ᒪᑎᔪᐤ 5:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐊᐛᓐ ᒪᒃ ᒪᒥᓯᒥᔅᒐ ᒐᒂᔪᐤ ᐊᒋ ᐃᓯ ᐅᓂᑐᑎᒧᑦ, ᐃᑐᑕᔅᒐ ᒪᒃ ᒐᒋ ᐃᑐᑕᐃᔅᒃ ᑎᐸᔅᑯᓂᒐᐅᒋᐛᐱᒡ, ᐎ ᒥᔪ ᐎᒐᐤ ᐊᓐ ᑲ ᒪᒥᓯᒥᔅᒃ ᐎᐱᒡ ᒪᒂᒡ ᐊᑎ ᐎᒐᐅᑦ᙮ ᐛᔅ ᑎᑯᓯᓂᔭᒂ ᓇᑕ ᑎᐸᔅᑯᓂᒐᐅᒋᐛᐱᒡ, ᐊᓐᑕ ᑎᐸᔅᑯᓂᒐᓱᐛ ᐊ ᑕᔨᒋ ᐊᑯᑕ ᒐ ᐃᓯ ᐱᔅᑎᓂᔅᒃ, ᐊᑯ ᐊᓐ ᑎᐸᔅᑯᓂᒐᓱᐤ ᐊᓐᑕ ᑲᒪᑯᓄᐛᓯᔨᒋ ᐊ ᑕᔨᒋ ᐊᑯᑕ ᒐ ᐃᓯ ᐱᔅᑎᓂᔅᒃ, ᐊᑯ ᒐ ᒋᐸᐅᔅᒡ ᐊᓐᒡ ᑲᒪᑯᓄᐛᓯᒡ᙮

ᒪᑎᔪᐤ 5:25 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 32:6

ᐅ ᒪᒃ ᐅᒋ ᒥᓯᐛ ᑕᑐᐤ ᐊᐛᓐ ᑲ ᐊᔭᒥᐊᐛᑎᓯᑦ ᒋᑭ ᐊᔭᒥᐊᔅᑕᒄ ᒪᒂᒡ ᐊᔅᒄ ᒐᒋ ᒥᔅᑲᑯᐎᔨᓐ: ᒐᔅᑎᓇᔅ ᐊ ᒥᔅᑎ ᐃᔅᒋᐳᑕᔨᒡ, ᓇᒪᐎᔾ ᒥᒋᒪ ᒋᑭ ᓇᑎᑯᐤ᙮

ᒪᑎᔪᐤ 26:58

ᐱᑕᕐ ᒪᒃ ᐛᔪᐤ ᐊᓐᑕ ᒋ ᐅᒋ ᓇᓴᐛᐤ ᐊᓂᔭ ᑲ ᒪᑯᓇᔨᒋ ᒋᓴᓴ, ᐱᐃᒻ ᑲ ᐅᑎᑕᒡ ᒋᓴᐊᔭᒥᐊᐅᒋᒪᐛ ᐎᒋᔪᐤ᙮ ᐊᓐᑕ ᒪᒃ ᐎᐎᑎᒥᒡ ᐊᑯᑕ ᑲ ᑕᑦ ᐎᔾ ᐱᑕᕐ, ᒂ ᐎᑎᐱᒪᑦ ᐊᓂᔭ ᑲ ᓂᓇᑭᑐᐛᐸᑎᒥᔨᒋ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ᐎ ᐛᐸᑕᐧᒃ ᑕᓐ ᒐ ᐃᑎᓇᓄᔨᒂ᙮

ᓗᒃ 18:3

ᐊᓐᑕ ᒪᒃ ᐊᓐ ᐅᑕᓇᐤ ᒋ ᑕᐤ ᐊ ᐸᐃᑯᓯᑦ ᐃᔎᐤ᙮ ᒧᔅ ᒪᒃ ᒋ ᓂᑐᐛᐱᒪᐤ ᐊᓂᔭ ᑎᐸᔅᑯᓂᒐᓱᐛ ᐊ ᐃᑕᑦ, ‘ᒋ ᓂᑐᑎᒪᑎᓐ ᒐᒋ ᐎᒋᐃᔨᓐ ᑯᐃᔅᒄ ᒐᒋ ᐃᓯ ᑎᐸᔅᑯᓇᑭᓄᐅᑦ ᐊᓐ ᑲ ᐸᒋ ᐅᓂᑐᑕᐅᑦ᙮’ ”

