ᒪᑎᔪᐤ 27:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᒐ ᐊᑲ ᒋ ᓴᐧᑯᒋᒪᑦ ᐊᓂᔭᔪᐛ ᐃᔪᐛ ᑭᔭ ᑎᐛᒡ ᐊ ᐊᑎ ᒋᒋ ᒥᒋᐱᔨᓇᓄᐎᒡ ᒋ ᑲᓯᑎᒐᐤ ᐅᑎᔅᑯᐤ ᐊᓂᔭᔪᐛ ᐃᔪᐛ ᐊ ᑕᔨᒋ᙮ ᐊᑯ ᒂ ᐃᑕᑦ, “ᓇᒪ ᐎ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᒐ ᓂᐸᐊᑭᓄᐅᑦ ᐅ ᓇᐸᐤ᙮ ᒋᔨᐛᐤ ᐅ ᑲ ᐃᑎᔭᒄ᙮”

ᒪᑎᔪᐤ 27:24 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 26:6

ᓂᑭ ᒋᔅᑕᐸᐅᑕᓐ ᓂᑎᒋᔭ ᐸᔭᒋᓯᔪᐅᓂᒡ: ᐊᑯ ᒐ ᐛᔅᑲᔅᑲᒪᓐ ᒋᐱᔅᑎᓂᒐᐅᓇᐱᔅᒄ, ᐅ ᑎᐸᔨᒋᒐᓱᐤ᙮

ᒪᑎᔪᐤ 26:5

ᒋ ᐃᑕᐅᒡ ᒪᒃ, “ᓇᒪ ᐎ ᒪᒂᒡ ᐅ ᒥᑯᓴᓄᐅᒐ ᒋᑭ ᒋ ᒪᑯᓇᓄᐤ, ᐛᔅ ᒂᔄᓐ ᒋᑭ ᒥᔅᑎ ᒋᔄᓱᐅᒡ ᐃᔪᒡ ᒋᑭ ᒋ ᐃᓯᓇᑯᓐ ᒋᒋᐛ ᒐᒋ ᒥᒋᐱᔨᓇᓄᐅᒡ᙮”

ᒪᑎᔪᐤ 27:19

ᒪᒂᒡ ᒪᒃ ᑈᓚᑦ ᐊ ᐊᐱᑦ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐎᐛ ᒋ ᐸᒋ ᐃᑎᓴᐛᔪᐛ ᐊᐛᔪᐛ ᒐᒋ ᐃᑎᑯᑦ, “ᐊᑲᐎᔾ ᐎᔭᔅᑐᑐᐤ ᐊᓐ ᑲ ᑯᐃᔅᑯᑕᑎᓯᑦ ᓇᐸᐤ᙮ ᐛᔅ ᐊᓐ ᓇᔅᒡ ᓂ ᒥᑯᔅᑲᑕᔨᑎᒥᐃᑯᐛᓐ ᑕᓐ ᑲ ᐃᓯ ᐳᐛᑎᒃ ᑕᐱᔅᑲᔨᒡ᙮”

ᒪᑎᔪᐤ 27:23

ᐊᑯ ᑈᓚᑦ ᒂ ᐃᑕᑦ, “ᒐᒂᔪᐤ ᒪᒃ ? ᑕᓐ ᑲ ᐃᓯ ᒥᒋᑐᑕᐧᒃ ?” ᐊᑯ ᐊᓐᑕ ᑲ ᐊᓯᒂᒡ ᐊᓐᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ,” ᐊ ᐃᓯ ᑕᑈᒡ᙮

ᒪᑎᔪᐤ 27:4

ᐊᑯ ᒂ ᐃᑕᑦ, “ᑕᑈ ᓇᔅᒡ ᓂ ᐅᓂᑐᑕᓐ ᑕᓐ ᑲ ᐃᓯ ᐎᔭᓯᐱᔅᑎᓂᒃ ᓇᐸᐤ ᐊᑲ ᐛᒡ ᒥᒋᑐᑕᐧᒃ᙮” ᐊᑯ ᒂ ᐃᑎᑯᑦ ᐊᓂᔭᔪᐛ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ, “ᑕᐸ ᒐᒂᓐ ᓂᑭ ᒋ ᐃᑎᓇᓐ ᓂᔭᓐ ? ᒋᔾ ᐊᓐ ᒋᑭ ᐎ ᒥᔪᐱᔨᑥᓱᓐ᙮”

