ᒪᑎᔪᐤ 4:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒪᑎᔪᐤ 4:23 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 103:3

ᑲ ᐛᐸᔨᑕᐧᒄ ᒥᓯᐛ ᒋᒥᒐᑎᓯᐅᓇ; ᑲ ᒥᓏᒋᑕᑦ ᒥᓯᐛ ᒋᑦ ᐃᑕᔅᐱᓇᐅᓇ;

ᑎᐱᑦ ᐅᓂᑭᒧᐅᓇ 74:8

ᒋ ᐃᔅᒋᔄᐅᒡ ᐅᑕᐃᐛᒡ, “ᐊᑯᔅ ᒪᒧᐤ ᓂᓱᐅᓇᒋᐊᑕᐅᓂᒋ᙮” ᒋ ᐃᔎᓯᒺᐅᒡ ᒥᓯᐛ ᒋᓴᒪᓂᑐᐛ ᐅᑦ ᐊᔭᒥᐊᐅᒋᐛᐱᔪᐛ ᐊᔅᒋᒡ᙮

ᒪᑎᔪᐤ 11:5

ᐎᑎᒧᐛᐧᒄ ᒪᒃ ᐊ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭᔪᐛ ᑲ ᐊᔭᔨᒋ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᒥᓏᒋᐊᑭᓄᔨᒋ᙮ ᑭᔭ ᐊ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᒪᑎᔪᐤ 12:9

ᐊᑯ ᒋᓴᔅ ᒂ ᔅᑐᑕᑦ ᐊᓐᑕ ᐅᒋ, ᐊᑯ ᐊᓐᑕ ᐊᔭᒥᐊᐅᒋᐛᐱᒡ ᒂ ᐱᒐᑦ᙮

ᒪᑎᔪᐤ 13:19

ᐊᓐ ᒪᒃ ᐊᐛᓐ ᑲ ᐸᑕᐧᒃ ᐊᓂᔭ ᒥᔽᒋᒧᐅᓂᔪᐤ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊᑲ ᒪᒃ ᓂᔅᑐᑎᒧᒂ, ᒧᔭᒻ ᐊᓐ ᓂᑕᐅᒋᑕᑭᓐ ᐊᓐᑕ ᐅᐱᒪᔅᑭᓄᐤ ᑲ ᐸᒋᓯᐧᒃ ᐊᐅᑯᓐ ᐊ ᐃᓯᓇᑯᓯᑦ, ᒥᒋᒥᓂᑐᐛ ᒥᔅᑭᒥᑯᐤ ᑕᓐ ᑲ ᐃᓯ ᐸᑕᐧᒃ ᑭᔭ ᓇᒪ ᒋ ᓂᑕᐅᒍᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᒪᑎᔪᐤ 13:54

ᐊᑯ ᐊᓐᑕ ᐊᓂᔭ ᐅᑕᓇᔪᐤ ᐛᒋᑦ ᐊᑯᑕ ᑲ ᐃᑐᑕᑦ᙮ ᐊᑯᑕ ᐊᓐᑕ ᑲ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᓂᔭ ᑲ ᐸᑕᑯᑦ ᒋ ᒥᔅᑲᓯᑕᑯᐤ ᐊ ᐃᑎᑐᔨᒋ, “ᑕᓐᑕ ᑲ ᐅᒋ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ, ᑕᓐᑕ ᑲ ᐅᒋ ᐊᔭᑦ ᑭᔭ ᐊᓂᔭ ᑭᔅᒋᐅᓂᔪᐤ ᒐᒋ ᐃᑐᑕᐧᒃ ᐊᓂᔭ ᒪᒥᔅᑲᒡ ᒐᒂᔪᐛ ?

