ᒪᑎᔪᐤ 5:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐎ ᒋᔅᒋᒄ, ᒐ ᐃᔅᐱᔅ ᑎᑯᓂᒂ ᒋᒋᒋᓯᒄ ᑭᔭ ᐊᔅᒋᔾ, ᓇᒪ ᐛᐛᒡ ᐊᓐ ᒪᐅᒡ ᐊ ᐊᐱᓴᓯᒡ ᐊ ᒥᓯᓇᑕᒡ ᐎᓱᐛᐅᓂᒡ ᒋᑭ ᐅᒋ ᐸᓯᑯᓇᑯᓐ, ᐸᑐᔅ ᒥᓯᐛ ᒋ ᐃᔅᐱᔨᒐ ᑕᓐ ᐊᑎᔅᑕᒡ ᒐ ᐃᔅᐱᔨᒡ᙮

ᒪᑎᔪᐤ 5:18 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 102:26

ᐅᔭ ᒋᑭ ᓂᓱᐅᓇᑎᓇ, ᒪᒃ ᒋᔾ ᒋᑭ ᑕᓐ; ᓂᐦᐃ, ᒥᓯᐛ ᐊ ᑕᑎᒋ ᒋᑭ ᐊᑎ ᓴᐅᓇ ᒧᔭᒻ ᐊᑯᑉ; ᒧᔭᒻ ᐊᐱᒋᑕᐅᓐ ᒋᑭ ᐃᓯ ᒂᔅᒋᓇᑯᐊᐅᒡ, ᐊᑯ ᒪᒃ ᒐ ᒂᔅᒋᑯᓇᑯᓯᒡ᙮

ᑎᐱᑦ ᐅᓂᑭᒧᐅᓇ 111:8

ᐊᔨᑎᔅᑕᔪᐛ ᑲᒋᒡ ᑭᔭ ᑲᒋᒡ, ᑭᔭ ᑐᑕᑭᓄᐎᔨᐛ ᑕᑈᐅᓂᒡ ᑭᔭ ᑯᐃᔅᑯᑐᐅᓂᒡ᙮

ᑎᐱᑦ ᐅᓂᑭᒧᐅᓇ 119:152

ᒋᑎᐸᒋᒧᐅᓇ ᐅᒡ, ᐎᐱᒡ ᓂᒋ ᐅᒋ ᒋᔅᒐᔨᑕᓐ, ᑲᒋᒡ ᐊᒋ ᐎᔨᔅᑕᔨᓐ᙮

ᒪᑎᔪᐤ 10:15

ᑕᑈ ᒋᑦ ᐃᑎᓇᐛᐤ, ᐃᔅᐱ ᑎᐸᔅᑯᓂᒐᐅ ᒋᓯᑲᒐ ᒋᓴᒪᓂᑐᐤ ᐅᔅᑕ ᒋᑭ ᒋᔅᑎᒪᒐᔨᒪᐤ ᐊᓂᔭ ᑲ ᒥᒐᑎᓯᔨᒋ ᐊᓐᑕ ᑲ ᑕᔨᒋ ᓱᑕᒻ ᑭᔭ ᑯᒧᕋ ᐃᔅᐱᔅ ᐊᓂᔭᔪᐛ ᐊᐛᔪᐛ ᐊᑲ ᓇᐊᔨᒥᑎᑕᑯ᙮”

ᒪᑎᔪᐤ 10:23

ᓂᓇᐧᑲᒋᐃᑯᔭᒂ ᐸᐃᒄ ᐅᑕᓇᐤ, ᒋᑎᓯᒧᒄ ᐊᑯ ᐊᓐᑕ ᑯᑎᒃ ᐅᑕᓇᐤ ᒐ ᐃᑐᑕᔭᒄ᙮ ᑕᑈ ᒋᑦ ᐃᑎᓇᐛᐤ, ᓇᒪ ᐊᔅᒄ ᒥᓯᐛ ᒋᑭ ᐅᒋ ᐃᓯ ᐛᐎᑕᓇᐛᐤ ᒥᔽᒋᒧᐅᓐ ᐊᓐᑕ ᐅᑕᓇᐛ ᐃᔅᕋᐃᓕᒡ ᑲ ᑎᒂᒋ, ᓴᔅ ᒐ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”

ᒪᑎᔪᐤ 10:42

ᑕᑈ ᒋᑦ ᐃᑎᓇᐛᐤ, ᐊᑎ ᒥᒄ ᒥᓇᐊᒐ ᐊᐛᓐ ᐊ ᑕᒋᑭᒥᔨᒡ ᓂᐱᔪᐤ ᐅᔭ ᐸᐃᒄ ᐊᐛᓴ ᐊᓂᔭ ᐅᒋ ᐊ ᐸᒋ ᓇᓴᐅᔨᒋ, ᑕᑈ ᒋᑦ ᐃᑎᓇᐛᐤ ᒐᔅᑎᓇᔅ ᒋᑭ ᒥᔅᑭᒻ ᐅᑎᐸᐊᒪᑯᓯᐅᓐ᙮”

ᒪᑎᔪᐤ 11:11

ᒋ ᐎᑎᒪᑎᓇᐛᐤ, ᑕᑐᐤ ᐊᐛᓐᒋ ᑲ ᐱᒪᑎᓯᒡ ᓇᒪ ᐊᔪᐛᒃ ᐃᑕᔨᑕᑯᓱᐅᒡ ᑕᓐ ᐊ ᐃᑕᔨᑕᑯᓯᔨᒋ ᒠᓐ ᐅᓯᑲᐃᑕᒐᐛ᙮ ᐃᔭᐱᒡ ᒪᒃ ᐊᓐ ᑕᓐ ᒪᐅᒡ ᓄᑕᔅ ᑲ ᐃᑕᔨᑕᑯᓯᑦ ᒋᒋᒋᓯᒄ ᒋᓴᐅᒋᒪᐅᓂᒡ ᐊᔪᐛᒃ ᐎᔾ ᒋᔅᑕᔨᑕᑯᓱᐤ ᐃᔅᐱᔅ ᒠᓇ᙮

