ᒪᑎᔪᐤ 26:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐ ᑕᓐ ᑲ ᐃᓯ ᐸᒋ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ ᐊᓐᑕ ᐅᑕᒡ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᒋᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ᒥᔽᔨᑯᐱᓇ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑯᐱᓇ᙮”

ᒪᑎᔪᐤ 26:24 ပူးပေါင်းရင်းမြစ်များ

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᑎᐱᑦ ᐅᓂᑭᒧᐅᓇ 55:15

ᐊᑯᔅ ᓂᐳᐅᓂᔪᐤ ᒋᑭ ᐅᑎᑎᓂᑯᐅᐛᒡ, ᐊᑯᔅ ᑭᔭ ᒋᑭ ᒋᐱᔾ ᐃᑐᑕᐅᒡ ᓂᒂᔅᑲᓂᒡ: ᐛᔅ ᒥᒋᑥᐅᓂᔪᐤ ᑎᑯᓂᔪᐤ ᐅᑦ ᐃᑕᐅᓄᐛᒡ, ᑭᔭ ᐊᓐᑕ ᐊ ᐃᑕᒡ᙮

ᑎᐱᑦ ᐅᓂᑭᒧᐅᓇ 55:23

ᒪᒃ ᒋᔾ, ᐅ ᒋᓴᒪᓂᑐᐤ, ᒋᑭ ᓂᒋᐛᐱᓇᐅᒡ ᓂᓱᐅᓇᑎᓱᐎ ᐛᑎᑯᒡ: ᑲ ᓂᐸᐃᐛᒡ ᑭᔭ ᑲ ᑭᑭᒋᔭᒡ ᐃᔪᒡ ᓇᒪ ᐛᐛᒡ ᐊᐱᑐᐤ ᐅᒋᓯᑲᒧᐛᐤ ᒋᑭ ᐱᒪᑎᓯᐅᒡ᙮ ᒪᒃ ᓂᔾ ᒋᑭ ᒪᒥᓯᑐᑕᑎᓐ᙮

ᒪᑎᔪᐤ 18:7

ᑕᑈ ᒪᔭᑎᓇ ᒐᒂᔪᐛ ᐊ ᐃᓯ ᑎᒂᒋ ᐅᑕ ᐊᔅᒋᒡ ᐊᓐᑕ ᒐᒋ ᐅᒋ ᒥᒋᑐᑕᒡ ᐊᐛᓐᒋ᙮ ᒧᔅ ᒋᑭ ᑎᑯᓂᔪᐛ ᒐᒂᔪᐛ ᒐ ᑯᒂᒋᐃᑯᒡ ᐊᐛᓐᒋ ᒐᒋ ᒥᒋᑐᑕᒡ, ᒥᒄ ᒪᒃ ᒋᓴᒪᓂᑐᐤ ᒋᑭ ᐛᐛᓯᐊᐤ ᐊᓂᔭ ᑲ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ᙮”

ᒪᑎᔪᐤ 26:31

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐅ ᐊᓄᒡ ᒐ ᑎᐱᔅᑲᒡ ᒥᓯᐛ ᐊ ᑎᓯᔭᒄ ᒋᑭ ᓇᑭᓯᓇᐛᐤ, ᐊᓐ ᐅᒋ ᑕᓐ ᒐ ᐃᑐᑕᑯᔭᓐ, ᐛᔅ ᐃᑎᔅᑕᔪᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓂᑭ ᓂᑕᐛᐤ ᐊᓐ ᒪᔭᑕᓂᓯᐅ-ᐃᔪᐤ, ᐊᑯ ᐊᓐᒡ ᒪᔭᑕᓂᓯᒡ ᒐ ᐃᒐᔭᒧᒐᓄᐎᒡ᙮”

ᒪᑎᔪᐤ 26:54

ᒥᒄ ᒪᒃ ᐊᓐ ᐃᑎᔭᓇ, ᑕᓐᑕ ᒐᒋ ᐅᒋ ᐃᔅᐱᔨᒡ ᐊᓐ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐ ᒋᐸ ᐃᔅᐱᔪᐤ ?”

