ᒪᑎᔪᐤ 27:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᓯᑯᒻ ᐱᐳᓇ ᒪᒃ ᐃᔅᐱ ᐛᑎᒋᐱᔨᒋ ᐊᓐ ᐎᒪᔅᑲᒐᐅ-ᒥᑯᓴᐅᓐ ᑈᓚᑦ ᒋ ᐱᔅᑎᓇᐤ ᒪᓐ ᐸᐃᒄ ᐊᐛᔪᐛ ᐊᒋ ᒋᐸᐛᑭᓄᔨᒋ ᐊᒋ ᐅᓂᐱᓱᔨᒋ ᐅᒡ᙮ ᒥᒄ ᐊᓂᔭ ᓇᑐᐛᔨᒪᔨᒋ ᐊᓂᔭᔪᐛ ᐃᔪᐛ ᒐᒋ ᐱᔅᑎᓇᑭᓄᔨᒋ ᐊᐅᑯᓂ ᐊᓂᔭ ᑲᒋ ᐱᔅᑎᓇᑦ᙮

ᒪᑎᔪᐤ 27:15 ပူးပေါင်းရင်းမြစ်များ

ᒪᑎᔪᐤ 26:5

ᒋ ᐃᑕᐅᒡ ᒪᒃ, “ᓇᒪ ᐎ ᒪᒂᒡ ᐅ ᒥᑯᓴᓄᐅᒐ ᒋᑭ ᒋ ᒪᑯᓇᓄᐤ, ᐛᔅ ᒂᔄᓐ ᒋᑭ ᒥᔅᑎ ᒋᔄᓱᐅᒡ ᐃᔪᒡ ᒋᑭ ᒋ ᐃᓯᓇᑯᓐ ᒋᒋᐛ ᒐᒋ ᒥᒋᐱᔨᓇᓄᐅᒡ᙮”

ᒪᑎᔪᐤ 27:16

ᒪᒂᒡ ᒪᒃ ᒋ ᑕᐤ ᓇᐸᐤ ᐊᓐᑕ ᑲᒪᑯᓄᐛᓯᐅᒋᐛᐱᒡ ᓇᔅᒡ ᐊ ᒥᔪ ᒋᔅᒐᔨᒪᑭᓄᐅᑦ ᑕᓐ ᑲ ᐃᓯ ᓂᓇᐧᑯᐤ ᒪᒋᐱᐃᓱᑦ, ᐸᕋᐸᔅ ᐊ ᐃᓯᓂᐧᑲᓱᑦ᙮

ᓗᒃ 23:16

ᐊᑯ ᒪᒃ ᓂᑭ ᐃᑎᓱᐛᓐ ᒐᒋ ᐸᐱᓯᔅᑕᐛᑭᓄᐅᑦ ᑭᔭ ᒐ ᐱᔅᑎᓂᒃ,” ᐊᐅᑯᓐ ᑲ ᐃᔅᒋᔄᑦ ᑈᓚᑦ᙮

ᓗᒃ 23:17

ᐊᓯᑯᒻ ᐱᐳᓇ ᒪᒃ ᐃᔅᐱ ᐛᑎᒋᐱᒋ ᐎᒪᔅᑲᒐᐅ-ᒥᑯᓴᐅᓐ ᑲ ᐃᓯᓂᐧᑲᑕᒡ, ᑈᓚᑦ ᒋᐸ ᐱᔅᑎᓇᐱᓐ ᐸᐃᒄ ᐊᐛᔪᐛ ᐊᒋ ᒋᐸᐛᑭᓄᔨᒋ᙮

ᓗᒃ 23:18

ᐊᑯ ᐊᓐᒡ ᐃᔪᒡ ᑲ ᐃᓯ ᒪᒧᐤ ᑕᑈᒡ, “ᓂᐸᐊᐧᒄ ᒋᓴᔅ᙮ ᐸᕋᐸᔅ ᐊᐅᒄ ᐱᔅᑎᓇᐧᒄ᙮”

