ᒪᑎᔪᐤ 24:43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴³ ᐎ ᓂᔅᑐᑎᒧᒄ ᒪᒃ ᐅ᙮ ᒧᔭᒻ ᐊᐛᓐ ᐎᒋᒡ ᐊ ᑕᑦ ᒋᔅᒐᔨᒪᑦ ᑲᓂᑕᐅᒋᒧᑎᔨᒋ ᒐ ᐸᒋ ᑎᑯᓯᓂᔨᒋ, ᒋᐸ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ᐱᔅᑎᓇᐤ ᒥᒄ ᒐᒋ ᐃᓯ ᑭᒐᒧᑎᔨᒋ ᐊᓐᑕ ᐎᒋᒡ᙮

ᒪᑎᔪᐤ 24:43 ပူးပေါင်းရင်းမြစ်များ

ᒪᑎᔪᐤ 14:25

ᒐᑲᑦ ᒪᒃ ᒋ ᐸᑕᐱᓂᔪᐤ, ᓴᓯᑲᓐ ᓂᔅᑐ ᑭᔭ ᐊᓱᑕᒡ ᐊ ᐃᔅᐱᔨᒡ ᐊᑯ ᒋᓴᔅ ᒂ ᓂᑐᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᓂᐱᒡ ᐊ ᐱᒧᑕᑦ᙮

ᒪᑎᔪᐤ 20:11

ᒋ ᐅᑎᓇᐅᒡ ᑭᑈ ᐊᓂᔭ ᓱᓇᔭᐱᔎ ᑲ ᒥᔭᑭᓄᐅᒡ, ᓇᒪ ᒥᒄ ᓇᔅᒡ ᐅᒋ ᐎ ᒥᔪ ᐊᔨᒧᒪᐅᒡ ᑕᓐ ᑲ ᐃᓯ ᐃᔭᔨᒺᐛᐃᑯᒡ ᐊᓂᔭ ᑲ ᑎᐱᔨᐛᐅᓯᔨᒋ ᓂᑕᐅᒋᑕᑭᓐ ᐊᔅᒋᔪᐤ᙮

ᒪᑎᔪᐤ 24:42

“ᐃᔭᒂᒥᒄ ᒪᒃ ᐛᔅ ᓇᒪ ᒋ ᒋᔅᒐᔨᑕᓇᐛᐤ ᑕᐃᔅᐱ ᒐ ᑎᑯᓯᐧᒃ ᒋᑎᐸᔨᒋᒐᓯᒧᐛᐤ᙮

ᒪᑎᔪᐤ 24:44

ᐊᐅᒄ ᒪᒃ ᐅ ᐅᒋ ᑭᔭ ᒋᔨᐛᐤ ᒧᔅ ᒋᐸ ᐊᔭᔅᑯᐎᓇᐛᐤ᙮ ᐛᔅ ᐃᔪᐤ ᐅᑯᓯᓴᓐ ᒋᑭ ᑎᑯᓯᓐ ᐊᓐᑕ ᐊᑲ ᓇᔅᒡ ᐸᓱᐛᔨᒪᒂ ᒐᒋ ᑎᑯᓯᐧᒃ᙮”

ᒪᑎᔪᐤ 25:10

ᐊᑯ ᐊᓐᒡ ᐊᑲ ᓇᔅᒡ ᐃᑈᐧᑲᒡ ᐅᔅᒋᓂᒋᔎᓯᒡ ᑲ ᐅᑎᓂᒐᒡ ᐱᒥᔪᐤ᙮ ᒪᒂᒡ ᒪᒃ ᐊ ᐃᔅᐱᔅ ᐊᑲ ᑕᒡ, ᒋ ᑎᑯᓯᓂᔪᐛ ᐊᓂᔭ ᐅᔅᒋᓂᐳᐛᓇ᙮ ᐊᓐᒡ ᒪᒃ ᐅᔅᒋᓂᒋᔎᓯᒡ ᑲ ᐊᔭᔅᑯᐎᒡ ᒋ ᐊᑎ ᐎᒐᐛᐅᒡ ᐊ ᐊᑎ ᐱᒐᔨᒋ ᐊᓐᑕ ᐊ ᒥᒋᓱᓇᓄᐎᒡ, ᐊᑯ ᒂ ᒋᐸᐛᑭᓄᐅᑦ ᐊᓐ ᔅᑐᐧᑭᓐ᙮”

