ᒪᑎᔪᐤ 4:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᒋ ᑎᐸᒋᒪᑭᓄᐤ ᒪᒃ ᒥᓯᐛ ᐊᓐᑕ ᓯᕆᔭᒡ, ᒋ ᐸᓱᐛᐅᒡ ᒪᒃ ᒥᓯᐛ ᑲ ᐊᐧᑯᓯᔨᒋ ᐃᔪᐛ ᓂᓇᐧᑯᐤ ᑲ ᐃᑕᔅᐱᓇᔨᒋ, ᐊᓂᔭ ᑭᔭ ᐊ ᐎᓯᒐᔨᑎᒥᔨᒋ ᑭᔭ ᐊᓂᔭ ᑲ ᐱᒋᔅᑲᑯᔨᒋ ᒥᒋ ᐊᒐᒂ, ᑭᔭ ᐊᓂᔭᔪᐛ ᑲ ᐅᒋᐱᑎᑯᔨᒋ ᑭᔭ ᐊᓂᔭ ᐊᑲ ᓂᔅᑐᓯᔨᒋ᙮ ᒥᓯᐛ ᒪᒃ ᒋ ᒥᓏᒋᐊᐤ ᒋᓴᔅ ᐅᔭ ᐊᐛᔪᐛ ᑲ ᐸᑐᐛᑭᓄᐅᑦ᙮

ᒪᑎᔪᐤ 4:24 ပူးပေါင်းရင်းမြစ်များ

ᐊᒃᓱᑕᔅ 15:26

ᐊ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ, ᒋᒋᓴᒪᓂᑐᒧᐛᐤ᙮ ᒥᔪ ᓇᔨᑐᐅᔭᒂ ᐊᔨᑐᑎᒪᒄ ᒐᒂᓐ ᓂᔾ ᒐ ᒋᔅᒐᔨᑎᒪᓐ ᒪᔽᒡ, ᑭᔭ ᐃᑐᑎᒪᒂ ᒥᓯᐛ ᒐᒂᓐ ᐊ ᐃᑎᓱᒥᑎᑯᒡ, ᓇᒪ ᒋᑭ ᐃᑎᓴᒪᐊᒪᑎᓇᐛᐤ ᐊᐧᑯᓱᐅᓐ ᑲ ᐃᑎᓴᒪᐊᒧᒂᐤ ᐃᒋᑉᑦ ᐃᔪᒡ᙮ ᓂᔾ ᐅ ᑎᐸᔨᒋᒐᓱᐤ, ᐊᓐ ᒪᓏᒋᐃᑕᒄ᙮”

ᒪᑎᔪᐤ 12:22

ᐱᔅᒐ ᐊᐛᓐᒋ ᒋ ᐸᓱᐛᐅᒡ ᓇᐸᐛ ᐊᓐᑕ ᒋᓴᓴ ᐊ ᑕᔨᒋ ᐊᑲ ᐛᐸᑎᒥᔨᒋ ᑭᔭ ᐊᑲ ᐅᒋ ᐃᔨᒥᔨᒋ, ᐊᒋ ᐱᒋᔅᑲᑯᔨᒋ ᒥᒋ ᐊᒐᒂ᙮ ᐊᑯ ᒋᓴᔅ ᑲ ᒥᓏᒋᐊᑦ ᐊᓂᔭ ᓇᐸᐛ, ᐊ ᐊᑲ ᐅᒋ ᓂᑕᐛᔨᒋ ᑭᔭ ᐊ ᐊᑲ ᐅᒋ ᐛᐸᑎᒥᔨᒋ᙮

ᒪᑎᔪᐤ 14:1

ᐊᓐ ᒪᒃ ᒪᒂᒡ ᐊᓐ ᒋᓴᐅᒋᒪᐤ ᐊᕈᑦ ᒋ ᐸᑎᒻ ᑕᓐ ᐊ ᐃᑕᒋᒪᑭᓄᔨᒋ ᒋᓴᓴ,

ᒪᑎᔪᐤ 15:22

ᐃᔎᐤ ᒪᒃ ᒋ ᐎᒍᐤ ᐊᓐᑕ ᑲᐃᓇᓐ ᐊᒋ ᐅᒋᑦ, ᐊᔪᑯᓂ ᐅᔭ ᑲ ᐸᒋ ᓂᑐᐛᐱᒥᑯᑦ ᒋᓴᔅ, ᐊ ᑕᑈᔨᒋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᓂᔭ ᒋᓴᐅᒋᒪᐤ ᑎᐱᑦ ᐅᑯᓴ, ᐸᒋ ᒋᔅᑎᒪᒐᔨᒥ ᒪ᙮ ᓂᑕᓂᔅ ᓇᔅᒡ ᑕᑈ ᐛᐎᓯᒐᔨᑎᒥᐃᑯᐤ ᒥᒋ ᐊᒐᒂ ᐊ ᐱᒋᔅᑲᑯᑦ᙮”

