ᒪᑎᔪᐤ 5:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ “ᐊᑲᐎᔾ ᐃᑕᔨᑎᒧᒄ ᐊᒋ ᐸᒋ ᑎᑯᓯᓂᔭᓐ ᒐᒋ ᓂᓱᐅᓇᒋᑕᔭᓐ ᒧᓱᔅ ᐅᐎᓱᐛᐅᓐ ᑭᔭ ᐊᓂᔭ ᑲ ᐃᓯ ᒋᔅᑯᑎᒪᒐᒡ ᐅᒋᔅᒋᐛᐃᒐᓱᒡ᙮ ᓇᒪ ᓂ ᐅᒋ ᑎᑯᓯᓐ ᒐᒋ ᓂᓱᐅᓇᒋᑕᔭᓐ, ᒪᒃ ᓂᒋ ᑎᑯᓯᓐ ᑕᑈ ᒐᒋ ᐃᔅᐱᔨᒡ ᑕᓐ ᑲ ᐃᓯ ᒋᔅᑯᑎᒪᒐᒡ᙮

ᒪᑎᔪᐤ 5:17 ပူးပေါင်းရင်းမြစ်များ

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᒪᑎᔪᐤ 7:12

ᑕᓐ ᐊ ᐃᓯ ᓂᑐᐛᔨᒪᑯᒡ ᐊᐛᓐᒋ ᒐᒋ ᐃᑐᑕᑕᑯᒡ, ᐊᐅᑯᓐ ᑭᔭ ᒋᔨᐛᐤ ᐃᑐᑐᐛᐧᑯᒡ, ᐛᔅ ᐊᐅᒄ ᐅ ᐊ ᐃᓯ ᒋᔅᑯᑎᒪᒐᒥᑲᒡ ᐎᓱᐛᐅᓐ ᑭᔭ ᐊᐅᑯᓐ ᑲ ᐃᓯ ᐛᐎᑕᒡ ᐅᒋᔅᒋᐛᐃᒐᓱᒡ᙮”

ᓗᒃ 16:17

ᐊᑲᐎᔾ ᐃᑕᔨᑎᒧᒄ ᐊ ᐊᑲ ᓴᔅ ᓂᑐᐛᔨᑕᒂᒡ ᒐᒋ ᓂᓇᐃᑕᑭᓄᐎᒡ ᒋᓴᒪᓂᑐᐤ ᐅᐎᓱᐛᐅᓐ᙮ ᐊᑎ ᐊᓂᔭ ᓇᔅᒡ ᐊᑲ ᐃᑕᔨᑕᑯᓂᔨᒡ ᑲ ᐃᑕᔨᑕᑭᓄᐎᒡ ᐃᔭᐱᒡ ᐃᑕᔨᑎᒥᐃᑯᐤ ᒋᓴᒪᓂᑐᐤ ᒐᒋ ᓂᓇᐃᑕᑭᓄᔨᒋ ᒐ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ ᑭᔭ ᒋᒋᒋᓯᑯᔪᐤ᙮”

ᒠᓐ 8:5

ᐃᑎᔅᑕᐤ ᐊᓐᑕ ᒧᓱᔅ ᐅᐎᓱᐛᐅᓂᒡ ᒐᒋ ᓂᐸᐊᑭᓄᐅᑦ ᐊ ᐸᐱᒧᓯᓇᑎᐛᑭᓄᐅᑦ ᐃᔎᐤ ᐊ ᒐᔅᑯᐛᑭᓄᐅᑦ ᑯᑎᑲ ᓇᐸᐛ ᓂᑐᐎᔾ ᐊ ᐃᓯ ᐎᒐᐛᑦ᙮ ᑕᓐ ᒪᒃ ᐊ ᐃᑕᔨᑎᒥᓐ ᒋᔾ ?”

ᐊᑈᔅᑕᓇᒡ 18:13

ᐊᑯ ᒂ ᐃᔅᒋᔄᒡ, “ᐅ ᓇᐸᐤ ᓯᒋᒪᐤ ᐃᔪᐛ ᐃᔭᒡ ᒐᒋ ᐃᓯ ᑕᑈᑎᒥᔨᒋ, ᐊᓂᔭ ᒪᒃ ᐊ ᐃᓯ ᒋᔅᑯᑎᒪᒐᑦ ᒐᒋ ᐃᓯ ᐊᔭᒥᐊᔅᑐᐛᑭᓄᔨᒋ ᒋᓴᒪᓂᑐᐛ ᓇᒪ ᐃᑎᔅᑕᐤ ᐊᓐᑕ ᐎᓱᐛᐅᓂᒡ ᐅ ᒐᒋ ᐃᑎᓇᓄᐅᒡ᙮”