ᒪᑎᔪᐤ 14:14

ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ᒋᔅᑎᒪᒐᔨᒪᐤ, ᑭᔭ ᒋ ᒥᓏᒋᐊᐤ ᐊᓂᔭ ᑲ ᐸᓱᐛᑭᓄᔨᒋ ᑲ ᐊᐧᑯᓯᔨᒋ᙮

ᒪᑎᔪᐤ 24:14

ᐅ ᒪᒃ ᒥᔽᒋᒧᐅᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑲ ᑎᐸᑐᑕᔨᒡ ᒋᑭ ᑭᒐᔅᒋᒧᓇᓄᐤ ᐅᑕ ᒥᓯᐛ ᐊᔅᒋᒡ ᒥᓯᐛ ᐊᐛᓐ ᒐᒋ ᐸᑕᐧᒃ, ᑭᔭ ᐃᔭᒄ ᒐ ᐃᔎᐱᔨᒡ᙮”

ᒪᑎᔪᐤ 3:2

ᐊ ᐃᔅᒋᔄᑦ, “ᒂᔅᑲᑎᓯᒄ, ᐛᔅ ᓴᔅ ᐸᓱᓇᑯᓐ ᐊᓐ ᒋᒋᒋᓯᒄ ᒋᓴᐅᒋᒪᐅᓐ᙮”

ᒪᑎᔪᐤ 9:35

ᒋᓴᔅ ᒪᒃ ᒥᓯᐛ ᐊᓐᑕ ᐅᑕᓇᒡ ᑭᔭ ᐃᑕᐅᓂᓯᒡ ᒋ ᐃᑐᑕᐤ, ᐊᔅᑯᑎᒪᒐᑦ ᒍᐤ ᐊᔭᒥᐊᐅᒋᐛᐱᒡ, ᑭᔭ ᐊ ᑭᒐᔅᒋᒧᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᐊ ᒥᓏᒋᑕᑦ ᒥᓯᐛ ᐃᓯ ᐊᐧᑯᓱᐅᓇ ᑭᔭ ᓂᓇᐧᑯᐤ ᐊ ᐃᑕᔅᐱᓇᔨᒋ ᐃᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:14

ᐸᑎᒪ ᒪᒃ ᒪᒂᒡ ᒠᓐ ᐅᓯᑲᐃᑕᒐᐤ ᑲᒪᑯᓄᐛᓯᐅᒋᐛᐱᒡ ᑲ ᑕᑦ ᒋᓴᔅ ᒋ ᐃᑐᑕᐤ ᐊᓐᑕ ᑲᓕᓕᒡ᙮ ᐊᑯᑕ ᐊᓐᑕ ᑲ ᑭᒐᔅᒋᒧᑦ ᐊ ᐛᐎᑕᐧᒃ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:21

ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐃᑐᑕᒡ, ᐃᔅᐱ ᒪᒃ ᒥᓐ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ᐱᒐᐤ ᐊᓐᑕ ᐊᔭᒥᐊᐅᒋᐛᐱᒡ ᐊᑯ ᒂ ᒋᔅᑯᑎᒪᒐᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:39

ᐊᑯ ᒪᒃ ᒥᓯᐛ ᒂ ᐃᑐᑕᑦ ᐊᓂᔭ ᑲᓕᓕ ᐊᔅᒋᔪᐤ ᐊ ᑭᒐᔅᒋᒧᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ᙮ ᑭᔭ ᒋ ᐎᐎᑎᓴᐛᐤ ᓂᓇᐧᑯᐤ ᒥᒋ ᐊᒐᒂ ᒥᒐᑦ ᐊᐛᔪᐛ ᑲ ᐱᒋᔅᑯᐛᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:10

ᐛᔅ ᐊᓂᔭ ᒥᒐᑦ ᐊᐛᔪᐛ ᐊᒋ ᒥᓏᒋᐊᑦ ᐊᑯ ᒥᒐᑦ ᑯᑎᑲ ᐊᐛᔪᐛ ᓂᓇᐧᑯᐤ ᐊ ᐃᑕᔅᐱᓇᔨᒋ ᒂ ᐸᒋ ᑯᐧᑯᓂᑐᔨᒋ ᐊ ᐎ ᑕᒋᓂᑯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:2

