ᒪᑎᔪᐤ 25:45 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁵ ᐊᑯ ᒪᒃ ᒐ ᐃᑎᑯᒡ ᐅᑎᐸᔨᒋᒐᐛ, ‘ᑕᑈ ᒋ ᐎᑎᒪᑎᓇᐛᐤ ᐊᓐ ᐊᑲ ᐅᒋ ᐎᒋᐊᒄ ᐸᐃᒄ ᓂᐧᑲᓂᔅ ᐊᓐ ᐊᑲ ᓇᔅᒡ ᐊᐱᑕᔨᑕᑯᔅᑦ ᑲ ᐃᑕᔨᒪᑭᓄᐅᑦ, ᓂᔾ ᑭᔭ ᓇᒪ ᒋ ᐅᒋ ᐎᒋᐃᓇᐛᐤ᙮’

ᒪᑎᔪᐤ 25:45 ပူးပေါင်းရင်းမြစ်များ

ᒐᓂᓯᔅ 12:3

ᓂᑭ ᒥᔽᒋᒪᐅᒡ ᐊᓐᒡ ᑲ ᒥᔽᒋᒥᔅᒡ ᑭᔭ ᓂᑭ ᒥᒐᒋᒪᐤ ᐊᓐ ᒪᒐᒋᒥᔅᒃ; ᒋᔾ ᐅᒡ ᒥᓯᐛ ᐊ ᑕᑎᓯᒡ ᐃᔪᒡ ᐅᑕ ᐊᔅᒋᒡ ᒋᑭ ᓱᐛᔨᑕᑯᓱᐅᒡ᙮”

ᑎᐱᑦ ᐅᓂᑭᒧᐅᓇ 105:15

ᐊ ᐃᑕᑦ, “ᐊᑲᐎᔾ ᑕᒋᓇᐧᒄ ᓂᑐᒥᔅᑯᓂᑭᓐ, ᐊᑲ ᑭᔭ ᐎᔭᔅᑐᑕᐧᑯᒡ ᓂᑦ ᐅᒋᔅᒋᐛᐃᒐᓯᒥᒡ᙮”

ᒪᑎᔪᐤ 10:41

ᐊᓐ ᒪᒃ ᐊᐛᓐ ᑲ ᐱᑎᑲᐊᑦ ᐅᒋᔅᒋᐛᐃᒐᓱᐛ ᐊᓂᔭ ᐅᒋ ᐊ ᐅᒋᔅᒋᐛᐃᒐᓱᔨᒋ, ᐊᓂᔭ ᒐ ᐃᓯ ᑎᐸᐊᒧᐛᑭᓄᔨᒋ ᐅᔭ ᐅᒋᔅᒋᐛᐃᒐᓱᐛ ᐊᐅᑯᓐ ᑭᔭ ᐎᔾ ᒧᔭᒻ ᒐ ᐃᓯ ᑎᐸᐊᒧᐛᑭᓄᐅᑦ᙮ ᑭᔭ ᐊᐛᓐ ᑲ ᐱᑎᑲᐊᑦ ᐊ ᑯᐃᔅᑯᑕᑎᓯᔨᒋ ᐃᔪᐛ, ᐊᓂᔭ ᐅᒋ ᐊ ᑯᐃᔅᑯᑕᑎᓯᔨᒋ, ᐊᓂᔭ ᐊ ᐃᓯ ᑎᐸᐊᒧᐛᑭᓄᔨᒋ ᐊᐅᑯᓐ ᒧᔭᒻ ᑭᔭ ᐎᔾ ᒐ ᐃᓯ ᑎᐸᐊᒧᐛᑭᓄᐅᑦ᙮

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 25:44

ᐊᑯ ᒪᒃ ᒐ ᐃᑕᒡ, ᐊ ᐃᓯ ᐎᑎᒧᐛᒡ, ‘ᐅᑎᐸᔨᒋᒐᐤ ᓇᒪ ᓂᑕ ᒋ ᐅᒋ ᐛᐱᒥᑎᓇᓐ ᐊ ᓯᐛᔨᓐ ᒪᒃ ᐊ ᐎ ᒥᓂᔨᓐ ᑭᔭ ᐊ ᒪᓐᑕᐎᔨᓐ ᑭᔭ ᐊᑲ ᐅᑦ ᐊᐱᒋᑕᐅᓂᔨᓐ, ᒪᒃ ᐊ ᐊᐧᑯᓯᔨᓐ ᑭᔭ ᐊ ᒋᐸᐅᑯᔨᓐ, ᐊᑲ ᒪᒃ ᐅᒋ ᐎᒋᐃᑕᒡ᙮’

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᐊᑈᔅᑕᓇᒡ 9:5

ᐊᑯ ᓴᓪ ᒂ ᐃᔅᒋᔄᑦ, “ᐊᐛᓐ ᒪᒃ ᒋᔾ, ᐅᑎᐸᔨᒋᒐᐤ ?” ᐊᑯ ᑲ ᐃᑎᑯᑦ ᐊᓂᔭ ᐊᐛᔪᐛ, “ᐊᐅᒄ ᓂᔾ ᒋᓴᔅ, ᐊᓐ ᐊᐛᓐ ᑲ ᑯᒂᒋᐃᑦ᙮

1 ᑯᕆᓐᑎᔭᓇ 8:12

ᐅᓂᑐᑐᐅᑕ ᒪᒃ ᒋᐧᑲᓂᔅ ᑭᔭ ᓂᓱᐅᓇᒋᑕᐅᑕ ᐅᑕᑈᑎᒧᐅᓐ ᙭ ᒋᐎᓂᑐᑐᐛᐤ᙮