ᒪᑎᔪᐤ 26:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐊᑯ ᐊᓂᔭ ᒥᓂᒂᑭᓂᔪᐤ ᒂ ᐅᑎᓇᐧᒃ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᐊᑯ ᒂ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐊᑎ ᒪᒥᔨᑐᒄ ᐅ ᒐᒋ ᒥᓂᔭᒄ ᒥᓯᐛ ᐊ ᑎᓯᔭᒄ᙮

ᒪᑎᔪᐤ 26:27 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 116:13

ᓂᑭ ᐅᑎᓇᓐ ᐱᒪᒋᐃᐛᐤ ᒥᓂᒂᑭᓐ, ᑭᔭ ᓂᑭ ᓂᑐᑎᒺᓐ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ᙮

ᒪᑎᔪᐤ 15:36

ᒂ ᐅᑎᓇᑦ ᐊᓂᔭ ᓂᔄᐅᑕᒡ ᐸᒂᓯᑭᓇ ᑭᔭ ᐊᓂᔭ ᓂᒪᓴ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᒂ ᐸᒂᓇᑦ ᐊᓂᔭ ᐸᒂᓯᑭᓇ ᑭᔭ ᐊᓂᔭ ᓂᒪᓴ ᐊᑯ ᒂ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮

ᒪᑎᔪᐤ 26:26

ᐊᓂᔭ ᒪᒃ ᐊ ᒥᒋᓱᒡ, ᒋᓴᔅ ᒋ ᐅᑎᓇᐤ ᐸᒂᓯᑭᓇ ᐊᑯ ᒂ ᓂᓇᔅᑯᒪᑦ ᒋᓴᒪᓂᑐᐛ᙮ ᐃᔅᐱ ᒪᒃ ᑲ ᓂᓇᔅᑯᒧᑦ ᐊᑯ ᒂ ᐸᒂᓇᑦ ᐊᓂᔭ ᐸᒂᓯᑭᓇ ᐊᑯ ᒂ ᒥᔭᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐅᑎᓇᐧᒄ ᐅ, ᒧᐛᐧᒄ, ᐊᐅᒄ ᐅ ᓂᔪᐤ᙮”

ᒪᑎᔪᐤ 26:28

ᐛᔅ ᐊᐅᑯᓐ ᐅ ᓂᒥᐧᒄ ᒐ ᐅᒋ ᐅᔅᒋᑕᑭᓄᐅᒡ ᓂᔅᑯᒧᐅᓐ, ᐊᐅᒄ ᓂᒥᐧᒄ ᒐ ᓯᒋᓂᑲᑕᒡ ᒐᒋ ᐅᒋ ᐛᐸᔨᑎᒧᐛᑭᓄᐎᒡ ᒥᒐᑦ ᐊᐛᓐᒋ ᐅᒥᒋᑥᐅᓄᐛᐛ᙮

ᓗᒃ 22:20

ᐊᐅᑯᓐ ᐃᔭᐱᒡ ᑲ ᐃᑐᑕᐧᒃ ᐊ ᐅᑎᓇᐧᒃ ᐊᓂᔭ ᒥᓂᒂᑭᓂᔪᐤ, ᐃᔅᐱ ᑲᒋ ᐃᓯ ᒥᒋᓱᒡ᙮ ᒋ ᐃᑕᐤ, “ᐅ ᓱᒥᓇᐳᔾ ᐊᐅᒄ ᓂᒥᐧᒄ, ᒋᔨᐛᐤ ᐅᒋ ᒐ ᐃᓯ ᓯᒋᓂᑲᑕᒡ ᒐᒋ ᐅᒋ ᒥᔨᑯᔭᒄ ᐊ ᐅᔅᑲᒡ ᓂᔅᑯᒧᐅᓐ᙮”

1 ᑯᕆᓐᑎᔭᓇ 10:16

ᐊᓐ ᐊ ᑯᒥᓂᐅᐎᔭᐧᒄ ᒋᓂᓇᔅᑯᒪᓄᐤ ᒋᓴᒪᓂᑐᐤ ᙭ ᐅᒥᐧᒄ ᐊᒋ ᓯᑲᐃᑲᑕᔨᒡ ᑭᔭ ᐅᐱᒪᑎᓯᐅᓐ ᐊᒋ ᐱᔅᑎᓇᐧᒃ ᙭᙮ ᐛᔅ ᐊᓐ ᓱᒥᓇᐳᔾ ᑲ ᒥᓂᔭᐧᒄ ᑭᔭ ᐊᓐ ᐸᒂᓯᑭᓐ ᑲ ᐅᑎᓇᐧᒄ ᐊᑯᑕ ᓄᑯᑕᔭᐧᒄ ᙭ ᐊᒋ ᓂᐱᔅᑎᒪᑕᐧᒄ ᐊᓐᑕ ᒐᒋ ᐅᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ᙮

1 ᑯᕆᓐᑎᔭᓇ 11:28

ᐊᔅᒄ ᒪᒃ ᐊᑲ ᒧᐛᒐ ᐊᐛᓐ ᐅᔭ ᐸᒂᓯᑭᓇ ᑭᔭ ᐊᔅᒄ ᐊᑲ ᒥᓐᒐ ᐊᓐᑕ ᐅᒋ ᐊᓂᔭ ᒥᓂᒂᑭᓂᔪᐤ, ᒋᐸ ᒪᒥᑐᓇᔨᒥᓱᐤ ᑕᑈ ᒐᔅᑕᔨᑎᒥᐃᑯᒂ ᐊᓂᔭ ᐊ ᐃᑎᑦ ᑭᔭ ᐃᔭᒄ ᒋᐸ ᑯᒥᓂᐅᐤ᙮