ᐊᓂᔭ ᒪᒃ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᒋᔅᑯᑎᒪᒐᐤ ᐊᓐᑕ ᐊᔭᒥᐊᐅᒋᐛᐱᒡ᙮ ᒋ ᒥᒐᑎᔪᐛ ᐊᐛᔪᐛ ᐊᓐᑕ ᑲ ᑕᔨᒋ ᐊ ᓂᑐᑕᑯᑦ᙮ ᒥᓯᐛ ᒪᒃ ᐊᓐᒡ ᐃᔪᒡ ᒋ ᒥᔅᑲᓯᑐᐛᐅᒡ ᑕᓐ ᑲ ᐃᔅᒋᔄᔨᒋ᙮ “ᑕᓐᑕ ᐛᑎᓇᐧᒃ ᐅᔭ ᑲ ᐃᔅᒋᔄᑦ ?” ᒋ ᐃᑎᑐᐅᒡ᙮ ᑭᔭ ᒋ ᐃᔅᒋᔄᐅᒡ, “ᑕᑈ ᑭᒐᑕᐛᔨᑎᒧᑕᑯᓱᐤ᙮” ᒋ ᐃᔅᒋᔄᐅᒡ ᑭᔭ, “ᑕᓐᑕ ᐛᒋ ᐃᑐᑕᐧᒃ ᐅᔭ ᒪᒥᔅᑲᒡ ᒐᒂᔪᐛ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:6

ᒋ ᒪᒥᔅᑲᑕᔨᒪᐤ ᒪᒃ ᐊᓂᔭ ᐊ ᐃᔅᐱᔅ ᐊᑲ ᑕᑈᔭᔨᒥᑯᑦ᙮ ᒋ ᐊᒋᓇᔅᑭᒻ ᒪᒃ ᐊᓂᔭᔪᐛ ᐃᑕᐅᓂᓴ ᐊ ᐱᐸ ᒋᔅᑯᑎᒪᒐᑦ᙮

ᓗᒃ 10:9

ᑭᔭ ᒥᓏᒋᐊᐧᑯᒡ ᐊᓐᒡ ᑲ ᐊᐧᑯᓯᒡ ᑭᔭ ᒐ ᐃᑕᑯᒡ ᐊᓐᑕ ᐊᓂᔭ ᐅᑕᓇᔪᐤ ᐊ ᑕᒡ, ‘ᓇᔅᒡ ᑕᑈ ᒋ ᐸᓱᐛᐱᒥᑯᐛᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮’

ᓗᒃ 13:10

ᐸᐃᒂᐤ ᐊ ᒍᐤ ᐊᔭᒥᐊᐅᒋᓯᑲᔨᒡ, ᒋᓴᔅ ᒋ ᒋᔅᑯᑎᒪᒐᐤ ᐊᓐᑕ ᐊᔭᒥᐊᐅᒋᐛᐱᒡ᙮

ᓗᒃ 16:16

“ᐊᔅᒄ ᐊᑲ ᐅᒋ ᑎᑯᓯᐧᒃ ᒠᓐ ᐅᓯᑲᐃᑕᒐᐤ ᒥᒄ ᐊᓂᔭ ᒧᓱᔅ ᑲ ᒥᓯᓇᐊᐧᒃ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓂᔭ ᑕᓐ ᑲ ᐃᓯ ᐎᑎᒧᐛᒂ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᐅᑯᓐ ᐊᓂᔭᔪᐛ ᒥᒄ ᑲ ᐊᐱᑕᒡ ᐊ ᒋᔅᑯᑎᒪᒐᒡ᙮ ᐊᑯ ᒪᒃ ᑲ ᐃᔅᐱᔅ ᑕᑦ ᒠᓐ ᐊᑯ ᒥᔽᒋᒧᐅᓐ ᑲ ᐛᐎᑕᑭᓄᐅᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊ ᐊᔨᒧᑕᑭᓄᐎᒡ᙮ ᓱᒃ ᒪᒃ ᒥᒐᑦ ᐊᐛᓐ ᐊᔨᐧᑭᒻ ᐎᔾ ᐱᒐᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᓗᒃ 20:1