ᒪᑎᔪᐤ 13:17

ᒋ ᐎᑎᒪᑎᓇᐛᐤ, ᐊᓐᑕ ᐸᒡ ᒋ ᒥᒐᑐᐅᒡ ᐅᒋᔅᒋᐛᐃᒐᓱᒡ ᑭᔭ ᒋ ᒥᒐᑐᐅᒡ ᐅᑯᐃᔅᑯᑕᑎᓯᐅᒡ ᐊᒋ ᐱᑯᓴᔨᑕᒡ ᒐᒋ ᐛᐸᑕᒡ ᑕᓐ ᐊ ᐃᓯ ᐛᐸᑎᒪᒄ, ᓇᒪ ᒪᒃ ᐅᒋ ᐛᐸᑎᒧᒡ ᑭᔭ ᒋ ᐱᑯᓴᔨᑎᒧᒡ ᒐᒋ ᐸᑕᒡ ᑕᓐ ᐊ ᐃᓯ ᐸᑎᒪᒄ, ᓇᒪ ᒪᒃ ᐅᒋ ᐸᑎᒧᒡ᙮”

ᒪᑎᔪᐤ 16:28

ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”

ᒪᑎᔪᐤ 17:20

ᐊᑯ ᒋᓴᔅ ᒂ ᐃᑕᑦ, “ᑭᑈ ᐊᓐ ᐊᑲ ᐃᔅᐱᓴᒡ ᒋᑕᑈᑎᒧᐅᓄᐛᐤ᙮ ᑕᑈ ᒋᑦ ᐃᑎᓇᐛᐤ ᐊᑎ ᒥᒄ ᐊᐱᓴᓯᒐ ᒋᑕᑈᑎᒧᐅᓐ ᒧᔭᒻ ᐊ ᐃᔅᐱᔅ ᐊᐱᓯᓯᑦ ᓂᑕᐅᒋᑕᑭᓐ ᒪᔅᑎᕐᑦ ᑲ ᐃᓯᓂᐧᑲᓱᑦ ᐃᔅᐱᓴᒐ, ᐱᔅᑯᑎᓇᐤ ᒋᑭ ᒋ ᐃᑎᓱᐛᑕᓐ, ‘ᓇᑕ ᐃᓯ ᐊᒋᑲᐳᐅᐤ᙮’ ᒋᑭ ᐱᓯᒋᐃᑯᓐ ᒪᒃ᙮ ᒥᒄ ᒐᒂᓐ ᐛ ᐃᑐᑎᒥᓐ ᒋᑭ ᒋ ᐃᑐᑕᓐ ᐊᔭᔨᓇ ᑕᑈᑎᒧᐅᓐ᙮

ᒪᑎᔪᐤ 18:18

“ᐛᔅ ᑕᑈ ᒋ ᐎᑎᒪᑎᓇᐛᐤ, ᐊᓐ ᒐᒂᓐ ᒐ ᒪᑯᐱᑎᒧᐎᓇ ᐅᑕ ᐊᔅᒋᒡ ᒋᑭ ᒪᑯᐱᑕᑭᓄᐤ ᐊᓐᑕ ᒋᒋᒋᓯᑯᒡ, ᑭᔭ ᐊᓐ ᒐᒂᓐ ᒐ ᐊᐱᐧᑯᓂᒧᐎᓇ ᐅᑕ ᐊᔅᒋᒡ ᒋᑭ ᐊᐱᐧᑯᓇᑭᓄᐤ ᐊᓐᑕ ᒋᒋᒋᓯᑯᒡ᙮”

ᒪᑎᔪᐤ 18:3

ᐊᑯ ᒂ ᐃᔅᒋᔄᑦ, “ᑕᑈ ᒋ ᐎᑎᒪᑎᓇᐛᐤ, ᒧᔭᒻ ᐊᑲ ᒂᔅᑲᑎᓯᔭᒂ ᐊᑲ ᐃᑕᔨᑕᑯᓯᔭᒂ ᒧᔭᒻ ᐊᐛᔅ ᐊ ᐃᑕᔨᑕᑯᓯᑦ, ᓇᒪ ᓂᑕ ᒋᑭ ᒋ ᐱᒐᓇᐛᐤ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒪᑎᔪᐤ 19:23

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᑕᑈ ᒋ ᐎᑎᒪᑎᓇᐛᐤ, ᐊᐛᓐ ᑲ ᐛᔪᑎᓯᑦ ᑕᑈ ᒋᑭ ᐊᔨᒥᓂᔪᐤ ᒐᒋ ᐱᒐᑦ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒪᑎᔪᐤ 19:28

ᐊᑯ ᒋᓴᔅ ᒂ ᐃᑕᑦ, “ᒋᑭ ᒐᔅᑎᓇᐅᓇᐛᐤ, ᐃᔅᐱ ᐃᔪᐤ ᐅᑯᓯᓴᓐ ᐊᐱᒐ ᒋᓴᐅᒋᒪᐤ ᑕᑎᐳᐛᑭᓂᒡ ᒥᓐ ᐅᔅᑲᒐ ᐊᔅᒋᔾ, ᐊᑯ ᑭᔭ ᒋᔨᐛᐤ ᓂᒋᔅᒋᓄᐊᒧᐛᑭᓂᑎᒄ ᒐ ᐊᐱᔭᒄ ᓂᓱᓴᑉ ᐅᒋᒪᐤ ᑕᑎᐳᐛᑭᓇ, ᒐ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮

ᒪᑎᔪᐤ 21:21

ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᑲ ᓇᔅᒡ ᒐ ᐅᒋ ᐊᓏᑎᒧᐛᒂ ᑭᔭ ᓇᔅᒡ ᒐ ᑕᑈᑎᒧᐛᒂ, ᒋᑭ ᒋ ᐃᑐᑐᐛᐛᐤ ᑭᔭ ᒋᔨᐛᐤ ᑕᓐ ᑲ ᐃᑐᑐᐅᒃ ᐅ ᒥᓯᓱᒥᓇᑎᒄ᙮ ᓇᒪᐎᔾ ᒥᒄ ᐊᓐ ᒐᒂᓐ ᒐᒋ ᐃᑐᑎᒪᒄ ᑭᔭ ᒋᑭ ᒋ ᐃᑎᓱᐛᑕᓐ ᐱᔅᑯᑎᓇᐤ, ‘ᐃᓯ ᐛᐱᓂᓱᐤ ᐊᓐᑕ ᐎᓂᐸᑯᒡ᙮’ ᒋᑭ ᐱᓯᒋᐃᑯᓐ ᒪᒃ᙮