ᒪᑎᔪᐤ 26:56

ᒥᒄ ᒪᒃ ᐛᔅ ᒥᓯᐛ ᑎᐱᐱᔪᐤ ᑕᓐ ᑲ ᐃᓯ ᒥᓯᓇᐊᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᐃᔅᐱ ᒪᒃ ᐅᔭ ᑲ ᐃᑕᑦ ᐊᑯ ᒥᓯᐛ ᐅᒋᔅᒋᓄᐊᒧᐛᑭᓇ ᒂ ᒋᑎᓯᒧᔨᒋ ᐊ ᓂᑭᑎᑯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:21

ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐᑕ ᐅᑕᒡ ᑕᓐ ᑲ ᐃᓯ ᐸᒋ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ᒥᔽᓯᐱᓐ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑕᒂ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:12

ᐊᑯ ᒂ ᐃᓯ ᐎᑎᒪᑯᒡ, “ᑕᑈ ᑭᑈ ᐃᓚᐃᒐ ᓂᔅᑎᒻ ᒋᑭ ᑎᑯᓯᓐ ᒐᒋ ᐊᔭᔅᑯᔅᑕᑦ ᒥᓯᐛ ᒐᒂᔪᐤ᙮ ᒐᒂᓐ ᒪᒃ ᐛᒋ ᐃᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐃᔪᐤ ᐅᑯᓯᓴᓐ ᒥᔅᑎ ᒐ ᓂᓇᐧᑲᑕᔨᒧᑦ ᑭᔭ ᒐ ᐊᑲ ᐅᒋ ᐊᐱᑕᔨᒪᑭᓄᐅᑦ ?

ᓗᒃ 22:22

ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᑕᓐ ᑲ ᐃᓯ ᐎᔅᑕᑦ ᒋᓴᒪᓂᑐᐤ ᒐ ᐃᑐᑐᐛᑭᓄᔨᒋ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᔅᑎᓇᑦ ᐃᔪᐤ ᐅᑯᓯᓴᓇ᙮”

ᓗᒃ 24:46

ᐊ ᐃᑕᑦ, “ᐃᑎᔅᑕᐤ ᙭ ᔭᐃᑕᔾ ᒐ ᐎᓯᒐᔨᑕᐧᒃ, ᑭᔭ ᑲᐤ ᒐ ᐅᓂᔅᑲᑦ ᓂᐳᐅᓂᒡ ᐅᒡ ᒋ ᓂᔅᑐᒋᓯᑲᔨᒐ᙮

ᒠᓐ 17:12

“ᒪᒂᒡ ᑲ ᐎᒐᐅᒂᐤ ᓂᒋ ᑭᓄᐛᔨᒪᐅᒡ ᐊᓂᔭ ᐃᓯᓂᐧᑲᓱᐅᓂᔪᐤ ᑲ ᐸᒋ ᒥᔪᐅᑦ ᐅᒡ᙮ ᓂᒋ ᑭᓄᐛᔨᒪᐅᒡ, ᓇᒪ ᒪᒃ ᐛᒋ ᐸᐃᒄ ᐅᒋ ᐅᓂᓯᓄᐅᒡ ᒥᒄ ᐊᓐ ᑲ ᐃᑕᔨᑕᑯᓂᑯᐱᓇ ᒐ ᐅᓂᓯᐧᒃ ᒋ ᐅᓂᓯᓄᐤ᙮ ᒥᓯᐛ ᐅ ᑲ ᐃᔅᐱᔨᒡ ᒋ ᐃᔅᐱᔪᐤ ᒐᒋ ᑎᐱᐱᔨᒡ ᑕᓐ ᐊᑎᔅᑕᒡ ᒋᑦ ᐃᔨᒧᐅᓂᒡ᙮”

