ᒪᑎᔪᐤ 6:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ “ᑭᔭ ᐊ ᐊᔭᒥᐊᔭᑯ, ᐊᑲᐎᔾ ᒋᑭ ᓂᔅᐱᑐᐛᐛᐅᒡ ᐊᓐᒡ ᑲ ᐊᔭᒥᐊᐧᑲᓱᒡ᙮ ᐛᔅ ᓇᔅᒡ ᒥᔽᔨᑎᒧᒡ ᐊ ᓇᓂᐳᐅᒡ ᐊ ᐊᔭᒥᐊᒡ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᐊᓐᑕ ᓴᓯᑲᓐ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᒋ ᐎᑎᒪᑎᓇᐛᐤ ᓴᔅ ᐅᒡ ᐊᔭᐅᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:5 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 5:2

ᓂᑐᑕ ᐊ ᐃᔅᒋᔄᒥᑲᒡ ᓂᑕᑈᐅᓐ, ᓂᒋᓴᐅᒋᒪᒻ, ᑭᔭ ᓂᒋᓴᒪᓂᑐᒻ: ᐛᔅ ᒋᔾ ᒋᑭ ᐊᔭᒥᐊᔅᑕᑎᓐ᙮

ᑎᐱᑦ ᐅᓂᑭᒧᐅᓇ 55:17

ᐊ ᐅᑕᑯᓯᒡ, ᑭᔭ ᐊ ᒐᒋᓴᐸᔭᒡ, ᑭᔭ ᐊ ᐊᐱᑕᒋᓯᑲᒡ, ᓂᑭ ᐊᔭᒥᐊᓐ, ᑭᔭ ᓂᑭ ᒋᔄᐛᑕᑈᓐ, ᒋᑭ ᓂᑐᑎᒻ ᒪᒃ ᓂ ᐸᑕᑯᓯᐅᓂᔪᐤ᙮

ᒪᑎᔪᐤ 21:22

ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᐊ ᐊᔭᒥᐊᔭᒄ, ᑕᑈᑎᒧᒄ ᓴᔅ ᐊ ᐊᔭᔭᒄ ᑭᔭ ᒐ ᒥᔨᑯᐅᔭᒄ ᐊᓐ ᑲ ᐃᓯ ᓂᑐᑎᒪᔭᒄ᙮”

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

ᒪᑎᔪᐤ 23:5

ᒥᓯᐛ ᒐᒂᔪᐤ ᑲ ᑐᑕᒡ ᐅᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐸᕆᓯᔨᒡ ᐱᑯᓴᔨᑎᒧᒡ ᒥᓯᐛ ᐊᐛᔪᐛ ᒐᒋ ᐛᐱᒥᑯᒡ᙮ ᐊᓂᔭ ᐊ ᐃᑕᔅᐱᓱᒡ ᑭᔭ ᐊ ᑕᐱᔅᑲᒡ ᒥᐅᑎᓯᔪᐤ ᒋ ᐱᑯᓴᔨᒧᐅᒡ ᒐᒋ ᐃᑕᔨᒥᑯᒡ ᐊᐛᔪᐛ ᓇᔅᒡ ᐊ ᐊᔭᒥᐊᐛᑎᓯᒡ᙮

ᒪᑎᔪᐤ 23:6

“ᓂᑐᐛᔨᑎᒧᒡ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᔭᑭᓄᐎᒡ ᐊᔭᒥᐊᐅᒋᐛᐱᒡ, ᑭᔭ ᐊ ᒥᒋᓱᓇᓄᐎᒡ ᒐᒋ ᐊᔭᑭᓄᐎᒡ ᐊᓐᑕ ᐊ ᐅᒋᒪᐅᐱᓇᓄᐎᒡ᙮

ᒪᑎᔪᐤ 6:1

“ᐃᔭᒂᒥᒄ ᑕᓐ ᐊ ᐃᓯ ᒥᔪᑐᑕᒐᔭᒄ᙮ ᐊᑲᐎᔾ ᓇᔅᒡ ᐎᓄᑯᐃᑎᓱᒄ ᐊᓐᑕ ᐊ ᒥᒐᑎᓇᓄᐅᒡ ᒥᒄ ᐊ ᐃᑕᔨᑎᒪᒄ ᒐᒋ ᐛᐱᒥᑕᑯᒡ ᐊᐛᓐᒋ, ᐛᔅ ᐅ ᐃᑐᑎᒪᒂ, ᐊᑲᐎᔾ ᐱᑯᓴᔨᑎᒧᒄ ᒐᒋ ᑎᐸᐊᒪᑕᒄ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ᙮”