ᒪᑎᔪᐤ 21:31

“ᑕᓐ ᒪᒃ ᐊᓐᒡ ᐊ ᓂᓯᒡ ᓇᐸᓯᒡ ᑲ ᓂᓇᐃᑐᐛᑦ ᐅᑕᐎᐛᐛ ?” ᐊᑯ ᒋᓴᔅ ᐊᑎᑯᑦ ᐊᓂᔭ ᑲ ᑯᒂᒋᒪᑦ, “ᐊᓐ ᐅᔅᑕᓯᒪᐤ᙮” ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᓐᒡ ᓂᑎᒥᒄ ᑲ ᐃᑎᒡ ᒋᓴᐅᒋᒪᐛ ᐊ ᐊᐱᒋᐃᑯᒡ ᒐᒋ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᐊᐅᑯᓐᒡ ᐊᓐᒡ ᓂᔅᑎᒻ ᒐ ᐱᒐᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐊᔅᒄ ᐊᑲ ᒋᔨᐛᐤ ᐱᒐᔭᒄ᙮

ᒪᑎᔪᐤ 23:36

ᓂᐦᐃ, ᒋ ᐎᑎᒪᑎᓇᐛᐤ, ᑭᔭ ᒋᔨᐛᐤ ᐊᓄᒡ ᑲ ᐱᒪᑎᓯᔭᒄ ᒋᑭ ᐊᓂᔅᒐ ᒪᑎᑯᔅᑲᑯᓇᐛᐤ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐅᒡ᙮”

ᒪᑎᔪᐤ 24:2

ᒋ ᐃᑕᐤ ᒪᒃ, “ᒋ ᒥᔪᓇᓇᐛᐤ ᑕᓐ ᑲ ᐅᓯᑕᑭᓄᐅᒋ ᐅᔭ ᒥᒋᐛᐸ ? ᒥᒄ ᒪᒃ ᒋ ᐎᑎᒪᑎᓇᐛᐤ, ᒋᑭ ᐅᑎᒋᐱᔪᐤ ᐊᓐᑕ ᒥᓯᐛ ᒐ ᓂᓱᐅᓇᒋᑕᑭᓄᐅᒋ᙮ ᓇᒪ ᐛᒋ ᐸᐃᒄ ᐊᓯᓂᔾ ᒋᑭ ᐅᒋ ᐊᑯᑐᐳᐤ ᑯᑎᑲ ᐊᓯᓂᔭ ᑕᓐ ᐊᓂᔭ ᑲ ᐃᑕᔭᐊᑭᓄᐅᑦ᙮ ᒥᓯᐛ ᐊᓯᓂᔨᒡ ᑲ ᐃᓯ ᐊᐱᒋᐊᑭᓄᐎᒡ ᑲ ᐅᓯᑕᑭᓄᐅᒋ ᐅᔭ ᒥᒋᐛᐸ ᒋᑭ ᓂᑎᒋᐛᐱᓇᑭᓄᐎᒡ᙮”

ᒪᑎᔪᐤ 24:47

ᑕᑈ ᒋᑦ ᐃᑎᓇᐛᐤ, ᒋᑭ ᒥᔨᑯᐤ ᐊᓂᔭ ᐅᒋᒪᒪ ᒥᓯᐛ ᒐᒋ ᓂᓇᑭᑐᐛᔨᑕᒺᑦ ᑕᓐ ᐊ ᐃᓯ ᑎᐱᔨᐛᐅᓯᔨᒋ᙮

ᒪᑎᔪᐤ 25:12

ᐊᑯ ᒂ ᐃᑎᑯᒡ ᐊᓂᔭ ᐅᔅᒋᓂᐳᐛᓇ, ‘ᑕᑈ ᒋᑦ ᐃᑎᓇᐛᐤ, ᓇᒪ ᒋ ᒋᔅᒐᔨᒥᑎᓇᐛᐤ᙮’ ”

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 25:45

ᐊᑯ ᒪᒃ ᒐ ᐃᑎᑯᒡ ᐅᑎᐸᔨᒋᒐᐛ, ‘ᑕᑈ ᒋ ᐎᑎᒪᑎᓇᐛᐤ ᐊᓐ ᐊᑲ ᐅᒋ ᐎᒋᐊᒄ ᐸᐃᒄ ᓂᐧᑲᓂᔅ ᐊᓐ ᐊᑲ ᓇᔅᒡ ᐊᐱᑕᔨᑕᑯᔅᑦ ᑲ ᐃᑕᔨᒪᑭᓄᐅᑦ, ᓂᔾ ᑭᔭ ᓇᒪ ᒋ ᐅᒋ ᐎᒋᐃᓇᐛᐤ᙮’

ᒪᑎᔪᐤ 5:26

ᒋ ᐎᑎᒪᑎᓐ ᒪᒃ ᑕᐸ ᒋᑭ ᒋ ᐎᐎᓐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᑐᔅ ᓇᔅᒡ ᒋ ᒋᓯᐧᑲᓱᔨᓇ ᐊᓐ ᐊ ᐃᓯ ᒥᓯᓇᐃᒐᔨᓐ᙮”

ᒪᑎᔪᐤ 6:16

“ᒪᒃ ᐃᔅᐱ ᐊᑲ ᐅᑎᓂᒪᒂ ᒥᒋᒻ ᒥᒄ ᐊ ᐎ ᐊᔭᒥᐊᔭᒄ, ᐊᑲᐎᔾ ᓂᔅᐱᑕᐧᑯᒡ ᑲ ᐊᔭᒥᐊᐧᑲᓱᒡ᙮ ᐊᒪᒋᒂᔨᒡ ᒐᒋ ᐛᐱᒥᑯᒡ ᐃᔪᐛ ᐊ ᐊᑲ ᒥᒋᓱᒡ ᒥᒄ ᐅᓴ ᐊ ᐊᔭᒥᐊᒡ᙮ ᑕᑈ ᒋᑦ ᐃᑎᓇᐛᐤ ᓴᔅ ᒋ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 6:2

“ᑭᔭ ᐊ ᒥᔨᑦ ᐊᐛᓐ ᒐᒂᔪᐤ ᐊ ᐃᓯ ᓄᑕᐱᔨᑦ, ᐊᑲᐎᔾ ᐃᑐᑕ ᐅ ᒥᓯᐛ ᐊᐛᓐ ᒐᒋ ᒋᔅᒐᔨᑕᐧᒃ, ᐛᔅ ᐊᓐᒡ ᐎᔨᐛᐤ ᑲ ᐊᔭᒪᐊᐧᑲᓱᒡ ᓇᔅᒡ ᐎ ᑲ ᒐᔅᒐᔨᑕᑯᐅᒡ ᑕᓐ ᐊ ᐃᓯ ᒥᔪᑐᑕᒡ᙮ ᒥᒄ ᐊ ᐃᑕᔨᑎᒥᐃᑯᒡ ᒐᒋ ᒪᒥᒋᒥᑯᒡ ᐊᐛᔪᐛ᙮ ᑕᑈ ᒋ ᐎᑎᒪᑎᓇᐛᐤ, ᓴᔅ ᒋᓴᒡ ᒥᔭᑭᓄᐎᒡ ᐅᑎᐸᐊᒪᑯᓯᐅᓄᐛᐤ᙮