ᒠᓐ 19:24

ᒋ ᐃᑎᑐᒡ ᒪᒃ ᐊᓐᒡ ᐊᓯᒪᑭᓂᓯᒡ, “ᐊᑯᔅ ᐊᑲ ᐅᒋ ᐱᑯᓯᒧᐛᑕᐤ ᐅᔭ ᐅᑦ ᐊᑯᑉ᙮ ᑯᒂᒋᐃᑐᑕᐤ ᐛᐱᓂᒐᑕᐤ ᐊᐛᓐ ᒐ ᑲᓂᔪᒂ ᐊᓂᔭ ᐊᑯᐱᔪᐤ᙮” ᐅᔭ ᒪᒃ ᑲ ᐃᑎᒡ ᐊᑯᑕ ᑲ ᑎᐱᔨᒡ ᑕᓐ ᑲ ᐃᑎᓯᓇᐃᑭᓄᐃᑯᐱᓇ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋ ᒪᒪᑎᓂᒪᑐᐅᒡ ᓂᑦ ᐊᐱᒋᑕᐅᓇ ᑭᔭ ᒋ ᑕᐛᒐᓄᐤ ᓂᑦ ᐊᑯᑉ᙮

ᒠᓐ 19:28

ᐸᑎᒪ ᒪᒃ ᒋᓴᔅ ᒋ ᒋᔅᒐᔨᑎᒻ ᓴᔅ ᒥᓯᐛ ᒐᒂᔪᐤ ᐊᒋ ᒋᔅᑕᐱᔨᒡ ᐊᑯ ᒂ ᐃᔅᒋᔄᑦ, “ᓂᐎ ᒥᓐ᙮” ᐊᐅᑯᐤ ᐅᔭ ᑲ ᐃᔅᒋᔄᑦ ᒐᒋ ᑎᐱᐱᔨᒡ ᑕᓐ ᑲ ᐃᓯ ᓂᑲᓐ ᐎᑕᑭᓄᐎᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᒐ ᐃᔅᒋᔄᑯᐱᓇ᙮

ᐊᑈᔅᑕᓇᒡ 2:23

ᓴᔅ ᐊᓐᑕ ᒋ ᐎᔭᔨᑎᒻ ᒋᓴᒪᓂᑐᐤ ᒋᔨᐛᐤ ᐊ ᑕᐛᒄ ᒐ ᐃᓯ ᐱᔅᑎᓇᑦ ᒋᓴᓴ, ᒋᔨᐛᐤ ᒪᒃ ᔅᒋ ᓂᐸᐊᐛᐤ ᐊᒋ ᐱᔅᑎᓇᑯᒡ ᓇᐸᐅᒡ ᐊ ᒥᒐᑎᓯᒡ ᒐᒋ ᒋᔅᑕᔎᐛᒡ ᒋᐱᔭᑎᑯᒡ᙮

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐊᑈᔅᑕᓇᒡ 4:28

ᒥᒄ ᒪᒃ ᐅᔭ ᑕᓐ ᑲ ᐃᓯ ᐃᑐᑕᒡ, ᒋᔾ ᓴᔅ ᐛᔅᑭᒡ ᔅᒋ ᐎᔭᔨᑕᓐ ᒐ ᐃᔅᐱᔨᒡ, ᒋᔾ ᒪᒃ ᔅᒋ ᐃᑐᑕᓐ ᒐᒋ ᑎᐱᐱᔨᒡ᙮

1 ᑯᕆᓐᑎᔭᓇ 15:3

ᐛᔅ ᔅᒋ ᐊᓱᐤ ᐎᑎᒪᑎᓇᐛᐤ ᐊᓐ ᑲ ᒥᔨᑯᐅᔭᓐ ᒐᒋ ᒋᔅᒐᔨᑎᒪᓐ᙮ ᓇᔅᒡ ᑕᑈ ᒋᒋᐛ ᐃᑕᔨᑕᑯᓐ ᐅ ᑲ ᐛᐎᑎᒪᑎᑯᒡ᙮ ᒪᐅ ᐊ ᐃᓯ ᐎᑎᒪᒐᒥᑲᒡ᙮ ᙭ ᔅᒋ ᓂᐱᔅᑎᒪᑭᓄᐤ ᒐᒋ ᐛᐸᔨᑎᒪᑯᐛᐧᒄ ᒋᒥᒋᑥᐅᓄᐛ ᒧᔭᒻ ᐊ ᐃᓯ ᐊᔨᒧᑕᔨᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ᐃᑐᑎᒪᑯᐱᓇ᙮