ᒪᑎᔪᐤ 26:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐅ ᐊᓄᒡ ᒐ ᑎᐱᔅᑲᒡ ᒥᓯᐛ ᐊ ᑎᓯᔭᒄ ᒋᑭ ᓇᑭᓯᓇᐛᐤ, ᐊᓐ ᐅᒋ ᑕᓐ ᒐ ᐃᑐᑕᑯᔭᓐ, ᐛᔅ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᑭ ᓂᑕᐛᐤ ᐊᓐ ᒪᔭᑕᓂᓯᐅ-ᐃᔪᐤ, ᐊᑯ ᐊᓐᒡ ᒪᔭᑕᓂᓯᒡ ᒐ ᐃᒐᔭᒧᒐᓄᐎᒡ᙮”

ᒪᑎᔪᐤ 26:31 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 38:11

ᓂᓴᒋᐊᑭᓐᒡ ᑭᔭ ᓂᐎᒐᐛᑭᓐᒡ ᔭᐛᐸᑎᒧᒡ ᓂᐎᓴᒋᓯᐅᓂᔪᐤ; ᑭᔭ ᓂᐛᐧᑯᒪᑭᓐᒡ ᐛᔪᐤ ᓂᐳᐎᒡ᙮

ᑎᐱᑦ ᐅᓂᑭᒧᐅᓇ 69:20

ᒋᑐᓱᐛᐅᓐ ᓂᒋ ᐱᑯᑕᐊᔅᑲᑯᓐ, ᓂ ᓴᑭᔅᒋᓇᔅᑲᑯᓐ ᑯᓯᑯᒪᒋᐅᓐ: ᓂᒋ ᐊᓱᐛᐱᒪᐅᒡ ᒪᒃ ᐊᐛᓐᒋ ᒐᒋ ᒋᔅᑎᒪᒋᓄᐅᒡ, ᒪᒃ ᓇᒪᐎᔾ ᐊᐛᓐ ᐅᒋ ᑕᐤ; ᑭᔭ ᒐᒋ ᑲᒋᒋᐃᒡ, ᒪᒃ ᓇᒪᐎᔾ ᐊᐛᓐ ᓂ ᐅᒋ ᒥᔅᑯᐛᐤ᙮

ᑎᐱᑦ ᐅᓂᑭᒧᐅᓇ 88:18

ᓂᓴᒋᐊᑭᓐ ᑭᔭ ᓂᐎᒐᐛᑭᓐ ᐛᔪᐤ ᔅᒋ ᐃᒐᓂᒧᐅᓐ, ᑭᔭ ᓂᒋᔪᐛᒪᑭᓐᒡ ᐊᓐᑕ ᐊ ᐅᓂᑎᐱᔅᑲᔨᒡ᙮

ᒪᑎᔪᐤ 11:6

ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ᐊᑐᐛᔨᒥᒂ᙮” ᐊᐅᑯᓐ ᑲ ᐃᑕᑦ ᒋᓴᔅ ᐊᓂᔭᔪᐛ ᒠᓇ ᐅᒋᔅᒋᓄᐊᒧᐛᑭᓂᔪᐛ᙮

ᒪᑎᔪᐤ 26:24

ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐ ᑕᓐ ᑲ ᐃᓯ ᐸᒋ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ ᐊᓐᑕ ᐅᑕᒡ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᒋᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ᒥᔽᔨᑯᐱᓇ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑯᐱᓇ᙮”

ᒪᑎᔪᐤ 26:56

ᒥᒄ ᒪᒃ ᐛᔅ ᒥᓯᐛ ᑎᐱᐱᔪᐤ ᑕᓐ ᑲ ᐃᓯ ᒥᓯᓇᐊᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᐃᔅᐱ ᒪᒃ ᐅᔭ ᑲ ᐃᑕᑦ ᐊᑯ ᒥᓯᐛ ᐅᒋᔅᒋᓄᐊᒧᐛᑭᓇ ᒂ ᒋᑎᓯᒧᔨᒋ ᐊ ᓂᑭᑎᑯᑦ᙮

ᒠᓐ 16:32

ᒋᑭ ᐅᑎᒋᐱᔪᐤ, ᓴᔅ ᒪᒃ ᑕᑈ ᐅᑎᒋᐱᔪᐤ ᐊᓐᑕ ᒥᓯᐛ ᐸᐸᐃᒄ ᒐ ᑕᔭᒄ, ᑕᑎᐸᓐ ᒐ ᑕᔭᒄ ᑎᐱᔨᐛ ᒋᒋᐛᐛᒡ᙮ ᐊᑯ ᓂᔾ ᒐ ᐸᐃᑯᓯᔭᓐ ᐊᑲ ᐊᐱᑕᔨᒥᔭᒄ᙮ ᓇᒪ ᒥᒄ ᒋᒋᐛ ᓂᑭ ᐅᒋ ᐸᐃᑯᓯᓐ ᐛᔅ ᓄᑕᐎᔾ ᑕᐤ ᐅᑕ ᐊ ᑕᔭᓐ᙮