ᒪᑎᔪᐤ 6:16

“ᒪᒃ ᐃᔅᐱ ᐊᑲ ᐅᑎᓂᒪᒂ ᒥᒋᒻ ᒥᒄ ᐊ ᐎ ᐊᔭᒥᐊᔭᒄ, ᐊᑲᐎᔾ ᓂᔅᐱᑕᐧᑯᒡ ᑲ ᐊᔭᒥᐊᐧᑲᓱᒡ᙮ ᐊᒪᒋᒂᔨᒡ ᒐᒋ ᐛᐱᒥᑯᒡ ᐃᔪᐛ ᐊ ᐊᑲ ᒥᒋᓱᒡ ᒥᒄ ᐅᓴ ᐊ ᐊᔭᒥᐊᒡ᙮ ᑕᑈ ᒋᑦ ᐃᑎᓇᐛᐤ ᓴᔅ ᒋ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:2

“ᑭᔭ ᐊ ᒥᔨᑦ ᐊᐛᓐ ᒐᒂᔪᐤ ᐊ ᐃᓯ ᓄᑕᐱᔨᑦ, ᐊᑲᐎᔾ ᐃᑐᑕ ᐅ ᒥᓯᐛ ᐊᐛᓐ ᒐᒋ ᒋᔅᒐᔨᑕᐧᒃ, ᐛᔅ ᐊᓐᒡ ᐎᔨᐛᐤ ᑲ ᐊᔭᒪᐊᐧᑲᓱᒡ ᓇᔅᒡ ᐎ ᑲ ᒐᔅᒐᔨᑕᑯᐅᒡ ᑕᓐ ᐊ ᐃᓯ ᒥᔪᑐᑕᒡ᙮ ᒥᒄ ᐊ ᐃᑕᔨᑎᒥᐃᑯᒡ ᒐᒋ ᒪᒥᒋᒥᑯᒡ ᐊᐛᔪᐛ᙮ ᑕᑈ ᒋ ᐎᑎᒪᑎᓇᐛᐤ, ᓴᔅ ᒋᓴᒡ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 9:38

ᐊᔭᒥᐊᒄ, ᓂᑐᑎᒧᐛᐧᒄ ᑲ ᑎᐸᔨᑕᐧᒃ ᐅᔭ ᑲᒋ ᐃᓯ ᓂᑕᐅᒋᓂᔨᒋ ᓂᑕᐅᒋᑕᑭᓇ ᒐᒋ ᐃᑎᓴᐛᑦ ᒥᒐᑦ ᐊᐛᔪᐛ ᐊᓐᑕ ᒐ ᐃᓯ ᒪᐅᒋᑕᑭᓄᐎᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:25

ᑭᔭ ᑕᑥᐤ ᓂᐳᔨᓇ ᐊ ᐊᔭᒥᐊᔨᓐ, ᐛᐸᔨᑎᒧᐤ ᐊᓐ ᐊᐛᓐ ᑲ ᐅᓂᑐᑕᔅᒃ, ᑭᔭ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᑭᔭ ᐎᔾ ᒐ ᐛᐸᔨᑎᒪᔅᒃ ᒋᒥᒋᑥᐅᓇ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:38

ᒪᒂᒡ ᒪᒃ ᒥᓐ ᐊ ᒋᔅᑯᑎᒧᐛᑦ ᒋ ᐃᑕᐤ, “ᐃᔭᒂᒥᔅᑐᐛᐧᑯᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ, ᐛᔅ ᓂᑐᐛᔨᑎᒧᒡ ᒐᒋ ᒋᔅᑕᔨᒪᑭᓄᐎᒡ᙮ ᒥᔽᔨᑎᒧᒡ ᐊ ᐳᔅᑎᔅᑲᒡ ᑲ ᒋᓏᑭᓂᔨᒋ ᐊᑯᐸ, ᑭᔭ ᒥᔽᔨᑎᒧᒡ ᐊ ᐊᑎᒥᔅᑯᐛᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ᙮

ᓗᒃ 11:43

ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐸᕆᓯᔨᒡ᙮ ᐛᔅ ᓇᔅᒡ ᐊᓐᑕ ᐊ ᒋᔅᑕᔨᑕᒂᒡ ᒍᐤ ᐊᔭᒥᐊᐅᒋᐛᐱᒡ ᐊᑯᑕ ᐛ ᐊᐃᓱᔭᒄ ᑭᔭ ᓇᔅᒡ ᐊ ᓂᑐᐛᔨᑎᒪᒄ ᒐᒋ ᒋᔅᑕᔨᒥᑯᔭᒄ ᐊ ᐛᒋᔭᒥᑯᔭᒄ ᐸᐸᒧᑕᔭᑯ ᐊᓐᑕ ᑲᒋ ᒥᒐᑎᓇᓄᐅᒡ ᐊ ᐊᑕᐛᓄᐅᒡ᙮”

