ᒪᑎᔪᐤ 6:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᒪᑎᔪᐤ 6:13 ပူးပေါင်းရင်းမြစ်များ

ᒐᓂᓯᔅ 22:1

ᓇᓇᒐ ᒋᓴᒪᓂᑐᐤ ᒋ ᑯᒂᒐᐊᐤ ᐊᑉᕋᐊᒪ ᑭᔭ ᒂ ᐃᑕᑦ, “ᐊᑉᕋᐊᒻ !” ᐊᑉᕋᐊᒻ ᐊᑕᑦ, “ᒐᒂᓐ ᑎᐸᔨᒋᒐᓱᐤ ? ᒋ ᓂᑐᑕᑎᓐ᙮”

ᑎᐱᑦ ᐅᓂᑭᒧᐅᓇ 10:16

ᑎᐸᔨᒋᒐᓱᐤ ᒋᓴᐅᒋᒪᐅᐤ ᑲᒋᒡ ᑭᔭ ᑲᒋᒡ: ᐊᑲ ᐊᔭᒥᐊᒡ ᓂᓱᐅᓂᑎᓯᐅᒡ ᐅᑦ ᐊᔅᒋᔨᒡ ᐅᒡ᙮

ᑎᐱᑦ ᐅᓂᑭᒧᐅᓇ 106:48

ᒋᑭ ᐎ ᒪᒥᒋᒪᑭᓄᐤ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ, ᑲᒋᒡ ᑭᔭ ᑲᒋᒡ: ᐊᑯᔅ ᒪᒃ ᒥᓯᐛ ᐃᔪᒡ ᒋᑭ ᐃᔅᒋᔄᐛᒡ, “ᐊᒥᓐ᙮” ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 22:28

ᐛᔅ ᐅᒋᒪᐅᓂᔪᐤ ᑎᐸᔨᒋᒐᓱᐤ ᑎᐱᔨᐛᐅᓯᐤ: ᐎᔾ ᒪᒃ ᑎᐸᔨᒪᐤ ᒥᓯᐛ ᑲ ᑕᑐᔅᑲᓇᓯᔨᒋ ᐃᔪᐛ᙮

ᑎᐱᑦ ᐅᓂᑭᒧᐅᓇ 41:13

ᒪᒥᒋᑕᑯᓱᐤ ᑎᐸᔨᒋᒐᓱᐤ ᐅᒋᓴᒪᓂᑐᒪ ᐃᔅᕋᐃᓪ, ᑲᒋᒡ ᐅᒋ ᑭᔭ ᑲᒋᒡ ᐃᔅᑯᐤ᙮ ᐊᒥᓐ ᑭᔭ ᐊᒥᓐ᙮

ᑎᐱᑦ ᐅᓂᑭᒧᐅᓇ 47:2

ᐛᔅ ᑎᐸᔨᒋᒐᓱᐤ ᒪᐅᒡ ᒋᔅᑎᓯᑦ ᑯᔅᑕᑎᑯᓯᐤ; ᐎᔾ ᒪᐅᒡ ᒋᓴᐅᒋᒪᐅᐤ ᒥᓯᐛ ᐊᔅᒋᒡ᙮

ᑎᐱᑦ ᐅᓂᑭᒧᐅᓇ 47:7

ᐛᔅ ᒋᓴᒪᓂᑐᐤ ᒋᒋᐅᒋᒪᐧᑲᑕᒻ ᒥᓯᐛ ᐊᔅᒋᔪᐤ: ᓂᑭᒧᒃ ᒪᒥᒋᒧᐛᐅᓇ ᓂᔅᑐᑎᒧᐅᓂᒡ᙮

ᑎᐱᑦ ᐅᓂᑭᒧᐅᓇ 72:19

ᑭᔭ ᒋᑭ ᐎ ᒪᒥᒋᒥᑕᑭᓄᐎᔪᐤ ᐅᒋᔅᑕᔨᑕᑯᓱᐅ ᐃᓯᓂᐧᑲᓱᐅᓐ ᑲᒋᒡ: ᐊᑯᔅ ᒪᒃ ᒥᓯᐛ ᐊᔅᒋᒡ ᒋᑭ ᓴᑭᔅᒋᓇᔪᐤ ᐅᒋᔅᑕᔨᑕᑯᓱᐅᓐ᙮ ᐊᒥᓐ, ᑭᔭ ᐊᒥᓐ᙮

