ᒪᑎᔪᐤ 24:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐃᔅᐱ ᒪᒃ ᐸᑕᒂᒐ ᑲ ᒋᔄᐛᒥᑲᒡ ᐳᑕᒋᑭᓐ ᐊᑯ ᒐ ᐃᑎᓴᐛᑦ ᒋᓴᒪᓂᑐᐤ ᐅᑦ ᐊᓐᒋᓂᒪ ᒐᒋ ᒪᒧᓇᔨᒋ ᐊᓂᔭ ᐊᐛᔪᐛ ᑲ ᐅᑎᓇᑦ ᓇᐅᐎᔨᒡ ᐊ ᐅᑎᓂᔨᒡ ᑲ ᐅᒋᔨᒋ᙮ ᓇᔅᒡ ᐊ ᐃᔎᔭᔨᒡ ᐊᔅᒋᔪᐤ ᐊᓐᑕ ᒪᒃ ᑭᔭ ᓇᔅᒡ ᐊ ᐃᔎᔨᒡ ᒋᒋᒋᓯᑯᔪᐤ ᒋᑭ ᐅᑎᓇᔪᐛ᙮”

ᒪᑎᔪᐤ 24:31 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 22:27

ᒥᓯᐛᔅᑭᒥᒡ ᒋᑭ ᒋᔅᒋᑐᐛᐅᒡ ᑭᔭ ᒋᑭ ᒂᔅᒋᑲᐳᐅᔅᑐᐛᐅᒡ ᑎᐸᔨᒋᒐᓱᐛ: ᑭᔭ ᒥᓯᐛ ᑲ ᑕᑐᔅᑲᓇᓯᒡ ᐃᔪᒡ ᒋᑭ ᐅᒋᒋᑯᓂᐱᔅᑐᐛᐅᒡ᙮

ᑎᐱᑦ ᐅᓂᑭᒧᐅᓇ 67:7

ᒋᓴᒪᓂᑐᐤ ᒋᑭ ᒥᔪᑐᑕᑯᓄᐤ: ᑭᔭ ᒥᓱᐛᔅᑲᒥᑯᔪᐤ ᒋᑭ ᓇᓂᒋᔅᑕᑯᐤ᙮

ᑎᐱᑦ ᐅᓂᑭᒧᐅᓇ 81:3

ᐳᑕᑎᒧᒄ ᐳᑕᒋᑭᓐ ᐊ ᐅᔅᒋᑦ ᐱᓯᒻ, ᐃᔅᐱ ᐊ ᐅᑎᒋᐱᔨᒡ, ᒋᒥᑯᓴᐎ-ᒋᓯᑲᒥᓇᒡ᙮

ᐊᒃᓱᑕᔅ 19:16

ᑲᒋ ᓂᓱ ᒋᓯᑲᔨᒡ ᐊ ᒐᒋᓴᐸᔭᒡ ᒋ ᓂᒥᔅᒋᐅᔅᔎᔪᐤ, ᑭᔭ ᒋ ᑯᒋᓂᔪᐛ ᐊ ᐎᐱᓯᔨᒋ ᑭᔅᑯᐅᓇ ᐊᓐᑕ ᐱᔅᑯᑎᓇᒡ᙮ ᒂ ᐸᑕᑯᓂᔨᒡ ᐳᑕᒋᑭᓂᔪᐤ ᓇᔅᒡ ᐊ ᒋᔄᐱᔨᒡ, ᑭᔭ ᒥᓯᐛ ᐃᔅᕋᐃᓪ ᐃᔪᒡ ᒋᓴᒋᓱᐅᒡ᙮

ᒪᑎᔪᐤ 13:41

ᐃᔪᐤ ᐅᑯᓯᓴᓐ ᒋᑭ ᐃᑎᓴᐛᐤ ᐅᑦ ᐊᓐᒋᓂᒪ ᒐᒋ ᓇᒋ ᒪᒧᓴᒋᓂᒐᔨᒋ ᐊᓐᑕ ᐅᒋᓴᐅᒋᒪᐅᓂᔨᒡ ᐅᒡ ᐊᓂᔭ ᑲ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ᒥᒋᐱᒪᑎᓯᔨᒋ᙮

