ᒪᑎᔪᐤ 6:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐊᑲᐎᔾ ᒪᐅᒋᑎᒪᓱᒄ ᐛᔪᑎᓯᐅᓐ ᐅᑕ ᐊᔅᒋᒡ, ᐊᓐᑕ ᒐ ᓂᓱᐅᓇᒋᑕᒡ ᒥᓐᑐᓯᒡ ᑭᔭ ᒐ ᐊᒂᒂᐱᔅᑲᒋ ᐊᓐᑕ ᑭᔭ ᑲᓂᑕᐅᒋᒧᑎᒡ ᒐᒋ ᒋᒧᑎᒡ᙮

ᒪᑎᔪᐤ 6:19 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 39:6

“ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᐱᒧᑕᐤ ᓂᑐᐎ ᐃᓯᓇᑯᓯᐅᓂᒡ: ᑕᑈ ᓂᑐᐎ ᒥᑯᔅᑲᑕᔨᑎᒥᐃᑎᓱᐅᒡ: ᒪᐛᓴᑯᓂᒻ ᐛᔪᑎᓯᐅᓇ, ᓇᒪ ᒪᒃ ᒋᔅᒐᔨᑎᒻ ᐊᐛᔪᐛ ᒐ ᐅᑎᓂᒥᔨᒋ᙮

ᑎᐱᑦ ᐅᓂᑭᒧᐅᓇ 62:10

ᐊᑲᐎᔾ ᒪᒥᓯᑐᑎᒧᒄ ᐊᔨᒥᐃᐛᐅᓐ, ᐊᑲ ᑭᔭ ᒋᔅᑕᔨᒧᒄ ᒪᔅᑲᑥᐅᓂᒡ; ᐃᔅᐱᔅ ᐃᔅᐱᐱᔨᒂᐛ ᒋᐛᔨᑎᓱᐅᓄᐛᐛ, ᐊᑲᐎᔾ ᐊᓐᑕ ᐃᑎᔅᑕᒄ ᒋᑕᐃᐛᐛᐤ᙮

ᐊᒃᓱᑕᔅ 22:2

ᒐᔅᑎᐱᑕᑭᓄᒐ ᐊᐛᓐ ᐊᐱᒂᔎᐊᒺᑦ ᑯᑎᑲ ᐊᐛᔪᐛ ᐎᒋᔪᐤ ᐊ ᑎᐱᔅᑲᔨᒡ, ᑭᔭ ᐊᓐ ᐊᐛᓐ ᑲ ᒐᔅᑎᐱᑕᑦ ᑲ ᓂᑕᐅᒋᒧᑎᔨᒋ ᓂᐸᐊᒐ ᒪᒃ, ᓇᒪ ᒋᑭ ᑕᒪᔨᒪᑭᓄᐤ ᐊᓂᔭ ᑲ ᓂᐸᐊᑦ᙮

ᒪᑎᔪᐤ 19:21

ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᒪᑎᔪᐤ 6:20

ᒪᒃ ᒪᐅᒋᑎᒪᓱᒄ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ, ᐊᓐᑕ ᒐ ᐊᑲ ᒋ ᓂᓱᐅᓇᒋᑕᒡ ᒥᓐᑐᓯᒡ ᑭᔭ ᒐ ᐊᑲ ᒋ ᐊᒂᒂᐱᔅᑲᒋ ᑭᔭ ᒐ ᐊᑲ ᒋ ᒋᒧᑎᒡ ᑲᓂᑕᐅᒋᒧᑎᒡ᙮

ᓗᒃ 12:21

ᒋᓴᔅ ᒂ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᐊ ᐃᓯᓇᒂᒡ ᐊᐛᓐ ᐎᔾ ᑲ ᒪᐅᒋᑎᒪᓱᑦ ᒐᒂᔪᐤ᙮ ᓇᒪ ᐛᔪᑎᓯᐤ ᐃᑕᔨᒥᑯᐤ ᒋᓴᒪᓂᑐᐛ ᐊ ᑭᓄᐛᐱᒥᑯᑦ᙮”

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 12:39

“ᐎ ᓂᔅᑐᑎᒧᒄ ᐅ᙮ ᒧᔭᒻ ᐊᐛᓐ ᐎᒋᒡ ᐊ ᑕᑦ ᒋᔅᒐᔨᒪᑦ ᒪᒃ ᑲᓂᑕᐅᒋᒧᑎᔨᒋ ᒐ ᐸᒋ ᑎᑯᓯᓂᔨᒋ, ᒋᐸ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ᐱᔅᑎᓇᐤ ᒥᒄ ᒐᒋ ᐃᓯ ᑭᒐᒧᑎᔨᒋ ᐊᓐᑕ ᐎᒋᒡ᙮

ᓗᒃ 18:22

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᓗᒃ 18:24

ᐃᔅᐱ ᒪᒃ ᒋᓴᔅ ᐎᔭᐸᑎᒧᐛᑦ ᑕᓐ ᐊᔅᐱᔅ ᒥᒐᔨᑎᒧᓇᑯᓯᔨᒋ ᒋ ᐃᑕᐤ, “ᐊᔪᐛᒡ ᐊᔨᒥᓐ ᐊᐛᓐ ᐊ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ᙮

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮

ᐃᑉᕈᐛ 13:5

ᐊᑲ ᐎ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᓴᒋᑕᔭᒄ ᓱᓇᔭᐤ᙮ ᒋᐸ ᒥᔽᔨᑕᓇᐛᐤ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᒋᓴᒪᓂᑐᐤ ᒋ ᐃᔅᒋᔄᐤ, “ᓇᒪ ᓂᑕ ᒋᑭ ᐅᒋ ᓂᑭᑎᑎᓇᐛᐤ, ᓇᒪ ᓂᑕ ᒋᑭ ᐅᒋ ᐃᓯᓇᑯᓯᓇᐛᐤ ᒐ ᐊᑲ ᒋ ᐃᔭᐱᑕᔨᒥᑎᑯᒡ᙮”