ᒪᑎᔪᐤ 27:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐊᑯ ᑈᓚᑦ ᒂ ᐃᑕᑦ, “ᒐᒂᔪᐤ ᒪᒃ ? ᑕᓐ ᑲ ᐃᓯ ᒥᒋᑐᑕᐧᒃ ?” ᐊᑯ ᐊᓐᑕ ᑲ ᐊᓯᒂᒡ ᐊᓐᒡ ᐃᔪᒡ, “ᒋᔅᑕᔎᑕᐧᒄ ᒋᐱᔭᑎᑯᒡ,” ᐊ ᐃᓯ ᑕᑈᒡ᙮

ᒪᑎᔪᐤ 27:23 ပူးပေါင်းရင်းမြစ်များ

ᒪᑎᔪᐤ 27:22

ᐊᑯ ᑈᓚᑦ ᒂ ᐃᑕᑦ, “ᑕᓐ ᒪᒃ ᒐ ᐃᑐᑐᐅᒃ ᐅ ᒋᓴᔅ, ᐊᓐ ᙭ ᑲ ᐃᓯᓂᐧᑲᑕᑭᓄᐅᑦ ?” ᐊᑯ ᒥᓯᐛ ᐊᓐᒡ ᐃᔪᒡ ᒂ ᐃᔅᒋᔄᒡ, “ᒋᔅᑕᔎᑕᐧᒄ ᒋᐱᔭᑎᑯᒡ᙮”

ᒪᑎᔪᐤ 27:24

ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᒐ ᐊᑲ ᒋ ᓴᐧᑯᒋᒪᑦ ᐊᓂᔭᔪᐛ ᐃᔪᐛ ᑭᔭ ᑎᐛᒡ ᐊ ᐊᑎ ᒋᒋ ᒥᒋᐱᔨᓇᓄᐎᒡ ᒋ ᑲᓯᑎᒐᐤ ᐅᑎᔅᑯᐤ ᐊᓂᔭᔪᐛ ᐃᔪᐛ ᐊ ᑕᔨᒋ᙮ ᐊᑯ ᒂ ᐃᑕᑦ, “ᓇᒪ ᐎ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᒐ ᓂᐸᐊᑭᓄᐅᑦ ᐅ ᓇᐸᐤ᙮ ᒋᔨᐛᐤ ᐅ ᑲ ᐃᑎᔭᒄ᙮”

ᓗᒃ 23:4

ᐊᑯ ᑈᓚᑦ ᒂ ᐃᑕᑦ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᐊᓐᑕ ᑲ ᒪᒧᐱᔨᒋ, “ᓇᒪ ᓇᔅᒡ ᓂ ᒥᔅᑭᒺᓐ ᒥᒋᑥᐅᓂᔪᐤ ᒐᒋ ᐊᔭᑦ ᐅ ᓇᐸᐤ᙮”

ᐊᑈᔅᑕᓇᒡ 13:28

ᐊᑯ ᐊᓐᒡ ᐃᔪᒡ ᒂ ᐃᑕᒡ ᐊᓂᔭ ᑈᓚᑕ ᒐᒋ ᓂᐸᐊᑭᓄᔨᒋ ᒋᓴᓴ, ᒋ ᒋᔅᒐᔨᑎᒧᒡ ᒪᒃ ᐊᑲ ᐅᒋ ᒥᒋᑐᑎᒥᔨᒋ ᒥᒄ ᒪᒃ ᐃᔭᐱᒡ ᒋ ᐃᑕᐅᒡ ᒐ ᓂᐸᐊᑭᓄᔨᒋ᙮

ᐊᑈᔅᑕᓇᒡ 23:10

ᒐᒃ ᒪᒃ ᐊᓂᔭ ᐊ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 7:57

ᒋ ᒋᐳᓂᒧᒡ ᐎᑐᑭᐛᐛ ᐊ ᐊᓯᒂᒡ ᐊᓐᒡ ᑲ ᐸᑐᐛᒡ ᐅᔭ ᐊ ᐃᔅᒋᔄᔨᒋ᙮ ᐊᑯ ᒥᓯᐛ ᒪᒧᐤ ᒂ ᐃᔅᐸᔨᑐᒡ ᐊᓐᑕ ᐊ ᑕᔨᒋ᙮