ᐊᑈᔅᑕᓇᒡ 21:28

ᒋ ᐃᓯ ᑕᑈᐅᒡ ᒪᒃ, “ᒋᔨᐛᐤ ᓇᐸᑐᒄ ᐃᔅᕋᐃᓪ ᑲ ᐅᒋᔭᒄ, ᐸᒋ ᐎᒋᐃᓇᓐ, ᐊᐅᒄ ᐅ ᓇᐸᐤ ᒥᓯᐛ ᑲ ᐃᑐᑕᑦ ᐊ ᒋᔅᑯᑎᒧᐛᑦ ᒥᓯᐛ ᐊᐛᔪᐛ ᒐ ᐊᑲ ᒋ ᐊᐱᑕᔨᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒧᓱᓴ ᐅᐎᓱᐛᐅᓂᔪᐤ ᑭᔭ ᐅᔭ ᒋᓴᐊᔭᒥᐊᐅᒋᐛᐱᔪᐤ ᓇᒪ ᐊᐱᑕᔨᑎᒻ᙮ ᐛᐛᒡ ᑭᔭ ᒋ ᐸᒋ ᐱᑎᑲᐊᐤ ᒪᓐᑕᐛ ᐊᑲ ᒍᐤ ᐃᑎᔅᑲᓇᓯᔨᒋ ᐅᑕ ᒋᓴᐊᔭᒥᐊᐅᒋᐛᐱᒡ ᐊᓂᔭ ᒋᐸ ᐅᒋ ᐊᑲ ᐱᒐᔪᐛ ᐅᑕ᙮ ᐅᔭᔪᐤ ᒪᒃ ᑲ ᐃᑎᑦ ᓇᔅᒡ ᒪᔭᔨᑎᒻ ᐊᓂᔭ ᐊᓐᑕ ᒪᐅᒡ ᑲ ᐸᔭᐧᑭᓂᔨᒡ᙮”

ᐊᑈᔅᑕᓇᒡ 6:13

ᑭᔭ ᒋ ᐎᓴᒪᐅᒡ ᓇᐸᐛ ᒐᒋ ᓂᑐᐎ ᐃᑕᒋᒪᔨᒋ ᔅᑎᐱᓇ ᐊᓐᑕ ᐊ ᒪᒧᐎᓇᓄᐎᒡ᙮ ᒋ ᐃᔅᒋᔄᔪᐛ ᒪᒃ, “ᐅ ᓇᐸᐤ, ᓇᒪ ᒋᐱᑐᐛᐤ ᐊ ᒥᒪᔭᔨᑕᐧᒃ ᐅᔭ ᒪᐅᒡ ᑲ ᐸᔭᐧᑭᓂᔨᒡ ᑭᔭ ᐊᓂᔭ ᐎᓱᐛᐅᓂᔪᐤ ᒋᓴᒪᓂᑐᐛ ᑲ ᒥᔭᔨᒋ ᐊᓂᔭᐧᑲ ᒧᓱᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:4

ᑲ ᑎᑯᓯᐧᒃ ᙭ ᒋ ᐃᑐᑎᒻ ᐎᓱᐛᐅᓂᔪᐤ ᒐ ᐊᑲ ᒋ ᐊᐱᑕᔨᑕᑯᓂᔨᒡ, ᑭᔭ ᒥᓯᐛ ᐊᓂᔭᔪᐛ ᒐ ᑕᑈᔭᔨᒥᑯᒂ ᐊᐅᑯᓂ ᐊᓂᔭᔪᐛ ᐅ ᑯᐃᔅᑯᑕᑎᓯᐤ ᒐ ᐃᓯ ᑭᓄᐛᐱᒥᑯᔨᒋ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:31

ᐊᑯ ᐊ ᒪᒃ ᐎᔭᐱᓂᒪᐧᒄ ᐎᓱᐛᐅᓐ ᐊ ᐃᔅᒋᔄᔭᐧᒄ ᒥᒄ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊ ᐅᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ ? ᓇᒪᐎᔾ ᑭᑈ᙮ ᐃᔭᐱᒡ ᒋ ᒋᐧᑲᔭᔨᑕᑯᑕᓇᓄᐤ ᑕᓐ ᒋᒋᐛ ᐊ ᐃᑕᐱᑎᒡ ᐊᓐ ᐎᓱᐛᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:4

ᒋ ᐃᑐᑎᒻ ᐅᔭ ᒐᒋ ᐅᒋ ᓇᔅᒡ ᑎᐸᑐᑎᒪᐧᒄ ᑕᓐ ᐊ ᐃᓯ ᑯᐃᔅᒄ ᐃᑕᔨᑕᑯᓂᔨᒡ ᐊ ᐃᑎᓱᐛᒥᑭᓂᔨᒡ ᐅᐎᓱᐛᐅᓐ᙮ ᑲ ᐸᔭᒋᓯᑦ ᐊᒐᐧᒄ ᐊ ᑎᐸᔨᒥᑕᐧᒄ ᐊᑯ ᐃᔭᒄ ᒐᒋ ᐃᑐᑎᒪᐧᒄ ᐅ ᓇᒪ ᐎ ᒋᒥᒐᑎᓯᐅᓄᐛ ᐊ ᑎᐸᔨᒥᑯᔭᐧᒄ᙮