ᒪᑎᔪᐤ 17:15

“ᐅᑎᐸᔨᒋᒐᐤ, ᒋᔅᑎᒪᒐᔨᒻ ᓂᑯᔅ᙮ ᐅᒋᐱᑎᑯᐤ ᒪᓐ, ᓇᔅᒡ ᓂᓇᐧᑲᑕᔨᒧᐤ ᐛᔅ ᒥᒐᑥᐤ ᒪᓐ ᒥᑐᔅᑕᐱᔪᐤ ᐃᔅᑯᑕᒡ ᑭᔭ ᒥᒐᑥᐤ ᐱᑭᔅᑐᐛᐱᔪᐤ ᓂᐱᒡ ᒪᒂᒡ ᐊᓂᔭ ᐊ ᐅᒋᐱᑎᑯᑦ᙮

ᒪᑎᔪᐤ 17:18

ᒋᓴᔅ ᒪᒃ ᒂ ᐃᔨᒪᐊᑦ ᐊᓂᔭ ᒥᒋ ᐊᒐᒂ ᐊ ᐃᑕᑦ ᒐᒋ ᓂᑭᑕᔨᒋ ᐊᓂᔭ ᓇᐸᓴ᙮ ᑎᐛᒡ ᒪᒃ ᒋ ᐎᐎᔪᐤ ᐊᓐ ᒥᒋ ᐊᒐᐧᒄ ᐊᑯ ᒂ ᐊᑎ ᒥᓏᑎᓯᑦ ᐊᓐ ᓇᐸᔅ᙮

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒪᑎᔪᐤ 8:28

ᐃᔅᐱ ᒪᒃ ᒋᓴᔅ ᒪᓯᑲᒡ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ ᐊᓐᑕ ᑲᕋᓯᓐ ᐊᔅᒋᒡ, ᒋ ᓂᒋᔅᑲᑯᐤ ᓂᓱ ᓇᐸᐛ ᐊ ᐱᒋᔅᑲᑯᔨᒋ ᒥᒋ ᐊᒐᒂ ᐊᓐᑕ ᓂᒂᔅᑲᓂᒋᐛᐱᒡ ᐊ ᐅᑐᑕᔨᒋ᙮ ᓇᒪ ᐛᐛᒡ ᐊᐛᔪᐛ ᐅᒋ ᐱᒧᑕᔪᐛ ᐊᓐᑕ ᐊᓂᔭ ᒪᔅᑭᓇᔪᐤ ᑲ ᐃᔅᐱᔅ ᐊᒂᑎᓯᒡ ᐅᒡ ᓇᐸᐅᒡ᙮

ᒪᑎᔪᐤ 8:33

ᐃᔅᐱ ᒪᒃ ᐊᓐᒡ ᑲ ᑭᓄᐛᔨᒪᒡ ᐊᓂᔭ ᑯᐧᑯᓴ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ ᒋ ᒋᑎᓯᒧᐅᒡ, ᐅᑕᓇᒡ ᐃᔅ ᒪᒃ ᒋ ᐃᑐᑕᐅᒡ ᒋ ᐎᑎᒧᒡ ᒥᓯᐛ ᑕᓐ ᑲ ᐃᔅᐱᔨᒋ ᐊᓂᔭ ᓂᓱ ᓇᐸᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ᙮

ᒪᑎᔪᐤ 8:6

ᐊ ᐃᑎᑯᑦ, “ᐅᑎᐸᔨᒋᒐᐤ, ᓂᑦ ᐊᐱᒋᐊᑭᓐ ᐱᒥᓯᓐ ᓂᒋᒡ ᐊᐧᑯᓯᑦ ᐊᑲ ᒋ ᐊᑎᓂᓱᑦ ᑭᔭ ᓇᔅᒡ ᐊ ᐛᐎᓯᒐᔨᑎᒥᐃᑯᑦ᙮”

