ᒪᑎᔪᐤ 27:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒪᒂᒡ ᒪᒃ ᑈᓚᑦ ᐊ ᐊᐱᑦ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐎᐛ ᒋ ᐸᒋ ᐃᑎᓴᐛᔪᐛ ᐊᐛᔪᐛ ᒐᒋ ᐃᑎᑯᑦ, “ᐊᑲᐎᔾ ᐎᔭᔅᑐᑐᐤ ᐊᓐ ᑲ ᑯᐃᔅᑯᑕᑎᓯᑦ ᓇᐸᐤ᙮ ᐛᔅ ᐊᓐ ᓇᔅᒡ ᓂ ᒥᑯᔅᑲᑕᔨᑎᒥᐃᑯᐛᓐ ᑕᓐ ᑲ ᐃᓯ ᐳᐛᑎᒃ ᑕᐱᔅᑲᔨᒡ᙮”

ᒪᑎᔪᐤ 27:19 ပူးပေါင်းရင်းမြစ်များ

ᒐᓂᓯᔅ 31:11

ᐊᑯ ᒋᓴᒪᓂᑐᐤ ᐅᑦ ᐊᓐᒋᓂᒪ ᓂᒋ ᐃᔨᒥᑯᔪᐛ ᓂᐳᐛᒧᐅᓂᒡ ᑭᔭ ᓂᒋ ᐃᑎᑯᔪᐛ, ‘ᒐᑭᑉ,’ ᑭᔭ ᒂ ᐃᑎᒃ, ‘ᒐᒂᓐ ?’

ᒐᓂᓯᔅ 31:24

ᒥᒄ ᒪᒂᒡ ᑕᐱᔅᑲᔨᒡ ᒋ ᐃᔭᒂᒥᑯᐤ ᒋᓴᒪᓂᑐᐛ ᐅᐳᐛᒧᐅᓂᒡ ᒐ ᐊᑲ ᒐᒂᔪᐤ ᒥᒋ ᐃᑕᑦ ᒐᑭᐸ᙮

ᒐᓂᓯᔅ 31:29

ᓂ ᑭᓄᐛᔨᑕᓐ ᓱᐧᑲᑎᓯᐅᓐ ᒐᒋ ᐊᐧᑯᐃᑕᓐ, ᒥᒄ ᑕᐱᔅᑲᔨᒡ ᓂᒋ ᐃᔭᒂᒥᒄ ᒍᑕᐎᔾ ᐅᒋᓴᒪᓂᑐᒪ ᒐ ᐊᑲ ᐊᐧᑯᐎᑕᓐ᙮

ᒪᑎᔪᐤ 1:20

ᒪᒂᒡ ᐅᔭ ᐊ ᒪᒥᑐᓇᔨᑕᐧᒃ, ᐃᔅᐱ ᒪᒃ ᓇᐸᑦ, ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ᓄᑯᓯᔅᑕᑯᐤ ᐅᐳᐛᒧᐅᓂᒡ ᐊ ᐃᑎᑯᑦ, “ᒍᓯᑉ, ᒋᔾ ᐊᓂᔭ ᑎᐱᑦ ᐊᓂᔅᒐ ᐅᑯᓯᓴ, ᐊᑲᐎᔾ ᑯᔅᑕᒋ ᒐᒋ ᐎᒋᒥᑦ ᒪᕆ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᒐᒋ ᐊᔭᐛᑦ ᐊᓂᔭᔪᐛ ᐊᐛᓴ᙮

ᒪᑎᔪᐤ 2:19

ᐃᔅᐱ ᒪᒃ ᓇᐱᔨᒋ ᐊᕈᑕ, ᐊᔅᒄ ᒪᒂᒡ ᐊᓐᑕ ᐃᒋᑉᑎᒡ ᒋ ᑕᐅᒡ᙮ ᐊᑯ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒂ ᓄᑯᓯᔅᑕᑯᑦ ᒍᓯᑉ ᐅᐳᐛᒧᐅᓂᒡ᙮ ᒋ ᐃᑎᑯᐤ ᒪᒃ,

