ᒪᑎᔪᐤ 6:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ “ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ, ᐛᔅ ᐸᐃᒄ ᐊᓂᔭ ᒋᑭ ᓴᒋᐊᐤ, ᑭᔭ ᑯᑎᑲ ᒋᑭ ᐛᐧᑲᑕᐤ᙮ ᑭᔭ ᒪᒃ ᒋᑭ ᒋᔅᑕᔨᒪᐤ ᐊᓂᔭ ᐸᐃᒄ, ᑯᑎᑲ ᒪᒃ ᒋᑭ ᐊᑐᐛᔨᒪᐤ, ᓇᒪ ᒋᑭ ᒋ ᐊᑐᔅᑯᐛᐤ ᒋᓴᒪᓂᑐᐛ ᐊᔪᐤ ᒪᒃ ᓱᒃ ᐊ ᐊᑐᔅᒐᑦ ᐊ ᐎ ᐛᔪᑎᓯᑦ᙮”

ᒪᑎᔪᐤ 6:24 ပူးပေါင်းရင်းမြစ်များ

ᒐᓂᓯᔅ 47:17

ᐊᑯ ᐃᔪᒡ ᒍᓯᐸ ᒋ ᐸᑐᐛᐅᒡ ᐅᑲᐸᐃᑭᔎᒧᐛᐛ, ᐅᒪᔭᑕᓂᓯᒧᐛᐛ ᑭᔭ ᐅᒥᔅᑐᓯᒧᐛᐛ, ᐅᒥᒋᑎᐧᑯᒧᐛᐛ ᒥᔅᑯᒡ ᒥᒋᒥᔪᐤ᙮ ᒪᒂᒡ ᐊᓂᔭ ᐱᐳᓂᔪᐤ, ᒥᓯᐛ ᒍᓯᐸ ᒋ ᐸᑐᐛᐅᒡ ᐅᑦ ᐊᐛᓯᓯᒧᐛᐛ ᑭᔭ ᒋ ᐅᑎᓂᒪᑯᐅᒡ ᒥᒋᒥᔪᐤ᙮

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᓗᒃ 16:11

ᐊᑲ ᒪᒃ ᑕᑈᐅᒐᔨᒥᑯᔨᓇ ᑯᐃᔅᒄ ᒐᒋ ᐃᓯ ᓂᓇᑭᑐᐛᔨᑕᒥᓐ ᐅ ᐛᔪᑎᓯᐅᓐ ᐅᑕ ᐊᔅᒋᒡ ᑲ ᑎᒂᒡ, ᓇᒪ ᒋᑭ ᐅᒋ ᑕᑈᐅᒐᔨᒥᑯᐅᓐ ᒋᒋᐛ ᐛᔪᑎᓯᐅᓐ ᒐᒋ ᓂᓇᑭᑐᐛᔨᑕᒥᓐ᙮

ᓗᒃ 16:13

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ ᐊᑲ ᓇᐊᔨᒥᑐᔨᒋ, ᐛᔅ ᐸᐃᒄ ᐊᓂᔭ ᒋᑭ ᐛᐧᑲᑕᐤ, ᐊᑯ ᐊᓂᔭ ᑯᑎᑲ ᒋᑭ ᓴᒋᐊᐤ᙮ ᐊᓂᔭ ᐸᐃᒄ ᓱᒃ ᒋᑭ ᐊᑐᔅᑯᐛᐤ, ᐊᑯ ᐊᓂᔭ ᑯᑎᑲ ᓇᒪ ᒋᑭ ᐅᒋ ᓇᐊᔨᒪᐤ ᒐᒋ ᐊᑐᔅᑯᐛᑦ᙮ ᓇᒪ ᒋᑭ ᒋ ᐊᑐᔅᑯᐛᐛᐤ ᒋᓴᒪᓂᑐᐤ ᒧᔅ ᐊ ᒪᒥᑐᓇᔨᑎᒪᒄ ᒐᒋ ᐛᔪᑎᓯᔭᒄ᙮”

ᓗᒃ 16:9

ᐊᑯ ᒋᓴᔅ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐊᐱᒋᑕᒄ ᑕᓐ ᐊ ᐃᓯ ᐊᔭᔭᒄ ᒐᒋ ᒥᔪᑐᑎᒪᒄ ᑭᔭ ᒐᒋ ᐎᒐᐛᑭᓂᔭᒄ᙮ ᐃᔅᐱ ᒪᒃ ᐳᓂᐱᒪᑎᓯᔭᒂ ᐊᑯ ᒐ ᐱᑎᑲᐃᑯᔭᒄ ᐊᓐᑕ ᑲᒋᒡ ᒐ ᐎᒋᔭᒄ᙮”

ᑲᓚᓯᔭᓇ 1:10

ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮

2 ᑎᒧᑎ 4:10

ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮

ᒋᒥᔅ ᐅᒥᓯᓇᐊᒪᒐᐅᓐ 4:4

ᑕᑈ ᓂᑐᐎᔾ ᑲ ᐃᑎᔭᒄ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊᐛᓐ ᐊ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐛᐧᑲᑕᐤ ᒋᓴᒪᓂᑐᐛ ? ᐊᓐ ᐊᐛᓐ ᑲ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐃᑐᑕᓱᐤ ᒐᒋ ᐛᐧᑲᑕᑦ ᒋᓴᒪᓂᑐᐛ᙮