ᒪᑎᔪᐤ 25:41 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴¹ ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᒪᑎᔪᐤ 25:41 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 119:115

ᓂᑭᓯᒄ, ᒋᔨᐛᐤ ᑲ ᒥᒋᑐᑎᒪᒄ: ᐛᔅ ᓂᑭ ᑭᓄᐛᔨᑎᒺᓐ ᐅᑭᒐᔅᒋᒧᐛᐅᓇ ᓂᒋᓴᒪᓂᑐᒻ᙮

ᑎᐱᑦ ᐅᓂᑭᒧᐅᓇ 119:21

ᔅᒋ ᒋᔅᑐᑕᐅᒡ ᐅᒋᔅᑕᔨᒧᐅᒡ ᑲ ᒥᒐᒋᒥᒡ, ᑲ ᐛᓂᒥᑎᒪᒡ ᒋᑦ ᐃᑎᓱᐛᐅᓇ ᐅᒡ᙮

ᑎᐱᑦ ᐅᓂᑭᒧᐅᓇ 139:19

ᒐᔅᑎᓇᔅ ᒋᑭ ᓂᐸᐊᐅᒡ ᐅᒥᒋᑥᐅᒡ, ᐅ ᒋᓴᒪᓂᑐᐤ: ᓂᑭᓯᒄ ᒪᒃ, ᒋᔨᐛᐤ ᑲ ᐎᒋᒥᒂᔭᒄ ᐃᔨᑎᒄ᙮

ᑎᐱᑦ ᐅᓂᑭᒧᐅᓇ 6:8

ᓂᑭᓯᒄ, ᒥᓯᐛ ᑲ ᒥᒋᐃᑎᔭᒄ; ᐛᔅ ᑎᐸᔨᒋᒐᓱᐤ ᒋ ᐸᑎᒻ ᑲ ᐃᑎᑕᑯᓂᔨᒡ ᓂᒪᐅᓂᔪᐤ᙮

ᒪᑎᔪᐤ 13:40

“ᒧᔭᒻ ᒪᒃ ᐊᓐ ᒐ ᐃᓯᓇᒂᒡ ᒐ ᒪᒧᓴᒋᓂᑭᓄᐅᒋ ᐊᓂᔭ ᒥᒋ ᓂᑕᐅᒋᑕᑭᓇ, ᒐ ᐃᔎᓯᑭᓄᐅᒋ ᒪᒃ, ᐊᐅᑯᓐ ᒧᔭᒻ ᒐ ᐃᔅᐱᔨᒡ ᐃᔎᐱᔨᒐ ᐊᔅᒋᔾ᙮

ᒪᑎᔪᐤ 13:42

ᐊᑯ ᒪᒃ ᒐ ᐃᓯ ᐛᐱᓇᒡ ᐊᓐᑕ ᒥᒋ ᐃᔅᑯᑕᒡ ᐊᓐᑕ ᐱᓯᒄ ᒐ ᒪᒡ ᑭᔭ ᒐ ᒪᒥᑥᐛᐱᑕᓯᓂᒡ᙮

ᒪᑎᔪᐤ 13:50

ᐊᑯ ᐊᓐᑕ ᒥᒋ ᐃᔅᑯᑕᒡ ᒐ ᐃᓯ ᐛᐱᓇᑭᓄᐎᒡ ᐊᓐᒡ ᑲ ᒥᒐᑎᓯᒡ, ᐊᑯᑕ ᒐ ᒪᒡ ᑭᔭ ᒐ ᒥᑥᐛᐱᑕᓯᓂᒡ ᒐ ᐃᔅᐱᔅ ᐎᓯᒐᔨᑕᒡ᙮”

ᒪᑎᔪᐤ 18:8

“ᐃᑐᑕᑯᔨᓇ ᐸᐃᒄ ᔅᑎᒋᔾ ᑭᔭ ᒪᒃ ᒋᓯᑦ ᒐᒋ ᐅᓂᑐᑎᒥᓐ, ᒥᓂᓴ, ᒐ ᐛᐱᓂᒥᓐ᙮ ᐃᐛᒃ ᒥᔽᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊ ᒪᔅᒋᐱᔨᓐ ᑭᔭ ᒪᒃ ᐊ ᒪᔅᒋᓯᔨᓐ ᐃᔅᐱᔅ ᐎ ᒐᒋ ᐊᔭᔨᓐ ᓂᓱ ᒥᑎᒋᔭ ᑭᔭ ᓂᓱ ᒥᓯᑕ ᒐ ᐃᓯ ᐛᐱᓂᑯᔨᓐ ᒪᒃ ᐊᓐᑕ ᐃᔅ ᐊᓐ ᐃᔅᑯᑕᐤ ᒐ ᐊᑲ ᓂᑕ ᐊᔅᑐᐛᒡ᙮

