑯᔪᐤ ᐊᓐᑕ ᐸᑯᓇᔭᐱᔅᑲᔨᒡ᙮”

ᓗᒃ 6:46

“ᒐᒂᓐ ᒪᒃ ᐛᒋ ᐃᓯᓂᐧᑲᓯᔭᒄ ᐅᑎᐸᔨᒋᒐᐤ, ᐊᑲ ᒪᒃ ᐃᑐᑎᒪᒄ ᑕᓐ ᐊ ᐃᓯ ᐎᑎᒪᑎᑯᒡ ᒐᒋ ᐃᑐᑎᒪᒄ ?

ᒠᓐ 14:7

ᓴᔅ ᒪᒃ ᐊ ᒋᔅᒐᔨᒥᔭᒄ ᓴᔅ ᒋᐸ ᒋᔅᒐᔨᒪᐛᐤ ᑭᔭ ᓄᑕᐎᔾ᙮ ᐊᓄᒡ ᒪᒃ ᓴᔅ ᒋ ᒋᔅᒐᔨᒪᐛᐤ ᑭᔭ ᓴᔅ ᔅᒋ ᐛᐱᒪᐛᐤ᙮”

ᒠᓐ 15:23

ᐛᔅ ᐊᓐ ᐊᐛᓐ ᑲ ᐛᐧᑲᓯᑦ, ᓄᑕᐎᔭ ᑭᔭ ᐛᐧᑲᑕᐤ᙮

ᒠᓐ 3:5

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐸᑐᔅ ᓂᐱᒡ ᑭᔭ ᐊᒐᐧᑯᐅᓂᒡ ᐅᒋ ᐱᒪᑎᓯᒐ᙮

ᒠᓐ 5:17

ᐊᑯ ᒂ ᐃᑎᑯᒡ ᒋᓴᓴ, “ᓄᑕᐎᔾ ᒧᔅ ᒥᔪᑐᑎᒻ ᐊᑎ ᐊ ᐊᔭᒥᐊᐅᒋᓯᑲᔨᒡ, ᑭᔭ ᓂᔾ ᒪᒃ ᐊᐅᑯᓐ ᒐ ᐎ ᐃᑎᔭᓐ᙮”

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᒠᓐ 7:17

ᐊᓐ ᒪᒃ ᐊᐛᓐ ᓱᒃ ᐎ ᐃᑐᑎᒧᐛᒐ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐊᓂᔭ ᑕᓐ ᐊ ᐃᓯ ᒋᔅᑯᑎᒪᒐᐅᒡ ᐊᑯᑕ ᒐ ᐅᒋ ᒋᔅᒐᔨᑕᐧᒃ ᒋᓴᒪᓂᑐᐛ ᑲ ᐸᒋ ᐃᑎᓱᒥᒂᓂ ᐊᓂᔭ ᒐᒋ ᐃᓯ ᒋᔅᑯᑎᒪᒐᐅᒡ ᑭᔭ ᒪᒃ ᒥᒄ ᓂᔾ ᓂᑦ ᐃᑕᔨᑎᒧᐅᓂᒡ ᐛᒋᐱᔨᒂ᙮

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:2

ᐊᑲᐎᔾ ᓂᔅᐱᑐᐛᐧᑯᒡ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐃᔭᐱᒡ ᓂᑐᐛᔨᒥᐧᒄ ᒋᓴᒪᓂᑐᐤ ᐃᔭᒡ ᒐᒋ ᐃᑕᔨᑕᑯᐃᑕᒄ ᐊ ᐅᔅᒋᑕᑦ ᑕᓐ ᐊ ᐃᓯ ᒪᒥᑐᓇᔨᑎᒺᒄ᙮ ᐊᑯ ᒪᒃ ᒐ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᒋᑭ ᒋᔅᒐᔨᑕᓇᐛᐤ ᒐᒂᔪᐤ ᒪᔽᓯᔨᒡ ᑭᔭ ᒐᒂᔪᐤ ᓇᐊᔨᑎᒥᐃᑯᑦ ᒋᓴᒪᓂᑐᐤ, ᑭᔭ ᐊᓂᔭᔪᐛ ᒐᒂᔪᐛ ᓇᔅᒡ ᐊ ᑯᐃᔅᑯᓇᒂᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:13

ᐛᔅ ᑕᐸ ᐊᓐᑕ ᐊ ᐸᑕᐧᒃ ᐊᐛᓐ ᒧᓱᓴ ᐅᐎᓱᐛᐅᓂᔪᐤ ᒋᑭ ᐅᒋ ᑯᐃᔅᑯᓇᑯᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐃᑐᑕᒐ ᑕᓐ ᐊ ᐃᑎᔅᑕᔨᒡ ᐊᓐᑕ ᐊᑯᑕ ᒐ ᐅᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᐃᐱᓯᔭᓇ 6:6