ᒪᑎᔪᐤ 8:10

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐤ ᐅᑕᑈᑎᒧᐅᓂᔪᐤ᙮ ᐊᑯ ᐊᑕᑦ ᐊᓂᔭ ᐊᐛᔪᐛ ᑲ ᐎᒐᐅᑯᑦ, “ᑕᑈ ᒋᑦ ᐃᑎᓇᐛᐤ, ᓇᒪᐎᔾ ᐛᐛᒡ ᐅᑕ ᐃᔅᕋᐃᓕᒡ ᓂ ᐅᒋ ᐛᐱᒪᐤ ᐊᐛᓐ ᐊᔅᐱᔅ ᓱᒋᑕᑈᑕᐧᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:15

ᑕᑈ ᒋᑦ ᐃᑎᓇᐛᐤ, ᐛᔅ ᒧᔭᒻ ᐊᐛᓐ ᒐ ᐊᑲ ᑕᑈᐅᒐᔨᑎᒥᒂ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᓯ ᑕᑈᐅᒐᔨᑎᒥᔨᒋ ᐊᐛᓴ, ᓇᒪ ᒋᑭ ᒋ ᐱᒐᐤ ᐊᓐᑕ ᐛᒋᒪᐎᔨᒋ ᒋᓴᒪᓂᑐᐛ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:29

“ᓂᐦᐃ, ᑕᑈ,” ᒋ ᐃᑎᑯᐤ ᒋᓴᓴ, “ᒋ ᐎᑎᒪᑎᓇᐛᐤ ᒪᒃ, ᐊᓐ ᐊᐛᓐ ᒐ ᓂᑭᑎᒥᒂ ᐎᒡ, ᒪᒃ ᒐ ᓂᑭᑕᒂ ᐎᐧᑲᓂᓴ, ᒪᒃ ᐅᑲᐎᔭ, ᐅᑕᐎᔭ, ᒪᒃ ᐅᑦ ᐊᐛᓯᒪ ᒪᒃ ᒐ ᓂᑭᑎᒥᒂ ᐅᓂᑕᐅᒋᑕᑭᓐ ᐊᔅᒋᔾ, ᓂᔾ ᐅᒋ ᑭᔭ ᒥᔽᒋᒧᐅᓂᔪᐤ ᐅᒋ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:23

ᑯᐃᔅᒄ ᒋ ᐎᑎᒪᑎᓇᐛᐤ, ᐊᐛᓐ ᒐᒋ ᐃᑎᓱᐛᑕᒧᒂ ᐅᔭ ᐱᔅᑯᑎᓇᔪᐤ, ‘ᐱᐧᑯᒋ, ᐊᑯ ᐊᓐᑕ ᐎᓂᐸᑯᒡ ᒐ ᐃᓯ ᐛᐱᓂᓱᔨᓐ,’ ᐊᑲ ᒪᒃ ᓇᔅᒡ ᐊᓏᑕᒐ ᒐᒋ ᐃᔅᐱᔨᒡ ᐅᔭᔪᐤ, ᓇᔅᒡ ᑕᑈᑕᒐ ᐊᓂᔭ ᑲ ᐃᔅᒋᔄᑦ ᒐ ᐃᔅᐱᔨᒡ, ᐊᑯᓐ ᒐ ᐃᑐᑎᒧᐛᑭᓄᐅᑦ ᑕᓐ ᑲ ᐃᓯ ᓂᑐᐛᔨᑕᐧᒃ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:43

ᐊᑯ ᒋᓴᔅ ᒂ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ᙮ ᒋ ᐃᑕᐤ ᒪᒃ, “ᑕᑈ ᒋᑦ ᐃᑎᓇᐛᐤ, ᑲ ᐃᔅᐱᔅ ᐱᔅᑎᓂᒐᑦ ᐊᓐ ᑲ ᐸᐃᑯᓯᑦ ᐃᔎᐤ ᑲ ᒋᔅᑎᒪᑎᓯᑦ ᐊᑐᐎᔅ ᐎᔾ ᒥᓴᔪᐤ ᐅᐱᔅᑎᓂᒐᐅᓐ ᐃᔅᐱᔅ ᐊᓐᒡ ᑯᑎᑭᒡ ᑲ ᐱᔅᑎᓂᒐᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:30

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐᒡ ᐸᒪᑎᓯᒡ ᐊᓄᒡ, ᓇᒪ ᒋᑭ ᐅᒋ ᒪᒋ ᓂᐳᐅᒡ ᐊᔅᒄ ᐊᑲ ᐅᑎᒋᐱᔨᒐ ᒥᓯᐛ ᑕᓐ ᒋᐸ ᐃᔅᐱᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:18

ᒪᒂᒡ ᒪᒃ ᐊᐱᒡ ᐊ ᒥᒋᓱᒡ ᒋᓴᔅ ᒋ ᐃᔅᒋᔄᐤ, “ᑕᑈ ᒋᑦ ᐃᑎᓇᐛᐤ, ᐸᐃᒄ ᐅᑕ ᐊ ᑎᓯᔭᒄ ᑲ ᐎᒋᒥᒋᓱᒥᔭᒄ ᓂᑭ ᐎᔭᓯᐱᔅᑎᓂᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:25

ᑕᑈ ᒋᑦ ᐃᑎᓇᐛᐤ, ᓇᒪ ᒥᓐ ᓂᑭ ᐅᒋ ᒥᓐ ᓱᒥᓇᐳᔾ ᐸᑐᔅ ᐅᔅᒋ ᓱᒥᓇᐳᔾ ᒥᓂᔭᓇ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:30

ᐊᑯ ᒋᓴᔅ ᐊᑕᑦ, “ᑕᑈ ᒋᑦ ᐃᑎᓐ, ᐊᔅᒄ ᐊᑲ ᐛᐛᒡ ᓂᔄᐤ ᐸᑕᑯᓯᑦ ᓇᐸ ᐱᑲᒂᓐ ᒐ ᐅᑕᑯᓯᒡ ᓂᔍᐤ ᒋᑭ ᐊᓏᑕᓐ ᐊ ᒋᔅᒐᔨᒥᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:9

