ᒪᑎᔪᐤ 26:69 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶⁹ ᒪᒂᒡ ᒪᒃ ᐊ ᒪᔭᔨᒪᑭᓄᔨᒋ ᒋᓴᓴ, ᐱᑕᕐ ᒋ ᐊᐳᐤ ᐊᓐᑕ ᐊ ᐅᒋ ᐱᒐᓄᐎᒡ ᐊᓂᔭᔪᐛ ᒋᓴᐊᔭᒥᐊᐅᒋᒪᐛ ᐎᒋᔪᐤ, ᐸᐃᒄ ᒪᒃ ᐊᓂᔭ ᒋᓴᐊᔭᒥᐊᐅᒋᒪᐛ ᐅᑯᐸᓇᔎᒥᔪᐛ ᒋ ᐸᒋ ᓂᑐᐛᐱᒥᑯᐤ ᒂ ᐃᑎᑯᑦ, “ᒋᔾ ᑭᔭ ᔅᒋ ᐱᐸᐎᒐᐛᐤ ᒋᓴᔅ ᐊᓐ ᓇᐸᐤ ᑲᓕᓕ ᐊᔅᒋᒡ ᑲ ᐅᒋᑦ᙮”

ᒪᑎᔪᐤ 26:69 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 1:1

ᓱᐛᔨᑕᑯᓱᐤ ᐊᓐ ᐃᔪᐤ ᐊᑲ ᐱᒧᑕᑦ ᐊ ᐃᓯ ᓯᒋᒧᐛᔨᒋ ᐊᑲ ᑯᐃᔅᑯᑕᑎᓯᔨᒋ, ᐊᑲ ᑭᔭ ᓂᐳᐅᑦ ᐅᒪᔅᑭᓇᔨᒡ ᐅᒥᒋᑥᐛ: ᐊᑲ ᑭᔭ ᐊᐳᐛᑦ ᐅᑕᑎᐳᐛᑭᓂᔨᒡ ᑲ ᒪᔭᔨᒐᔨᒋ᙮

ᒪᑎᔪᐤ 21:11

ᐊᑯ ᒂ ᐃᑎᑯᒡ ᐊᓂᔭ ᐃᔪᐛ ᑲ ᐎᒐᐛᔨᒋ ᒋᓴᓴ, “ᒋᓴᔅ ᐊᓐ᙮ ᐊᐅᑯᓐ ᐅ ᐅᒋᔅᒋᐛᐃᒐᓱᐤ ᐊᓐᑕ ᓇᓴᕆᑎᒡ, ᑲᓕᓕ ᐊᔅᒋᒡ, ᑲ ᐅᒋᑦ᙮”

ᒪᑎᔪᐤ 26:3

ᐊᑯ ᐊᓐᒡ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᑲ ᒪᒧᐎᒡ ᐊᓐᑕ ᒋᓴᐊᔭᒥᐊᐅᒋᒪᐛ ᑲᔭᐸᓴ ᐅᒋᓴᐅᒋᒪᐅᒋᐛᐱᒡ᙮

ᒪᑎᔪᐤ 26:58

ᐱᑕᕐ ᒪᒃ ᐛᔪᐤ ᐊᓐᑕ ᒋ ᐅᒋ ᓇᓴᐛᐤ ᐊᓂᔭ ᑲ ᒪᑯᓇᔨᒋ ᒋᓴᓴ, ᐱᐃᒻ ᑲ ᐅᑎᑕᒡ ᒋᓴᐊᔭᒥᐊᐅᒋᒪᐛ ᐎᒋᔪᐤ᙮ ᐊᓐᑕ ᒪᒃ ᐎᐎᑎᒥᒡ ᐊᑯᑕ ᑲ ᑕᑦ ᐎᔾ ᐱᑕᕐ, ᒂ ᐎᑎᐱᒪᑦ ᐊᓂᔭ ᑲ ᓂᓇᑭᑐᐛᐸᑎᒥᔨᒋ ᒋᓴᐊᔭᒥᐊᐅᒋᒪᐛ ᐎᒋᔪᐤ ᐊ ᐎ ᐛᐸᑕᐧᒃ ᑕᓐ ᒐ ᐃᑎᓇᓄᔨᒂ᙮