ᒪᑎᔪᐤ 9:26

ᒋ ᐊᔨᒧᑕᑭᓄᐤ ᐊᓐᑕ ᐊᔅᒋᒡ ᐅ ᑲ ᐃᔅᐱᔨᒡ᙮

ᒪᑎᔪᐤ 9:35

ᒋᓴᔅ ᒪᒃ ᒥᓯᐛ ᐊᓐᑕ ᐅᑕᓇᒡ ᑭᔭ ᐃᑕᐅᓂᓯᒡ ᒋ ᐃᑐᑕᐤ, ᐊᔅᑯᑎᒪᒐᑦ ᒍᐤ ᐊᔭᒥᐊᐅᒋᐛᐱᒡ, ᑭᔭ ᐊ ᑭᒐᔅᒋᒧᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᐊ ᒥᓏᒋᑕᑦ ᒥᓯᐛ ᐃᓯ ᐊᐧᑯᓱᐅᓇ ᑭᔭ ᓂᓇᐧᑯᐤ ᐊ ᐃᑕᔅᐱᓇᔨᒋ ᐃᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:28

ᐊᑯᑕ ᒪᒃ ᑲ ᐊᑎ ᒥᓯᑕᐱᔨᒡ ᐊ ᐃᓯ ᐊᔨᒧᒪᑭᓄᐅᑦ ᒋᓴᔅ ᒥᓯᐛ ᐊᓐᑕ ᑲᓕᓕ ᐊᔅᒋᒡ ᐃᑕᒐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:32

ᐃᔅᐱ ᒪᒃ ᐊᑎ ᐅᑕᑯᓯᔨᒡ ᑲᒋ ᐸᒋᓯᒧᑦ ᐱᓯᒻ, ᒋ ᐸᑐᐛᑭᓄᐤ ᒋᓴᔅ ᑲ ᐊᐧᑯᓯᔨᒋ ᐊᐛᔪᐛ ᑭᔭ ᐊᓂᔭ ᒥᒋ ᐊᒐᒂ ᑲ ᐱᒋᔅᑲᑯᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:3

ᐅᔭ ᒪᒃ ᒪᒂᒡ, ᓇᐤ ᓇᐸᐅᒡ ᒋ ᐅᒋ ᐸᓱᐛᐅᒡ ᐎᑕᐸᐛᐛ ᐊᑲ ᓂᔅᑐᓯᔨᒋ ᐅᑦ ᐊᔅᐱᓯᒧᓂᔨᒡ ᐊ ᐱᒥᓯᓂᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:4

ᐊᓂᔭ ᒪᒃ ᑲ ᐃᔅᐱᔅ ᒋ ᒥᒐᑎᓇᓄᐎᒡ ᓇᒪ ᒥᒋᒪ ᐅᒋ ᓇᑕᐅᒡ ᒋᓴᓴ᙮ ᐊᑯ ᒂ ᐱᑯᓇᐱᑕᒡ ᐊᓐᑕ ᑕᐧᑯᒡ ᐊᓂᔭ ᒥᒋᐛᐱᔪᐤ ᐊᓐᑕ ᑎᐱᔅᑯᒡ ᑲ ᓂᐳᔨᒋ ᒋᓴᓴ᙮ ᐊᑯᑕ ᑲ ᐅᒋ ᐱᔅᑕᐱᒐᓇᒡ ᐊᓂᔭ ᓇᐸᐛ ᐊᔅᐱᓯᒧᓂᒡ ᐊ ᐱᒥᓯᓂᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:9

ᑕᓐ ᐃᐛᒃ ᐎᔭᑎᒡ ᒐᒋ ᐃᑕᑭᓄᐅᑦ ᐅ ᓇᐸᐤ ᐊᑲ ᓂᔅᑐᓯᑦ, ‘ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ,’ ᑭᔭ ᒪᒃ ᐃᑕᑭᓄᐅᑦ ‘ᐅᓂᔾ, ᐅᑎᓇ ᒋᑦ ᐊᔅᐱᓯᒧᓐ ᒐ ᐊᑎ ᐱᒧᑕᔨᓐ’ ?

