ᒪᑎᔪᐤ 27:51 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵¹ ᐃᔅᐱ ᒪᒃ ᓇᐱᑦ, ᐊᓐ ᐊᑯᐛᑲᐃᑭᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᑎᒂᒡ ᓇᔅᒡ ᒋ ᑕᑕᐤ ᑕᔅᒋᐱᔪᐤ᙮ ᓇᔅᒡ ᐊ ᐃᔎᑲᒡ ᒋ ᐃᓯ ᑕᔅᒋᐱᔪᐤ᙮ ᐊᔅᒋᔾ ᑭᔭ ᒋ ᐊᔭᒋᐱᔪᐤ᙮ ᑭᔭ ᐊᓯᓂᔨᒡ ᒋ ᑕᔅᒋᐱᔪᐅᒡ᙮

ᒪᑎᔪᐤ 27:51 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 18:15

ᐊᑯ ᐃᑕᒥᐸᑯᒡ ᑲ ᓄᒂᒡ, ᑭᔭ ᐊᓐᑕ ᐊᓱᐧᑲᔅᑕᒡ ᐊᔅᒋᔾ ᑲ ᓄᒂᒡ ᐊ ᒋᑐᑎᒥᓐ, ᐅ ᑎᐸᔨᒋᒐᓱᐤ, ᐊ ᒋᔅᑎᒡ ᒋᔭᔭᐅᓐ ᒋᑕᔨᑯᒥᒡ᙮

ᑎᐱᑦ ᐅᓂᑭᒧᐅᓇ 18:7

ᐊᑯ ᐊᔅᒋᔾ ᒂᔅᑯᐱᔨᒡ ᑭᔭ ᓂᔭᓇᒥᐱᔨᒡ; ᑲ ᐅᒋ ᒥᔅᑯᐛᒋ ᐱᔅᑯᑎᓇᐛ ᒋ ᐊᔭᒋᐱᔪᐛ ᑭᔭ ᒋ ᑯᔅᑯᐱᔪᐛ, ᐊᒋ ᐊᐧᑯᔪᐛᓯᑦ᙮

ᐊᒃᓱᑕᔅ 40:21

ᒂ ᐱᑎᑭᑕᑦ ᒥᐅᑎᔪᐤ ᐊᓐᑕ ᒪᐅᒡ ᐊ ᐸᔭᒋᓯᒥᑭᓂᔨᒡ ᐸᔭᒋ-ᐱᒍᐎᔭᓂᒋᐛᐱᒡ ᑭᔭ ᒂ ᐊᑯᑕᑦ ᐊᓐᑕ ᐊᑯᐛᑲᐃᑭᓂᔪᐤ, ᐊ ᐊᑲ ᓇᐊᔨᒪᑦ ᐃᔪᐛ ᒐᒋ ᐛᐸᑎᒥᔨᒋ ᐸᔭᒋ-ᒥᐅᑎᔪᐤ, ᒥᓯᐛ ᐅᔭ ᒋ ᐃᑐᑎᒻ ᒧᔭᒻ ᑲ ᐃᑎᓱᒥᑯᑦ ᑎᐸᔨᒋᒐᓱᐛ᙮

ᒪᑎᔪᐤ 27:54

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᑲ ᓂᓇᑭᑐᐛᔨᒪᔨᒋ ᒋᓴᓴ ᐃᔅᐱ ᐎᔭᐸᑕᒡ ᐊ ᑯᐃᐧᑯᓂᔨᒡ ᑭᔭ ᒥᓯᐛ ᐊᓂᔭ ᑕᓐ ᑲ ᐃᔅᐱᔨᒡ ᒋ ᓴᒋᓱᐅᒡ᙮ ᐊᑯ ᒂ ᐃᔅᒋᔄᒡ, “ᑕᑈ ᐊᔪᐅᒄ ᐅᔭ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 28:2

ᓯᔅᒋᑯᒡ ᒪᒃ ᒋ ᒥᔅᑎ ᑯᐃᐧᑯᓐ, ᐊᑯ ᐅᑎᐸᔨᒋᒐᐤ ᐅᑦ ᐊᓐᒋᓇᒪ ᒂ ᐸᒋ ᔭᓯᔨᒋ ᒋᒋᒋᓯᑯᒡ ᐅᒡ, ᒂ ᐃᒐᑎᑎᐱᓇᔨᒋ ᐊᓂᔭ ᐊᓯᓂᔭ ᐊᓐᑕ ᐃᔎᑕᒥᒡ ᐅᒡ ᒂ ᐊᑎ ᑕᑎᐱᔨᒋ ᐊᓐᑕ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:38

ᐊᑯ ᐊᓐ ᐊᑯᐛᑲᐃᑭᓐ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᑎᒂᒡ ᓇᔅᒡ ᑕᑕᐅᒡ ᒋ ᑕᔅᒋᐱᔪᐤ᙮

ᓗᒃ 23:45

ᐊᓐᑕ ᒪᒃ ᒋᓴᐊᔭᒥᐊᐅᒋᐛᐱᒡ ᑲ ᐊᑯᑕᒡ ᐊᑯᐛᑲᐃᑭᓐ ᓇᔅᒡ ᒋ ᑕᔅᒋᐱᔪᐤ᙮

ᓗᒃ 23:47

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᐃᔅᐱ ᑲ ᐛᐸᑕᐧᒃ ᑕᓐ ᑲ ᐃᔅᐱᔨᒡ, ᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᒋ ᐃᔅᒋᔄᐤ, “ᒐᔅᑎᓇᔅ ᑕᑈ ᒋ ᑯᐃᔅᑯᑕᑎᓯᒐ ᐅ ᓇᐸᐤ᙮”

