ᒪᑎᔪᐤ 6:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᐎᔨᒥᑦ᙮

ᒪᑎᔪᐤ 6:12 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 130:4

ᒪᒃ ᒋ ᐎᒐᐅᑯᓐ ᐛᐸᔨᑎᒪᒐᐅᓐ, ᒐᒋ ᓇᓂᒋᔅᑕᑯᐅᔨᓐ᙮

ᑎᐱᑦ ᐅᓂᑭᒧᐅᓇ 32:1

ᓱᐛᔨᑕᑯᓱᐤ ᐊᓐ ᐅᐅᓂᑐᑎᒧᐅᓇ ᑲ ᐛᐸᔨᑕᑭᓄᐎᔨᒋ, ᐅᒥᒋᑥᐅᓇ ᑲ ᐊᒂᓇᐃᑭᓄᐎᔨᒋ᙮

ᐊᒃᓱᑕᔅ 34:7

ᒧᔅ ᑲᒋᒡ ᓂᑭ ᓴᒋᐊᐎᒡ ᓂᑦ ᐃᔨᒥᒡ, ᓂ ᐛᐸᔨᑕᓐ ᒥᔭᑎᓯᐅᓐ ᑭᔭ ᒥᒋᑥᐅᓐ, ᒥᒄ ᐃᔭᐱᒡ ᓂᑭ ᐊᓏᔨᒪᐅᒡ ᐊᓐ ᐊᐛᓐᒋ ᑲ ᒥᒋᑐᑕᒡ᙮ ᐃᔅᐱ ᒥᒋᑐᑕᒂᐛ ᐃᔪᒡ ᓂᑭ ᐊᓏᔨᒪᐅᒡ ᑭᔭ ᐅᑦ ᐊᐛᓯᒧᐛᐛ ᑭᔭ ᐅᓯᒧᐛᐛ ᐱᐃᒻ ᓂᔅᑐ ᑭᔭ ᓇᐤ ᒐ ᐊᑎ ᐊᓂᔅᒐ ᐱᒪᑎᓯᒡ ᐅᑕᐎᐛᐛ ᐅᒥᒋᑥᐅᓂᔨᐛ ᐅᒋ᙮”

ᒪᑎᔪᐤ 26:28

ᐛᔅ ᐊᐅᑯᓐ ᐅ ᓂᒥᐧᒄ ᒐ ᐅᒋ ᐅᔅᒋᑕᑭᓄᐅᒡ ᓂᔅᑯᒧᐅᓐ, ᐊᐅᒄ ᓂᒥᐧᒄ ᒐ ᓯᒋᓂᑲᑕᒡ ᒐᒋ ᐅᒋ ᐛᐸᔨᑎᒧᐛᑭᓄᐎᒡ ᒥᒐᑦ ᐊᐛᓐᒋ ᐅᒥᒋᑥᐅᓄᐛᐛ᙮

ᒪᑎᔪᐤ 9:2

ᐃᔪᒡ ᒪᒃ ᒋ ᐸᑐᐛᐅᒡ ᒋᓴᓴ ᐊᑲ ᐊᒋᔨᒋ ᓇᐸᐛ ᓂᐸᐅᓂᒡ ᐊ ᐱᒥᓯᓂᔨᒋ᙮ ᐃᔅᐱ ᒋᓴᔅ ᒐᔅᒐᔨᑎᒺᑦ ᐊᔅᐱᔅ ᒥᔅᑎ ᑕᑈᔭᔨᑎᒥᔨᒋ ᐃᔪᐛ ᒋ ᐃᑕᐤ ᐊᓂᔭ ᓇᐸᐛ, “ᒧᒋᒐᔨᑕ ᓂᑯᓴ, ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:25

ᑭᔭ ᑕᑥᐤ ᓂᐳᔨᓇ ᐊ ᐊᔭᒥᐊᔨᓐ, ᐛᐸᔨᑎᒧᐤ ᐊᓐ ᐊᐛᓐ ᑲ ᐅᓂᑐᑕᔅᒃ, ᑭᔭ ᒍᑕᐎᔾ ᒋᒋᒋᓯᑯᒡ ᐊ ᑕᑦ ᑭᔭ ᐎᔾ ᒐ ᐛᐸᔨᑎᒪᔅᒃ ᒋᒥᒋᑥᐅᓇ᙮

