ᒪᑎᔪᐤ 5:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᐊᑯ ᒪᒃ ᐃᑐᑕᑯᔨᓇ ᒋᔅᒋᓯᒄ ᒋᒥᔪᐅᓂᒡ ᑲ ᑎᒂᒡ ᒐᒋ ᒥᒋᑐᑎᒥᓐ, ᐎᐎᐱᑕ ᒐ ᐛᐱᓂᒥᓐ᙮ ᐅᔅᑕ ᒥᔽᐤ ᒐᒋ ᐅᓂᑕᔨᓐ ᐊᐱᓯᔅ ᒋᔪᐤ ᐃᔅᐱᔅ ᐎ ᒥᓯᐛ ᒋᔪᐤ ᒥᒋ ᐃᔅᑯᑕᒡ ᒐᒋ ᐃᓯ ᐛᐱᓇᑭᓄᐅᒡ᙮

ᒪᑎᔪᐤ 5:29 ပူးပေါင်းရင်းမြစ်များ

ᒪᑎᔪᐤ 10:28

ᐊᑲᐎᔾ ᑯᔅᑕᐧᑯᒡ ᐊᐛᓐᒋ ᑲ ᓂᐸᐊᒡ ᐊᐛᔪᐛ᙮ ᒋᑭ ᒋ ᓂᐸᐊᐅᒡ ᐊᐛᔪᐛ ᑭᔭ ᒋᑭ ᒋ ᓂᓱᐅᓇᒋᑕᐅᒡ ᒥᔭᔪᐤ ᒥᒄ ᒪᒃ ᓇᒪ ᒋᑭ ᒋ ᓂᓱᐅᓇᒋᐊᐅᒡ ᐊᒐᒂ᙮ ᒋᓴᒪᓂᑐᐤ ᒪᒃ ᐊᐅᒄ ᑯᔅᐱᓂᔅᑐᐛᐧᒄ ᐊᓐ ᒐᒋ ᓂᓱᐅᓇᒋᑕᑦ ᒥᔭᔪᐤ ᑭᔭ ᐊᒐᒂ ᒐᒋ ᔭᔪᐅᑕᑦ ᒥᒋ ᐃᔅᑯᑕᒡ᙮

ᒪᑎᔪᐤ 11:6

ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ᐊᑐᐛᔨᒥᒂ᙮” ᐊᐅᑯᓐ ᑲ ᐃᑕᑦ ᒋᓴᔅ ᐊᓂᔭᔪᐛ ᒠᓇ ᐅᒋᔅᒋᓄᐊᒧᐛᑭᓂᔪᐛ᙮

ᒪᑎᔪᐤ 16:26

ᐊᑯ ᒪᒃ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ, ᐳᓂᐱᒪᑎᓯᒐ ᒪᒃ ᑕᓐᑕ ᒐᒋ ᐅᒋ ᐎᒋᐃᑯᑦ ᐊᑎ ᒋ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ, ᐎᔾ ᑕᓐ ᑲ ᐃᓯ ᓂᑐᐛᔨᑕᐧᒃ ᒐᒋ ᐃᓯ ᐊᔭᑦ ? ᓇᒪ ᒋᑭ ᐅᒋ ᒥᔭᑭᓄᐤ ᐎᔾ ᐱᒪᑎᓯᐅᓂᔪᐤ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᒄ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ ?