ᐃᑉᕈᐛ 6:19

ᐊ ᒐᔅᑎᓇᑕᔨᑎᒪᐧᒄ ᒪᒃ ᐅᔭ ᑲ ᐃᓯ ᓇᔅᐱᒡ ᑕᑈᑦ ᒋᓴᒪᓂᑐᐤ ᒐ ᐃᓯ ᐃᑐᑎᒪᑕᐧᒄ ᒧᔭᒻ ᐊ ᐃᑕᐱᑎᓯᑦ ᐳᓂᓯᓇᐸᒋᑭᓐ ᒐᒋ ᔭᐃᑎᑯᑎᒡ ᐅᐤᑦ ᐃᓯᓇᑯᓐ᙮ ᐊᓐ ᒪᒃ ᐊᐛᓐ ᑲ ᒐᔅᑎᓇᑕᔨᒪᐧᒄ ᐊᐅᒄ ᐊᓐ ᐸᒐᑦ ᐊᓐᑕ ᐊᓂᔭ ᑲ ᐊᑯᐛᑲᐃᑭᓄᐎᒡ ᒪᐅᒡ ᑲ ᐸᔭᒋᓯᒥᑲᒡ ᐊ ᐃᓯᓂᐧᑲᑕᔨᒡ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ ᐊᔭᒥᐊᐅᒋᐛᐱᔪᐤ᙮

ᐃᑉᕈᐛ 9:3

ᐊᓐ ᒪᒃ ᒥᓐ ᑲ ᐅᒋ ᑎᒂᒡ ᐊ ᐱᔅᒋᒐᔭᒡ ᐊᑯᐛᑲᐃᑭᓐ ᒋ ᐃᑕᑭᒧᐤ ᐊᓐᑕ ᒐᒋ ᐱᐧᑲᓇᔨᑕᒂᒡ ᐊᓐᑕ ᐊᓐ ᓂᔅᑎᒻ ᑲᐱᔅᒋᒐᔭᒡ᙮ ᐊᑯ ᐅ ᑯᑎᒡ ᑲᐱᔅᒋᒐᔭᒡ ᒪᐅᒡ ᑲ ᐸᔭᒋᓯᒥᑲᒡ ᒋ ᐃᓯᓂᐧᑲᑕᑭᓄᐤ᙮

ᒋᔅᒐᔨᑕᑯᑕᒐᐅᓐ 11:13

ᐃᔅᐱ ᒪᒃ ᑲ ᐃᔅᐱᔨᒡ ᐅ, ᒋ ᒥᔅᑎ ᑯᐃᐧᑯᓐ᙮ ᐸᐃᒄ ᐊᓯᑯᒻ ᐸᐃᑯᔪᐤ ᒥᒋᐛᐸ ᐊᓐᑕ ᐊᓐ ᐅᑕᓇᒡ ᒋ ᓂᓱᐅᓇᑎᓇ᙮ ᓂᔄᐅᑕᒡ ᑕᑥᐤ ᒐᓯᐱᔪᐤ ᐊᐛᓐᒋ ᒋ ᓂᓱᐅᓇᑎᓯᐅᒡ ᐊᓂᔭ ᑲ ᒥᔅᑎ ᑯᐃᐧᑯᓂᔨᒡ᙮ ᐊᑯ ᐊᓐᒡ ᐊᐛᓐᒋ ᐊᔅᒄ ᐊ ᑕᒡ ᐊᔅᒋᒡ ᒋ ᒥᔅᑎ ᓴᒋᓱᐅᒡ᙮ ᒋ ᐃᔅᒋᔄᐅᒡ, ᑕᑈ ᓱᒐᔨᑕᑯᓯᔪᐤ ᒋᓴᒪᓂᑐᐤ ᒋᒋᒋᓯᑯᒡ ᐊ ᑕᑦ᙮

ᒋᔅᒐᔨᑕᑯᑕᒐᐅᓐ 11:19

ᐊᑯ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᒋᒋᒋᓯᑯᒡ ᐊ ᑎᑯᓂᔨᒡ ᒂ ᓴᓂᑭᓄᐎᒡ᙮ ᐊᓐᑕ ᒪᒃ ᐱᑎᑭᒥᒡ ᒋ ᓄᑯᓐ ᐊᓐ ᑲ ᐸᔭᒋᓯᒥᑲᒡ ᒥᔅᑎᑯᐅᑦ ᐊᓐᑕ ᑲ ᑎᑕᑭᓄᔨᒡ ᐊᓂᔭ ᓂᔅᑯᒧᐅᓂᔪᐤ ᒋᓴᒪᓂᑐᐤ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᐊᑯ ᑲ ᐅᔄᔅᑕᐱᔨᒡ ᑭᔭ ᓂᒥᔅᒍᐅᒡ ᒋ ᐸᑕᑯᓱᐅᒡ᙮ ᑭᔭ ᒋ ᑯᐃᐧᑯᓐ ᑭᔭ ᒋ ᒥᔅᑎ ᒥᔅᑯᒥᑕᓐ᙮