ᒪᑎᔪᐤ 25:42

ᐛᔅ ᓂᒋ ᓯᐛᔨᓐ ᓇᒪ ᒪᒃ ᒋ ᐅᒋ ᐊᓯᒥᓇᐛᐤ, ᓂᒋ ᐎ ᒥᓐ ᓇᒪ ᒋ ᐅᒋ ᒥᓇᐃᓇᐛᐤ᙮

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒪᑎᔪᐤ 3:12

ᐅ ᒐ ᑎᑯᓯᐧᒃ ᒋᑭ ᐃᑕᔨᑕᑯᓱᐤ ᒧᔭᒻ ᓇᐸᐤ ᑲ ᐸᔭᒋᑕᑦ ᐸᒂᓯᑭᓂᒥᓇᑎᑯᔪᐤ ᐊᓐᑕ ᒐᒋ ᐅᑎᓇᑦ ᐸᒂᓯᑭᓇ ᑭᔭ ᑎᐸᓂᔅᑕᐤ ᐊᓂᔭᔪᐛ ᑲ ᒥᔽᔨᒋ ᐊᓐᑕ ᐊᔅᑕᓱᐅᒋᐛᐱᒡ᙮ ᐊᑯ ᐊᓂᔭᔪᐛ ᐊᑲ ᐎᔭᔅ ᐃᑕᐱᑎᓂᔨᒋ ᐃᔎᓯᒻ ᐊᓐᑕ ᐊᑲ ᓂᑕ ᐊᔅᑐᐛᔨᒡ ᐃᔅᑯᑕᔪᐤ᙮” ᐊᐅᒄ ᒪᒃ ᐅᔭ ᑲ ᐃᑕᑦ ᒠᓐ ᐅᓯᑲᐃᑕᒐᐤ ᐊᓂᔭᔪᐛ ᐃᔪᐛ ᑲ ᐸᒋ ᓂᑐᑕᑯᑦ ᐊ ᑭᒐᔅᒋᒧᑦ᙮

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

ᒪᑎᔪᐤ 5:22

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᐊ ᒋᔄᐱᔅᑐᐛᑦ ᐎᒡ ᐃᔪᐛ ᒋᑭ ᑎᐸᔅᑯᓇᑭᓄᐤ, ᑭᔭ ᐊᐛᓐ ᐊ ᐊᑐᐛᔨᒪᑦ ᐎᒡ ᐃᔪᐛ ᒋᑭ ᐸᓱᐛᑭᓄᐤ ᐅᑎᔅᑯᐤ ᐊᓂᔭ ᑲ ᑎᐸᔅᑯᓂᒐᔨᒋ, ᑭᔭ ᐊᐛᓐ ᑲ ᐃᑕᑦ ᐎᒡ ᐃᔪᐛ ᑕᑈ ᓇᒪ ᒐᒂᓐ ᓇᔅᒡ ᒋᑦ ᐃᑕᔨᑕᑯᓯᓐ ᑯᔅᐱᓇᑕᔨᑕᑯᓂᔪᐤ ᒐᒋ ᐃᓯ ᐛᐱᓇᑭᓄᐅᑦ ᒥᒋ ᐃᔅᑯᑕᒡ᙮

ᒪᑎᔪᐤ 7:23

ᐊᑯ ᒐ ᐃᑎᒂᐤ, ‘ᓇᒪ ᓂᑕ ᒋ ᐅᒋ ᒋᔅᒐᔨᒥᑎᓇᐛᐤ᙮ ᒪᒋᒄ ᓂᑭᓯᒄ ᓇᑕ ᒋᔨᐛᐤ ᑲ ᒥᒋ ᐃᔪᔭᒄ᙮’ ”

ᓗᒃ 13:27

“ᒥᓐ ᒪᒃ ᐃᔭᐱᒡ ᒋᑭ ᐃᑎᑯᐛᐤ, ‘ᓇᒪ ᓂ ᒋᔅᒐᔨᑕᓐ ᑕᓐᑕ ᐛᒋᔭᒄ, ᐃᒐᑕᒄ ᓇᑕ ᒥᓯᐛ, ᒋᔨᐛᐤ ᑲ ᒥᒋᑐᑎᒪᒄ᙮’ ”

ᓗᒃ 16:24

ᒋ ᐃᓯ ᑕᑈᐤ ᒪᒃ, ‘ᐊᑉᕋᐊᒻ, ᓄᑕ, ᐸᒋ ᒋᔅᑎᒪᒐᔨᒥ᙮ ᐸᒋ ᐃᑎᓴᐅᐤ ᒪ ᓚᓴᕋᔅ ᒐᒋ ᑕᐧᑲᑭᒥᓇᐧᒃ ᐊᑕᒋᑭᒥᔨᒡ ᓂᐱᔪᐤ ᒐᒋ ᐸᒋ ᑕᒋᓇᐧᒃ ᓂᑕᔨᔪᐤ, ᒐᒋ ᐅᒋ ᑕᒋᐱᔨᒡ᙮ ᐛᔅ ᓂ ᓂᓇᐧᑲᑕᔨᒧᓐ ᐅᑕ ᐊ ᐎᐃᑕᒡ ᐃᔅᑯᑕᒡ᙮’ ”

