ᒪᑎᔪᐤ 5:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᑲᐎᔾ ᑎᐸᐊᒪᓱᐤ ᐊᒋ ᒥᒋᑐᑕᔅᒃ ᐊᐛᓐ᙮ ᐅᑕᒥᒂᐅᔅᒐ ᐊᐛᓐ ᒋᐅᑕᒥᐧᑭᓂᒡ ᒋᒥᔪᐅᓂᒡ ᐃᑕᒐ, ᒥᔾ ᐊᑯᔅ ᐊᓐᑕ ᒂᔅᑕᒐ ᑭᔭ ᒐᒋ ᐅᑕᒥᒂᐅᔅᒃ᙮

ᒪᑎᔪᐤ 5:39 ပူးပေါင်းရင်းမြစ်များ

ᒪᑎᔪᐤ 5:40

ᒪᒃ ᐊᐛᓐ ᐃᑐᑕᐃᔅᒐ ᑎᐸᔅᑯᓂᒐᐅᒋᐛᐱᒡ ᓇᓴᐅᔅᒐ ᑭᔭ ᒋᐱᒍᐎᔭᓂᔪᐤ, ᐊᑯᔅ ᒥᔾ ᒐᒋ ᐊᔭᑦ ᑭᔭ ᐊᓂᔭ ᒋᑦ ᐊᑯᐱᔪᐤ᙮

ᓗᒃ 22:64

ᒋ ᐊᑯᒂᐱᑕᐅᒡ ᒂ ᐃᑕᒡ, “ᐎᑎᒧᐅᓇᓐ, ᐊᐛᓐ ᑲ ᐅᑕᒪᐅᔅᒃ ?”

ᓗᒃ 6:7

ᐊᓐᒡ ᒪᒃ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᑭᔭ ᐸᕆᓯᔨᒡ ᐃᔭᒂ ᒋ ᓂᓇᑭᑐᐛᔨᒪᐅᒡ ᒋᓴᓴ ᒐᒋ ᒥᓏᒋᐃᐛᔨᒂᓂ ᐃᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮ ᒋ ᐎ ᓇᓂᑐᒥᔅᑭᒧᒡ ᑕᓐᑕ ᒐᒋ ᐅᒋ ᒪᒥᓯᒪᒡ ᒋᓴᓴ᙮

ᒠᓐ 18:23

ᐊᑯ ᒋᓴᔅ ᒂ ᐃᑕᑦ, “ᐊᑲ ᒧᔭᒻ ᐛᒋ ᐃᔅᒋᔄᐛᓇ ᒐᒂᓐ, ᐎᑎᒧᒡ ᒥᓯᐛ ᐊᐛᓐᒋ ᐅᑕ ᑲ ᑕᒡ᙮ ᒥᒄ ᒪᒃ ᑲ ᑕᑈᐛᓇ ᒥᓯᐛ ᑲ ᐃᔅᒋᔄᔭᓐ, ᒐᒂᓐ ᐛᒋ ᐸᒋ ᐅᑕᒥᐅᔨᓐ ?”

1 ᑯᕆᓐᑎᔭᓇ 6:7

ᐅ ᐊ ᐃᑎᔭᒄ ᓄᒂᓐ ᓇᔅᒡ ᐊ ᐅᓂᐱᔭᒄ᙮ ᐃᐛᒃ ᒋᐸ ᒥᔽᐤ ᒐᒋ ᐅᓂᑐᑕᑯᐅᔭᒄ ᒪᒃ ᒐᒋ ᒋᒧᑎᒪᑯᐅᔭᒄ, ᐃᔅᐱᔅ ᐎ ᒐᒋ ᐅᓂᑐᑐᐛᒄ ᒋᐧᑲᓂᓱᐛᐤ ᑎᐸᔅᑯᓂᒐᐅᒋᐛᐱᒡ ᐊ ᐱᑎᑲᐊᒄ᙮

1 ᑕᓴᓗᓂᔭᓇ 5:15

ᓇᒪ ᔭᐃᑕᔾ ᒋᐸ ᐅᒋ ᑎᐸᐊᒪᓱᓇᐛᐤ ᐊᐛᓐ ᐊ ᐅᓂᑐᑕᑕᒄ ᐃᔭᐱᒡ ᒧᔅ ᒋᐸ ᒥᔪᑐᑕᑐᓇᐛᐤ ᑭᔭ ᒥᓯᐛ ᑯᑎᑭᒡ ᐊᐛᓐᒋ᙮

ᐃᑉᕈᐛ 12:4

ᓂᐦᐃ, ᔅᒋ ᐅᔅᑯᐎᔅᑕᓐ ᒐ ᐊᑲ ᒋ ᒥᒋᑐᑎᒥᓐ᙮ ᒥᒄ ᒪᒃ ᓇᒪ ᐊᔅᒄ ᒋ ᐅᒋ ᐃᔅᐱᔅ ᓂᒋᔅᑲᓐ ᐊ ᓂᓇᐧᑲᑕᔨᒧᔨᓐ ᒐᒋ ᐃᓯᓇᒂᒡ ᓇᔅᒡ ᒐᒋ ᐎ ᓂᐸᐃᑯᔨᓐ ᒋᑕᑈᑎᒧᐅᓐ ᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 5:6

ᔅᒋ ᓂᓱᐅᓇᒋᒪᐛᐅᒡ ᑭᔭ ᔅᒋ ᓂᐸᐊᐛᐅᒡ ᑲ ᑯᐃᔅᑯᑕᑎᓯᒡ᙮ ᓇᒪ ᒪᒃ ᒋᓂᔅᑯᔅᑕᑯᐛᐅᒡ ᐊᓐᒡ ᐊᐛᓐᒋ ᐅᔭ ᑲ ᐃᑐᑐᐛᑯᒡ᙮

1 ᐱᑕᕐ 3:9

ᐊᑲᐎᔾ ᔭᐃᑕᔾ ᐎ ᑎᐸᐊᒪᓱ ᐊᐛᓐ ᐊ ᐅᓂᑐᑕᔅᒃ ᒪᒃ ᐊ ᒪᒥᐊᔭᔨᒥᔅᒃ᙮ ᐃᔭᐱᒡ ᐅᔅᑕ ᒥᔪᑐᑎᒧᐤ ᑭᔭ ᐊᔭᒥᑐᐤ ᒐᒋ ᓱᐛᔨᒥᑯᑦ ᒋᓴᒪᓂᑐᐛ, ᐛᔅ ᐊᐅᒄ ᐅ ᑲ ᐃᓯ ᐃᑕᔨᑕᑭᓄᐅᒡ ᒋᐱᒪᑎᓯᐅᓐ ᒐᒋ ᐃᓯᓇᒂᒡ᙮ ᐊᑯᑕ ᒐᒋ ᐅᒋ ᐊᓂᔅᒐ ᒥᑭᐎᔨᓐ ᓱᐛᔨᒋᒐᐅᓐ᙮