ᒪᑎᔪᐤ 24:22

ᒋᓴᒪᓂᑐᐤ ᒪᒃ ᒋ ᐛᑕᔨᑎᒻ ᒐ ᐊᒍᓇᐧᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᒋᐸ ᓂᓇᐧᑲᑕᔨᒧᓇᓄᔪᐤ᙮ ᐊᑲ ᐅᒋ ᐃᑐᑎᒧᑯᐱᓇ ᐅᔭ ᓇᒪ ᐊᐛᓐ ᒋᐸ ᐅᒋ ᓴᐳᔅᑭᒻ᙮ ᒥᒄ ᒪᒃ ᐊ ᒋᔅᒋᓯᑐᑐᐛᑦ ᐊᓂᔭ ᑲ ᐅᑎᓇᑦ ᐅᑦ ᐃᔨᒪ ᒋᓴᒪᓂᑐᐤ ᐊᐅᑯᓐ ᐊᓂᔪᐤ ᒐ ᐅᒋ ᐊᒍᓇᐧᒃ ᐊᓂᔭᔪᐤ ᐊ ᒋᓯᑲᔨᒡ᙮”

ᒪᑎᔪᐤ 24:24

ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮

ᒪᑎᔪᐤ 24:32

“ᑎᑯᓐ ᒐᒂᓐ ᒐᒋ ᒋᔅᑯᑎᒪᓱᔭᒄ ᒥᓯᓱᒥᓇᑎᒄ ᐊ ᑭᓄᐛᐱᒪᒄ᙮ ᐃᔅᐱ ᐊ ᐊᑎ ᐅᔅᒋᓂᑕᐅᒋᓂᔨᒋ ᐅᑎᐧᑯᓇ ᑭᔭ ᐊ ᓂᐱᓱᐅᑦ, ᒋ ᒋᔅᒐᔨᑕᓇᐛᐤ ᓴᔅ ᐎᐱᒡ ᒐ ᓂᐱᒡ᙮

ᒪᑎᔪᐤ 25:31

“ᐊᓐᑕ ᒪᒃ ᓂᑲᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᓐᒐ ᓇᔅᒡ ᐊ ᒋᔅᑕᔨᑕᑯᓯᑦ ᑭᔭ ᐊ ᓱᒐᔨᑕᑯᓯᑦ ᒥᓯᐛ ᐊᓐᒋᓇ ᐊ ᐸᒋ ᐎᒐᐛᑦ, ᐊᑯ ᒐ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᓐᑕ ᒐᒋ ᐅᒋ ᑎᐸᔅᑯᓇᑦ ᐊᐛᔪᐛ᙮

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:27

ᐊᑯ ᒐ ᐃᑎᓴᐛᑦ ᐊᓐᒋᓇ ᒐᒋ ᒪᒧᓇᔨᒋ ᐊᓂᔭ ᐊᐛᔪᐛ ᑲ ᐎᔭᔨᒪᑦ ᐊᓐᑕ ᓇᐎᔨᒡ ᐊ ᐅᔅᑎᓂᔨᒡ ᑲ ᐅᒋᔨᒋ᙮ ᓇᔅᒡ ᐊ ᐃᔎᔭᔨᒡ ᐊᔅᒋᔪᐤ ᐊᓐᑕ ᒪᒃ ᐃᓯ ᓇᔅᒡ ᐊ ᐃᔎᔭᔨᒡ ᒋᒋᒋᓯᑯᔪᐤ ᒋᑭ ᐅᑎᓇᔪᐛ᙮”

ᓗᒃ 24:47

ᐊᑯ ᒪᒃ ᒋᐸ ᐛᐎᑎᒧᐛᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ᒥᓯᑕᐱᔪᐤ ᐅ ᒐ ᐃᓯ ᐛᐎᑕᑭᓄᐅᒡ᙮

ᒠᓐ 11:52

ᒥᒄ ᒪᒃ ᓇᒪ ᒥᒄ ᒍᐤ ᐃᔪᐛ ᒐ ᓂᐱᔅᑎᒧᐛᔨᒋ, ᒥᓯᐛ ᑭᔭ ᐊᓂᔭᔪᐛ ᒋᓴᒪᓂᑐᐛ ᐅᑦ ᐃᔨᒥᔪᐛ ᑕᑎᐸᓐ ᑲ ᑕᔨᒋ ᒐ ᒪᒧᓇᔨᒋ, ᐸᐃᑯᑕᓇᐤ ᒐᒋ ᐃᓯᓇᑯᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:18