ᑕᑈ ᒋᑦ ᐃᑎᓇᐛᐤ, ᑕᓐᑕ ᒥᒄ ᒐ ᑭᒐᔅᒋᒧᓇᓄᐅᒂ ᐊ ᐛᐎᑕᑭᓄᐅᒡ ᒥᔽᒋᒧᐅᓐ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᐊᑯᑕ ᑭᔭ ᐅ ᐃᔎᐤ ᑲ ᐃᑐᑕᐧᒃ ᒐ ᐊᔨᒧᑕᑭᓄᐎᒡ ᒐᒋ ᒋᔅᒋᓯᑐᐛᑭᓄᐅᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:28

“ᑕᑈ ᐛᔅ ᐊᓐ ᒋᑦ ᐃᑎᓇᐛᐤ, ᒋᑭ ᐛᐸᔨᑎᒧᐛᑭᓄᐎᒡ ᐊᐛᓐᒋ ᒥᓯᐛ ᐅᒥᒋᑥᐅᓄᐛᐛ ᑭᔭ ᑕᓐ ᐊ ᐃᓯ ᒥᒋ ᐊᔨᒧᒪᒡ ᐊᐛᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:11

ᐊᑲ ᒪᒃ ᐎ ᐱᑎᑲᐃᑯᔭᒂ ᒪᒃ ᐊᑲ ᐎ ᓂᑐᑕᑯᐅᔭᒂ, ᓂᑭᑎᒪᒂ ᐊᓐ ᐅᑕᓇᐤ ᒐ ᐸᐳᓯᑕᓯᒧᔭᒄ᙮ ᐊᐅᒄ ᒐ ᐃᑎᔭᒄ ᐊ ᓄᑯᑕᔭᒄ ᐊ ᐃᔭᒂᒥᒪᑯᒡ ᐊᓐᒡ ᐃᔪᒡ ᐊᓐᑕ ᑲ ᑕᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:12

ᒋᓴᔅ ᒪᒃ ᒋ ᔭᐧᑭᑕᒧᐤ ᐅᑦ ᐊᒐᐧᑯᒡ ᐊᑯ ᒂ ᐃᔅᒋᔄᑦ, “ᒐᒂᓐ ᐛᒋ ᓂᑐᐛᔨᑕᒡ ᐃᔪᒡ ᐊᓄᒡ ᒐᓯᑲᔨᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ᙮ ᑯᐃᔅᒄ ᒋ ᐎᑎᒪᑎᓇᐛᐤ, ᓇᒪ ᒋᑭ ᐅᒋ ᐛᐸᑎᔨᑯᓇᐛᐤ ᒪᒥᔅᑲᒡ ᐛᐸᑎᔨᐛᐅᓐ ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:1

ᐊᑯ ᒋᓴᔅ ᐅᔭ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐃᑕᐅᒡ ᐱᔅᒐ ᐅᑕ ᒪᒂᒡ ᐊᐛᓐᒋ ᒐ ᐊᑲ ᐅᒋ ᓂᐱᒡ ᐸᑐᔅ ᐛᐸᑎᒺᑥᐛ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐸᒋ ᓄᑯᓂᔨᒡ ᓱᐧᑲᑎᓯᐅᓂᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:41

ᒋᒋᐛ ᒪᒃ ᒋᑦ ᐃᑎᓇᐛᐤ, ᐊᓐ ᐊᐛᓐ ᒐ ᒥᓇᐃᑕᒄ ᓂᐱᔪᐤ ᐊᓂᔭ ᐅᒋ ᙭ ᐊ ᐎᒐᐛᒄ, ᒐᔅᑎᓇᔅ ᒋᑭ ᒥᔭᑭᓄᐤ ᐅᑎᐸᐊᒪᑯᓯᐅᓐ᙮”

ᓗᒃ 11:51

ᐊᓐᑕ ᐊᓂᔭ ᐅᒋᔅᒋᐛᐃᒐᓱᐤ ᐊᐳᓪ ᑲ ᐃᓯᓂᐧᑲᓱᑦ ᐊ ᐅᒋ ᒋᒋᐱᔨᒡ ᐊᓐᑕ ᒪᒃ ᐃᔅ ᐊᓂᔭ ᓴᑲᕋᔭ ᑕᓐ ᑲ ᐃᓯ ᓂᐸᐊᑭᓄᐅᑦ᙮ ᐱᑎᑭᒥᒡ ᒋᓴᐊᔭᒥᐊᐅᒋᐛᐱᒡ ᒋ ᓂᐸᐊᑭᓄᐤ ᓴᑲᕋᔭ ᑎᔅᑐᐎᒡ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊᓐᑕ ᒪᒃ ᒪᐅᒡ ᐊ ᐸᔭᒐᔨᑕᒂᒡ ᒋᓴᐊᔭᒥᐊᐅᒋᐛᑉ᙮ ᓂᐦᐃ, ᑕᑈ ᒋᑦ ᐃᑎᓇᐛᐤ, ᐊᓐᒡ ᐃᔪᒡ ᑲ ᐱᒪᑎᓯᒡ ᐊᓄᒡ ᐎᔨᐛᐤ ᒋᑭ ᐊᓂᔅᒐ ᒪᑎᑯᔅᑲᑯᒡ ᒥᓯᐛ ᐊᓂᔭ ᑕᓐ ᑲ ᐃᓯ ᐅᓂᑐᑐᐛᑭᓄᐎᒡ᙮”

ᓗᒃ 12:37

ᒋᑭ ᓱᐛᔨᑕᑯᓱᐅᒡ ᒪᒃ ᐊᓐᒡ ᐊᐱᒋᐊᑭᓐᒡ ᒥᔅᑲᑯᑥᐛ ᐊᓂᔭ ᐅᒋᒪᒧᐛᐛ ᐊᒋ ᐊᔭᔅᑯᐎᔅᑐᐛᒡ᙮ ᒋ ᐎᑎᒪᑎᓇᐛᐤ ᒪᒃ, ᐊᓐ ᐅᒋᒪᐤ ᒋᑭ ᐊᔭᔅᑯᐎᔪᐤ ᐎᔾ ᒂᔅᒋᐱᓐ ᒐᒋ ᐃᑐᑎᒧᐛᑦ ᑕᓐ ᑲ ᐃᓯ ᐃᑐᑎᒪᑯᑦ ᑭᔭ ᒐ ᐎᓴᒪᑦ ᒐᒋ ᒥᒋᓱᔨᒋ, ᐛᐛᒡ ᐎᔾ ᒋᑭ ᐎᔅᑐᐛᐤ᙮