ᒪᑎᔪᐤ 2:22

ᒥᒄ ᐃᔅᐱ ᒍᓯᑉ ᐱᔭᑕᐧᒃ ᐊᕐᑭᓚᔭᓴ ᐊᒋ ᒥᔅᑯᑎᔅᑯᐛᔨᒋ ᐊᓂᔭ ᐅᑕᐎᔪᐛ ᐊᕈᑕ ᐊ ᒋᓴᐅᒋᒪᐅᓇᓄᐎᒋ ᐊᓐᑕ ᒍᑎᔭ ᐊᔅᒋᒡ, ᐊᑯ ᑲ ᑯᔅᑕᒋᑦ ᒐᒋ ᐎᒋᑦ ᐊᓐᑕ᙮ ᐊᑯ ᒥᓐ ᑲ ᐎᑎᒧᐛᑭᓄᐅᑦ ᐅᐳᐛᒧᐅᓂᒡ ᑕᓐ ᒐ ᐃᑎᑦ, ᐊᑯ ᐊᓐᑕ ᑲᓕᓕ ᐊᑯᑕ ᑲ ᐃᑐᑕᒡ᙮

ᒪᑎᔪᐤ 27:18

ᒋ ᒋᔅᒐᔨᒪᐤ ᑈᓚᑦ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᐊ ᐅᑕᔨᒪᔨᒋ ᒋᓴᓴ ᐊᔪᐅᒄ ᐊᓂᔭ ᐛᒋ ᐱᔅᑎᓱᐛᑎᒪᑯᑦ᙮

ᒪᑎᔪᐤ 27:24

ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᒐ ᐊᑲ ᒋ ᓴᐧᑯᒋᒪᑦ ᐊᓂᔭᔪᐛ ᐃᔪᐛ ᑭᔭ ᑎᐛᒡ ᐊ ᐊᑎ ᒋᒋ ᒥᒋᐱᔨᓇᓄᐎᒡ ᒋ ᑲᓯᑎᒐᐤ ᐅᑎᔅᑯᐤ ᐊᓂᔭᔪᐛ ᐃᔪᐛ ᐊ ᑕᔨᒋ᙮ ᐊᑯ ᒂ ᐃᑕᑦ, “ᓇᒪ ᐎ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᒐ ᓂᐸᐊᑭᓄᐅᑦ ᐅ ᓇᐸᐤ᙮ ᒋᔨᐛᐤ ᐅ ᑲ ᐃᑎᔭᒄ᙮”

ᒪᑎᔪᐤ 27:4

ᐊᑯ ᒂ ᐃᑕᑦ, “ᑕᑈ ᓇᔅᒡ ᓂ ᐅᓂᑐᑕᓐ ᑕᓐ ᑲ ᐃᓯ ᐎᔭᓯᐱᔅᑎᓂᒃ ᓇᐸᐤ ᐊᑲ ᐛᒡ ᒥᒋᑐᑕᐧᒃ᙮” ᐊᑯ ᒂ ᐃᑎᑯᑦ ᐊᓂᔭᔪᐛ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ, “ᑕᐸ ᒐᒂᓐ ᓂᑭ ᒋ ᐃᑎᓇᓐ ᓂᔭᓐ ? ᒋᔾ ᐊᓐ ᒋᑭ ᐎ ᒥᔪᐱᔨᑥᓱᓐ᙮”

ᓗᒃ 23:41

ᒋᔭᓄᐤ ᒪᒃ ᐃᓯᓇᑯᓐ ᒐᒋ ᒋᔅᑕᔎᑎᑯᐅᔭᐧᒄ ᑕᓐ ᑲ ᐃᓯ ᒥᒋᑐᑎᒪᐧᒄ᙮ ᐅ ᒪᒃ ᓇᐸᐤ ᓇᒪ ᐅᒋ ᒥᒋᑐᑎᒻ᙮”

ᓗᒃ 23:47

ᐊᓐ ᒪᒃ ᐊᓯᒪᑭᓂᓯᐤ ᐅᒋᒪᐤ ᐃᔅᐱ ᑲ ᐛᐸᑕᐧᒃ ᑕᓐ ᑲ ᐃᔅᐱᔨᒡ, ᒋ ᒋᔅᑕᒋᒪᐤ ᒋᓴᒪᓂᑐᐛ ᑭᔭ ᒋ ᐃᔅᒋᔄᐤ, “ᒐᔅᑎᓇᔅ ᑕᑈ ᒋ ᑯᐃᔅᑯᑕᑎᓯᒐ ᐅ ᓇᐸᐤ᙮”

