ᒪᑎᔪᐤ 26:60 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶⁰ ᒥᒄ ᒪᒃ ᓇᒪ ᐅᒋ ᒥᔅᑯᒺᐅᒡ ᒐᒂᔪᐤ ᐊᒋ ᐃᑎᔨᒋ ᐊᓐᑕ ᒐᒋ ᐅᒋ ᐱᔅᑎᓱᐛᑎᑯᒡ ᐎᓱᐛᐅᓂᔪᐤ ᒐᒋ ᓂᐸᐊᒡ ᒋᓴᓴ, ᐊᑎ ᒥᒐᑦ ᐊᒋ ᑎᑯᓯᓂᒡ ᐊ ᑭᑭᒋᔭᐅᐛᑕᒋᒪᒡ᙮ ᒐᒃ ᒪᒃ ᓂᓱ ᓇᐸᐅᒡ ᒂ ᑎᑯᓯᒡ᙮

ᒪᑎᔪᐤ 26:60 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 27:12

ᐊᑲᐎᔾ ᐱᔅᑎᓂ ᒐᒋ ᐃᑐᑐᐎᒡ ᐊ ᐃᑕᔨᑕᒡ ᑲ ᐛᐧᑲᓯᒡ: ᐛᔅ ᐅᑭᑭᒋᔭᐛᑕᒋᒧᐅᒡ ᓂ ᐱᓯᑯᔅᑕᑯᒡ, ᐊᓐᒡ ᑭᔭ ᑲ ᔭᔭᑐᑕᒡ ᐊᐧᑲᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 35:11

ᐅᑭᒋᔭᑕᒋᒧᐅᒡ ᒋ ᐱᓯᑯᐅᒡ; ᓂᒋ ᒪᒥᓯᒥᑯᒡ ᒐᒂᓇ ᐊᑲ ᑲᒋ ᒋᔅᒐᔨᑎᒧᒡ᙮

ᑕᐃᑕᔅ 2:8

ᑯᐃᔅᒄ ᐃᓯ ᐃᔨᒥ, ᑭᔭ ᐊᓐᒡ ᑲ ᐊᑐᐛᔨᒥᔅᒡ ᓇᒪ ᒋᑭ ᐅᒋ ᒥᔅᑭᒧᒡ ᑕᓐ ᒐᒋ ᐃᓯ ᓂᑐᐎᔾ ᐃᑕᒋᒥᑕᐧᑯᒡ ᑭᔭ ᒐ ᓴᒂᔨᒧᐃᓱᒡ᙮

1 ᐱᑕᕐ 3:16

ᓱᒃ ᒧᔅ ᑯᐃᔅᒄ ᐎ ᐃᓯ ᐱᒪᑎᓯᒄ ᓇᔅᒡ ᒐᒋ ᒐᔅᑎᓇᐅᔭᒄ ᐊᑲ ᒥᒋᑐᑎᒪᒄ᙮ ᐅ ᐃᓯᓇᑯᓯᔭᒂ, ᐊᑯᑕ ᒐ ᐅᒋ ᓯᓴᒂᔨᒧᒡ ᐊᓐᒡ ᑲ ᒪᔭᔨᒥᑕᑯᒡ, ᐊᓐᒡ ᑲ ᒥᒋ ᐊᔨᒧᒥᑕᑯᒡ ᐊ ᑯᐃᔅᑯᐱᒪᑎᓯᐛᒄ ᙭ᑕ ᐊ ᓇᓴᐅᒪᑯ᙮