ᐸᐃᒂᐤ ᒋᓴᔅ ᐊ ᒋᔅᒋᓄᐊᒧᐛᑦ ᐊᓂᔭᔪᐛ ᐃᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑭᔭ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᒋ ᐸᒋ ᓂᑐᐛᐱᒥᑯᐤ,

ᓗᒃ 4:14

ᐊᑯ ᒋᓴᔅ ᑲᐤ ᒂ ᐃᓯ ᒋᐛᑦ ᐊᓐᑕ ᑲᓕᓕ ᐊᔅᒋᒡ ᐊᒐᐧᑯ ᓱᐧᑲᑎᓯᐅᓂᔪᐤ ᐊ ᓴᑭᔅᒋᓇᔅᑲᑯᑦ᙮ ᒋ ᑭᑎᐸᒋᒪᑭᓄᐤ ᒪᒃ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᓐᑕ ᐃᑕᒐ᙮

ᓗᒃ 5:17

ᐸᐃᒂᐤ ᒋᓴᔅ ᐊ ᒋᔅᑯᑎᒪᒐᑦ ᒋ ᑕᔪᐛ ᐊᓐᑕ ᐸᕆᓯᐊ ᑭᔭ ᐊᓂᔭ ᑲ ᒋᔅᑯᑎᒪᒐᔨᒋ ᐊᔭᒥᐊᐅ ᐎᓱᐛᐅᓂᔪᐤ᙮ ᐅᒡ ᒪᒃ ᓇᐸᐅᒡ ᒥᓯᐛ ᐅᑕᓇᒡ ᒋ ᐅᑐᑕᐅᒡ, ᐊᓐᑕ ᑲᓕᓕᒡ ᑭᔭ ᒍᑎᔭ ᐊᔅᒋᒡ ᑲ ᑎᑯᓂᔨᒋ ᑭᔭ ᐊᓐᑕ ᐅᑕᓇᒡ ᒋᕈᓯᓕᒥᒡ ᒋ ᐅᑐᑕᐅᒡ᙮ ᒋᓴᔅ ᒪᒃ ᒋ ᐊᔭᐛᐤ ᒋᓴᒪᓂᑐᐛ ᐅᑭᔅᒋᐅᓂᔪᐤ ᒐᒋ ᒥᓏᒋᐃᐛᑦ᙮

ᓗᒃ 6:17

ᐃᔅᐱ ᒪᒃ ᒋᓴᔅ ᑲ ᓂᑎᒋᐛᒡ ᐱᔅᑯᑎᓇᒡ, ᐊ ᑕᐱᑐᐛᔨᒡ ᐊᓐᑕ ᒋ ᐃᑐᑕᐅᒡ᙮ ᒥᒐᑦ ᒂ ᓇᓴᑯᑦ ᐃᔪᐛ ᒋ ᑕᔪᐛ ᐊᓐᑕ ᑭᔭ ᒋ ᒥᒐᑎᔪᐛ ᑯᑎᑲ ᐊᐛᔪᐛ, ᓂᓇᐧᑯᐤ ᐊᒋ ᐅᑐᑕᔨᒋ ᐊᓂᔭ ᒍᑎᔭ ᐊᔅᒋᔪᐤ ᐊ ᐃᔅᐱᓴᔨᒡ᙮ ᒋᕈᓯᓕᒥᒡ ᑭᔭ ᑯᑎᑭᒡ ᒋ ᐅᑐᑕᐅᒡ, ᐊᑯ ᑯᑎᑭᒡ ᓯᓱᒡ ᐎᓂᐸᑯᒡ ᑲ ᑎᑯᓂᔨᒋ ᐅᑕᓇᐛ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᔨᒋ ᐊᑯᑕ ᑲ ᐅᑐᑕᒡ᙮

ᓗᒃ 6:6

ᐸᐃᒂᐤ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ, ᒋᓴᔅ ᒋ ᐱᒐᐤ ᐊᔭᒥᐊᐅᒋᐛᐱᒡ ᒐᒋ ᒋᔅᑯᑎᒪᒐᑦ᙮ ᒋ ᑕᐤ ᒪᒃ ᐊᓐᑕ ᓇᐸᐤ ᐅᒥᔪᐅᓐ ᐊ ᒪᔅᑲᔨᒡ᙮