ᒪᑎᔪᐤ 26:70

ᐱᑕᕐ ᒪᒃ ᒋ ᑭᑭᒋᔭᐤ ᐊ ᐃᔅᒋᔄᑦ, ᐊ ᐸᑕᑯᑦ ᒥᓯᐛ ᐊᓐᑕ ᑲ ᑕᔨᒋ, “ᓇᒪ ᓂ ᒋᔅᒐᔨᑕᓐ ᒐᒂᓐ ᑲ ᐊᔨᒧᑎᒥᓐ᙮”

ᒪᑎᔪᐤ 26:71

ᐊᑯ ᒂ ᐊᑎ ᐎᐎᑦ ᐊᓐᑕ ᐊ ᐅᒋ ᐱᒐᓄᐎᒡ ᐊᓐᑕ ᐊᓂᔭ ᑲ ᐃᑕᓄᐎᒡ᙮ ᐊᑯ ᒥᓐ ᑯᑎᑲ ᑯᐸᓇᔎᓴ ᒂ ᐛᐱᒥᑯᑦ, ᐊᑯ ᐊᓐ ᐃᔎᔅ ᒂ ᐃᑕᑦ ᐊᓂᔭ ᓇᐸᐛ ᐊᓐᑕ ᑲ ᑕᔨᒋ, “ᐅ ᓇᐸᐤ ᑭᔭ ᐎᔾ ᒋ ᐱᐸᐎᒐᐛᐤ ᒋᓴᓴ, ᓇᓴᕆᑎᒡ ᑲ ᐅᒋᔨᒋ᙮”

ᒠᓐ 1:46

ᐊᑯ ᓇᑕᓂᔭᓪ ᒂ ᐃᑕᑦ, “ᒋᑭ ᒋ ᐅᒋᐤ ᐊ ᐊᐛᓐ ᐊ ᒋᔅᑕᔨᑕᑯᓯᑦ ᐊᓐᑕ ᓇᓴᕆᑎᒡ ?” ᐊᑯ ᐱᓕᑉ ᒂ ᐃᑕᑦ, “ᐊᔅᑎᒻ, ᐸᒋ ᓂᑐᐛᐱᒻ᙮”

ᒠᓐ 7:41

ᑯᑎᑭᒡ ᒪᒃ ᒋ ᐃᑕᐅᒡ, “ᐊᐅᒄ ᐅ ᙭᙮” ᑯᑎᑭᒡ ᒋ ᐃᑕᐅᒡ, “ᓇᒪᔭᒐ ᐅ ᙭, ᐛᔅ ᓇᒪ ᐊᓐᑕ ᑲᓕᓕᒡ ᒋᐸ ᐅᒋ ᐅᒋᐤ ᐊᓐ ᙭᙮

ᒠᓐ 7:52

ᒋ ᐃᓯ ᐎᑎᒧᐊᐅᒡ ᒪᒃ ᐊ ᐃᑕᒡ, “ᑭᔭ ᒋᔾ ᐊ ᑲᓕᓕ ᐊᔅᒋᒡ ᒋ ᐅᒋᓐ ? ᐃᔨᒥᑕᔨᓇ ᒋᓴᒪᓂᑐᐤ ᐅᑦ ᐃᔨᒧᐅᓐ ᒋᑭ ᒋᔅᒐᔨᑕᓐ ᐊᑲ ᓂᑕ ᐅᒋ ᐅᒋᑦ ᐊᐛᓐ ᐊ ᐅᒋᔅᒋᐛᐃᒐᓱᐅᑦ ᐊᓐᑕ ᑲᓕᓕ ᐊᔅᒋᒡ᙮”

ᐊᑈᔅᑕᓇᒡ 5:37

ᒪᒂᒡ ᒪᒃ ᒍᑎᔅ, ᐊᓐ ᑲᓕᓕ ᑲ ᐅᒋᑦ, ᒋ ᑎᑯᓯᓐ ᒪᒂᒡ ᑲ ᐊᒋᒪᑭᓄᔨᒋ ᐃᔪᐛ᙮ ᑭᔭ ᐎᔾ ᒪᒃ ᒋ ᒥᒐᑎᔪᐛ ᐊᐛᔪᐛ ᑲ ᓇᓴᐅᑯᑦ, ᒥᒄ ᒪᒃ ᑭᔭ ᐎᔾ ᒋ ᓂᐸᐊᑭᓄᐤ ᑭᔭ ᒋ ᐃᒐᔭᒧᒐᓄᐎᔪᐛ ᐊᓂᔭᔪᐛ ᑲ ᓇᓴᐅᑯᑦ᙮