ᑎᐱᑦ ᐅᓂᑭᒧᐅᓇ 89:52

ᒋᑭ ᐎ ᒪᒥᒋᒪᑭᓄᐤ ᑎᐸᔨᒋᒐᓱᐤ ᑲᒋᒡ᙮ ᐊᒥᓐ, ᑭᔭ ᐊᒥᓐ᙮

ᐊᒃᓱᑕᔅ 15:18

ᒋᔾ, ᓂᑎᐸᔨᒋᒐᓯᒥᓇᓐ, ᒧᔅ ᑲᒋᒡ ᒋᑭ ᑎᐸᔨᒋᒐᓯᐅᓐ !”

ᒪᑎᔪᐤ 26:41

ᐃᔭᒂᒥᒄ ᑭᔭ ᐊᔭᒥᐊᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮ ᐛᔅ ᒋᑦ ᐊᒐᐧᑯᐛᒡ ᓇᔅᒡ ᑕᑈ ᑯᐃᔅᒄ ᒋ ᐎ ᐃᑎᓇᐛᐤ ᒥᒄ ᒪᒃ ᒋᔭᓱᐛᒡ ᓇᒪ ᓇᔅᒡ ᒋᓴᐱᓯᓇᐛᐤ᙮”

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒪᑎᔪᐤ 5:37

ᒥᒄ ᓂᐦᐃ ᑭᔭ ᒪᒃ ᓇᒪ ᒋᐸ ᐃᔅᒋᔄᓐ, ᑯᑎᒡ ᒪᒃ ᒐᒂᓐ ᐃᔅᒋᔄᔨᓇ ᐊ ᓂᑐᐛᔨᑎᒥᓐ ᒐᒋ ᑕᑈᑕᑯᔨᓐ, ᒥᒋᒥᓂᑐᐤ ᐊ ᑕᑦ ᐅᒋᐱᔪᐤ᙮”

ᒪᑎᔪᐤ 6:10

ᒋᒋᓴᐅᒋᒪᐅᓐ ᒋᑭ ᐎ ᐅᑎᒋᐱᔪᐤ, ᒋᑦ ᐃᑕᔨᑎᒧᐅᓐ ᒋᑭ ᐎ ᐃᑐᑕᑭᓄᐤ ᐅᑕ ᐊᔅᒋᒡ ᒧᔭᒻ ᒋᒋᒋᓯᑯᒡ᙮

ᒠᓐ 17:15

ᓇᒪ ᐎ ᒋ ᓂᑐᑎᒪᑎᓐ ᒐᒋ ᐅᑎᓂᑥᐤ ᐅᑕ ᐊᔅᒋᒡ ᐅᒋ, ᒋ ᓂᑐᑎᒪᑎᓐ ᒐᒋ ᑭᓄᐛᔨᒥᑥᐤ ᒐ ᐊᑲ ᒋ ᐱᔅᒐᔨᒥᑯᒡ ᒥᒋᒥᓂᑐᐛ᙮

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

1 ᑯᕆᓐᑎᔭᓇ 14:16

ᐊ ᒪᒥᒋᒥᑦ ᒋᓴᒪᓂᑐᐤ ᐊ ᒂᔅᒋᔨᒥᔨᓐ, ᑯᑎᒃ ᐊᐛᓐ ᐊᑲ ᐊᔅᒄ ᐅᒋ ᒥᔭᑭᓄᐅᑦ ᐊᒐᐧᑯᐤ ᒥᔨᐛᐅᓇ ᓇᒪ ᒋᑭ ᒋ ᐎᒋᐃᒄ ᐊ ᒪᒥᒋᒥᑎ ᒋᓴᒪᓂᑐᐛ ᐛᔅ ᓇᒪ ᒋᑭ ᐅᒋ ᓂᔅᑐᑕᒄ᙮