ᓗᒃ 7:21

ᒪᒂᒡ ᒪᒃ ᐊᓂᔭᔪᐤ ᒋᓴᔅ ᒋ ᒥᓏᒋᐊᐤ ᒥᒐᑦ ᐊᐛᔪᐛ, ᓂᓇᐧᑯᐤ ᐊ ᐃᑕᔅᐱᓇᔨᒋ, ᑭᔭ ᒥᒋ ᐊᒐᒂ ᐊᒋ ᐎᐎᑎᓴᐛᑦ ᑭᔭ ᐊᒋ ᐃᑐᑐᐛᑦ ᐊᓂᔭᔪᐛ ᐊᑲ ᐛᐸᑎᒥᔨᒋ ᒐᒋ ᐛᐸᑎᒥᔨᒋ᙮

ᓗᒃ 7:22

ᐊᑯ ᒋᓴᔅ ᐊ ᐎᑎᒧᐛᑦ ᒋ ᐃᑕᐤ, “ᒋᐛᒄ, ᒐ ᐎᑎᒧᐛᐧᒄ ᒠᓐ ᑕᓐ ᑲ ᐃᓯ ᐛᐸᑎᒪᒄ ᑭᔭ ᑕᓐ ᑲ ᐃᓯ ᐸᑎᒪᒄ᙮ ᐎᑎᒧᐛᐧᒄ ᐊ ᐛᐸᑎᒥᔨᒋ ᐊᓂᔭ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭ ᑲ ᐊᔭᔨᒋ ᐊ ᒪᔭᑎᓂᔨᒡ ᐊ ᐅᒥᒋᓇᓄᐎᒡ᙮ ᑭᔭ ᐊ ᐸᑎᒥᔨᒋ ᐊᓂᔭ ᐊᑲ ᐅᒋ ᐸᑎᒥᔨᒋ᙮ ᑭᔭ ᒥᓐ ᑲᐤ ᐊ ᐅᓂᔅᑲᔨᒋ ᐊᓂᔭ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᐊᓂᔭ ᑲ ᒋᔅᑎᒪᑎᓯᔨᒋ᙮

ᓗᒃ 8:1

ᐃᔅᐱ ᒪᒃ ᑲᒋ ᐃᔅᐱᔨᒡ ᐅᔭ ᐊᑯ ᒋᓴᔅ ᒂ ᐱᐸᔨᑐᑕᑦ ᐊᓐᑕ ᓂᓇᐧᑯᐤ ᐅᑕᓇᒡ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᒐ ᐅᑎᒋᐱᔨᒡ᙮ ᒋ ᐎᒐᐅᑯᐤ ᐊᓂᔭᔪᐛ ᓂᓱᓴᑉ ᐅᒋᔅᒋᓄᐊᒧᐛᑭᓇ᙮

ᓗᒃ 9:11

ᐃᔅᐱ ᒪᒃ ᒥᒐᑦ ᐊᐛᓐᒋ ᑲ ᐸᑕᒡ ᐊᒋ ᔅᑐᑕᔨᒋ ᐊᑯ ᒂ ᓄᓱᔅᑯᐛᒡ᙮ ᒋᓴᔅ ᒪᒃ ᒋ ᒥᔽᔨᑎᒻ ᐊ ᑎᑯᓯᓂᔨᒋ᙮ ᒋ ᐛᐎᑎᒧᐛᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᑕᔨᑕᑯᓂᔨᒡ ᑭᔭ ᒋ ᒥᓏᒋᐊᐤ ᐊᓂᔭᔪᐛ ᐊᐛᔪᐛ ᑲ ᓂᑐᐛᔨᑎᒥᔨᒋ ᒐᒋ ᒥᓏᒋᐊᑭᓄᔨᒋ᙮