ᐊᑲᐎᔾ ᒥᒄ ᐊ ᑭᓄᐛᐱᒥᔅᒃ ᒋᐅᒋᒪᒻ ᓱᒃ ᐎᔾ ᐊᑐᔅᒐ ᒧᔭᒻ ᒥᒄ ᓇᐸᐛ ᑲ ᐎ ᓂᓇᐃᑎᒪᐊᑦ ᒐᒋ ᐃᓯᓇᑯᓯᔨᓐ ᐛᔅ ᙭ ᐅᑦ ᐊᐱᒋᐊᑭᓇ ᓂᑐᐛᔨᑕᑯᓯᔪᐛ ᓇᔅᒡ ᐅᑕᐃᒡ ᒐᒋ ᐅᒋ ᐃᑐᑎᒥᔨᒋ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

1 ᑕᓴᓗᓂᔭᓇ 4:3

ᐛᔅ ᒋᓴᒪᓂᑐᐤ ᐊᓂᔭ ᐅᑦ ᐃᑕᔨᑎᒧᐅᓐ ᒐᒋ ᐸᔭᒋᓯᐛᒄ ᑭᔭ ᐊᑲ ᓇᔅᒡ ᐎᓂᓱᐛᑎᓯᐅᓐ ᒐᒋ ᑎᒂᒡ ᒋᐱᒪᑎᓯᐅᓄᐛᒡ᙮

1 ᑕᓴᓗᓂᔭᓇ 5:18

ᒥᒄ ᑕᓐ ᒐ ᐃᔅᐱᔪᐛᒂ ᒧᔅ ᓂᓇᔅᑯᒧᒄ᙮ ᐛᔅ ᐊᔪᐅᒄ ᐅᔭ ᐊ ᐃᓯ ᐱᑯᓴᔨᒥᑕᒄ ᒋᓴᒪᓂᑐᐤ ᒐᒋ ᐃᑐᐛᒄ ᐊ ᐎᒐᐅᒪᑯ ᙭ ᒋᓴᓴ᙮

ᑕᐃᑕᔅ 1:16

ᐃᔅᒋᔄᐅᒡ ᐊ ᒋᔅᒐᔨᒪᒡ ᒋᓴᒪᓂᑐᐛ ᒥᒄ ᒪᒃ ᐊᓂᔭ ᐊ ᐃᑕᑎᓯᒡ ᓄᑯᓂᔪᐤ ᐊᑲ ᑕᑈ ᒋᔅᒐᔨᒪᒡ ᒋᓴᒪᓂᑐᐛ ᐛᔅ ᓇᔅᒡ ᒥᒐᑎᓯᐅᒡ᙮ ᓇᒪ ᓇᔅᒡ ᓂᓇᐃᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᐃᑕᔨᑕᑯᓱᐅᒡ ᒐᒋ ᒥᔪᑐᑕᒡ᙮

ᐃᑉᕈᐛ 13:21

ᒥᔅᑎ ᔅᒋ ᐃᑐᑎᒪᑯᐛᐤ ᒋᓴᒪᓂᑐᐤ ᒋᓴᓴ ᐅᒋ ᑭᔭ ᓂᑐᑎᒪᒄ ᒐᒋ ᒥᔨᑕᒄ ᒥᓯᐛ ᐊᓂᔭ ᑲ ᒥᔽᔨᒋ ᒐᒂᔪᐛ ᐊ ᐃᓯ ᓂᑐᐛᔨᑎᒪᒄ ᒐᒋ ᐃᑐᑎᒺᒄ ᐅᑦ ᐃᑕᔨᑎᒧᐅᓐ᙮ ᓂᑦ ᐊᔭᒥᐊᐤ ᑭᔭ ᒐᒋ ᐊᑐᔅᒐᑦ ᐊᓐᑕ ᒋᐱᒪᑎᓯᐅᓄᐛᒡ ᑭᔭ ᒐᒋ ᓂᓇᐊᔨᑎᒥᐃᑯᑦ ᐊᓂᔭ ᐊ ᐃᑕᑎᓯᐛᒄ᙮ ᒧᔅ ᒪᒃ ᒪᒥᒋᒪᑕᐤ ᒋᓴᔅ ᙭ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᐃᑉᕈᐛ 4:6

ᐊᑎ ᐊᒋ ᐃᓯᓇᑯᓯᒡ ᐊᓐᒡ ᓂᔅᑎᒻ ᑲ ᐎᑎᒧᐛᑭᓄᐎᒡ ᒥᔽᒋᒧᐅᓂᔪᐤ ᐊᑲ ᐅᒋ ᐎ ᑕᑈᑕᒡ ᑭᔭ ᐊᑲ ᐅᒋ ᐊᐱᓯᑕᒡ ᑭᔭ ᑭᑈ ᓇᒪ ᐛᐛᒡ ᐅᒋ ᐅᑎᓴᐸᑎᒧᒡ᙮ ᐊᔅᒄ ᒪᒃ ᓇᐃᐱᔪᐤ ᒐᒋ ᐱᒐᓄᐅᒡ ᐊᓐᑕ ᒐᒋ ᐊᔽᐱᓇᓄᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:22

ᒥᒄ ᓂᑐᑎᒧᑕ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᑲ ᒪᒃ ᐃᑐᑎᒧᑕ, ᒋᐎᔭᓯᐃᓱᓐ᙮ ᐃᑐᑎᒻ ᑕᓐ ᐊ ᐃᑎᔅᑕᔨᒡ᙮

1 ᐱᑕᕐ 2:15

ᐛᔅ ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᓇᔅᒡ ᒐᒋ ᒥᔪᓇᒂᒋ ᒋᐱᒪᑎᓯᐅᓄᐛᐛ ᐊᑲ ᓇᔅᒡ ᓂᑎᒥᒄ ᒐᒋ ᐃᓯ ᐊᔨᒧᑕᒡ ᒥᔽᒋᒧᐅᓂᔪᐤ ᐊᓐᒡ ᐊᑲ ᒋᔅᒐᔨᑕᒡ ᑕᓐ ᐊ ᐃᓯ ᒋᔎᐤ ᐃᔨᒥᒡ᙮

1 ᐱᑕᕐ 4:2

ᐊᑯ ᒪᒃ ᑕᓐ ᐊᔅᒄ ᒐ ᐃᔅᐱᔅ ᐱᒪᑎᓯᒂ ᐅᑕ ᐊᔅᒋᒡ ᓇᒪ ᐊᑯ ᒋᐸ ᐅᒋ ᑎᐸᔨᒥᑯᐤ ᐎᔾ ᑕᓐ ᐊ ᐃᓯ ᒧᔅᑕᓇᔨᑕᐧᒃ ᑎᐱᔨᐛ ᒐᒋ ᐃᑕᑎᓯᑦ ᒪᒃ ᐃᐛᒃ ᒋᓴᒪᓂᑐᐛ ᑕᓐ ᐊ ᐃᓯ ᓂᑐᐛᔨᒥᑯᑦ ᐊᔪᐅᒄ ᐊᓂᔭ ᒋᐸ ᐎ ᓂᓇᑭᑐᐛᔨᑎᒥᐃᑯᐤ ᒐᒋ ᐃᑐᑕᐧᒃ᙮

ᒋᔅᒐᔨᑕᑯᑕᒐᐅᓐ 2:27

ᐊᓂᔭ ᑎᐸᔨᒐᐅᓂᔪᐤ ᑲ ᐸᒋ ᒥᔨᑦ ᓄᑕᐎᔭ, ᐊᐅᒄ ᐊᓂᔭ ᒐ ᒥᔨᒂᐤ ᑭᔭ ᐎᔨᐛᐤ᙮ ᐊᓐᑕ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᔨᒡ, ᓇᔅᒡ ᒋᑭ ᐅᒋᒪᐧᑲᑐᐛᐤ᙮ ᐊᓂᔭᔪᐛ ᒪᒃ ᒐ ᐊᑲ ᓂᑐᑕᑯᒂ ᒋᑭ ᐱᒂᐛᐤ ᒧᔭᒻ ᐎᔭᑭᓐ ᓇᔅᒡ ᐊ ᐱᒂᐃᑭᓄᐅᒡ, ᐊᑯᓐ ᒐ ᐃᑐᑐᐛᑦ᙮

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 3:5

ᒋᑭ ᐛᐸᔅᐱᓱᒡ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ᙮ ᓇᒪ ᓂᑭ ᐅᒋ ᑲᓯᓯᓇᐊᒺᓐ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᒥᓯᓇᐃᑭᓂᒡ ᐊᓐᑕ ᒪᓯᓇᓱᔨᒋ ᐊᐛᔪᐛ ᒐ ᐊᔭᔨᒡ ᑲᒋᒡ ᐱᒪᑎᓯᐅᓂᔪᐤ᙮ ᓂᑭ ᐎᑎᒺᓐ ᐊᓐᑕ ᓄᑕᐎᔭ ᑭᔭ ᐊᓐᒋᓇ ᐊ ᑕᔨᒋ ᓂᔾ ᐊ ᑕᐅᒡ ᐊ ᐃᓯ ᑎᐸᔨᑕᑯᓯᒡ᙮”