ᓗᒃ 13:35

ᒋᑭ ᓂᑭᑎᒪᑯᓇᐛᐤ ᒋᒋᐛᐛ ᓇᔅᒡ ᐊ ᓂᓱᐅᓇᑎᔨᒋ᙮ ᒋ ᐎᑎᒪᑎᓇᐛᐤ ᓇᒪ ᒋᑭ ᐅᒋ ᐛᐱᒥᓇᐛᐤ ᐸᑐᔅ ᐅᑎᒋᐱᔨᒐ ᒐᒋ ᐃᔅᒋᔄᔭᒄ, ᓱᐛᔨᑕᑯᓱᐤ ᐊᓐ ᑲ ᐸᒋ ᐃᑐᑕᑦ ᐅᑎᐸᔨᒋᒐᐛ ᐅᑦ ᐃᓯᓂᐧᑲᓱᓂᔨᒡ᙮”

ᓗᒃ 16:17

ᐊᑲᐎᔾ ᐃᑕᔨᑎᒧᒄ ᐊ ᐊᑲ ᓴᔅ ᓂᑐᐛᔨᑕᒂᒡ ᒐᒋ ᓂᓇᐃᑕᑭᓄᐎᒡ ᒋᓴᒪᓂᑐᐤ ᐅᐎᓱᐛᐅᓐ᙮ ᐊᑎ ᐊᓂᔭ ᓇᔅᒡ ᐊᑲ ᐃᑕᔨᑕᑯᓂᔨᒡ ᑲ ᐃᑕᔨᑕᑭᓄᐎᒡ ᐃᔭᐱᒡ ᐃᑕᔨᑎᒥᐃᑯᐤ ᒋᓴᒪᓂᑐᐤ ᒐᒋ ᓂᓇᐃᑕᑭᓄᔨᒋ ᒐ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ ᑭᔭ ᒋᒋᒋᓯᑯᔪᐤ᙮”

ᓗᒃ 18:17

ᑕᑈ ᒋ ᐎᑎᒪᑎᓇᐛᐤ, ᒧᔭᒻ ᐊ ᐃᓯ ᑕᑈᑕᐧᒃ ᐊᐛᔅ ᑕᓐ ᐊ ᐃᓯ ᐎᑎᒧᐛᑭᓄᐅᑦ ᐊᐅᑯᓐ ᑭᔭ ᒋᔨᐛᐤ ᒋᐸ ᐃᓯ ᑕᑈᑕᓇᐛᐤ ᑕᓐ ᐊ ᐃᓯ ᐎᑎᒪᑯᔭᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐱᒐᔭᒄ ᐊᓐᑕ᙮”

ᓗᒃ 18:29

“ᓂᐦᐃ, ᑕᑈ,” ᒋ ᐃᑕᐤ ᒋᓴᔅ, “ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐛ ᑭᔭ ᐎᐧᑲᓂᓴ ᑭᔭ ᐅᓂᒋᐃᒂ ᑭᔭ ᐅᑦ ᐊᐛᓯᒪ, ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᒋ ᒋᑭ ᒐᔅᑎᓇᑕᔨᑕᓇᐛᐤ,

ᓗᒃ 23:43

ᒋᓴᔅ ᒂ ᐃᑕᑦ, “ᒋᒋᐛ ᒋᑦ ᐃᑎᓐ, ᐊᓄᒡ ᒋᑭ ᑕᓇᓄᐤ ᐸᕋᑕᐃᓯᒡ, ᐊᓐᑕ ᐊ ᒥᔽᔨᑕᒂᒡ ᐊ ᑕᓄᐅᒡ᙮”

ᓗᒃ 4:24

“ᒥᒄ ᒪᒃ ᒋᑦ ᐃᑎᓇᐛᐤ, ᐊᓐ ᐊᐛᓐ ᑲ ᐅᒋᔅᒋᐛᐃᒐᓱᐅᑦ, ᓇᒪ ᐊᐱᑕᔨᒪᑭᓄᐤ ᐊᓐᑕ ᐊᓂᔭ ᐅᑕᓇᔪᐤ ᑲ ᓂᑕᐅᒋᑦ᙮

ᒠᓐ 1:51

ᐊᑯ ᒥᓐ ᒂ ᐊᑎ ᐃᔅᒋᔄᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᒋᑭ ᐛᐸᑕᓇᐛᐤ ᒋᒋᒋᓯᒄ ᐊ ᔪᑕᐱᔨᒡ, ᑭᔭ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᐅᐱᔨᒋ ᑭᔭ ᐊ ᐸᒋ ᔭᓯᑐᑐᐛᒡ ᐃᔪᐤ ᐅᑯᓯᓴᓇ᙮”

ᒠᓐ 10:1

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᐛᓐ ᐊ ᐎ ᒋᒧᑎᑦ ᓇᒪ ᐊᓐᑕ ᐊ ᐃᔎᑕᒧᐅᓂᔨᒡ ᒪᔭᑕᓂᓯᐅᒋᐛᐱᔪᐤ ᐅᒋ ᐱᒐᐤ᙮ ᐃᔭᒡ ᐊᓐᑕ ᐅᒋ ᐸᔅᑕᑎᐛᐱᔪᐤ ᐊ ᐎ ᐱᒐᑦ᙮

ᒠᓐ 10:7

ᐊᑯ ᒪᒃ ᒋᓴᔅ ᒥᓐ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᓂᔾ ᐊᐅᒄ ᒋᐱᔎᐤ ᐊᓐᑕ ᐛᒋ ᐱᒐᒡ ᑭᔭ ᐊᓐᑕ ᐛᒋ ᐎᐎᒡ ᐊᓐᒡ ᒪᔭᑕᓂᓯᒡ᙮