2 ᑯᕆᓐᑎᔭᓇ 1:20

ᒋᓴᒪᓂᑐᐤ ᐊᐱᒋᐊᐤ ᒋᓴᓴ ᒐᔅᑎᓇᔅ ᒐᒋ ᐃᑐᑕᐧᒃ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ ᑭᔭ ᒐ ᐊᑎ ᒋᔅᑕᔨᑕᑯᐊᑭᓄᐅᑦ᙮

ᑲᓚᓯᔭᓇ 1:4

ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮

1 ᑕᓴᓗᓂᔭᓇ 1:10

ᑭᔭ ᐊ ᐊᓱᐛᐱᒪᑯ ᒋᓴᒪᓂᑐᐛ ᐅᑯᓯᔪᐛ ᒥᓐ ᑲᐤ ᒐᒋ ᑎᑯᓯᓂᔨᒋ ᒋᒋᒋᓯᑯᒡ ᐅᒋ᙮ ᐊᔪᐅᒄ ᐅᔭ ᐅᑯᓴ ᑲ ᐅᓂᔅᑲᓇᑦ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᒋᓴᔅ ᑲ ᐱᒪᒋᐃᑕᐧᒄ ᒐ ᐊᑲ ᒋ ᐛᐛᓯᐃᑎᑕᐧᑯ ᒋᓴᒪᓂᑐᐛ ᑎᐸᔅᑯᓂᒐᐅ ᒋᓯᑲᔨᒐ᙮

2 ᑕᓴᓗᓂᔭᓇ 3:3

ᐃᑕᔨᑕᑯᓱᐤ ᒪᒃ ᐅᑎᐸᔨᒋᒐᐤ ᒐᒋ ᑕᑈᐅᒐᔨᒪᑭᓄᐅᑦ᙮ ᒋᑭ ᐃᑐᑕᑯᐛᐤ ᒐᒋ ᓱᒋᑲᐳᐅᐛᒄ ᑭᔭ ᒋᑭ ᒥᔪ ᑭᓄᐛᔨᒥᑯᐛᐤ ᒐ ᐊᑲ ᒋ ᓂᓱᐅᓇᒋᐃᑕᒄ ᒥᒋᒥᓂᑐᐤ᙮

1 ᑎᒧᑎ 1:17

ᐊᑯ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ ᑭᔭ ᐎᔾ ᓇᔅᒡ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓐ ᑲᒋᒡ ᑲ ᒋᓴᐅᒋᒪᐅᑦ, ᐊᓐ ᒐ ᐊᑲ ᓂᑕ ᓂᐱᑦ, ᐊᑲ ᓄᑯᓯᑦ ᑭᔭ ᐊᓐ ᒥᒄ ᐱᔭᐃᑯᓯᑦ ᒋᓴᒪᓂᑐᐤ᙮ ᐊᒥᓐ᙮

ᐃᑉᕈᐛ 11:36

ᑯᑎᑭᒡ ᒋ ᐛᐅᓯᓄᐛᑭᓄᐎᒡ ᐊ ᒪᔭᔨᒪᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ, ᑭᔭ ᒋ ᒪᓯᐧᑯᐛᑭᓄᐎᒡ ᑭᔭ ᐛᐛᒡ ᒋ ᒪᒪᒋᒂᐱᔅᑲᐛᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

2 ᐱᑕᕐ 2:9

ᒐᔅᑎᓇᔅ ᑭᔅᒋᑕᐤ ᒋᓴᒪᓂᑐᐤ ᒐᒋ ᐎᐧᑯᒋᐊᑦ ᐅᑯᐃᔅᑯᑕᑎᓯᐛ ᑕᓐ ᐊ ᐃᓯ ᓂᒋᔅᑭᒥᔨᒋ ᑭᔭ ᓂᓇᑭᑐᐛᔨᑎᒥᐃᑯᐤ ᐛᔅ ᒋᓴᒪᓂᑐᐤ ᑕᓐ ᐊ ᐃᓯ ᒥᒐᑎᓯᓇᓄᐎᒡ ᐊ ᒋᔅᒐᔨᑕᐧᒃ ᐸᐃᒂᐤ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᒐ ᑎᐸᔅᑯᓇᑦ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”

