ᒪᑎᔪᐤ 6:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ “ᐊᐅᒄ ᒪᒃ ᐛᒋ ᐃᑎᑎᑯᒡ ᒐ ᐊᑲ ᐊᔨᒪᔨᑎᒪᒄ ᒐᒂᓐ ᒐ ᒥᒋᔭᒄ ᑭᔭ ᒐᒂᓐ ᒐ ᒥᓂᔭᒄ ᒐᒋ ᐅᒋ ᐱᒪᑎᓯᔭᒄ ᑭᔭ ᒪᒃ ᒐᒂᓐ ᒐ ᒋᔅᑭᒪᒄ᙮ ᓇᒪ ᓇ ᐅᔅᑕ ᒋᔅᑕᔨᑕᑯᓐ ᐱᒪᑎᓯᐅᓐ ᐃᔅᐱᔅ ᒥᒋᒻ, ᒪᒃ ᑭᔭ ᒥᔪᐤ ᐃᔅᐱᔅ ᐊᐱᒋᑕᐅᓇ ?

ᒪᑎᔪᐤ 6:25 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 55:22

ᐱᔅᑎᓂᒧᐤ ᒋ ᐎᐅᓱᓂᔪᐤ ᑎᐸᔨᒋᒐᓱᐤ, ᒋᑭ ᓴᓯᑐᓂᒄ ᒪᒃ᙮ ᓇᒪ ᓂᑕ ᒋᑭ ᓇᐊᔨᒪᐤ ᐅᑯᐃᔅᑯᑕᑎᓯᐛ ᒐᒋ ᐊᒋᐸᔨᐊᑭᓄᐎᔨᒋ᙮

ᒪᑎᔪᐤ 10:19

ᐃᔅᐱ ᒪᒃ ᐱᑎᑲᐃᑯᔭᒂ ᐊᓐᑕ, ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ᐃᔅᒋᔄᔭᒄ, ᐛᔅ ᐃᔅᐱ ᐅᑎᒋᐱᔨᒐ ᐊᓐ ᒐ ᐃᑐᑕᑯᔭᒄ ᒋᑭ ᒥᔨᑯᓇᐛᐤ ᑕᓐ ᒐ ᐃᔅᒋᔄᔭᒄ᙮

ᒪᑎᔪᐤ 13:22

ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑎᑯᓂᔨᒋ ᑲ ᑲᓱᑕᐛᔅᑯᒋ ᓂᐱᓯᔭᑎᑯᒡ, ᐊ ᐊᑎ ᓂᑕᐅᒋᑦ ᒪᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᓂᔭ ᓇᔅᒡ ᐊ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ᐅᓱᓇᔭᓂᒥᒡ ᐊ ᐃᑎᒡ ᑭᔭ ᐱᓯᒄ ᐊ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ᒥᓂᓱᐎᒡ ᐅᐱᒪᑎᓯᐅᓄᐛᒡ᙮

ᒪᑎᔪᐤ 6:31

“ᐊᑲᐎᔾ ᒪᒃ ᒧᔅ ᒪᒥᑐᓇᔨᑎᒥᒄ ᒐᒋ ᐃᔅᒋᔄᔭᒄ, ‘ᒐᒂᓐ ᒐ ᒥᒋᔭᒡ ?’ ᑭᔭ ᒪᒃ ‘ᒐᒂᓐ ᒐ ᒥᓂᔭᒡ ?’ ᑭᔭ ᒪᒃ ‘ᒐᒂᓐ ᒐ ᒋᔅᑭᒪᒡ ?’

ᒪᑎᔪᐤ 6:34

ᐊᑲᐎᔾ ᐊᔨᒪᔨᑎᒧᒄ ᑕᓐ ᒐ ᐃᔅᐱᔨᒡ ᒐ ᐛᐸᒡ, ᐛᔅ ᒐ ᐛᐸᒡ ᒋᑭ ᐊᔨᒪᔨᑎᒧᒥᑭᓐ᙮ ᐛᔅ ᓴᔅ ᐃᔅᐱᔪᐤ ᑕᓐ ᒐ ᐃᓯ ᐊᔨᒪᔨᑎᒥᓐ ᐊᓄᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:11

ᐃᔅᐱ ᒪᒃ ᒪᑯᓂᑯᔭᒂ ᑭᔭ ᐃᑐᑕᐃᑯᔭᒂ ᐊᓐᑕ ᒐ ᑎᐸᔅᑯᓂᑯᔭᒄ ᐊᑲᐎᔾ ᓂᑲᓐ ᒋᑭ ᐅᒋ ᐊᔨᒪᔨᑎᒥᐃᑯᓇᐛᐤ ᑕᓐ ᒐ ᐃᔅᒋᔄᔭᒄ, ᒥᒄ ᑕᓐ ᒐ ᐃᓯ ᒥᔨᑯᐛᒂ ᒐ ᐃᔅᒋᔄᔭᒄ ᒪᒂᒡ ᐊᓐᑕ ᑕᔭᒂ ᐊᑯᓐ ᐊᓐ ᐃᔅᒋᔄᒄ᙮ ᐛᔅ ᑕᐸ ᒋᔨᐛᐤ ᒋᑭ ᐅᒋ ᐃᔨᒥᓇᐛᐤ ᐊᓐᑕ ᒪᒂᒡ ᐃᔨᒥᔭᒂ, ᑲ ᐸᔭᒋᓯᔨᒡ ᐊᒐᐧᒄ ᐊᐅᒄ ᒐ ᐃᔨᒥᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:19