ᒪᑎᔪᐤ 17:27

ᐊᑯ ᒪᒃ ᓇᒪᐎᔾ ᑭᑈ ᓂᑐᐛᔨᑎᑯᓐ ᓂᔾ ᒐᒋ ᐱᔅᑎᓂᒪᓐ ᓱᓇᔭᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐃᔅ᙮ ᒥᒄ ᒪᒃ ᓇᒪ ᒋᑭ ᐅᒋ ᐎ ᒋᔄᐊᓄᐅᒡ ᐊᓐᒡ ᐃᔪᒡ᙮ ᐊᑯᔅ ᒪᒃ ᒋᑭ ᐱᔅᑎᓇᓇᓄᐤ ᓱᓇᔭᐤ᙮ ᓇᓯᐸ ᒪᒃ ᓇᑕ ᒐ ᐱᑭᔅᑐᐛᐊᒥᓐ ᒋ ᑯᔅᑭᓐ᙮ ᐊᓐ ᒪᒃ ᓂᔅᑎᒻ ᓂᒪᔅ ᒐ ᐅᒋᒂᑎᑦ ᒐ ᐅᑎᓂᑦ, ᐊᓐᑕ ᒪᒃ ᐅᑐᓂᒡ ᒋᑭ ᒥᔅᑯᐛᐤ ᓱᓇᔭᐱᔅᒄ, ᒋᑭ ᐃᔅᐱᓴᐤ ᐊᓐᑕ ᑕᐱᔅᑯᓐ ᐊ ᓂᓯᔭᐧᒄ ᑕᓐ ᒋᐸ ᐃᓯ ᐱᔅᑎᓇᓇᓄᐤ ᓱᓇᔭᐤ᙮ ᒐ ᐃᑐᑕᔨᓐ ᓇᑕ ᒋᓴᐊᔭᒥᐊᐅᒋᐛᐱᒡ ᒐ ᐱᔅᑎᓂᒥᓐ ᐊᓐ ᒋᐸ ᐃᔅᐱᔅ ᒋᓯᐧᑲᓱᓇᓄᐤ᙮”

ᒪᑎᔪᐤ 19:12

ᐱᔅᒐ ᒪᒃ ᐊᐛᓐᒋ ᓇᒪ ᒋᑭ ᒋ ᓂᐳᐅᒡ ᐛᔅ ᐊᐅᑯᓐ ᑲ ᐃᓯ ᐱᒪᑎᓯᒡ ᐊᑲ ᒪᒥᑐᓇᔨᑎᒥᐃᑯᒡ ᒐᒋ ᓂᐳᐅᒡ, ᐊᑯ ᑯᑎᑭᒡ ᓇᒪ ᐱᔅᑎᓇᑭᓄᐎᒡ ᒐᒋ ᓂᐳᐅᒡ ᐊᑯ ᑯᑎᑭᒡ ᐎᔨᐛᐤ ᐃᑕᔨᑎᒧᒡ ᒐ ᐊᑲ ᓂᐳᐅᒡ ᐛᔅ ᐃᑕᔨᑎᒧᒡ ᐃᐛᒃ ᒐᒋ ᐊᑐᔅᒐᔅᑕᒡ ᒋᒋᒋᓯᒄ ᐅᒋᒪᐅᓂᔪᐤ ᒥᒄ ᐊ ᐸᐃᑯᓯᒡ᙮ ᐊᓐ ᒪᒃ ᐊᐛᓐ ᑲ ᓂᔅᑐᑕᐧᒃ ᐅᔭ ᐊᑯᔅ ᒋᑭ ᐃᑐᑎᒻ᙮”

ᒪᑎᔪᐤ 23:15

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ ᒥᒄ ᑲ ᐊᔭᒥᐊᐧᑲᓱᔭᒄ᙮ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒋ ᐃᑐᑕᓇᐛᐤ ᐸᐃᒄ ᐊᐛᓐ ᒐᒋ ᐃᑐᑐᐛᒄ ᒐᒋ ᑕᑈᑕᑕᒄ ᒪᒃ ᒐᒋ ᐃᑐᑕᐧᒃ ᑕᓐ ᐊ ᐃᓯ ᒋᔅᑯᑎᒪᒐᐛᒄ᙮ ᐃᔅᐱ ᒪᒃ ᑲ ᓴᑯᑕᔅᑯᓇᒄ ᒋ ᐃᑐᑐᐛᐛᐤ ᐅᔅᑕ ᐎᔾ ᒐᒋ ᒥᒐᑎᓯᑦ ᐃᔅᐱᔅ ᒋᔨᐛᐤ᙮ ᓂᔄᐤ ᒋ ᑕᐧᑯᑎᔅᑕᐛᓇᐛᐤ ᑕᓐ ᐊ ᐃᑕᔨᑕᑯᓯᑦ ᒐᒋ ᐅᒋ ᐃᑐᑕᑦ ᒥᒋ ᐃᔅᑯᑕᒡ᙮”

ᒪᑎᔪᐤ 23:33

“ᒋᔨᐛᐤ ᒋᓇᐱᑯᒡ ᑭᔭ ᑲ ᐅᑯᓯᑐᑕᑕᑯᒡ ᒋᓇᐱᑯᒡ ᓇᔅᒡ ᑲ ᑭᔅᒋᐅᔭᒄ ᓂᑎᒥᒄ ᐊ ᐃᓯ ᐎᔭᓯᒪᑯᒡ ᐊᐛᓐᒋ, ᑕᓐᑕ ᒐᒋ ᐅᒋ ᐎᐧᑯᒋᐅᔭᒄ ᒐ ᐊᑲ ᒋ ᐃᑐᑕᔭᒄ ᒥᒋ ᐃᔅᑯᑕᒡ ?”

