ᒪᑎᔪᐤ 25:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᐊᑯ ᒪᒃ ᒐ ᐃᑎᑯᑦ ᐊᓂᔭ ᑲ ᑯᐃᔅᑯᑕᑎᓯᔨᒋ, ‘ᐅᑎᐸᔨᒋᒐᐤ ᓇᒪ ᓂᑕ ᒋ ᐅᒋ ᐛᐱᒥᑎᓇᓐ ᐊ ᓯᐛᔨᓐ, ᒐᒋ ᐊᓯᒥᑕᒡ, ᒪᒃ ᐊ ᐎ ᒥᓂᔨᓐ, ᒐᒋ ᒥᓇᐃᑕᒡ᙮

ᒪᑎᔪᐤ 25:37 ပူးပေါင်းရင်းမြစ်များ

ᒪᑎᔪᐤ 25:36

ᐊᑲ ᐅᒋ ᐅᑦ ᐊᐱᒋᑕᐅᓂᔭᓐ, ᔅᒋ ᐛᑕᔅᐱᓯᓇᐛᐤ, ᑲ ᐊᐧᑯᓯᔭᓐ, ᔅᒋ ᑭᓄᐛᔨᒥᓇᐛᐤ, ᑭᔭ ᑲᒪᑯᓄᐛᓯᐅᒋᐛᐱᒡ ᑲ ᑕᔭᓐ ᔅᒋ ᒧᐱᔅᑐᐅᓇᐛᐤ᙮’

ᒪᑎᔪᐤ 25:38

ᑭᔭ ᓇᒪ ᓂᑕ ᒋ ᐅᒋ ᐛᐱᒥᑎᓇᓐ ᐊ ᒪᓐᑕᐎᔨᓐ, ᒐᒋ ᐱᑎᑲᐃᑕᒡ, ᒪᒃ ᐊᑲ ᐅᑦ ᐊᐱᒋᑕᐅᓂᔨᓐ, ᒐᒋ ᐛᑕᔅᐱᑕᒡ᙮

ᒪᑎᔪᐤ 5:6

ᓱᐛᔨᑕᑯᓱᐅᒡ ᐊᓐᒡ ᑲ ᓯᐛᔨᑐᑕᒡ ᑭᔭ ᑲ ᓄᑕᔭᐸᒂᑐᑕᒡ ᑯᐃᔅᑯᑕᑎᓯᐅᓂᔪᐤ, ᐛᔅ ᒋᓴᒪᓂᑐᐛ ᓇᔅᒡ ᒋᑭ ᒋᔅᐳᐃᑯᐅᒡ᙮

ᒪᑎᔪᐤ 6:3

ᒪᒃ ᐊ ᐎᒋᐃᑦ ᐊᐛᓐ ᐊ ᒋᔅᑎᒪᑎᓯᑦ, ᐊᑲᐎᔾ ᐱᐸᒪᒋᒧ ᑕᓐ ᑲ ᐃᓯ ᐛᐎᒋᐃᑦ᙮

1 ᑯᕆᓐᑎᔭᓇ 15:10

ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