ᓗᒃ 11:4

ᐛᐸᔨᑎᒧᐅᓇᓐ ᓂᒥᒋᑥᐅᓇᓇ, ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᔨᒥᑦ᙮ ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ, ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮’ ”

ᓗᒃ 13:4

ᒋ ᒋᔅᒋᓯᓇᐛᐤ ᐊ ᔭᓇᐤ ᑕᑐᓴᑉ ᐃᔪᒡ ᐊᓐᑕ ᐅᑕᓇᒡ ᓴᐃᓗᐊᒻ ᑲ ᐃᓯᓂᐧᑲᑕᔨᒡ ᑲ ᓂᐱᒡ ᐊᒋ ᐱᑎᔅᑕᐅᑯᒡ ᑲ ᐃᔅᐸᓇᔨᒡ ᐊᓱᐛᐳᐅᒋᐛᐱᔪᐤ ? ᒋᑦ ᐃᑕᔨᑕᓇᐛᐤ ᐊ ᐊᒋ ᓄᑯᓂᔨᒡ ᐎᔨᐛᐤ ᐅᔅᑕ ᐊᒋ ᒥᒐᑎᓯᒡ ᐃᔅᐱᔅ ᑯᑎᑭᒡ ᐊᐛᓐᒋ ᐊᓐᑕ ᒋᕈᓯᓕᒥᒡ ᑲ ᑕᒡ᙮

ᓗᒃ 6:37

“ᐊᑲᐎᔾ ᑎᐸᔅᑯᓂᒐᒄ, ᑭᔭ ᓇᒪ ᒋᑭ ᐅᒋ ᑎᐸᔅᑯᓂᑯᐛᐤ ᒋᓴᒪᓂᑐᐤ᙮ ᐊᑲᐎᔾ ᓂᓱᐅᓇᒋᒧᐛᒄ ᑭᔭ ᓇᒪ ᒋᑭ ᐅᒋ ᓂᓱᐅᓇᒋᒥᑯᐛᐤ ᒋᓴᒪᓂᑐᐤ᙮ ᐛᐸᔨᑎᒪᒐᒄ ᐊᑯ ᑭᔭ ᒋᔨᐛᐤ ᒐ ᐛᐸᔨᑎᒪᑕᒄ ᒋᓴᒪᓂᑐᐤ᙮

ᐊᑈᔅᑕᓇᒡ 13:38

ᒥᓯᐛ ᒋᔨᐛᐤ ᓂᐧᑲᓂᓯᑐᒄ ᐸᒋ ᓂᑐᑐᐅᒄ ᑕᓐ ᐊ ᐃᓯ ᐎᑎᒪᑎᑯᒡ, ᒋᐸ ᒋᔅᒐᔨᑕᓇᐛᐤ ᒥᒄ ᒋᓴᔅ ᐅᒋ ᐊᑯᑕ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮

ᐃᐱᓯᔭᓇ 1:7

ᐛᔅ ᙭ ᑲ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐃᐱᓯᔭᓇ 4:32

ᒋᐸ ᒥᔪᑐᑐᐛᐛᐅᒡ ᐊᐛᓐᒋ ᑭᔭ ᒋᐸ ᔪᔅᐸᑎᓯᓇᐛᐤ᙮ ᑭᔭ ᒋᐸ ᐛᐸᔨᑎᒧᐛᐛᐅᒡ ᐊᐛᓐᒋ ᒧᔭᒻ ᑕᓐ ᑲ ᐃᓯ ᐛᐸᔨᑎᒪᑕᒄ ᒋᓴᒪᓂᑐᐤ ᙭ᑕ ᐅᒡ᙮

ᑯᓚᓯᔭᓇ 3:13

ᓯᐱᔨᐛᓯᔅᑕᑐᒄ᙮ ᐛᐸᔨᑎᒪᑐᒄ ᑕᑥᐤ ᐊ ᐅᓂᑐᑕᑐᔭᒄ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐛᐸᔨᑎᒪᑐᔭᒄ ᒧᔭᒻ ᐅᑎᐸᔨᒋᒐᐤ ᑲ ᐃᓯ ᐛᐸᔨᑎᒪᑕᒄ᙮