ᒪᑎᔪᐤ 5:22

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᐊ ᒋᔄᐱᔅᑐᐛᑦ ᐎᒡ ᐃᔪᐛ ᒋᑭ ᑎᐸᔅᑯᓇᑭᓄᐤ, ᑭᔭ ᐊᐛᓐ ᐊ ᐊᑐᐛᔨᒪᑦ ᐎᒡ ᐃᔪᐛ ᒋᑭ ᐸᓱᐛᑭᓄᐤ ᐅᑎᔅᑯᐤ ᐊᓂᔭ ᑲ ᑎᐸᔅᑯᓂᒐᔨᒋ, ᑭᔭ ᐊᐛᓐ ᑲ ᐃᑕᑦ ᐎᒡ ᐃᔪᐛ ᑕᑈ ᓇᒪ ᒐᒂᓐ ᓇᔅᒡ ᒋᑦ ᐃᑕᔨᑕᑯᓯᓐ ᑯᔅᐱᓇᑕᔨᑕᑯᓂᔪᐤ ᒐᒋ ᐃᓯ ᐛᐱᓇᑭᓄᐅᑦ ᒥᒋ ᐃᔅᑯᑕᒡ᙮

ᒪᑎᔪᐤ 5:30

ᑭᔭ ᐃᑐᑕᑯᔨᓇ ᔅᑎᒋᔾ ᒋᒥᔪᐅᓂᒡ ᑲ ᑎᒂᒡ ᒐᒋ ᒥᒋᑐᑎᒥᓐ, ᒥᓂᓴ ᒐ ᐛᐱᓂᒥᓐ᙮ ᐅᔅᑕ ᒥᔽᐤ ᒐᒋ ᐅᓂᑕᔨᓐ ᐸᐃᒄ ᐊᓐ ᔅᑎᒋᔾ ᐃᔅᐱᔅ ᐎ ᒥᓯᐛ ᒋᔪᐤ ᒥᒋ ᐃᔅᑯᑕᒡ ᒐᒋ ᐃᓯ ᐛᐱᓇᑭᓄᐅᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:36

ᑕᓐ ᒪᒃ ᒐᒋ ᐃᓯ ᐎᒋᐃᑯᑦ ᐊᐛᓐ ᐊᑎ ᒥᓯᐛ ᒐᒂᔪᐤ ᒋ ᐎᐧᑯᒋᑎᒪᓱᒐ ᐅᑕ ᐊᔅᒋᒡ ᑕᓐ ᐊ ᐃᓯ ᓂᑐᐛᔨᑕᐧᒃ ᒐ ᐅᓂᑕᒂ ᒪᒃ ᐅᐱᒪᑎᓯᐅᓐ ?

ᓗᒃ 12:5

ᒋ ᐸᒋ ᐎᑎᒪᑎᓇᐛᐤ ᐊᐛᓐ ᐊᓐ ᐊᐅᒄ ᒋᐸ ᑯᔅᑕᐛᐤ᙮ ᒋᓴᒪᓂᑐᐤ ᐊᐅᒄ ᐊ ᐃᑕᔨᑕᑯᓯᑦ ᒐᒋ ᑯᔅᑕᒄ ᐛᔅ ᐎᔾ ᐊᔭᐤ ᑎᐸᔨᒋᒐᐅᓂᔪᐤ ᒐᒋ ᐃᓯ ᐛᐱᓇᑕᒄ ᒥᒋ ᐃᔅᑯᑕᒡ ᐃᔅᐱ ᓂᐱᔭᒂ᙮ ᓂᐦᐃ, ᓂᑐᑐᐅᒄ ᐊᐅᒄ ᐅ ᑕᑈ ᒋᓴᒪᓂᑐᐤ ᒋᐸ ᑯᔅᑕᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:6