ᒪᑎᔪᐤ 25:13

ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᐊᐅᒄ ᒪᒃ ᐅ ᐅᒋ ᑭᔭ ᒋᔨᐛᐤ ᒧᔅ ᒋᐸ ᐊᔭᔅᑯᐎᓇᐛᐤ ᐛᔅ ᓇᒪ ᒋ ᒋᔅᒐᔨᑕᓇᐛᐤ ᐊᓂᒪ ᐊ ᒋᓯᑲᒡ ᑭᔭ ᒪᒃ ᑎᐸᐃᑭᓐ ᐱᓯᒧᐧᑲᓂᒡ ᒪᒂᒡ ᒐ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:35

“ᐃᔭᒂᒥᒄ ᐛᔅ ᑕᐸ ᒋ ᒋᔅᒐᔨᑕᓇᐛᐤ ᑕᐃᔅᐱ ᒐ ᑎᑯᓯᐧᒃ ᒋᐅᒋᒪᒧᐛᐤ ᑲ ᓂᓇᑭᑐᐛᔨᑕᒺᒄ ᐎᒡ, ᐊ ᐅᑕᑯᓯᔨᒡ ᒐ ᑎᑯᓯᓂᒂ, ᑭᔭ ᒪᒃ ᐊᐱᑕᑎᐱᔅᑲᔨᒐ ᑭᔭ ᒪᒃ ᐸᑕᐱᓂᔨᒐ, ᑭᔭ ᒪᒃ ᐸᑐᔅ ᐊ ᐛᐸᓂᔨᒐ ᒐ ᑎᑯᓯᓂᒂ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:48

ᒋ ᐛᐱᒪᐤ ᐅᒋᔅᒋᓄᐊᒧᐛᑭᓇ ᓇᔅᒡ ᐊ ᒥᔅᑎ ᐱᒥᔅᑲᔨᒋ, ᐛᔅ ᒋ ᓇᑲᔭᓯᔪᐛ᙮ ᐊᑯ ᒪᒃ ᐊᔅᒄ ᐊ ᑎᐱᔅᑲᓯᔨᒡ ᓴᓯᑲᓐ ᓂᔅᑐ ᑭᔭ ᐊᓱᑕᒡ ᐊ ᐃᔅᐱᔨᒡ, ᒋᓴᔅ ᒋ ᓇᑕᐤ ᐅᒋᔅᒋᓄᐊᒧᐛᑭᓇ ᓂᐱᒡ ᐊ ᐱᒧᑕᑦ᙮ ᒋᐸ ᐊᑎ ᐎᒪᔅᑲᐛᐤ ᑭᑈ,

ᓗᒃ 12:38

ᒋᑭ ᓱᐛᔨᑕᑯᓱᐅᒡ ᐊᓐᒡ ᐊᐱᒋᐊᑭᓐᒡ ᐊᔭᔅᑯᐎᑥᐛ ᐃᔅᐱ ᑎᑯᓯᓂᔨᒐᓂ ᐅᒋᒪᒧᐛᐛ ᐊᑎ ᐊᐱᑕᑎᐱᔅᑲᔨᒐ ᑭᔭ ᒪᒃ ᓯᔅᒋᑯᒡ ᑎᑯᓯᓂᔨᒐᓂ᙮”

ᓗᒃ 12:39

“ᐎ ᓂᔅᑐᑎᒧᒄ ᐅ᙮ ᒧᔭᒻ ᐊᐛᓐ ᐎᒋᒡ ᐊ ᑕᑦ ᒋᔅᒐᔨᒪᑦ ᒪᒃ ᑲᓂᑕᐅᒋᒧᑎᔨᒋ ᒐ ᐸᒋ ᑎᑯᓯᓂᔨᒋ, ᒋᐸ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ᐱᔅᑎᓇᐤ ᒥᒄ ᒐᒋ ᐃᓯ ᑭᒐᒧᑎᔨᒋ ᐊᓐᑕ ᐎᒋᒡ᙮

