ᒪᑎᔪᐤ 5:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᒥᒄ ᓂᐦᐃ ᑭᔭ ᒪᒃ ᓇᒪ ᒋᐸ ᐃᔅᒋᔄᓐ, ᑯᑎᒡ ᒪᒃ ᒐᒂᓐ ᐃᔅᒋᔄᔨᓇ ᐊ ᓂᑐᐛᔨᑎᒥᓐ ᒐᒋ ᑕᑈᑕᑯᔨᓐ, ᒥᒋᒥᓂᑐᐤ ᐊ ᑕᑦ ᐅᒋᐱᔪᐤ᙮”

ᒪᑎᔪᐤ 5:37 ပူးပေါင်းရင်းမြစ်များ

ᒪᑎᔪᐤ 13:19

ᐊᓐ ᒪᒃ ᐊᐛᓐ ᑲ ᐸᑕᐧᒃ ᐊᓂᔭ ᒥᔽᒋᒧᐅᓂᔪᐤ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᑲ ᒪᒃ ᓂᔅᑐᑎᒧᒂ, ᒧᔭᒻ ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᐊᐅᑯᓐ ᐊ ᐃᓯᓇᑯᓯᑦ, ᒥᒋᒥᓂᑐᐛ ᒥᔅᑭᒥᑯᐤ ᑕᓐ ᑲ ᐃᓯ ᐸᑕᐧᒃ ᑭᔭ ᓇᒪ ᒋ ᓂᑕᐅᒍᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᒪᑎᔪᐤ 13:38

ᐊᑯ ᐊᓐ ᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᐊᔅᒋᔾ, ᐊᓐ ᒪᒃ ᑲ ᒥᔪᓯᑦ ᓂᑕᐅᒋᑕᑭᓐ ᐊᐅᑯᓐᒡ ᐊᓐᒡ ᐃᔪᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᑲ ᐅᒋᒡ, ᐊᑯ ᐊᓐᒡ ᒥᒋ ᓂᑕᐅᒋᑕᑭᓐᒡ ᐊᐅᑯᓐᒡ ᐊᓐᒡ ᐃᔪᒡ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᑲ ᐅᒋᒡ᙮

ᒪᑎᔪᐤ 15:19

ᐛᔅ ᒥᑕᐃᒡ ᐅᒋᐱᔪᐤ ᒥᒋ ᒪᒥᑐᓇᔨᑎᒧᐅᓐ, ᓂᐸᐃᐛᐅᓐ, ᐱᓯᒂᑎᓯᐅᓐ, ᓂᑎᒥᒄ ᐃᑐᐅᓐ, ᑭᒐᒧᑐᐅᓐ, ᑭᑭᒋᔪᐅᓐ, ᑭᔭ ᐸᔅᑕᒧᐅᓐ᙮

