ᒪᑎᔪᐤ 26:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᑯ ᐸᐃᒄ ᐊᓐᑕ ᐊ ᓂᓱᓴᐳᒡ ᐊᓐᒡ ᒋᔅᒋᓄᐊᒧᐛᑭᓐᒡ ᒍᑎᔅ ᐃᔅᑲᕆᔭᑦ ᑲ ᐃᓯᓂᐧᑲᓱᑦ ᒋ ᓂᑐᐛᐱᒪᐤ ᐊᓂᔭ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ᙮

ᒪᑎᔪᐤ 26:14 ပူးပေါင်းရင်းမြစ်များ

ᒪᑎᔪᐤ 10:4

ᑭᔭ ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ ᐃᔅᑲᕆᔭᑦ, ᐊᐅᑯᐤ ᑲ ᐎᔭᓯᐱᔅᑎᓇᑦ ᒋᓴᓴ᙮

ᒪᑎᔪᐤ 26:25

ᐊᑯ ᒍᑎᔅ ᐊᓐ ᒐ ᐎᔭᓯᐱᔅᑎᓇᑯᐱᓇ ᒋᓴᓴ ᒂ ᐃᔅᒋᔄᑦ, “ᓂᔾ ᐊ ᑲ ᐃᓯᔨᓐ ?” ᐊᑯ ᒋᓴᔅ ᐊᑕᑦ, “ᓂᐦᐃ, ᐊᐅᑯᓐ ᐛᔅ ᑭᑈ ᐊ ᐃᔅᒋᔄᔨᓐ᙮”

ᒪᑎᔪᐤ 26:47

ᐊᔅᒄ ᒪᒃ ᒪᒂᒡ ᐊ ᐃᔨᒥᑦ ᒋᓴᔅ ᒋ ᐅᒋ ᑎᑯᓯᓂᔪᐛ ᐸᐃᒄ ᐊᓂᔭ ᑲ ᓂᓱᓴᐳᔨᒋ ᐅᒋᔅᒋᓄᐊᒧᐛᑭᓇ ᒍᑎᔅ ᑲ ᐃᓯᓂᐧᑲᓱᔨᒋ᙮ ᒋ ᐸᒋ ᐎᒐᐅᑯᔪᐛ ᒥᒐᑦ ᐊᐛᔪᐛ ᐊᒋ ᐸᒋ ᐃᑎᓴᐅᑯᔨᒋ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐃᔪᐛ ᑲ ᓂᑲᓂᔅᑯᐛᔨᒋ᙮ ᒋ ᐸᒋ ᑕᐧᑯᓂᒧᒡ ᒪᒃ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒥᐃᑭᓇᑎᒂ᙮

ᒪᑎᔪᐤ 27:3

ᒍᑎᔅ ᒪᒃ ᐊᓐ ᑲ ᐎᔭᓯᐱᔅᑎᓇᑦ ᒋᓴᓴ; ᐃᔅᐱ ᒐ ᒋᔅᒐᔨᑕᐧᒃ ᑕᑈ ᒐ ᓂᐸᐊᑭᓄᔨᒋ ᒋᓴᓴ ᓇᔅᒡ ᒋ ᒥᑕᒋᔨᐛᓱᐤ ᐊᑯ ᑲᐤ ᑲ ᐃᑐᑐᐛᑦ ᐊᓂᔭ ᒋᓴᐊᔭᒥᐊᐅᒋᒪᓴ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᐊᓂᔭᔪᐛ ᓂᔅᑐᔪᐤ ᓱᓇᔭᐱᔅᑯᓴ ᑲ ᒥᔭᑭᓄᐅᑦ,