ᒠᓐ 12:24

ᑯᐃᔅᒄ ᒋ ᐎᑎᒪᑎᓇᐛᐤ ᒧᔭᒻ ᐊᑲ ᐊᓐᑕ ᐊᔅᒋᒡ ᐊᔅᑕᑭᓄᒐ ᐸᐃᑯᒥᓐ ᓂᑕᐅᒋᑕᑭᓐ ᓇᒪ ᒋᑭ ᐅᒋ ᓂᑕᐅᒋᓐ ᒥᒄ ᒪᒃ ᐊᔅᑕᑭᓄᒐ ᐊᓐᑕ ᐊᔅᒋᒡ ᐊᑎ ᓂᐱᒥᑲᒐ ᒪᒃ ᐊᑯᑕ ᒐ ᐅᒋ ᓂᑕᐅᒋᒋ ᒥᒐᑦ ᓂᑕᐅᒋᑕᑭᓇ᙮

ᒠᓐ 13:16

ᑯᐃᔅᒄ ᒋ ᐎᑎᒪᑎᓇᐛᐤ, ᐊᐱᒋᐊᑭᓐ ᓇᒪ ᐎᔾ ᐅᔅᑕ ᐃᑕᔨᑕᑯᓱᐤ ᐊ ᐃᑕᔨᑕᑯᓯᔨᒋ ᐅᒋᒪᒪ ᑭᔭ ᐊᐛᓐ ᑲ ᒋᑎᓴᐛᑭᓄᐅᑦ ᒐᒋ ᐛᐎᑕᐧᒃ ᒐᒂᔪᐤ ᓇᒪ ᐎᔾ ᐅᔅᑕ ᐃᑕᔨᑕᑯᓱᐤ ᐊ ᐃᑕᔨᑕᑯᓯᔨᒋ ᐊᓂᔭᔪᐛ ᑲᒋ ᒋᑎᓴᐅᑯᑦ᙮

ᒠᓐ 13:38

ᒋᓴᔅ ᒂ ᐃᑕᑦ, “ᑕᑈ ᐊ ᓴᔅ ᒋᑦ ᐊᔭᔅᑯᐎᓐ ᒐᒋ ᐱᔅᑎᓂᒥᓐ ᒋᐱᒪᑎᓯᐅᓐ ᓂᔾ ᐅᒡ ? ᑕᑈ ᒋᑦ ᐃᑎᓐ, ᐊᔅᒄ ᐊᑲ ᐛᐛᒡ ᐸᑕᑯᓯᑦ ᓇᐸ ᐱᑲᒂᓐ, ᓴᔅ ᓂᔍᐤ ᒋᑭ ᑭᑭᒋᔭᓐ ᐊ ᐃᔅᒋᔄᔨᓐ ᐊᑲ ᒋᔅᒐᔨᒥᔨᓐ᙮”

ᒠᓐ 14:12

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ᑕᑈᔭᔨᒥᑦ ᒋᑭ ᐃᑐᑎᒻ ᑕᓐ ᐊ ᐃᓯ ᐃᑐᑎᒧᒡ ᑭᔭ ᐊᑐᐎᔅ ᒪᒥᔅᑲᒡ ᒐᒂᔪᐛ ᒋᑭ ᐃᑐᑎᒻ ᐛᔅ ᐊᓐᑕ ᓄᑕᐎᔾ ᐊ ᑕᑦ ᓂᔾ ᑭᔭ ᓂᑭ ᑕᓐ᙮

ᒠᓐ 16:20

ᑯᐃᔅᒄ ᐊ ᐎᑎᒪᑎᑯᒡ ᒋᑭ ᒪᓇᐛᐤ ᑭᔭ ᒋᑭ ᓂᓇᐧᑲᑕᔨᒧᓇᐛᐤ᙮ ᐊᐅᑯᓐᒡ ᐅᒡ ᐅᑕ ᐊᔅᒋᒡ ᑲ ᑕᒡ ᐊᑲ ᓂᓇᑭᑐᐛᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᒋᑭ ᓯᒋᔭᓱᐅᒡ᙮ ᒋᑭ ᒥᓯᒪᔨᑕᓇᐛᐤ ᒋᔨᐛᐤ᙮ ᒥᒄ ᒪᒃ ᐊᓐ ᐊ ᒥᓯᒪᔨᑎᒪᒄ ᒋᑭ ᒂᔅᒋᐱᔪᐤ ᐃᔭᐱᒡ ᒐᒋ ᒧᒋᒐᔨᑎᒪᒄ᙮

ᒠᓐ 16:23

“ᐅᑎᒋᐱᔨᒐ ᒪᒃ ᐅ ᑲ ᐃᓯ ᐊᔨᒧᑎᒪᑎᑯᒡ ᓇᒪ ᒐᒂᓐ ᒋᑭ ᐅᒋ ᓂᑐᑎᒧᓇᐛᐤ᙮ ᑯᐃᔅᒄ ᐊ ᐎᑎᒪᑎᑯᒡ ᒥᒄ ᑕᓐ ᒐ ᐃᓯ ᓂᑐᐛᔨᑎᒧᐛᒄ ᐅᑕᐎᒪᐤ ᓂᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒄ ᒋᑭ ᒥᔨᑯᐛᐤ᙮

ᒠᓐ 21:18

ᑯᐃᔅᒄ ᒋ ᐎᑎᒪᑎᓐ, ᐊᔅᒄ ᐊᒋ ᐅᔅᒋᓂᒋᓱᐎᓐ ᒥᒄ ᑕᓐ ᐛ ᐊᐃᑎᔨᓐ ᔅᒋ ᐃᑎᓐ ᑭᔭ ᒥᒄ ᑕᓐᑕ ᐛ ᐃᑐᑕᔨᓐ ᐊᑯᑕ ᑲ ᐃᑐᑕᔨᓐ᙮ ᐃᔅᐱ ᒪᒃ ᒋᓴᐃᔪᔨᓇ, ᓱᐅᓂᔅᒐᔨᓇ ᒪᒃ ᒋᑭ ᒪᑯᐱᑕᑭᓄᐛ ᔅᑎᒋᔭ ᐊᑯ ᒐ ᐃᑐᑕᐃᑯᔨᓐ ᐊᓐᑕ ᐊᑲ ᐎ ᐃᑐᑕᔨᓐ᙮”

ᒠᓐ 3:11

ᑯᐃᔅᒄ ᒋ ᐎᑎᒪᑎᓐ᙮ ᓂᑦ ᐊᔨᒧᑕᓇᓐ ᑕᓐ ᐊ ᐃᓯ ᒋᔅᒐᔨᑎᒪᒡ ᑭᔭ ᑕᓐ ᑲ ᐃᓯ ᐛᐸᑎᒪᒡ ᓇᒪ ᒪᒃ ᐃᔭᐱᒡ ᐛᐛᒡ ᐸᐃᒄ ᒋ ᐎ ᑕᑈᑐᐅᓇᓐ᙮