ᒋᔅᒐᔨᑕᑯᑕᒐᐅᓐ 19:1

ᒥᓐ ᒂ ᐃᓯ ᐛᐸᑎᔨᑯᐅᔭᓐ ᒐᒂᓐ᙮ ᓂᒋ ᐸᑕᓐ ᒧᔭᒻ ᓇᔅᒡ ᐊ ᒥᒐᑐᐛᑕᒡ ᐊᐛᓐᒋ ᐊᓐᑕ ᒋᒋᒋᓯᑯᒡ ᐊ ᐅᒋ ᐸᑕᑯᓯᒡ ᐊ ᐃᑎᑕᒂᒡ᙮ ᓇᔅᒡ ᒋ ᒋᔄᐛᐅᒡ ᐊ ᐃᔅᒋᔄᒡ, “ᒪᒥᒋᒪᐧᒄ ᒋᓴᒪᓂᑐᐤ᙮ ᐎᔾ ᐊᐅᒄ ᑲ ᐱᒪᒋᐃᑕᐧᒄ᙮ ᓇᔅᒡ ᑕᑈ ᒋᔅᑕᔨᑕᑯᓱᐤ ᑭᔭ ᓇᔅᒡ ᓱᒐᔨᑕᑯᓱᐤ᙮

ᒋᔅᒐᔨᑕᑯᑕᒐᐅᓐ 19:4

ᐊᓐᒡ ᒪᒃ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ ᑭᔭ ᐊᓐᒡ ᑲ ᓇᐅᒡ ᑲ ᐱᒪᑎᓯᒡ ᐊᐛᓐᒋ ᒋ ᐅᒋᒋᐧᑯᓂᐱᔨᔅᑐᐛᐅᒡ ᑭᔭ ᒋ ᐊᑎ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ, ᐊᓂᔭ ᑲ ᐊᐱᔨᒋ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ᙮ ᒋ ᐃᔅᒋᔄᐅᒡ, “ᒪᒥᒋᒪᑕᐤ ᒋᓴᒪᓂᑐᐤ᙮ ᐊᒥᓐ᙮”

ᒋᔅᒐᔨᑕᑯᑕᒐᐅᓐ 2:10

ᐊᑲᐎᔾ ᑯᔅᑕᒋᒄ ᑕᓐ ᒐ ᐃᓯ ᓂᓇᐧᑲᑕᔨᒧᔭᒄ᙮ ᒥᒋᒥᓂᑐᐤ ᒋᑭ ᑯᒂᒋᐃᑯᐛᐤ ᐊ ᐃᑐᑕᑕᒄ ᐱᔅᒐ ᒐᒋ ᒋᐸᐅᑯᐛᒄ ᑲᒪᑯᓄᐛᓯᐅᒋᐛᐱᒡ᙮ ᐸᐃᑯᔪᐛ ᒋᓯᑲᐛ ᒋᑭ ᐃᔅᐱᔅ ᓂᓇᐧᑲᑕᔨᒧᓇᐛᐤ᙮ ᐊᑲᐎᔾ ᒪᒃ ᐳᓂᒄ ᐊ ᑕᑈᔭᔨᒥᔭᒄ ᐊᑎ ᐎ ᓂᐸᐃᑯᔭᒂ᙮ ᐊᑯ ᒪᒃ ᒐ ᑲᓂᔪᐅᔭᒄ ᒋᓴᐅᒋᒪᐅᑯᓂᔎᐅᓐ ᐊᐅᒄ ᑲᒋᒡ ᐱᒪᑎᓯᐅᓐ᙮”