ᒠᓐ 12:4

ᒍᑎᔅ ᐃᔅᑲᕆᔭᑦ ᒪᒃ, ᐸᐃᒄ ᐊᓂᔭ ᒋᓴᔅ ᐅᒋᔅᒋᓄᐊᒧᐛᑭᓇ, ᐊᓂᔭ ᒐ ᐎᔭᓯᐱᔅᑎᓂᑯᑦ, ᒋ ᐃᔅᒋᔄᐤ,

ᒠᓐ 13:2

ᒪᒂᒡ ᒪᒃ ᒋ ᐅᑕᑯᓯᐅᒥᒋᓱᐅᒡ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ᙮ ᐸᐃᒄ ᒪᒃ ᐊᓐ ᒋᔅᒋᓄᐊᒧᐛᑭᓐ ᒍᑎᔅ ᑲ ᐃᓯᓂᐧᑲᓱᑦ, ᓴᐃᒥᓐ ᐃᔅᑲᕆᔭᑦ ᐅᑯᓴ, ᓴᔅ ᐊᓐᑕ ᒋ ᐃᑐᑕᑯ ᒥᒋᒥᓂᑐᐛ ᒐᒋ ᐃᑕᔨᑕᐧᒃ ᒐᒋ ᐎᔭᓯᐱᔅᑎᓇᑦ ᒋᓴᓴ ᐊᓂᔭ ᒐ ᑎᐱᔅᑲᔨᒡ᙮

ᒠᓐ 13:26

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᓂᑭ ᑯᒋᒪᐤ ᐅ ᐸᒂᓯᑭᓐ ᐊᓐᑕ ᒥᓂᒂᑭᓂᒡ ᐊᑯ ᒐ ᒥᔨᒃ ᐊᓐ ᐊᐛᓐ᙮” ᒂ ᐊᑯᒋᒪᑦ ᐊᓂᔭ ᐸᒂᓯᑭᓇ ᐊᑯ ᒂ ᒥᔭᑦ ᐊᓂᔭ ᒍᑎᓴ, ᓴᐃᒥᓐ ᐃᔅᑲᕆᔭᑕ ᐅᑯᓯᔪᐛ᙮

ᒠᓐ 13:30

ᐃᔅᐱ ᒪᒃ ᒍᑎᔅ ᑲ ᐅᑎᓇᑦ ᐊᓂᔭ ᐸᒂᓯᑭᓇ ᑎᐛᒡ ᒋ ᐊᑎ ᐎᐎᔪᐤ, ᒋ ᑎᐱᔅᑲᔪᐤ ᒪᒃ᙮

ᒠᓐ 18:2

ᒍᑎᔅ ᒪᒃ ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ ᒋ ᒋᔅᒐᔨᑎᒻ ᑕᓐᑕ ᑲ ᑎᑯᓂᔨᒡ ᐊᓂᔭᔪᐤ ᐛᔅ ᒥᒐᑥᐤ ᒋ ᒪᒧᐎᐅᒡ ᐊᓐᑕ ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᐊᑈᔅᑕᓇᒡ 1:16

ᐊᑯ ᒂ ᐃᑕᑦ, “ᓂᐧᑲᓂᓯᑐᒄ, ᐊᓐ ᑲ ᐃᓯ ᓂᑲᓐ ᐎᑕᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔭᐃᑕᔾ ᒋ ᓂᑐᐛᔨᑕᑯᓐ ᒥᓯᐛ ᒐᒋ ᐃᔅᐱᔨᒡ᙮ ᐊᐅᒄ ᐅᔭ ᑲ ᐸᔭᒋᓯᑦ ᐊᒐᐧᒄ ᑲ ᐃᓯ ᒥᔭᑦ ᐊᓂᔭ ᑎᐱᑕ ᒐᒋ ᓂᑲᓐ ᐎᑎᒥᔨᒋ ᑕᓐ ᒐ ᐃᑎᔨᒂᓂ ᒍᑎᓴ᙮ ᐊᐅᒄ ᐅ ᒍᑎᔅ ᑲ ᐃᑐᑕᐊᑦ ᐊᓯᒪᑭᓂᓴ ᒋᓴᓴ ᐊ ᑕᔨᒋ ᒐᒋ ᒪᑯᓇᔨᒋ᙮

ᐊᑈᔅᑕᓇᒡ 1:18

(ᐊᓂᔭᔪᐤ ᒪᒃ ᑲ ᐃᓯ ᒥᒋᑐᑕᐧᒃ ᒍᑎᔅ ᒋ ᒋᓯᐧᑯᐛᑭᓄᐤ ᓱᓇᔭᔪᐤ᙮ ᐊᑯ ᒂ ᐅᑎᓇᐧᒃ ᓂᑕᐅᒋᑕᑭᓐ ᐊᔅᒋᔪᐤ᙮ ᐊᑯᑕ ᐅᑕ ᑲ ᓂᐱᑦ, ᒋ ᐳᑯᒐᓯᓄᐤ ᐊ ᐸᒋᓯᓂᑦ ᓇᔅᒡ ᐊᒋ ᑯᐃᑯᑎᓂᔨᒋ ᐅᑎᓯᔭ᙮