ᒠᓐ 8:44

ᒥᒋᒥᓂᑐᐤ ᐊᐅᒄ ᐛᑕᐎᔭᒄ, ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᒥᒋᑐᑎᒺᒄ ᐊᐅᑯᓐ ᒥᒄ ᐛ ᐃᑐᑎᒪᒄ᙮ ᒧᔅ ᒋ ᓂᐸᐃᐛᐤ ᑲ ᐃᔅᐱᔅ ᑎᑯᓂᔨᒡ ᐅᔭ ᐊᔅᒋᔪᐤ᙮ ᓇᒪ ᓂᑕ ᐅᒋ ᓂᑐᐛᔨᑎᒻ ᑯᐃᔅᒄ ᒐᒋ ᐃᓯ ᐎᑕᑭᓄᐎᒡ ᒐᒂᔪᐤ ᐛᔅ ᓇᒪ ᓇᔅᒡ ᑎᑯᓂᔪᐤ ᑕᑈᐅᓂᔪᐤ ᐊᓐᑕ ᐊ ᑕᑦ᙮ ᒧᔅ ᑭᑭᒋᔭᐤ ᐛᔅ ᐊᐅᑯᓐ ᒋᒋᐛ ᐊ ᐃᑕᑎᓯᑦ, ᐊᐅᒄ ᒪᒃ ᐊᓐ ᑕᑈ ᐛᐅᑕᐎᑐᑕᑯᑦ ᐊᓂᔭᔪᐛ ᑲ ᑭᑭᒋᔭᔨᒋ᙮

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮

2 ᑕᓴᓗᓂᔭᓇ 1:9

ᒋᑭ ᐛᐛᓯᐊᑭᓄᐅᒡ ᑲᒋᒡ ᒐᒋ ᓂᓱᐅᓇᑎᓯᒡ᙮ ᒋᑭ ᐃᒐᓇᑭᓄᐎᒡ ᐅᑎᐸᔨᒋᒐᐛ ᐊ ᑕᔨᒋ ᐅᒋ ᑭᔭ ᓇᒪ ᓂᑕ ᒋᑭ ᐅᒋ ᐛᐸᑎᒧᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᒥᔅᑯᓯᐅᓂᔪᐤ᙮

ᐃᑉᕈᐛ 6:8

ᑎᒂᒡ ᒪᒃ ᐊᔅᒋᔾ ᐊᓐᑕ ᓇᑕᐅᒋᒡ ᒐᒂᓐ ᐊᑲ ᐅᔭᔅ ᐃᑕᐱᑎᒡ, ᓇᒪ ᒐᒂᓐ ᒋᑭ ᒋ ᐃᑕᐱᑎᓐ ᐊᓐ ᐊᔅᒋᔾ᙮ ᓇᒪ ᒋᑭ ᐅᒋ ᓱᐛᔨᑎᒻ ᒋᓴᒪᓂᑐᐤ ᐊᓂᔭ ᐊᔅᒋᔪᐤ᙮ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᔎᓴᐧᒃ ᐊᓂᔭ ᐊᔅᒋᔪᐤ᙮

2 ᐱᑕᕐ 2:4

ᑕᐸ ᐃᔭᐱᒡ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭ ᐊᓐᒋᓇ ᑲ ᐅᓂᑐᑎᒥᔨᒋ, ᐃᔭᐱᒡ ᒥᒋ ᐃᔅᑯᑕᒡ ᒋ ᐃᑎᓴᐛᐤ᙮ ᐊᑯᑕ ᒪᒃ ᐊᓐᑕ ᒪᒂᒡ ᐊ ᑕᔨᒋ᙮ ᒪᒋᒂᐱᔅᑲᐛᑭᓄᐅᔪᐛ ᐊᓐᑕ ᐊ ᐅᑲᔅᑕᔭᔨᒡ᙮ ᐊᑯᑕ ᒪᒃ ᐊᓐᑕ ᒐ ᑕᔨᒋ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᑎᐸᔅᑯᓇᑭᓄᔨᒋ᙮

1 ᒠᓐ 3:10

ᐊᐛᓐ ᐊᑲ ᑯᐃᔅᑯᑕᑎᓯᑦ ᒪᒃ ᐊᑲ ᓴᒋᐊᑦ ᐎᐧᑲᓂᓴ, ᓇᒪ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᑯᑕ ᐛᒋ ᒋᔅᒐᔨᒪᑭᓄᐅᑦ ᐊᐛᓐ ᐊᐛᔪᐛ ᐊ ᐅᑦ ᐊᐛᓯᒥᑐᑕᑯᑦ, ᒋᓴᒪᓂᑐᐛ ᑭᔭ ᒪᒃ ᒥᒋᒥᓂᑐᐛ᙮