ᓗᒃ 9:60

ᐊᑯ ᒋᓴᓴ ᒂ ᐃᑎᑯᑦ, “ᐊᓐᒡ ᒧᔭᒻ ᑲ ᓂᐱᒡ ᑲ ᐃᑕᔨᑕᑯᓯᒡ ᐃᔪᒡ ᐊᑯᔅ ᒋᑭ ᓇᐃᐧᑯᐛᐅᒡ ᐊᓂᔭ ᐅᑦ ᐃᔨᒧᐛᐛ ᑲ ᓂᐱᔨᒋ᙮ ᒋᔾ ᒪᒃ, ᒪᒋ ᒐ ᐛᐎᑎᒧᑦ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮”

ᒠᓐ 18:20

ᐊᑯ ᒋᓴᔅ ᒂ ᐃᑕᑦ, “ᒥᓯᐛ ᑕᓐ ᑲ ᐃᔅᒋᔄᔭᓐ ᒋ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ᒪᒧᐎᒡ, ᓇᒪ ᓂᑕ ᓂ ᐅᒋ ᑲᑕᓐ ᒐᒂᓐ ᐊ ᐃᔅᒋᔄᔭᓐ᙮

ᒠᓐ 6:59

ᐊᐅᒄ ᐅᔭ ᒐᒂᔪᐤ ᑲ ᐊᔨᒧᑕᐧᒃ ᒋᓴᔅ ᑲ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᓐᑕ ᑲᐳᕐᓇᐊᒻ ᐅᑕᓇᒡ ᑲ ᑕᑦ᙮

ᒠᓐ 7:1

ᒥᓐ ᐸᑎᒪ ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᓕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ, ᓇᒪ ᐎ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐃᑕᒐ ᐅᒋ ᐎ ᐃᑐᑕᐤ ᐛᔅ ᒋ ᒋᔅᒐᔨᑎᒻ ᐊᒋ ᐎ ᓂᐸᐃᑯᑦ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 18:4

ᒧᔅ ᒪᒃ ᑕᑥᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᓇᒋ ᐊᔭᒥᐊᐤ ᑈᓪ ᐊᑯ ᑲᒋ ᐃᔨᒥᐃᑐᒡ ᐊᓂᔭ ᒍᐤ ᑭᔭ ᑯᕆᒃ ᐃᔪᐛ ᐊ ᓯᒋᒪᑦ ᒐᒋ ᑕᑈᑕᑯᑦ᙮

ᐊᑈᔅᑕᓇᒡ 20:25

“ᓂᑐᑎᒧᒄ ᒪ, ᓂ ᒋᔅᒐᔨᑕᓐ ᐊᐅᒄ ᐅ ᐊᓄᒡ ᒪᔅᑕᔾ ᒐ ᐛᐱᒥᔭᒄ ᒋᔨᐛᐤ ᐅ ᑲᒋ ᐛᐎᑎᒪᑎᑯᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐅᑕ ᐃᑕᒐ ᑲ ᑕᔭᒄ᙮

ᐊᑈᔅᑕᓇᒡ 28:31

ᒋ ᐊᔨᒧᑎᒧᐛᐤ ᒪᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᒋ ᒋᔅᑯᑎᒪᒐᐤ ᐅᑎᐸᔨᒋᒐᐛ ᒋᓴᔅ ᙭ᑕ ᐊ ᐊᔨᒧᒪᑦ᙮ ᒋ ᓱᒋᑕᐊᐤ ᒪᒃ ᓇᔅᒡ ᑭᔭ ᓇᒪ ᐅᒋ ᒋᑕᐊᒧᐛᑭᓄᐤ ᐅᔭ ᐊ ᐃᑎᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:15

ᑕᓐᑕ ᒐᒋ ᐅᒋ ᑭᒐᔅᒋᒧᒡ ᐊᐛᓐᒋ ᐊᑲ ᒋᑎᓴᐛᑭᓄᑥᐛ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓄᐛᒡ ᒥᔽᔨᑕᑯᓂᔪᐤ ᑕᑯᓯᒂᐎ ᐅᒡ ᒥᔽᒋᒧᐅᓂᔪᐤ ᑲ ᐸᑕᒡ᙮