ᒠᓐ 19:13

ᐃᔅᐱ ᒪᒃ ᑈᓚᑦ ᐱᔭᑕᐧᒃ ᐊᓂᔭ ᑲ ᐃᔅᒋᔄᔨᒋ ᐊᓂᔭ ᒍᐤ ᐃᔪᐛ ᐎᐎᑎᒥᒡ ᒋ ᐃᑐᑕᐊᐤ ᐊᓂᔭ ᒋᓴᓴ ᐊᑯ ᑲ ᐛᐛᔨᐱᑦ ᐊᓐᑕ ᑎᐸᔅᑯᓂᒐᓱᐤ ᑕᑎᐳᐛᑭᓂᒡ, ᐊᓐᑕ ᐊ ᐊᓯᓂᐧᑲᓄᐎᔨᒡ ᐊᒋ ᐊᔅᑕᔨᒡ᙮ ᐃᑉᕈᐤ ᐊ ᐃᓯ ᐃᔨᒥᓇᓄᐅᒡ ᑲᐸᑕ ᐃᓯᓂᐧᑲᑕᑭᓄᐤ ᐊᓐᑕ ᐊᓂᔭ ᑲ ᐊᓯᓂᐧᑲᓄᐎᔨᒡ᙮

ᐊᑈᔅᑕᓇᒡ 12:21

ᐊᑯ ᐊᕈᑦ ᒂ ᐎᔭᔨᑕᐧᒃ ᐊᓂᔭ ᐊ ᒋᓯᑲᔨᒡ ᒐ ᓂᑐᑐᐛᑦ ᐊᓂᔭᔪᐛ ᐃᔪᐛ᙮ ᐊᓂᔭ ᒪᒃ ᑲ ᒋᓯᑲᔨᒡ ᒋ ᒋᓴᐅᒋᒪᐛᔅᐱᓱᐤ, ᐊᑯ ᒂ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ᙮

ᐊᑈᔅᑕᓇᒡ 18:12

ᐃᔅᐱ ᒪᒃ ᑲᓕᐅ ᕈᒻ ᑲ ᐅᒋᒪᐧᑲᓄᑦ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊᓐᒡ ᒍᐤ ᐃᔪᒡ ᒪᒧᐤ ᒋ ᒪᒧᐎᐅᒡ ᐊᑯ ᒂ ᒪᑯᓇᒡ ᑈᓚ ᒂ ᐃᑐᑕᐊᒡ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮

ᐊᑈᔅᑕᓇᒡ 18:16

ᐊᑯ ᑲᓕᐅ ᒂ ᐎᐎᑎᓴᐛᑦ ᐊᓂᔭᔪᐛ ᐃᔪᐛ ᑲ ᐸᓱᐛᔨᒋ ᑈᓚ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮

ᐊᑈᔅᑕᓇᒡ 18:17

ᐊᑯ ᐊᓐᒡ ᐃᔪᒡ ᒥᔅᑯᒡ ᐊᓂᔭ ᓱᔅᑎᓂᓴ ᒂ ᒪᑯᓇᒡ, ᐊᓂᔭ ᑲ ᓂᑲᓂᔅᑭᒥᔨᒋ ᒍᐤ ᐊᔭᒥᐊᐅᒋᐛᐱᔪᐤ, ᐊᑯ ᒂ ᒪᓯᐧᑯᐛᒡ ᐊᓐᑕ ᐎᐎᑎᒥᒡ ᑎᐸᔅᑯᓂᒐᐅᒋᐛᐱᒡ᙮ ᓇᒪ ᒥᒄ ᐅᒋ ᐊᐱᑕᔨᒪᐤ ᐊᓐ ᐅᒋᒪᐤ ᑲᓕᐅ ᐊᓂᔭ ᑲ ᐃᑎᔨᒋ᙮