ᐛᔅ ᒋ ᒋᔅᒐᔨᑕᓇᓄᐤ ᐊᓐ ᐛᔅᑭᒡ ᒋᑦ ᐃᑕᑎᓯᐅᓄᐤ ᐊᒋ ᒋᔅᑕᔎᑕᑭᓄᐅᑦ ᒋᓴᔅ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮ ᐊᓂᔭ ᑲ ᒋᔅᑕᔎᑕᑭᓄᐅᑦ ᐊᑯᑕ ᑲ ᓂᓱᐅᓇᑎᓯᒥᑲᒋ ᑕᓐ ᑲ ᐃᓯ ᑎᐸᔨᒥᑯᔭᐧᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᑭᔭ ᓇᒪ ᓇᔅᒡ ᒋᑭ ᒋ ᑎᐸᔨᒥᑯᓇᓄᐤ ᐊᑯ ᒥᒐᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:13

ᐛᔅ ᐊᓐ ᐃᓯ ᐱᒪᑎᓯᔨᓇ ᑕᓐ ᐊ ᐃᓯ ᓂᑐᐛᔨᑎᒧᒥᑲᒡ ᒋᐎᔭᔅ, ᒋᑭ ᓂᐱᓐ᙮ ᐱᔅᑎᓂᑕ ᒪᒃ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᔅᒃ ᒐᒋ ᐳᓂᑕᐅᑦ ᑕᓐ ᐛ ᐃᓯ ᐛᒋᐱᔨᒡ ᒐᒋ ᒥᒋᑐᑎᒧᑦ ᐊᑯ ᑭᑈ ᑕᑈ ᒐ ᐱᒪᑎᓯᔨᓐ᙮

1 ᑯᕆᓐᑎᔭᓇ 9:27

ᒥᓯᐛ ᐊ ᐃᓯ ᓂᑐᐛᔨᑕᒂᒡ ᒐᒋ ᐃᑎᔭᓐ ᐊ ᑯᒂᒋᔅᑭᑕᐃᒐᔭᓐ ᓇᔅᒡ ᓂ ᐱᔅᑎᓂᓱᓐ ᒐᒋ ᐃᑐᑎᒪᓐ᙮ ᐛᔅ ᓇᒪ ᓇᓂᑐᐛᔨᑕᓐ ᒐᒋ ᐅᓂᑕᔭᓐ ᑕᓐ ᓂᐸ ᐃᓯ ᑲᓂᔪᐃᑯᐅᓐ ᓴᔅ ᐎ ᐊᒋ ᑭᒐᔅᒋᒥᒂᐤ ᑲ ᑕᑈᑕᒡ ᒐ ᐃᓯ ᐱᒪᑎᓯᒡ ᑕᓐ ᐊᓂᔭᔪᐛ ᒋᐸ ᐃᓯ ᐱᒪᑎᓯᔪᐛ ᐊᐛᔪᐛ ᐊ ᑕᑈᔭᔨᒪᔨᒋ ᙭ᑕ᙮

ᑲᓚᓯᔭᓇ 5:24

ᐊᓐᒡ ᒪᒃ ᒋᓴᔅ ᙭ᑕ ᑲ ᑎᐱᔨᐛᐅᓯᑐᑕᑯᒡ ᓴᔅ ᒋ ᐎᔭᔨᑎᒧᒡ ᒐ ᐊᑲ ᒋ ᐱᔅᑕᔨᒥᑎᓱᒡ ᑲᐤ ᒐᒋ ᐃᑐᑕᒡ ᑕᓐ ᐛ ᐃᓯ ᐛᒋᐱᔨᒡ ᒐᒋ ᐃᓯ ᒥᒋ ᐱᒪᑎᓯᒡ᙮ ᓇᒪ ᐎ ᒥᒋᑐᑎᒧᒡ ᑕᓐ ᑲ ᐃᓯ ᐸᒋ ᒥᒋᑐᑕᒡ ᐊᓐᑕ ᐃᔅ ᐅᑕᒡ᙮ ᒧᔭᒻ ᑕᑈ ᐊᒋ ᐊᓯᒡ ᒋᔅᑕᔎᑕᒡ ᐅᒥᒐᑎᓯᐅᓄᐛᐤ ᑭᔭ ᐅᒥᒋᓂᑐᐛᔨᑎᒧᐅᓄᐛᐤ ᒋᐱᔭᑎᑯᒡ ᐊᐅᑯᓐ ᑲ ᐃᑎᒡ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