ᓗᒃ 2:2

ᐊᔪᐅᒄ ᐅᔭ ᒪᐅᒡ ᓂᔅᑎᒻ ᑲ ᑎᐱᒋᒪᑭᓄᐎᒡ ᐅᒡ ᐃᔪᒡ, ᒪᒂᒡ ᒪᒃ ᑯᐎᕆᓂᔭᔅ ᒋ ᐅᒋᒪᐤ ᐊᓐᑕ ᐊᔅᒋᒡ ᓯᕆᔭ ᑲ ᐃᓯᓂᐧᑲᑕᔨᒡ᙮

ᓗᒃ 4:14

ᐊᑯ ᒋᓴᔅ ᑲᐤ ᒂ ᐃᓯ ᒋᐛᑦ ᐊᓐᑕ ᑲᓕᓕ ᐊᔅᒋᒡ ᐊᒐᐧᑯ ᓱᐧᑲᑎᓯᐅᓂᔪᐤ ᐊ ᓴᑭᔅᒋᓇᔅᑲᑯᑦ᙮ ᒋ ᑭᑎᐸᒋᒪᑭᓄᐤ ᒪᒃ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᓐᑕ ᐃᑕᒐ᙮

ᓗᒃ 4:38

ᒋᓴᔅ ᒂ ᐎᐎᑦ ᐊᓂᔭ ᐊᔭᒥᐊᐅᒋᐛᐱᔪᐤ, ᐊᑯ ᐊᓐᑕ ᓴᐃᒥᓐ ᐱᑕᕋ ᐎᒋᔨᒡ ᒂ ᐃᑐᑕᑦ᙮ ᓴᐃᒥᓐ ᐱᑕᕐ ᒪᒃ ᐅᓯᑯᓴ ᒋ ᐊᐧᑯᓯᔪᐛ ᑲ ᒋᓯᑕᐅᐱᐃᓇᓄᐎᒡ ᐊᒋ ᐊᔭᔨᒋ᙮ ᒋ ᓂᑐᑎᒧᐛᐅᒡ ᒋᓴᓴ ᒐᒋ ᒥᓏᒋᐊᔨᒋ᙮

ᓗᒃ 5:15

ᒋ ᒥᓯᑕᐱᔪᐤ ᒪᒃ ᒋᓴᔅ ᐊ ᐃᑕᒋᒪᑭᓄᐅᑦ᙮ ᒥᒐᑦ ᒪᒃ ᐊᐛᔪᐛ ᒋ ᐸᒋ ᓂᑐᐛᐱᒥᑯᐤ ᐊ ᐎ ᓂᑐᑕᑯᑦ ᑭᔭ ᐊ ᐎ ᒥᓏᒋᐃᑯᓯᔨᒋ᙮

ᓗᒃ 5:24

ᒋᑭ ᐛᐸᑎᔨᑎᓇᐛᐤ ᐃᔪᐤ ᐅᑯᓯᓴᓐ ᑕᑈ ᐎᔾ ᐊ ᐊᔭᑦ ᑎᐸᔨᒋᒐᐅᓂᔪᐤ ᐅᑕ ᐊᔅᒋᒡ ᒐᒋ ᐛᐸᔨᑎᒪᒐᑦ ᒥᒋᑥᐅᓇ᙮” ᐊᑯ ᒋᓴᔅ ᒂ ᐃᑕᑦ ᐊᓂᔭ ᓇᐸᐛ ᐊᑲ ᐅᒋ ᓂᔅᑐᓯᔨᒋ, “ᐱᓯᑯ, ᐅᑎᓇ ᒋᑦ ᐊᔅᐱᓯᒧᓐ, ᒐ ᒋᐛᔨᓐ᙮”

