ᒪᑎᔪᐤ 5:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ “ᒋ ᓱᐛᔨᑕᑯᓯᓇᐛᐤ ᐊ ᒪᔭᔨᒥᑯᐅᔭᒄ, ᒪᒃ ᐊ ᓂᓇᐧᑲᒋᐃᑯᐅᔭᒄ ᑭᔭ ᐊ ᑭᑭᒋᔭᐛᑕᒋᒥᑯᐅᔭᒄ ᓂᔾ ᐅᒋ ᐊ ᐸᒋ ᓇᓴᐅᔭᒄ᙮

ᒪᑎᔪᐤ 5:11 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 35:11

ᐅᑭᒋᔭᑕᒋᒧᐅᒡ ᒋ ᐱᓯᑯᐅᒡ; ᓂᒋ ᒪᒥᓯᒥᑯᒡ ᒐᒂᓇ ᐊᑲ ᑲᒋ ᒋᔅᒐᔨᑎᒧᒡ᙮

ᑎᐱᑦ ᐅᓂᑭᒧᐅᓇ 44:22

ᓂᐦᐃ, ᒋᔾ ᐅᒋ ᓂ ᓂᐸᐃᑯᐅᓇᓐ ᐃᔅᑭᓐ ᒋᓯᑲᐛ; ᓂᑦ ᐃᑕᒋᒥᑯᐅᓇᓐ ᒧᔭᒻ ᒪᔭᑕᓂᓯᒡ ᑲ ᐎ ᓂᐸᐊᑭᓄᐅᒡ᙮

ᒪᑎᔪᐤ 10:18

ᒋᑭ ᐃᑐᑕᐃᑯᐅᓇᐛᐤ ᑎᐸᔨᒋᒐᓱᐅᒡ ᑭᔭ ᒋᓴᐅᒋᒪᐅᒡ ᐊᑕᒡ ᒐᒋ ᐅᑎᔅᑯᑲᐳᔅᑎᐛᑯᒡ ᓂᔾ ᐅᒡ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ ᐊᓐᑕ ᐅᑎᔅᑯᐤ ᐊᑕᒡ ᑭᔭ ᐅᑎᔅᑯᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᒪᑎᔪᐤ 10:22

ᒥᓯᐛ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᐎᔭᒄ᙮ ᐊᓐ ᒪᒃ ᐊᐛᓐ ᐊᑲ ᓴᐧᑯᒋᐊᑭᓄᐅᑦ ᐊ ᐸᒋ ᓇᓴᐅᑦ ᐊᐅᒄ ᐊᓐ ᒐ ᐱᒪᒋᐊᑭᓄᐅᑦ᙮

ᒪᑎᔪᐤ 10:25

ᒋᐸ ᒥᔽᔨᑎᒻ ᒪᒃ ᐊᓐ ᑲ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ᒪᔭᔨᒥᒡ ᐊᒋ ᐃᔅᒋᔄᒡ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ᒪᔭᔨᒥᑯᐛᐅᒡ᙮”

ᒪᑎᔪᐤ 10:39

ᐊᓐ ᐊᐛᓐ ᑲ ᐎ ᑭᓄᐛᔨᑕᐧᒃ ᐅᐱᒪᑎᓯᐅᓐ ᒥᒄ ᐎᔾ ᐊ ᐎ ᓂᓇᐊᔨᑎᒥᐃᓱᑦ ᒋᑭ ᐅᓂᑕᐤ ᑭᔭ ᐊᓐ ᐊᐛᓐ ᑲ ᐅᓂᑕᑦ ᐅᐱᒪᑎᓯᐅᓐ ᓂᔾ ᐅᒋ ᒋᑭ ᒥᔅᑭᒻ᙮”