ᓗᒃ 18:1

ᒋᓴᔅ ᒋ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᔨᒋ ᒧᔅ ᒐᒋ ᐊᔭᒥᐊᔨᒋ, ᑭᔭ ᒐ ᐊᑲ ᒋ ᑕᔅᑎᑲᒋᔨᒋ᙮

ᓗᒃ 18:13

“ᐊᑯ ᒪᒃ ᐊᓐ ᓇᐸᐤ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ, ᐃᔅᐱ ᐊ ᐊᔭᒥᐊᑦ ᐛᔪᐎᔅ ᐊᓐᑕ ᒋ ᐅᒋᑲᐳᐤ ᐊᓐᑕ ᑲ ᓂᐳᔨᒋ ᐊᓂᔭ ᐸᕆᓯᐊ ᓇᒪ ᑭᔭ ᐛᐛᒡ ᐅᒋ ᑎᔅᑎᓴᐳᐤ ᒋᒋᒋᓯᑯᒡ ᐛᔅ ᒋ ᑯᓯᑯᑕᐊᐤ᙮ ᒋ ᐃᔅᒋᔄᐤ, ‘ᒋᓴᒪᓂᑐᐤ ᐸᒋ ᒋᔅᑎᒪᒐᔨᒥ ᐊ ᒥᒋᑐᑎᒪᓐ᙮’ ” ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ ᐃᔅᐱ ᑲᒋ ᐃᓯ ᑎᐸᒋᒧᑦ᙮

ᓗᒃ 20:47

ᐅᑎᓂᒧᐛᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᑲ ᐸᐸᐃᑯᓯᔨᒋ ᐃᔎᐛ ᑭᔭ ᐊ ᐊᔭᒥᐊᒡ ᓇᐅᔅ ᐊᔭᒥᐊᐅᒡ, ᒥᒄ ᒪᒃ ᐊᔭᒥᐊᐧᑲᓱᒡ ᐅᔭ ᐊ ᐃᑎᒡ᙮ ᐊᐅᑯᓐᒡ ᒪᒃ ᐅᒡ ᐃᐛᒃ ᒐ ᐊᒂᑕᔨᑕᑯᓂᔨᒡ ᑕᓐ ᒐ ᐃᓯ ᑎᐸᔅᑯᓂᑯᒡ ᒋᓴᒪᓂᑐᐛ᙮”

ᓗᒃ 6:24

ᐃᔭᒂ ᒋᔨᐛᐤ ᑲ ᐛᔪᑎᓯᔭᒄ ᐊᓄᒡ, ᐛᔅ ᓇᔅᒡ ᓴᔅ ᒋ ᑭᓄᐛᔨᑕᓇᐛᐤ ᐊ ᐎᔭᔨᑕᒂᒡ ᐱᒪᑎᓯᐅᓐ᙮

ᒠᓐ 16:24

ᓇᒪ ᐊᔅᒄ ᒋ ᐅᒋ ᓂᑐᑎᒧᓇᐛᐤ ᒐᒂᓐ ᓂᑦ ᐃᓯᓂᐧᑲᓱᐅᓂᒡ ᐅᒡ᙮ ᓂᑐᑎᒪᒄ ᑭᔭ ᒐ ᒥᔨᑯᐅᔭᒄ, ᑭᔭ ᓇᔅᒡ ᒐ ᒥᔽᔨᑎᒪᒄ᙮”

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

1 ᑕᓴᓗᓂᔭᓇ 5:17

ᒧᔅ ᐊᔭᒥᐊᒄ᙮

ᒋᒥᔅ ᐅᒥᓯᓇᐊᒪᒐᐅᓐ 4:6

ᒥᒄ ᒪᒃ ᒋᓴᒪᓂᑐᐤ ᐊᑐᐎᔅ ᒥᔅᑎ ᒥᔭᐤ ᓱᐛᔨᒋᒐᐅᓂᔪᐤ ᐊᓂᔭ ᐊᐛᔪᐛ ᐎᔾ ᐊ ᑕᑦ ᑲ ᐃᓯ ᐱᒪᑎᓯᔨᒋ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᓂᔅᑯᔅᑐᐛᐤ ᐊᓂᔭᔪᐛ ᑲ ᒋᔅᑕᔨᒥᓱᔨᒋ ᒥᒄ ᒪᒃ ᓱᐛᔨᒋᒐᐅᓂᔪᐤ ᒥᔭᐤ ᐊᓂᔭ ᑲ ᑎᐱᑕᔨᒥᓱᔨᒋ᙮