ᒥᒄ ᒪᒃ ᐊᓂᔭ ᓇᔅᒡ ᐊ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ᐅᓱᓇᔭᓂᒥᒡ ᐊ ᐃᑎᒡ ᑭᔭ ᐱᓯᒄ ᐊ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮

ᓗᒃ 12:11

ᐊᑯ ᒋᓴᔅ ᒂ ᐃᔅᒋᔄᑦ, “ᒧᔭᒻ ᑎᐸᔅᑯᓂᒐᐅᒋᐛᐱᒡ ᐃᑐᑕᐃᑯᔨᓇ ᑭᔭ ᒍᐤ ᐊᔭᒥᐊᐅᒋᐛᐱᒡ ᑭᔭ ᒋᓴᐅᒋᒪᐛ ᐊ ᑕᔨᒋ ᒐᒋ ᑎᐸᔅᑯᓂᑯᔨᓐ ᐊᑲᐎᔾ ᒥᑯᔅᑲᑕᔨᑕ ᑕᓐ ᒐ ᐃᔅᒋᔄᔨᓐ ᑭᔭ ᑕᓐ ᒐ ᐃᓯ ᓂᔎᐅᓯᑥᔨᓐ ᒐᒋ ᐅᒋ ᐎᒋᐃᓱᔨᓐ᙮

ᓗᒃ 8:14

ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑲᓱᑕᐛᔨᒋ ᒥᔅᑯᓯᔭ ᐊ ᑎᑯᓂᔨᒋ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᓂᑐᑎᒧᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᒥᒄ ᒪᒃ ᐊᓂᔭ ᐅᑕᑈᑎᒧᐅᓄᐛᐤ ᒐᒃ ᓂᓱᐅᓇᒋᑕᑭᓄᐅᔪᐤ ᐛᓴ ᐊ ᐊᔨᒪᔨᑎᒥᐃᑯᒡ ᐊ ᐃᔅᐱᔨᒡ ᐅᐱᒪᑎᓯᐅᓄᐛᒡ ᑭᔭ ᐛᔪᑎᓯᐅᓂᔪᐤ ᐊ ᒪᒥᑐᓇᔨᑎᒥᐃᑯᒡ, ᑭᔭ ᒥᒄ ᐊᔅᒋᔪᐤ ᒐᒂᔪᐛ ᐊ ᒪᒥᑐᓇᔨᑎᒥᐃᑯᒡ ᒐᒋ ᐅᒋ ᒥᔽᔨᑕᒡ᙮ ᐊᑯ ᒪᒃ ᓇᒪ ᒋ ᐃᓯ ᓂᑕᐅᒍᐅᒡ ᑕᓐ ᐊᓂᔭᔪᐤ ᒋᐸ ᐃᓯ ᓂᑕᐅᒍᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

1 ᑯᕆᓐᑎᔭᓇ 7:32

ᒥᓯᐛ ᐅ ᓂᑦ ᐃᔅᒋᔄᓐ ᐊᑲ ᓂᑐᐛᔨᒥᑎᑯᒡ ᒐᒋ ᐊᔨᒪᔨᑎᒪᒄ᙮ ᐊᑲ ᑲ ᓂᐳᐅᑦ ᓇᐸᐤ, ᐃᐛᒃ ᐃᑕᔨᑎᒥᐃᑯᐤ ᑕᓐ ᐊ ᐃᓯ ᓂᑐᐛᔨᒥᑯᑦ ᒋᓴᒪᓂᑐᐤ ᒐᒋ ᐃᑎᑦ᙮

ᐱᓕᐱᔭᓇ 4:6

ᐊᑲᐎᔾ ᒐᒂᓐ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ᙮ ᐃᔭᐱᒡ ᒥᓯᐛ ᑕᓐ ᒐ ᐊᑎ ᐃᔅᐱᔪᐛᒂ ᐊᔭᒥᐊᒄ, ᐊ ᐛᐎᑎᒧᐛᒄ ᒋᓴᒪᓂᑐᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᒄ᙮ ᑭᔭ ᒋᐸ ᓂᓇᔅᑯᒪᐛᐤ᙮

2 ᑎᒧᑎ 2:4

ᐛᔅ ᒪᓯᒐᐤ ᐃᔪᐤ ᓱᒃ ᑯᒋᑕᐤ ᒐᒋ ᓇᐊᔨᑎᒪᐊᑦ ᐊᓂᔭ ᑲ ᓂᑲᓂᔅᑲᑯᑦ ᑭᔭ ᓇᒪ ᓇᔅᒡ ᐊᐱᑕᔨᑎᒥᐃᑯᐤ ᒐᒋ ᐎᒋᐃᐛᑦ ᑕᓐ ᐊ ᐃᑎᓇᓄᐎᒡ ᐅᑕ ᐊᔅᒋᒡ᙮

1 ᐱᑕᕐ 5:7

ᐎᔾ ᐱᔅᑎᓂᒧᐤ ᒥᓯᐛ ᑕᓐ ᐊ ᐃᓯ ᒥᑯᔅᑲᑎᔅᑲᑯᔨᓐ ᒐᒂᓐ, ᐛᔅ ᐎᔾ ᒧᔅ ᒋ ᓂᓇᑭᑐᐛᔨᒧᒄ ᒥᓯᐛ ᑕᓐ ᐊ ᐃᔅᐱᔨᐃᑯᐅᑦ ᒐᒂᔪᐤ ᒋᐱᒪᑎᓯᐅᓂᒡ᙮