ᒥᒄ ᒪᒃ ᓂ ᐎ ᑯᒂᒋᒐᒧᓐ, ᓇᒪᐎᔾ ᐊ ᒪᒃ ᙭ᑕ ᐅᒋ ᐊᔨᒧᑎᒧᐛᐊᑭᓄᐎᒡ ᒍᐤ ᐃᔪᒡ ? ᓂᐦᐃ, ᑭᑈ ᑲ ᐊᔨᒧᑎᒧᐛᑭᓄᐎᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᒡ ᒋ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ᙮ ᓇᔅᒡ ᓇᑕ ᐊ ᐃᔎᔭᔨᒡ ᐅᔭ ᐊᔅᒋᔪᐤ ᒋ ᐸᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮

1 ᑯᕆᓐᑎᔭᓇ 15:52

ᐃᔅᐱ ᐸᑕᒂᒐ ᐳᑕᒋᑭᓐ ᐸᐃᒂᐤ ᐊ ᐱᓴᐧᑲᐱᑦ ᐊᐛᓐ ᐊᐅᑯᓐ ᒐ ᐃᔅᐱᔅ ᒋᓯᐱᔨᒡ ᐊ ᒂᔅᒋᓇᑯᐃᑯᐅᔭᐧᒄ᙮ ᐊᑯ ᒪᒃ ᐊᓐᒡ ᑲ ᓂᐱᒡ ᒐ ᐅᓂᔅᑲᓇᑭᓄᐎᒡ ᓂᐳᐅᓂᒡ ᐅᒡ ᑲᒋᒡ ᒐᒋ ᐱᒪᑎᓯᒡ᙮ ᐊᑯ ᒪᒃ ᒥᓯᐛ ᒐ ᒂᔅᒋᓇᑯᐃᑯᐅᔭᐧᒄ᙮

ᐃᐱᓯᔭᓇ 1:10

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᑎᐸᐱᔨᒡ ᐊᓂᔭ ᑲ ᐎ ᐃᑐᑕᐧᒃ ᒋᓴᒪᓂᑐᐤ ᒋᑭ ᒪᒧᐅᓂᒻ ᒥᓯᐛ ᒐᒂᔪᐤ ᙭ᑕ ᒐ ᓂᑲᓂᔅᑭᒥᔨᒋ, ᒥᓯᐛ ᑕᓐ ᐊ ᐃᓯ ᑎᑯᓂᔨᒡ ᒋᒋᒋᓯᑯᒡ ᑭᔭ ᐅᑕ ᐊᔅᒋᒡ᙮

1 ᑕᓴᓗᓂᔭᓇ 4:16

ᐅᑎᐸᔨᒋᒐᐤ ᒋᑭ ᐸᒋ ᔭᓯᐤ ᒋᒋᒋᓯᑯᒡ ᐅᒋ ᐊ ᒋᔄᐛᑦ ᐊ ᑕᑈᑦ᙮ ᑭᔭ ᐊᓐ ᑲ ᓂᑲᓂᔅᑯᐛᑦ ᐊᓐᒋᓇ ᒋᑭ ᐸᑕᑯᓱᐤ ᐊ ᑕᑈᑦ ᑭᔭ ᒋᓴᒪᓂᑐᐤ ᐅᐳᑕᒋᑭᓐ ᒋᑭ ᐸᑕᑯᓂᔪᐤ᙮ ᐊᑯ ᐊᓐᒡ ᑲ ᓂᐱᒡ ᐊᒋ ᑕᑈᔭᔨᒪᒡ ᙭ᑕ ᐎᔨᐛᐤ ᓂᔅᑎᒻ ᒋᑭ ᐅᐱᐱᔪᐅᒡ᙮

2 ᑕᓴᓗᓂᔭᓇ 2:1

ᓂᐧᑲᓂᓯᑐᒄ, ᒋᑭ ᐊᔨᒧᑎᒪᑎᓇᐛᐤ ᑕᓐ ᒐ ᐃᔅᐱᔨᒡ ᐅᑎᐸᔨᒋᒐᐤ ᒋᓴᔅ ᙭ ᑎᑯᓯᒐ ᒪᒧᐅᔭᒂ ᐊᓐᑕ ᐎᔾ ᐊ ᑕᑦ᙮ ᒋ ᓂᑐᐛᔨᒥᑎᓇᐛᐤ ᓂᐧᑲᓂᓯᑐᒄ,