ᒪᑎᔪᐤ 19:29

ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᒥᔭᑭᓄᐤ᙮

ᒪᑎᔪᐤ 24:9

“ᑭᔭ ᒐ ᒪᑯᓂᑯᔭᒄ ᑭᔭ ᒋᑭ ᓂᓇᐧᑲᒋᐃᑯᓇᐛᐤ᙮ ᐛᐛᒡ ᒋᑭ ᓂᐸᐃᑯᓇᐛᐤ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᔭᒄ᙮

ᒪᑎᔪᐤ 27:39

ᐊ ᐱᒧᑕᒡ ᒪᒃ ᐊᐛᓐᒋ ᐊᓐᑕ ᒋ ᐛᐛᐱᔎᔪᐅᒡ ᑭᔭ ᒋ ᒪᔭᔨᒪᐅᒡ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:13

ᒥᓯᐛ ᐊᐛᓐ ᒋᑭ ᐛᐧᑲᑎᑯᐛᐤ ᐊ ᓇᓴᐎᔭᒄ᙮ ᒥᒄ ᒪᒃ ᐊᓐ ᐊᐛᓐ ᒐ ᐊᔨᒋᑲᐳᒂ ᒐ ᐃᔅᐱᔅ ᐱᒪᑎᓯᒂ ᐊᐅᒄ ᒐ ᐱᒪᒋᐊᑭᓄᐅᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:9

“ᐃᔭᒂᒥᒄ ᐛᔅ ᒋᑭ ᑕᐅᒡ ᐊᓐᒡ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᓐᑕ ᐊᔭᒥᐊᐅᒋᐛᐱᒡ ᐊᑯᑕ ᒐ ᐸᐱᓯᔅᑕᐅᑯᔭᒄ᙮ ᒋᑭ ᐃᑐᑕᐃᑯᓇᐛᐤ ᒥᒋᒪ ᑭᔭ ᒋᓴᐅᒋᒪᐅᒡ ᐊ ᑕᒡ ᒐᒋ ᑎᐸᔅᑯᓂᑕᑯᒡ ᐊᓐ ᐅᒋ ᐊ ᓇᓴᐅᔭᒄ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:17

ᒥᒄ ᒪᒃ ᓇᒪ ᑎᑯᓂᔪᐤ ᑕᓐᑕ ᒐᒋ ᐅᒋ ᔭᐃᒡ ᓂᑕᐅᒋᒡ ᑭᔭ ᓇᒪ ᓇᐅᔅ ᒋ ᐃᓯᑲᐳᐎᒡ᙮ ᐃᔅᐱ ᓇᒋᔅᑲᒡ ᐊ ᐊᔨᒥᓂᔨᒡ ᒪᒃ ᐊ ᒪᔭᔨᒪᑭᓄᐅᒡ ᐊᓂᔭ ᐃᔨᒧᐅᓂᔪᐤ ᐅᒋ ᐊᑯᑕ ᑎᐛᒡ ᒂ ᒋᐛᑲᐳᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:35

ᐛᔅ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ᐅᓂᑕᐤ᙮ ᐊᓐ ᒪᒃ ᐊᐛᓐ ᒐ ᐱᔅᑎᓂᒧᒂ ᒥᓯᐛ ᒐᒂᔪᐤ ᑕᓐ ᑲ ᐎ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ᓇᓴᐅᑦ ᑭᔭ ᒥᔽᒋᒧᐅᓂᔪᐤ ᐅᒋ ᐊᐅᑯᓐ ᐅ ᒐ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮

ᓗᒃ 21:12

“ᐊᔅᒄ ᒪᒃ ᐊᑲ ᐃᔅᐱᔨᒋ ᐅᔭ ᒐᒂᔪᐛ, ᒋᑭ ᒪᑯᓂᑯᓇᐛᐤ ᐊᑯ ᒐ ᓂᓇᐧᑲᒋᐃᑯᐅᔭᒄ᙮ ᒋᑭ ᐃᑐᑕᐃᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ ᒐ ᑎᐸᔅᑯᓂᑕᑯᒡ, ᐊᑯ ᒐ ᒋᐸᐅᑕᑯᒡ᙮ ᑭᔭ ᒋᑭ ᐃᑐᑕᐃᑯᐛᐅᒡ ᒋᓴᐅᒋᒪᐛ ᑭᔭ ᒋᓴᐅᒋᒪᓴ ᒐᒋ ᑎᐸᔅᑯᓂᑕᑯᒡ ᓂᔾ ᐅᒋ ᐊ ᐸᒋ ᓇᓴᐎᔭᒄ᙮