ᒪᑎᔪᐤ 5:36

ᐊᑲᐎᔾ ᐛᐛᒡ ᒋᔅᑎᒂᓂᐛᒡ ᐃᓯ ᐎᑎᒧᒄ ᐛᔅ ᓇᒪ ᐛᐛᒡ ᐸᐃᒂᐸᒡ ᒋᐱᔎᓄᐛᐤ ᒋᑭ ᒋ ᐃᑐᑕᓇᐛᐤ ᒐᒋ ᐎᐸᒡ ᑭᔭ ᒪᒃ ᒐᒋ ᐛᐸᒡ᙮

ᒪᑎᔪᐤ 6:13

ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᒠᓐ 17:15

ᓇᒪ ᐎ ᒋ ᓂᑐᑎᒪᑎᓐ ᒐᒋ ᐅᑎᓂᑥᐤ ᐅᑕ ᐊᔅᒋᒡ ᐅᒋ, ᒋ ᓂᑐᑎᒪᑎᓐ ᒐᒋ ᑭᓄᐛᔨᒥᑥᐤ ᒐ ᐊᑲ ᒋ ᐱᔅᒐᔨᒥᑯᒡ ᒥᒋᒥᓂᑐᐛ᙮

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

ᐃᐱᓯᔭᓇ 4:25

ᐊᑯ ᒪᒃ ᒋᐸ ᐳᓂᓇᐛᐤ ᐊ ᑭᑭᒋᔭᔭᒄ ᐃᔭᐱᒡ ᑯᐃᔅᒄ ᒐᒋ ᐃᓯ ᐃᔨᒥᐃᑐᔭᒄ ᐛᔅ ᒧᔭᒻ ᐊ ᐸᐃᑯᑕᐅᓯᔭᐧᒄ ᒋᑦ ᐃᓯᓇᑯᓯᓇᓄᐤ ᐊᓐᑕ ᐃᔅ ᙭ ᐊ ᑕᑦ᙮

ᐃᐱᓯᔭᓇ 6:16

ᑭᔭ ᒧᔅ ᒋᐸ ᑭᓄᐛᔨᑕᓇᓄᐤ ᑕᑈᑎᒧᐅ ᐊᒂᓇᐅᓱᐛᑭᓐ ᒐᒋ ᐃᓯ ᐊᐱᒋᑕᔭᐧᒄ ᐛᔅ ᐊᑯᑕ ᒐ ᐅᒋ ᐊᔅᑐᐛᐅᒪᐧᑯ ᐊᓂᔭᔪᐛ ᑲ ᐃᔅᑯᑕᐎᔨᒋ ᐊᑭᔎ ᒥᒋᒥᓂᑐᐤ ᑲ ᐱᒧᑕᐧᒄ᙮

ᑯᓚᓯᔭᓇ 3:9

ᐊᑲᐎᔾ ᒋᑭ ᐅᒋ ᑭᑭᒋᔭᒥᑐᓇᐛᐤ ᐛᔅ ᔅᒋ ᐛᐱᓇᓇᐛᐤ ᐛᔅᑭᒡ ᑲ ᐃᑕᑎᓯᔭᒄ ᑭᔭ ᑕᓐ ᑲᒋ ᐃᑎᔭᒄ,

ᑯᓚᓯᔭᓇ 4:6

ᒧᔅ ᒋᐸ ᒥᔪᑕᑯᓯᓇᐛᐤ ᑭᔭ ᒋᐸ ᐃᑈᐧᑲᑕᑯᓯᓇᐛᐤ ᐊ ᐃᔨᒥᔭᒄ ᑭᔭ ᒐ ᒋᔅᒐᔨᑎᒪᒄ ᑕᓐ ᒐ ᐃᓯ ᐎᑎᒧᐛᐧᒄ ᐊᐛᓐ ᐊ ᐎ ᓇᓂᑐ ᑭᒐᔅᒐᔨᑕᐧᒄ ᑕᓐ ᐊ ᐃᓯ ᑕᑈᑎᒪᒄ᙮

2 ᑕᓴᓗᓂᔭᓇ 3:3

ᐃᑕᔨᑕᑯᓱᐤ ᒪᒃ ᐅᑎᐸᔨᒋᒐᐤ ᒐᒋ ᑕᑈᐅᒐᔨᒪᑭᓄᐅᑦ᙮ ᒋᑭ ᐃᑐᑕᑯᐛᐤ ᒐᒋ ᓱᒋᑲᐳᐅᐛᒄ ᑭᔭ ᒋᑭ ᒥᔪ ᑭᓄᐛᔨᒥᑯᐛᐤ ᒐ ᐊᑲ ᒋ ᓂᓱᐅᓇᒋᐃᑕᒄ ᒥᒋᒥᓂᑐᐤ᙮