ᒋᔅᒐᔨᑕᑯᑕᒐᐅᓐ 21:4

ᒋᑭ ᑲᓯᔭᐸᐛᐤ ᒪᒃ ᑕᑥᐤ ᐊ ᐅᒋᐧᑯᐛᐱᔨᒋ᙮ ᓇᒪ ᐊᑯ ᒋᑭ ᐅᒋ ᑎᑯᓂᔪᐤ ᓂᐳᐅᓂᔪᐤ ᒪᒃ ᒥᓯᒪᔨᑎᒧᐅᓂᔪᐤ᙮ ᓇᒪ ᑭᔭ ᐊᑯ ᒋᑭ ᐅᒋ ᑎᑯᓂᔪᐤ ᒪᐅᓂᔪᐤ ᒪᒃ ᐊ ᐎᓯᒐᔨᑕᑭᓄᐎᒡ᙮ ᐛᔅ ᒥᓯᐛ ᐊᓐ ᐛᔅᑭᒡ ᑲ ᐃᔅᐱᔨᒡ ᒐᒂᓐ ᓇᒪ ᓴᔅ ᑎᑯᓐ᙮”

ᒋᔅᒐᔨᑕᑯᑕᒐᐅᓐ 3:10

ᐊᓐ ᐊᒋ ᓯᐱᔪᐛᓯᔭᒄ ᑕᓐ ᐊ ᐃᓯ ᓂᒋᔅᑭᒪᒄ ᒧᔭᒻ ᑲ ᐃᑎᓱᒥᑎᑯᒡ ᒐᒋ ᐃᑎᔭᒄ, ᒋᑭ ᑭᓄᐛᔨᒥᑎᓇᐛᐤ ᐊᓐᑕ ᒪᒂᒡ ᐱᒥᐱᔨᒐ ᐊ ᐊᔨᒥᐅᒡ ᐊᐛᓐᒋ, ᐊᓐᑕ ᒪᒂᒡ ᒐ ᓂᑐ ᒋᔅᒐᔨᒪᑭᓄᐎᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ᙮

ᒋᔅᒐᔨᑕᑯᑕᒐᐅᓐ 3:14

“ᒥᓐ ᒪᒃ ᓂᒋ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᐊᓐᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ᐃᔅᒋᔄᑦ ᒋᓴᒪᓂᑐᐤ ᒐ ᐃᑐᑎᒪᒐᑦ ᑭᔭ ᒐ ᐃᑎᑦ, ᐊᓐ ᑯᐃᔅᒄ ᑲ ᐃᑎᑦ ᐊ ᐎᑕᐧᒃ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐅᓯᑕᑦ᙮

ᒋᔅᒐᔨᑕᑯᑕᒐᐅᓐ 5:13

ᐊᑯ ᒂ ᐸᑐᐅᒂᐤ ᒥᓯᐛ ᐊᐛᓐᒋ ᐊᓐᑕ ᒋᒋᒋᓯᑯᒡ ᑭᔭ ᒥᓯᐛ ᐊᐛᓐᒋ ᑭᔭ ᐊᐛᓯᓯᒡ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᑭᔭ ᐊᓐᑕ ᓂᐱᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᒡ ᐊ ᑕᒡ ᐊ ᓂᑭᒧᒡ, ᐅᔭ ᐊ ᐃᔅᒋᔄᒡ, “ᐊᓐ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᐊᓐ ᒪᔭᑕᓂᔅ ᑲᒋᒡ ᒋᑭ ᓱᐛᔨᒪᑭᓄᐎᒡ ᑭᔭ ᒋᑭ ᒋᔅᑕᒋᒪᑭᓄᐎᒡ ᑭᔭ ᒋᑭ ᒋᔅᑕᔨᑕᑯᐊᑭᓄᐅᒡ ᑭᔭ ᒋᑭ ᓱᐧᑲᑎᓯᐅᒡ ᑲᒋᒡ ᑭᔭ ᑲᒋᒡ᙮”