ᐊᑈᔅᑕᓇᒡ 25:10

ᐊᑯ ᑈᓪ ᒂ ᐃᔅᒋᔄᑦ, “ᐅᑕ ᐅ ᑲ ᓂᐳᐅᔭᓐ ᓯᓴᕐ ᐅᑎᐸᔅᑯᓂᒐᐅᒋᐛᐱᒡ ᐊᑯᑕ ᐅᑕ ᓂᐸ ᑎᐸᔅᑯᓂᑯᐅᓐ ᐛ ᑎᐸᔅᑯᓂᑯᐛᓇ᙮ ᑕᐸ ᑎᑯᓂᔪᐤ ᑕᓐ ᑲ ᐃᓯ ᐅᓂᑐᑐᐅᒂᐤ ᐅᒡ ᒍᐤ ᐃᔪᒡ᙮ ᒋᔾ ᓇᓂᑎᒻ ᒋ ᒥᔪ ᒋᔅᒐᔨᑕᓇᒐ ᐅ᙮

ᐊᑈᔅᑕᓇᒡ 25:17

ᐃᔅᐱ ᒪᒃ ᑕᑯᓯᓂᒡ ᐅᑕ, ᑎᐛᒡ ᓂᒋ ᐎ ᓂᓇᐃᐱᔨᑕᐛᓐ ᒐᒋ ᑎᐸᔅᑯᓇᑭᓄᔨᒋ ᑈᓚ᙮ ᐊᓐ ᐎᔭᐸᒡ ᓂᒋ ᐃᑐᑕᓐ ᑎᐸᔅᑯᓂᒐᐅᒋᐛᐱᒡ᙮ ᐃᔅᐱ ᒪᒃ ᑲ ᐛᐛᔨᐱᔭᓐ ᐊᐅᑯᐤ ᒂ ᐃᑎᓱᐛᔭᓐ ᒐᒋ ᐸᒋ ᐱᑎᑲᐊᑭᓄᐅᑦ ᐊᓐ ᑲ ᐎ ᑎᐸᔅᑯᓇᑭᓄᐅᑦ, ᐊᐅᒄ ᐅ ᑈᓪ᙮

ᐊᑈᔅᑕᓇᒡ 25:6

ᓴᓯᑲᓐ ᒪᒃ ᔭᓇᐤ ᑭᔭ ᒪᒃ ᐸᐃᑯᔪᐛ ᒋᓯᑲᐛ ᒋ ᐃᔅᐱᔅ ᑕᐤ ᒥᓐ ᐸᔅᑕᔅ ᐊᓐᑕ ᒋᕈᓯᓕᒥᒡ᙮ ᐊᑯ ᒂ ᐃᑐᑕᑦ ᐊᓐᑕ ᓯᓴᕆᔭᒡ᙮ ᐎᔭᐱᓂᔨᒡ ᒪᒃ, ᒋ ᐊᑎ ᐛᐛᔨᐳᐤ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐃᔅᐱ ᒥᓯᐛ ᑲ ᒪᒧᐎᔨᒋ ᐊᓂᔭ ᑲ ᐎ ᑎᐸᔅᑯᓇᔨᒋ ᑈᓚ᙮ ᐊᑯ ᑲ ᐃᑎᓱᐛᑦ ᑈᓚ ᒐᒋ ᐸᒋ ᐱᑎᑲᐊᑭᓄᔨᒋ᙮

1 ᐱᑕᕐ 2:22

“ᓇᒪ ᓂᑕ ᐅᒋ ᒥᒋᑐᑎᒻ ᑭᔭ ᓇᒪ ᓂᑕ ᓂᑎᒥᒄ ᐅᒋ ᐃᓯ ᐃᔨᒧᐤ, ᒧᔅ ᑯᐃᔅᒄ ᒋ ᐃᓯ ᐃᔨᒧᐤ᙮”

1 ᒠᓐ 2:1

ᒋ ᒥᓯᓇᐊᒪᑎᓇᐛᐤ ᓂᑦ ᐊᐛᓯᒥᑎᒄ ᒐ ᐊᑲ ᒥᒋᑐᑎᒪᒄ᙮ ᐊ ᐃᑕᒂ ᒪᒃ ᐊᐛᓐ ᐊᒋ ᒥᒋᑐᑕᐧᒃ, ᒋᓴᔅ ᙭ ᑲ ᑯᐃᔅᑯᑕᑎᓯᑦ ᐊᐅᒄ ᐅ ᐊ ᐃᔨᒥᔅᑎᒪᑕᐧᒄ ᒍᑕᐎᓄᐛ ᐊ ᑕᔨᒋ᙮