ᒪᑎᔪᐤ 27:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒋᓴᔅ ᒪᒃ ᒋ ᐅᑎᔅᑯᑲᐳᔅᑐᐛᐤ ᑈᓚᑕ ᐊᓂᔭᔪᐛ ᕈᒻ ᒋᓴᐅᒋᒪᐤ ᐊᐱᒋᐊᑭᓇ᙮ ᐊᑯ ᒂ ᑯᒂᒋᒥᑯᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮”

ᒪᑎᔪᐤ 27:11 ပူးပေါင်းရင်းမြစ်များ

ᒪᑎᔪᐤ 10:18

ᒋᑭ ᐃᑐᑕᐃᑯᐅᓇᐛᐤ ᑎᐸᔨᒋᒐᓱᐅᒡ ᑭᔭ ᒋᓴᐅᒋᒪᐅᒡ ᐊᑕᒡ ᒐᒋ ᐅᑎᔅᑯᑲᐳᔅᑎᐛᑯᒡ ᓂᔾ ᐅᒡ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ ᐊᓐᑕ ᐅᑎᔅᑯᐤ ᐊᑕᒡ ᑭᔭ ᐅᑎᔅᑯᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᒪᑎᔪᐤ 10:25

ᒋᐸ ᒥᔽᔨᑎᒻ ᒪᒃ ᐊᓐ ᑲ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ᒪᔭᔨᒥᒡ ᐊᒋ ᐃᔅᒋᔄᒡ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ᒪᔭᔨᒥᑯᐛᐅᒡ᙮”

ᒪᑎᔪᐤ 2:2

ᐊᑯ ᑲ ᓇᓂᑐᐤ ᑯᒂᒋᒐᒧᒡ ᐊ ᐃᔅᒋᔄᒡ, “ᑕᓐᑕ ᐊ ᑕᑦ ᐊᓐ ᐊᐛᔅ ᑲ ᐃᔪᐅᑦ ᐊᓂᔭᔪᐛ ᒍᐤ ᐃᔪᒡ ᒐ ᐅᒋᓴᐅᒋᒪᒥᒡ ? ᐛᔅ ᐊᓐ ᓂᒋ ᐛᐱᒪᓇᓐ ᐅᑦ ᐅᒐᑭᑕᐧᑯᒪ ᐊᓐᑕ ᐛᐱᓄᑕᒡ᙮ ᐊᐅᒄ ᒪᒃ ᐊᓂᔭ ᒋᐸ ᓄᑯᓯᔪᐛ ᐃᔅᐱ ᐃᔪᒐ᙮ ᐊᑯ ᑲ ᐸᒋ ᑎᑯᓯᓂᔭᒡ ᒐᒋ ᐸᒋ ᐊᔭᒥᐊᔅᑐᐅᒋᒡ᙮”

ᒪᑎᔪᐤ 26:25

ᐊᑯ ᒍᑎᔅ ᐊᓐ ᒐ ᐎᔭᓯᐱᔅᑎᓇᑯᐱᓇ ᒋᓴᓴ ᒂ ᐃᔅᒋᔄᑦ, “ᓂᔾ ᐊ ᑲ ᐃᓯᔨᓐ ?” ᐊᑯ ᒋᓴᔅ ᐊᑕᑦ, “ᓂᐦᐃ, ᐊᐅᑯᓐ ᐛᔅ ᑭᑈ ᐊ ᐃᔅᒋᔄᔨᓐ᙮”

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:62

ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”

ᓗᒃ 22:70

ᐊᑯ ᒪᒃ ᒥᓯᐛ ᒂ ᑯᒂᒋᒥᑯᑦ, “ᐊᐅᒄ ᐊ ᒪᒃ ᒋᔾ ᒋᓴᒪᓂᑐᐤ ᐅᑯᓴ ?” ᒋ ᐃᓯ ᐎᑎᒧᐛᐤ ᒪᒃ ᐊ ᐃᑕᑦ, “ᒋᑦ ᐃᔅᒋᔄᓇᐛᐤ ᐊ ᐊᐎᔭᓐ ᒋᓴᒪᓂᑐᐤ ᐅᑯᓴ᙮”

1 ᑎᒧᑎ 6:13

ᒋᓴᒪᓂᑐᐤ ᒋ ᐱᔅᑎᓂᒻ ᒥᓯᐛ ᒐᒂᔪᐤ ᑲ ᐱᒪᑎᓯᒥᑭᓂᔨᒡ᙮ ᙭ ᒋᓴᓴ ᓇᔅᒡ ᒋ ᒋᔅᒐᔨᑕᑯᐅᐤ ᐊᐛᓐ ᐎᔾ ᐊᓐᑕ ᑲ ᐅᑎᔅᑯᑲᐳᔅᑐᐛᑦ ᑈᓐᑎᔭᔅ ᑈᓚᑕ᙮ ᑕᐱᔅᑯᓐ ᒋᓴᒪᓂᑐᐤ ᑭᔭ ᙭ ᒋᓴᔅ ᐊ ᐸᑐᐅᒡ, ᐅ ᒋ ᐎ ᐃᓯ ᓯᒋᒥᑎᓐ,