ᐃᑉᕈᐛ 12:19

ᑭᔭ ᐃᔅᐱ ᑲ ᐸᑕᒡ ᐊ ᒋᔄᐛᒥᑭᓂᔨᒡ ᐳᑕᒋᑭᓂᔪᐤ ᐊᓐᑕ ᑭᔭ ᒪᒃ ᑲ ᐸᑐᐛᒡ ᒋᓴᒪᓂᑐᐛ ᐊ ᐃᔨᒥᔨᒋ ᓇᔅᒡ ᒋ ᑯᔅᑕᒍᐅᒡ ᐊᑯ ᒂ ᓂᑐᑎᒪᒡ ᐊᑲ ᐊᑐᐎᔅ ᒐᒋ ᐃᔨᒥᔨᒋ᙮

ᒋᔅᒐᔨᑕᑯᑕᒐᐅᓐ 1:20

ᐊᓐᒡ ᒪᒃ ᓂᔄᐅᑕᒡ ᐅᒐᑭᑕᐧᑯᒡ ᑲ ᐛᐱᒥᑥᐤ ᓂᒥᔪᐅᓂᒡ ᐊ ᑕᐧᑯᓂᒂᐤ ᑭᔭ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ, ᐊᐅᒄ ᐅ ᐊ ᐃᓯ ᐎᑎᒪᒐᒥᑲᒋ᙮ ᐊᓐᒡ ᓂᔄᐅᑕᒡ ᐅᒐᑭᑕᐧᑯᒡ, ᐊᐅᒄ ᐊᓐᒡ ᐊᓐᒋᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐱᒡ ᐊ ᑕᒡ᙮ ᐊᑯ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ ᐊᐅᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᑲ ᐊᔨᒧᑕᒋ᙮”

ᒋᔅᒐᔨᑕᑯᑕᒐᐅᓐ 11:15

ᐊᑯ ᒥᓐ ᑯᑎᒃ ᐊᓐᒋᓐ ᒂ ᐳᑕᑕᐧᒃ ᐅᐳᑕᒋᑭᓐ᙮ ᐊᐅᒄ ᐅ ᓂᔄᐅᑕᒡ ᐊ ᑕᑦ ᐊᓐᒋᓐ᙮ ᓂᒋ ᐸᑐᐛᐅᒡ ᒪᒃ ᐊᐛᓐᒋ ᐊ ᒋᔄᐛᒡ, ᐊᓐᑕ ᒋᒋᒋᓯᑯᒡ ᐊ ᐃᔨᒥᒡ ᐊ ᐃᔅᒋᔄᒡ, “ᐊᐅᑯᐤ ᐛᑎᓂᒪᓱᑦ ᒋᑎᐸᔨᒋᒐᓯᒥᓄᐤ ᑭᔭ ᐊᓂᔭᔪᐛ ᑲ ᐸᒋ ᐃᑎᓴᐛᑦ ᒐᒋ ᐅᒋᒪᐅᔨᒋ ᐅᑕ ᐊᔅᒋᒡ᙮ ᐎᔾ ᒪᒃ ᐅᑎᐸᔨᒋᒐᐤ ᒋᑭ ᐅᒋᒪᐤ ᑲᒋᒡ ᑭᔭ ᑲᒋᒡ᙮”

ᒋᔅᒐᔨᑕᑯᑕᒐᐅᓐ 7:1

ᐃᔅᐱ ᑲ ᐃᔅᐱᔨᒡ ᐅ ᑲ ᐃᓯ ᐛᐸᑎᔨᑯᐅᔭᓐ, ᐊᑯ ᒂ ᐛᐱᒥᒂᐤ ᓇᐤ ᐊᓐᒋᓐᒡ ᐊ ᓂᐳᐅᒡ ᒥᓯᐛ ᐊᓐᑕ ᓇᐅᐎᒡ ᐊ ᐅᑎᓂᔨᒡ᙮ ᒋ ᐊᑯᔅᒋᑲᐳᐅᒡ ᒐ ᐊᑲ ᒋ ᔪᑎᓂᔨᒡ ᐊᓐᑕ ᐊᔅᒋᒡ ᐃᔅ ᑭᔭ ᒪᒃ ᐊᓐᑕ ᐎᓂᐸᑯᒡ ᐃᔅ ᑭᔭ ᒪᒃ ᐊᓐᑕ ᒥᔅᑎᒂ ᐃᔅ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 8:2

ᐊᑯ ᒂ ᐛᐱᒥᒂᐤ ᐊᓐᒡ ᓂᔄᐅᑕᒡ ᐊᓐᒋᓐᒡ ᒧᔅ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐊ ᓂᐳᐅᒡ᙮ ᓂᔄᐅᑕᒡ ᐳᑕᒋᑭᓇ ᒋ ᒥᔭᑭᓄᐎᒡ᙮