ᓗᒃ 7:17

ᒥᓯᐛ ᒪᒃ ᐊ ᐃᔅᐱᑎᔅᑭᒥᑲᔨᒡ ᒍᑎᔭ ᐊᔅᒋᔪᐤ ᐊᓐᑕ ᒪᒃ ᐛᔅᑲ ᒋ ᐸᑕᑯᓂᔪᐤ ᒋᓴᔅ ᑕᓐ ᑲ ᐃᑎᑦ᙮

ᒠᓐ 10:21

ᑯᑎᑭᒡ ᒋ ᐃᔅᒋᔄᐅᒡ, “ᓇᒪ ᒋᐸ ᐅᒋ ᐃᔅᐱᔅ ᒥᔪᑕᑯᓱᐤ ᐊᐛᓐ ᐊ ᐃᔨᒥᑦ ᐊ ᐱᒋᔅᑲᑯᑦ ᒥᒋ ᐊᒐᒂ ᐊ ᐃᔅᐱᔅ ᒥᔪᑕᑯᓯᑦ ᐅ ᓇᐸᐤ ᐊ ᐃᔨᒥᑦ᙮ ᑕᓐᑕ ᒋᐸ ᒋ ᐅᒋ ᐃᓯᓇᑯᓂᔪᐤ ᐊᐛᓐ ᐊ ᐱᒋᔅᑲᑯᑦ ᒥᒋ ᐊᒐᒂ ᒐᒋ ᐃᑐᑐᐛᑦ ᐊᐛᔪᐛ ᐊᑲ ᐛᐸᑎᒥᔨᒋ ᒐᒋ ᐛᐸᑎᒥᔨᒋ ᐊᑯ ?”

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 15:23

ᒥᓯᓇᐃᑭᓂᔪᐤ ᒋ ᒥᔭᑭᓄᐎᒡ ᒐ ᐃᑐᑕᒡ ᐊᓐᑕ ᐊᓐᑎᔭᑭᒡ ᐊᓐᑕ ᐅᒪᒧᐊᔭᒥᐊᐤ ᐊ ᑕᔨᒋ᙮ ᒋ ᐃᑎᔅᑕᔪᐤ ᒪᒃ ᐊᓐᑕ, “ᓂᔭᓐ ᐊᑈᔅᑕᓇᒡ, ᑭᔭ ᓂᔭᓐ ᑲ ᓂᑲᓂᔅᑭᒪᒡ ᐊᔭᒥᐊᐅᒋᐛᑉ, ᒋ ᒥᓯᓇᐊᒪᑎᓇᓐ ᒋᔨᐛᐤ ᓂᐧᑲᓂᓯᑐᒄ ᒋᔨᐛᐤ ᑲ ᑕᑈᑎᒪᒄ ᐊᑲ ᒍᐤ ᐃᑎᔅᑲᓇᓯᔭᒄ, ᒋᔨᐛᐤ ᑲ ᐎᒋᔭᒄ ᐊᓐᑕ ᐊᓐᑎᔭᑭᒡ, ᓯᕆᔭᒡ, ᑭᔭ ᓯᓕᓯᔭᒡ᙮

ᐊᑈᔅᑕᓇᒡ 15:41

ᐊᑯ ᐊᓐᑕ ᓯᕆᔭᒡ ᑭᔭ ᓯᓕᓯᔭᒡ ᑲ ᐃᑐᑕᑦ ᑈᓪ, ᒥᓯᐛ ᒪᒃ ᐊᓐᑕ ᑲ ᐊᑎ ᐃᔨᒪᐊᑦ ᐅᒪᒧᐊᔭᒥᐊᐛ ᒥᓯᐛ ᒋ ᐎᒋᐊᐤ ᒐᒋ ᓱᒋᑲᐳᔨᒋ᙮

ᐊᑈᔅᑕᓇᒡ 28:9

ᐃᔅᐱ ᒪᒃ ᐅᔭ ᑲ ᐃᔅᐱᔨᒡ, ᐊᑯ ᒥᓯᐛ ᐊᓐᒡ ᑲ ᐊᐧᑯᓯᒡ ᐊᓐᑕ ᒥᓂᔅᑎᑯᒡ ᑲ ᑕᒡ ᒋ ᑎᑯᓯᓄᐅᒡ ᑭᔭ ᐎᔨᐛᐤ, ᑭᔭ ᐎᔨᐛᐤ ᒋ ᒥᓏᑎᓯᐅ14A1᙮

ᐊᑈᔅᑕᓇᒡ 8:7

ᒥᒋ ᐊᒐᐧᑯᒡ ᓱᒃ ᐊ ᑕᑈᒡ ᒋ ᐸᒋ ᐎᐎᔪᒡ ᒥᒐᑦ ᐊᐛᔪᐛ ᐊ ᑕᔨᒋ ᐊᓂᔭ ᐊᒋ ᐱᒋᔅᑯᐛᒡ᙮ ᐊᓐᒡ ᒪᒃ ᐊᑲ ᓂᔅᑐᓯᒡ, ᑭᔭ ᐊᓐᒡ ᑲ ᒪᔅᒋᓯᒡ, ᒋ ᒥᓏᒋᐊᑭᓄᐅᒡ᙮