ᒠᓐ 18:16

ᐱᑕᕐ ᒪᒃ ᐎᐎᑎᒥᒡ ᐊᓐᑕ ᐎᔾ ᒋ ᑕᐤ᙮ ᐊᑯ ᐊᓐ ᑯᑎᒃ ᒋᔅᒋᓄᐊᒧᐛᑭᓐ ᐊᓐ ᑲ ᒥᔪ ᒋᔅᒐᔨᒥᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ ᑲᐤ ᒋ ᐎᐎᔪᐤ, ᑲ ᐃᔨᒪᐊᑦ ᐊᓂᔭ ᐃᔎᓴ ᐊᓐᑕ ᒋᐱᔎᒡ ᑲ ᑕᔨᒋ ᒂ ᑯᒂᒋᒪᑦ ᒐᒋ ᐱᒐᔨᒋ ᐱᑕᕋ᙮ ᐊᑯ ᑲ ᐱᑎᑲᐊᑦ ᐊᓂᔭ ᐱᑕᕋ᙮

ᒠᓐ 19:16

ᐊᑯ ᑈᓚᑦ ᒂ ᐱᔅᑎᓇᑦ ᒋᓴᓴ ᐊᓐᑕ ᐊᓂᔭ ᐊᓯᒪᑭᓂᓴ ᐊ ᑕᔨᒋ ᒐᒋ ᒋᔅᑕᔎᑕᒡ ᒋᐱᔭᑎᑯᒡ᙮ ᐊᑯ ᒂ ᔅᑐᑕᐊᒡ᙮

ᐊᑈᔅᑕᓇᒡ 24:27

ᓂᓱ ᐱᐳᓇ ᒪᒃ ᐃᔅᐱᔅ ᐊᑯ ᑯᑎᑲ ᐊᐛᔪᐛ ᑲ ᒥᔅᑯᑎᔅᑲᑯᑦ ᐊᓐ ᒋᓴᐅᒋᒪᐤ ᐱᓕᑭᔅ᙮ ᐳᕐᑭᔭᔅ ᐸᔅᑕᔅ ᒋ ᐃᓯᓂᐧᑲᓱᔪᐛ ᐊᓂᔭ ᑲ ᒥᔅᑯᑎᔅᑲᑯᑦ᙮ ᐊᑯ ᒪᒃ ᐱᓕᑭᔅ ᒥᒄ ᐊ ᐎ ᓂᓇᐃᑎᒪᐊᑦ ᐊᓂᔭ ᒍᐤ ᐃᔪᐛ ᐊᑯᑕ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑲ ᓂᑭᑕᑦ ᐊᓂᔭᔪᐛ ᑈᓚ᙮

ᐊᑈᔅᑕᓇᒡ 25:9

ᐊᑯ ᐸᔅᑕᔅ ᒂ ᐃᑕᑦ ᐊᓂᔭ ᑈᓚ, “ᒋᐸ ᒥᔽᔨᑕᓐ ᐊ ᑲᐤ ᓇᑕ ᒋᕈᓯᓕᒥᒡ ᒐᒋ ᐃᑐᑕᐃᑯᔨᓐ ? ᐊᑯᑕ ᓇᑕ ᐃᔭᒂ ᒋᐸ ᒋ ᓂᑐ ᒋᔅᒐᔨᒥᑎᓐ ᐅ ᑕᓐ ᐊ ᐃᓯ ᒪᒥᓯᒥᑯᔨᓐ ?” ᐅᔭ ᒪᒃ ᑲ ᐃᔅᒋᔄᑦ ᐊᓐ ᒋᓴᐅᒋᒪᐤ ᒥᒄ ᐊ ᐎ ᓂᓇᐃᑎᒪᐊᑦ ᐊᓂᔭᔪᐛ ᒍᐤ ᐃᔪᐛ ᐊᐅᑯᓐ ᐛᒋ ᐃᔅᒋᔄᑦ ᐊᓂᔭ᙮