ᓗᒃ 21:17

ᒥᓯᐛ ᐊᐛᓐ ᒋᑭ ᐛᐧᑲᑎᑯᐛᐤ ᐊ ᓇᓴᐎᔭᒄ᙮

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᓗᒃ 9:24

ᐛᔅ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ᐅᓂᑕᐤ᙮ ᐊᓐ ᒪᒃ ᐊᐛᓐ ᑲ ᐎ ᐱᔅᑎᓇᐧᒃ ᒥᓯᐛ ᒐᒂᔪᐤ ᑕᓐ ᑲ ᐎ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ᓇᓴᐅᑦ ᐊᐅᑯᓐ ᐊᓐ ᒐ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮

ᒠᓐ 15:21

ᒥᓯᐛ ᐅ ᑲ ᐃᓯ ᐊᔨᒧᑎᒪᑎᑯᒡ ᒐ ᐃᑐᑕᑕᑯᒡ ᓂᔾ ᐊᓂᔭᔪᐤ ᒐ ᐅᒋ ᐃᑐᑕᑕᑯᒡ ᐛᔅ ᑕᐸ ᐅᒋ ᒋᔅᒐᔨᒪᐅᒡ ᐊᓂᔭ ᑲ ᐸᒋ ᐃᑎᓴᐅᔨᒋ᙮

ᒠᓐ 9:28

ᐊᑯ ᒂ ᒪᔭᔨᒪᒡ ᐊᓂᔭᔪᐛ ᓇᐸᐛ ᐊ ᐃᑕᒡ, “ᐊᐅᒄ ᒋᔾ ᐸᐃᒄ ᐅᒋᔅᒋᓄᐊᒧᐛᑭᓇ ᐊᓐ ᓇᐸᐤ, ᓂᔭᓐ ᐎ ᒧᓱᔅ ᐊᐅᒄ ᐛᐅᒋᔅᒋᓄᐊᒧᐛᑭᓂᑐᐎᔨᒥᑦ᙮

ᐊᑈᔅᑕᓇᒡ 9:16

ᐛᔅ ᓂᔾ ᓂᑭ ᐛᐸᑎᔭᐤ ᑕᓐ ᒐ ᐃᓯ ᓂᓇᐧᑲᑕᔨᒧᑦ ᓂᔾ ᐅᒋ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:36

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓯᑯᒻ ᒋᓯᑲᐛ ᑯᔅᐱᓇᔨᑕᑯᓐ ᒐᒋ ᓂᐸᐃᑯᐅᔭᒡ ᐊ ᓇᓴᐅᑕᒡ᙮ ᒧᔭᒻ ᒪᔭᑕᓂᓯᒡ ᑲ ᐸᓱᐛᑭᓄᐎᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮

1 ᑯᕆᓐᑎᔭᓇ 4:10

ᐛᔅ ᐊᓂᔭ ᐊ ᐊᑐᔅᑯᐅᒋᑦ ᙭, ᐊᐅᒄ ᐛᒋ ᐃᑕᔨᒥᑯᐅᔭᒡ ᐊ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ᓱᐧᑲᑎᓯᓇᐛᐤ᙮ ᓂ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ᒋᔅᑕᔨᒥᑯᐅᓇᐛᐤ᙮