ᒠᓐ 3:3

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ᐛᐸᑎᒺᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐸᑐᔅ ᒥᓐ ᐱᒪᑎᓯᒐ᙮”

ᒠᓐ 3:5

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓐ, ᓇᒪ ᐊᐛᓐ ᒋᑭ ᒋ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐸᑐᔅ ᓂᐱᒡ ᑭᔭ ᐊᒐᐧᑯᐅᓂᒡ ᐅᒋ ᐱᒪᑎᓯᒐ᙮

ᒠᓐ 5:19

ᒋᓴᔅ ᒪᒃ ᒋ ᐃᑕᐤ, “ᑯᐃᔅᒄ ᒋ ᐎᑎᒪᑎᓇᐛᐤ, ᐅᑯᓯᓯᒪᐤ ᓇᒪ ᒥᒄ ᐎᔾ ᒋᑭ ᒋ ᐃᑐᑎᒻ ᒐᒂᔪᐤ᙮ ᐅᑕᐎᒪᐛ ᑭᓄᐛᐱᒪᐤ ᒐᒂᔪᐤ ᐊ ᐃᑎᔨᒋ ᑭᔭ ᐎᔾ ᒪᒃ ᐊᐅᑯᓐ ᐊ ᐊᑎ ᐃᑎᑦ᙮ ᒥᒄ ᑕᓐ ᐊ ᐃᑎᔨᒋ ᐅᑕᐎᔭ ᐊᐅᑯᓐ ᐊ ᐃᑎᑦ ᑭᔭ ᐎᔾ ᐅᑯᓯᓯᒪᐤ᙮

ᒠᓐ 6:26

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᓇᒪ ᒥᒄ ᐊᓐ ᐊᒋ ᐛᐱᒥᔭᒄ ᒪᒥᔅᑲᒡ ᐛᐸᑎᔨᐛᐅᓇ ᐊ ᐃᑐᑎᒪᓐ ᐛᒋ ᐸᒋ ᓇᓂᑐᐛᐱᒥᔭᒄ᙮ ᐊᓐ ᐊᒋ ᒧᐛᒄ ᐸᒂᓯᑭᓐ ᑭᔭ ᐊᒋ ᒋᔅᐳᔭᒄ ᐊᐅᒄ ᐛᒋ ᓇᓂᑐᐛᐱᒥᔭᒄ᙮

ᒠᓐ 6:32

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᓂᔭ ᐸᒂᓯᑭᓇ ᒧᓱᔅ ᑲ ᒥᔨᑕᒄ ᓇᒪ ᐊᓐᑕ ᒋᒋᒋᓯᑯᒡ ᐅᒡ ᐅᒋᐱᔪᐛ᙮ ᒋᓴᒪᓂᑐᐤ, ᓄᑕᐎᔾ ᐊᐅᒄ ᐊᓐ ᒪᔨᑕᒄ ᐊᓂᔭ ᒋᒋᐛ ᐸᒂᓯᑭᓇ ᒋᒋᒋᓯᑯᒡ ᑲ ᐅᒋᐱᔨᒋ᙮

ᒠᓐ 6:47

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ᑕᑈᔭᔨᒥᑦ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 6:53

ᒋᓴᔅ ᒂ ᐃᑕᑦ, “ᑯᐃᔅᒄ ᒋᑦ ᐃᑎᓇᐛᐤ, ᓇᒪ ᒋᑭ ᒋ ᐊᔭᓇᐛᐤ ᑲᒋᒡ ᐱᒪᑎᓯᐅᓐ ᐊᑲ ᒥᒍᐛᒂ ᐃᔪᐤ ᐅᑯᓯᓴᓐ ᐎᔭᔅ ᑭᔭ ᐊᑲ ᒥᓂᐛᒂ ᐅᒥᐧᒄ᙮

ᒠᓐ 8:34

ᒋᓴᔅ ᒂ ᐃᓯ ᐎᑎᒧᐛᑦ ᐊ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᒥᓯᐛ ᐊᐛᓐ ᑲ ᒥᒋᑐᑕᐧᒃ ᑎᐸᔨᒥᑯᐤ ᐊᓂᔭ ᑕᓐ ᐊ ᐃᓯ ᒥᒋᑐᑕᐧᒃ᙮

ᒠᓐ 8:51

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᓂᓇᐃᑎᒧᒂ ᑕᓐ ᐊ ᐃᔅᒋᔄᐅᒡ ᓇᒪ ᓂᑕ ᒋᑭ ᐅᒋ ᓂᐳᐤ᙮”

ᒠᓐ 8:58

ᒋᓴᔅ ᒂ ᐃᑕᑦ, “ᑯᐃᔅᒄ ᒋ ᐎᑎᒪᑎᓇᐛᐤ, ᐊᔅᒄ ᐊᑲ ᐅᒋ ᐱᒪᑎᓯᑦ ᐊᑉᕋᐊᒻ, ᓴᔅ ᓂᒋ ᑕᓐ᙮”

1 ᐱᑕᕐ 1:25

ᒥᒄ ᒪᒃ ᐅᑎᐸᔨᒋᒐᐤ ᐅᑦ ᐃᔨᒧᐅᓐ ᑲᒋᒡ ᑎᑯᓂᔪᐤ᙮ ᐅ ᒪᒃ ᐃᔨᒧᐅᓐ ᐊᐅᒄ ᒥᔽᒋᒧᐅᓐ ᑲ ᐛᐎᑎᒪᑯᐅᔭᒄ᙮

ᒋᔅᒐᔨᑕᑯᑕᒐᐅᓐ 20:11

ᐊᑯ ᒂ ᐛᐸᑎᒪᓐ ᐊ ᒥᓴᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ᐛᐸᐤ ᐊᓐ ᑕᑎᐳᐛᑭᓐ᙮ ᓂᒋ ᐛᐱᒪᐤ ᒪᒃ ᐊᓐ ᐊᐛᓐ ᑲ ᐊᐱᑦ ᐊᓐᑕ᙮ ᒥᓯᐛ ᒋᓯᑯᔪᐤ ᑭᔭ ᐊᔅᒋᔪᐤ ᒋ ᐊᑎ ᐸᓯᑯᓇᑯᓂᔪᐛ ᐅᑎᔅᑯᐤ ᐊ ᑕᑦ᙮ ᓇᒪ ᒪᒃ ᒥᓐ ᐅᒋ ᑎᑯᓂᔪᐛ᙮