2 ᑯᕆᓐᑎᔭᓇ 6:2

ᐛᔅ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐃᑎᔅᑕᐤ ᐊᒋ ᐃᔅᒋᔄᑦ, ᐊᓐᑕ ᑲ ᐃᑕᔨᑎᒥᐃᑯᔭᓐ ᒐᒋ ᓂᑐᑕᑕᓐ ᔅᒋ ᓂᑐᑕᑎᓐ ᐊ ᐊᔭᒥᐊᔨᓐ᙮ ᐊᓐᑕ ᑲ ᓂᑐᐛᔨᑎᒥᓐ ᐎᒋᐃᑯᓯᐅᓐ ᐊᑯᑕ ᑲ ᐱᒪᒋᐃᑕᓐ᙮ ᐊᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ ᑭᔭ ᓂᔾ ᐛᑎᒪᑕᓐ, ᐊᓄᒡ ᓇᐃᐱᔪᐤ ᒐᒋ ᐱᒪᒋᐅᔨᓐ᙮ ᐊᓄᒡ ᐱᒪᒋᐃᐛᐤ ᒋᓴᒪᓂᑐᐤ᙮

ᐃᑉᕈᐛ 12:17

ᒋ ᒋᔅᒐᔨᑕᓇᐛᐤ ᒪᒃ, ᐸᑎᒪ ᐊᓐᑕ ᑲᐤ ᒋ ᓂᑐᐛᔨᑎᒻ ᐊᓂᔭ ᑕᓐ ᒋᐸ ᐃᓯ ᐊᓂᔅᒐ ᓱᐛᔨᒪᑭᓄᐤ, ᒥᒄ ᒪᒃ ᓇᒪ ᐅᒋ ᓂᔅᑯᒥᑯᐤ ᐅᑕᐎᔭ᙮ ᓇᒪ ᓇᔅᒡ ᐅᒋ ᒐᒂᔪᐤ ᐅᒋ ᐃᑐᐤ ᒐᒋ ᒂᔅᒋᓇᐧᒃ ᐊᓂᔭ ᑕᓐ ᑲ ᐃᑎᑦ ᐊᑎ ᑭᔭ ᓇᔅᒡ ᐊᒋ ᒥᒪᑐᐛᑦ ᐅᑕᐎᔭ᙮ ᐃᔭᒂᒥᒄ ᒐ ᐊᑲ ᒋ ᐃᔅᐱᔭᒄ ᒋᔨᐛᐤ᙮

ᐃᑉᕈᐛ 3:13

ᐊᓯᑯᒻ ᒋᓯᑲᐛ ᒪᒃ ᓯᒋᒥᑐᒄ ᐊᔅᒄ ᒪᒂᒡ ᐊ ᑕᐛᒡ ᐅ ᒐᒋ ᐃᑎᔭᒄ᙮ ᐊᑯ ᒪᒃ ᓇᒪ ᐛᒋ ᐸᐃᒄ ᐊ ᑎᓯᔭᒄ ᒋᑭ ᐅᒋ ᐎᔭᓯᒥᑯᓇᐛᐤ ᒐᒋ ᑕᑈᑎᒪᒄ ᐊᑲ ᓴᓯᑲᓐ ᐃᓯᓇᒂᒡ ᒥᒐᑎᓯᐅᓐ᙮ ᐛᔅ ᐊᑯᑕ ᒐ ᐅᒋᐱᔨᒡ ᐊ ᓱᒋᔅᑎᒂᓇᔭᒄ᙮

ᐃᑉᕈᐛ 3:7

ᐊᑯ ᒪᒃ ᒪᒥᑐᓇᔨᑎᒧᒄ ᑕᓐ ᐊ ᐃᔅᒋᔄᑦ ᑲ ᐸᔭᒋᓯᑦ ᐊᒐᐧᒄ, “ᓱᒃ ᓂᑐᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑎᑕᒄ ᐊ ᐃᔨᒥᐃᑕᒄ ᐊᓄᒡ ᑲᓯᑲᔨᒡ᙮