2 ᑯᕆᓐᑎᔭᓇ 4:11

ᓂ ᐱᒪᑎᓯᓇᓐ ᑭᑈ ᐊᓄᒡ ᒥᒄ ᒪᒃ ᒧᔅ ᑯᔅᐱᓇᑕᔨᑕᑯᓐ ᒐᒋ ᐅᓂᑕᔭᒡ ᓂᐱᒪᑎᓯᐅᓇᓇ ᐊ ᑕᑈᔭᔨᒥᒋᒡ ᒋᓴᔅ᙮ ᐊᑯ ᒪᒃ ᒐᒋ ᓂᔅᑐᓇᑯᓂᔨᒡ ᒋᓴᔅ ᐅᐱᒪᑎᓯᐅᓐ ᐅᑕ ᐅᔭ ᓂᔪᓇᒡ ᒐ ᓂᐱᒥᑭᓂᔨᒋ᙮

ᐱᓕᐱᔭᓇ 1:29

ᒋᓴᒪᓂᑐᐤ ᒪᒃ ᔅᒋ ᐎᔭᔨᒧᑯᐛᐤ ᓇᒪᔭᐤ ᒥᒄ ᒐᒋ ᑕᑈᔭᔨᒪᒄ ᙭, ᔅᒋ ᐎᔭᔨᒥᑯᐛᐤ ᑭᔭ ᒐᒋ ᓂᓇᐧᑲᒋᐃᑯᐅᔭᒄ ᙭ ᐅᒡ᙮

1 ᐱᑕᕐ 2:23

ᑲ ᒪᔭᔨᒪᑭᓄᐅᑦ ᓇᒪ ᔭᐃᑕᔾ ᐅᒋ ᒪᔭᔨᒐᐤ ᑕᓐ ᑲ ᐃᓯ ᒪᔭᔨᒪᑭᓄᐅᑦ᙮ ᑲ ᓂᓇᐧᑲᒋᐊᑭᓄᐅᑦ ᓇᒪ ᐅᒋ ᐎ ᓯᓴᒋᒧᐛᐤ ᐊ ᐊᔨᒧᑕᐧᒃ ᑕᓐ ᒐᒋ ᐃᓯ ᐃᔪᐛᐃᔨᒧᑦ᙮ ᐅᔅᑕ ᓇᔅᒡ ᒋ ᐊᔅᐸᔨᒧᑐᑕᐛᐤ ᐊᓂᔭ ᑲ ᒐᔅᑎᓇᑕᔨᑕᑯᓯᔨᒋ ᒐᔅᑎᓇᔅ ᑯᐃᔅᒄ ᒐ ᐃᓯ ᑎᐸᔅᑯᓂᒐᔨᒋ᙮

1 ᐱᑕᕐ 4:14

ᐛᔅ ᒧᔭᒻ ᒪᔭᔨᒥᑯᐅᔭᒂ ᙭ ᐊ ᓇᓴᐛᒄ, ᒋ ᓱᐛᔨᑕᑯᓯᓇᐛᐤ ᐛᔅ ᐊᑯᑕ ᐛᒋ ᒋᔅᒐᔨᑕᒂᒡ ᑕᑈ ᐊ ᐎᒐᐅᑕᒄ ᑲ ᒋᔅᑕᔨᑕᑯᓯᑦ ᐊᒐᐧᒄ, ᒋᓴᒪᓂᑐᐤ ᐅᑦ ᐊᒐᒂ᙮

ᒋᔅᒐᔨᑕᑯᑕᒐᐅᓐ 2:3

ᒧᔅ ᔅᒋ ᓯᐱᔪᐛᓯᓇᐛᐤ ᐊ ᓂᒋᔅᑭᒪᒄ ᒐᒂᓐ᙮ ᔅᒋ ᐊᔨᒥᐅᓇᐛᐤ ᑭᔭ ᐊ ᓇᓴᐅᔭᒄ᙮ ᓇᒪ ᒪᒃ ᒋ ᐅᒋ ᓄᑎᐳᓂᓇᐛᐤ ᐊ ᑕᑈᑎᒪᒄ᙮