ᒪᑎᔪᐤ 27:54

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᑭᔭ ᐊᓂᔭᔪᐛ ᐅᑦ ᐊᓯᒪᑭᓂᓯᒪ ᑲ ᓂᓇᑭᑐᐛᔨᒪᔨᒋ ᒋᓴᓴ ᐃᔅᐱ ᐎᔭᐸᑕᒡ ᐊ ᑯᐃᐧᑯᓂᔨᒡ ᑭᔭ ᒥᓯᐛ ᐊᓂᔭ ᑕᓐ ᑲ ᐃᔅᐱᔨᒡ ᒋ ᓴᒋᓱᐅᒡ᙮ ᐊᑯ ᒂ ᐃᔅᒋᔄᒡ, “ᑕᑈ ᐊᔪᐅᒄ ᐅᔭ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 27:9

ᐊᑯ ᒪᒃ ᑲ ᑎᐱᐱᔨᒡ ᑕᓐ ᑲ ᐃᔅᒋᔄᑦ ᐊᓂᔭ ᒐᕆᒪᔭ ᑲ ᐃᓯᓂᐧᑲᓱᑦ ᐅᒋᔅᒋᐛᐃᒐᓱᐤ ᑲ ᐃᔅᒋᔄᑦ, ᒋ ᐅᑎᓇᐅᒡ ᐊᓂᔭ ᓂᔅᑐᔪᐤ ᓱᓇᔭᐱᔎ ᑕᓐ ᑲ ᐃᓯ ᓂᔅᑯᒧᒡ ᐱᔅᒐ ᐃᔅᕋᐃᓪ ᐃᔪᒡ ᒐ ᐃᔅᐱᔅ ᒋᓯᐧᑲᓱᒡ ᐊᓂᔭ ᑲ ᐃᑕᒋᒪᑭᓄᔨᒋ᙮

ᒠᓐ 13:9

ᓴᐃᒥᓐ ᐱᑕᕐ ᒂ ᐃᑕᑦ, “ᐅᑎᐸᔨᒋᒐᐤ, ᐊᑲᐎᔾ ᒪ ᒥᒄ ᓂᓯᑕ ᒋᔅᑕᐸᐅᑕ, ᒋᔅᑕᐸᐅᑕ ᑭᔭ ᓂᔅᑎᒂᓐ ᑭᔭ ᓂᑎᒋᔭ᙮”

ᒠᓐ 19:4

ᒥᓐ ᑲ ᐎᐎᑦ ᑈᓚᑦ ᒂ ᐃᑕᑦ ᐊᓂᔭ ᒍᐤ ᐃᔪᐛ, “ᒥᓐ ᒋᑭ ᐸᒋ ᐎᐎᑕᐊᑭᓄᐤ ᐅ ᓇᐸᐤ ᒐᒋ ᐛᐸᑎᒪᒄ ᐊᑲ ᒥᔅᑭᒧᒡ ᑕᓐ ᒐᒋ ᐃᓯ ᓂᓱᐅᓇᒋᒥᒃ᙮”

ᐊᑈᔅᑕᓇᒡ 3:14

ᐃᔭᐱᒡ ᒋᔨᐛᐤ ᔅᒋ ᐊᑐᐛᔨᒪᐛᐤ ᐊᓐ ᑲ ᐸᔭᒋᓯᑦ ᑭᔭ ᑲ ᑯᐃᔅᑯᑕᑎᓯᑦ ᑭᔭ ᐊᒋ ᐃᔅᒋᔄᔭᒄ ᑲ ᓂᐸᐃᐛᑦ ᓇᐸᐤ ᐃᔭᐱᒡ ᒐᒋ ᐱᔅᑎᓂᒪᑯᐅᔭᒄ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