ᓗᒃ 21:36

ᐃᔭᒂᒥᒄ᙮ ᐊᑲᐎᔾ ᐳᓂᒄ ᐊ ᐊᔭᒥᐊᔭᒄ ᐊ ᓂᑐᑎᒪᔭᒄ ᒐᒋ ᐊᔨᒋᑲᐳᐅᔭᒄ ᑭᔭ ᒐᒋ ᓴᐳᔅᑭᒪᒄ ᒥᓯᐛ ᑕᓐ ᒐ ᐃᔅᐱᔨᒡ᙮ ᑭᔭ ᒐ ᐊᑲ ᒋ ᐊᑐᐛᔨᒥᑕᒄ ᐃᔪᐤ ᐅᑯᓯᓴᓐ ᐃᔅᐱ ᐸᑕᔅᑎᒥᑲᐳᔅᑐᐛᒂ᙮” ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᒋᔅᒐᔨᑕᑯᑕᒐᐅᓐ 16:15

ᐅᑎᐸᔨᒋᒐᐤ ᒪᒃ ᐃᔅᒋᔄᐤ, “ᒧᔭᒻ ᑲᒋᒧᑎᑦ ᐊ ᐃᑕᔨᑕᑯᓂᔨᒡ ᐊ ᑎᑯᓯᐧᒃ ᐊᐅᑯᓐ ᒐ ᐃᑕᔨᑕᒂᒡ ᓂᔾ ᑎᑯᓯᓂᔭᓇ᙮ ᒋᑭ ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ᑯᐎᐧᑯᓯᑦ ᐊ ᐎᓂᐸᑦ ᒪᒂᒡ ᐊ ᐊᓱᐛᐱᑦ ᑭᔭ ᒐ ᐊᔭᔅᑯᔅᑕᒂ ᐅᑦ ᐊᐱᒋᑕᐅᓇ ᒥᒄ ᒐᒋ ᐃᓯ ᐳᔅᑎᔅᑲᐧᒃ ᑭᔭ ᓇᒪ ᒋᑭ ᐅᒋ ᒧᓴᔅᑭᑕᐤ ᐎᐎᒐ ᒐᒋ ᓯᓴᒂᔨᒧᑦ ᒧᓴ ᐊᓐᑕ ᐊ ᐛᐱᒪᑭᓄᐅᑦ᙮”

ᒋᔅᒐᔨᑕᑯᑕᒐᐅᓐ 3:3

ᒋᔅᒋᓯᒄ ᒪ ᑕᓐ ᑲ ᐃᓯ ᐸᑎᒪᒄ ᐊᓐᑕ ᐸᒋ ᑭᔭ ᑕᓐ ᑲ ᐃᓯ ᒋᔅᑯᑎᒪᑯᔭᒄ᙮ ᓂᓇᐃᑎᒧᒄ ᑭᔭ ᐃᑐᑎᒧᒄ ᐊᓐ ᑲ ᐃᓯ ᒋᔅᑯᑎᒪᑯᔭᒄ᙮ ᑭᔭ ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑐᑎᒧᐅᓄᐛᐛ᙮ ᐛᔅ ᒐ ᐊᑲ ᐅᒋ ᐅᓂᔅᑲᐛᒂ, ᓂᑭ ᑎᑯᓯᓐ ᒐ ᐸᒋ ᑎᐸᔅᑯᓂᑎᑯᒡ᙮ ᓇᒪ ᒪᒃ ᒋᑭ ᐅᒋ ᒋᔅᒐᔨᒥᓇᐛᐤ ᑕᐃᔅᐱ ᐊᓐ ᒐ ᑎᑯᓯᓂᔭᓐ ᒧᔭᒻ ᑲᒋᒧᑎᑦ ᐊ ᐃᔅᐱᔅ ᐊᑲ ᒋᔅᒐᔨᒪᑭᓄᐅᑦ ᑕᐃᔅᐱ ᒐ ᑎᑯᓯᐧᒃ᙮