ᒋᒥᔅ ᐅᒥᓯᓇᐊᒪᒐᐅᓐ 5:12

ᓂᐧᑲᓂᓯᑐᒄ, ᐊ ᐃᑎᑦ ᐊᐛᓐ ᒐᔅᑎᓇᔅ ᒐ ᐃᑐᑎᒥᓐ ᒐᒂᓐ, ᐊᑲᐎᔾ ᐎ ᓇᔅᐱᒋᑕᑈ ᒋᓴᒪᓂᑐᐤ ᐅᑦ ᐃᓯᓂᐧᑲᓱᐅᓐ ᐊ ᐊᐱᒋᑕᐅᑦ᙮ ᐊᑲᐎᔾ ᐃᔅᒋᔄ, ᐃᔅᐱᒥᒡ ᐊ ᐃᓯ ᑕᑈᔨᓐ, ᒪᒃ ᑯᑎᒡ ᒐᒂᓐ ᒐᒋ ᐃᔅᒋᔄᔨᓐ ᒐᒋ ᒐᔅᑎᓇᔅᑕᑯᓯᔨᓐ ᑕᓐ ᐊ ᐃᔅᒋᔄᔨᓐ᙮ ᐊ ᐎ ᐃᔅᒋᔄᔨᓐ “ᓂᐦᐃ,” ᒥᒄ “ᓂᐦᐃ” ᒋᐸ ᐃᔅᒋᔄᓐ, ᒪᒃ “ᓇᒪ” ᐊ ᐎ ᐃᔅᒋᔄᔨᓐ, ᒥᒄ “ᓇᒪ” ᒋᐸ ᐃᔅᒋᔄᓐ, ᑭᔭ ᓇᒪ ᒋᑭ ᐅᒋ ᓂᓱᐅᓇᒋᒧᒄ ᒋᓴᒪᓂᑐᐤ᙮

1 ᒠᓐ 2:13

ᒋ ᒥᓯᓇᐊᒪᑎᓇᐛᐤ ᐅᑕᐎᒪᑐᒄ, ᐊ ᒋᔅᒐᔨᒪᒄ ᐊᓐ ᓴᔅ ᐊᒋ ᑕᑦ ᐊᑎ ᐊᔅᒄ ᐊᑲ ᓇᔅᒡ ᒐᒂᔪᐤ ᐅᒋ ᐅᓯᑕᑭᓄᔨᒡ᙮ ᒋ ᒥᓯᓇᐊᒪᑎᓇᐛᐤ ᐅᔅᒋᓂᒋᓯᑐᒄ, ᐊᒋ ᓴᐧᑯᒋᐊᒄ ᒥᒋᒥᓂᑐᐤ᙮ ᒋ ᒥᓯᓇᐊᒪᑎᓇᐛᐤ ᐊᐛᓯᑐᒄ, ᐛᔅ ᒋ ᒋᔅᒐᔨᒪᐛᐤ ᒋᓴᒪᓂᑐᐤ ᐅᑕᐎᒪᐤ᙮

1 ᒠᓐ 3:12

ᓇᒪ ᒋᐸ ᐅᒋ ᓂᔅᐱᑐᐛᓄᐤ ᑲᐃᓐ᙮ ᒥᒋᒥᓂᑐᐛ ᒋ ᑎᐸᔨᒥᑯᐤ ᐊᓂᔭ ᑲ ᓂᐸᐊᑦ ᐎᐧᑲᓂᓴ᙮ ᒐᒂᔪᐤ ᒪᒃ ᐛᒋ ᓂᐸᐊᑦ ? ᒋ ᒪᔭᑎᓂᔪᐤ ᐊᓂᔭ ᑕᓐ ᐎᔾ ᑲ ᐃᑎᑦ, ᒋ ᑯᐃᔅᑯᓇᑯᓂᔪᐤ ᒪᒃ ᐎ ᐊᓂᔭ ᑕᓐ ᑲ ᐃᑎᔨᒋ ᐎᐧᑲᓂᓴ᙮

1 ᒠᓐ 5:18

ᒋ ᒋᔅᒐᔨᒪᓄᐤ ᐊᐛᓐ ᐊᒋ ᐱᒪᒋᐃᑯᑦ ᒋᓴᒪᓂᑐᐛ ᓇᒪ ᒋᐸ ᐅᒋ ᒥᒋᑐᑎᒻ᙮ ᐛᔅ ᒋᓴᒪᓂᑐᐤ ᐅᑯᓯᔪᐛ ᑭᓄᐛᔨᒥᑯᐤ, ᓇᒪ ᒪᒃ ᒐᒂᔪᐤ ᒋ ᐃᑐᑕᑯᐤ ᒥᒋᒥᓂᑐᐛ᙮