ᒪᑎᔪᐤ 24:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ “ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒪᑎᔪᐤ 24:30 ပူးပေါင်းရင်းမြစ်များ

ᒪᑎᔪᐤ 24:3

ᒪᒂᒡ ᒪᒃ ᒋᓴᔅ ᐊ ᐊᐱᑦ ᐊᓐᑕ ᐊ ᐃᔅᐸᑕᐅᐧᑲᔨᒡ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ᐃᓯᓂᐧᑲᑕᔨᒡ, ᐃᔅᐱ ᐊᑲ ᑕᔨᒋ ᐊᓂᔭ ᐃᔪᐛ, ᒋ ᐸᒋ ᓂᑐᐛᐱᒥᑯᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑎᑯᑦ, “ᐸᒋ ᐎᑎᒧᐅᓇᓐ ᒪ, ᑕᐃᔅᐱ ᒐ ᐃᔅᐱᔨᒋ ᐅᔭ ᒐᒂᔪᐛ᙮ ᑕᓐᑕ ᒐ ᐅᒋ ᒋᔅᒐᔨᑎᒪᒡ ᐅᑎᒋᐱᔨᒐ ᒥᓐ ᒐ ᑎᑯᓯᓂᔨᓐ ? ᐊᑯ ᒪᒃ ᑕᓐᑕ ᒐ ᐅᒋ ᒋᔅᒐᔨᑎᒪᒡ ᒐ ᐃᔎᐱᔨᒡ ᐊᔅᒋᔾ ?”

ᒪᑎᔪᐤ 24:37

ᒧᔭᒻ ᒪᒃ ᑕᓐ ᑲ ᐃᑕᔨᑕᑯᓂᔨᒡ ᐊᓐᑕ ᒪᒂᒡ ᑲ ᐱᒪᑎᓯᑦ ᐊᓂᔭ ᓄᐛ, ᐊᐅᑯᓐ ᒐ ᐃᑕᔨᑕᒂᒡ ᒥᓐ ᑎᑯᓯᒐ ᐃᔪᐤ ᐅᑯᓯᓴᓐ᙮

ᒪᑎᔪᐤ 24:39

ᓇᒪ ᒪᒃ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᔅᐱᔨᒡ ᐸᑐᔅ ᑲ ᐃᔅᒋᐳᑕᔨᒡ ᐊᔅᒋᔪᐤ, ᒥᓯᐛ ᒪᒃ ᒋ ᐅᓇᒋᔨᑯᐅᒡ᙮ ᐊᐅᑯᓐ ᒪᒃ ᒧᔭᒻ ᒐ ᐃᔅᐱᔨᒡ ᐃᔅᐱ ᐸᒋ ᓄᑯᓯᒐ ᐃᔪᐤ ᐅᑯᓯᓴᓐ᙮

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:26

“ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:4

ᒋ ᐃᑎᑯᐤ, “ᐎᑎᒧᐅᓇᓐ ᒪ ᑕᐃᔅᐱ ᒐ ᐃᔅᐱᔨᒡ ᐅ᙮ ᒐᒂᓐ ᒐ ᐃᔅᐱᔨᒡ ᒐᒋ ᐅᒋ ᒋᔅᒐᔨᑕᒂᒡ ᐊ ᐅᑎᒋᐱᔨᒡ ᐊᔅᒄ ᒐ ᐃᔅᐱᔨᒋ ᐅᔭ ᒐᒂᔪᐛ ?”

ᓗᒃ 21:27

ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᓗᒃ 22:69

ᒥᒄ ᒪᒃ ᐊᑯ ᐛᑎᒋᐱᔨᒡ ᐃᔪᐤ ᐅᑯᓯᓴᓐ ᒐ ᐊᐱᑦ ᒋᓴᒪᓂᑐᐛ ᒪᐅᒡ ᑲ ᒋᔅᑕᔨᑕᑯᓯᔨᒋ ᐅᒥᔪᓂᔨᒡ ᐃᑕᒐ᙮”

ᐊᑈᔅᑕᓇᒡ 1:11

ᐊᑯ ᒂ ᐃᑎᑯᒡ, “ᒋᔨᐛᐤ ᓇᐸᑐᒄ ᑲᓕᓕᒡ ᑲ ᐅᒋᔭᒄ, ᒐᒂᓐ ᐛᒋ ᓂᐳᐅᔭᒄ ᐅᑕ, ᐃᔅᐱᒥᒡ ᐊ ᐃᑕᐱᔭᒄ ? ᐅ ᒋᓴᔅ ᑕᓐ ᑲ ᐃᓯ ᐸᒋ ᐅᑎᓇᑭᓄᐅᑦ ᒋᒋᒋᓯᑯᒡ ᐃᔅ, ᑲ ᐃᓯ ᐛᐱᒪᒄ ᐊ ᐃᑐᑕᑦ ᒋᒋᒋᓯᑯᒡ ᐊᐅᑯᓐ ᒧᔭᒻ ᒐ ᐃᓯᓇᑯᓯᑦ ᒥᓐ ᑎᑯᓯᒐ᙮”

2 ᑕᓴᓗᓂᔭᓇ 1:7

ᐊᑯ ᒋᔨᐛᐤ ᑲ ᓂᓇᐧᑲᑕᔨᒧᔭᒄ ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐳᓂ ᓂᓇᐧᑲᑕᔨᒺᒄ ᑭᔭ ᓂᔭᓐ ᐊᐅᑯᓐ ᒐ ᐃᓯ ᐎᒋᐃᑯᐅᔭᒡ᙮ ᐃᔅᐱ ᐸᒋ ᓄᑯᓯᒐ ᐅᑎᐸᔨᒋᒐᐤ ᒋᓴᔅ ᐊᓐᑕ ᒋᒋᒋᓯᑯᒡ ᐅᒡ ᐊ ᐸᒋ ᐎᒐᐛᑦ ᐅᑦ ᐊᓐᒋᓂᒪ ᑲ ᓱᐧᑲᑎᓯᔨᒋ ᐊᑯᑕ ᒐ ᐃᑐᑕᐧᒃ ᐅᔭ᙮

ᒋᔅᒐᔨᑕᑯᑕᒐᐅᓐ 1:7

ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 12:1

ᐊᑯ ᒂ ᓄᒂᒡ ᓇᔅᒡ ᐊ ᒥᔅᑲᓯᓇᒂᒡ ᒋᔅᒋᓄᐛᐸᑎᔨᐛᐅᓐ ᐊᓐᑕ ᒋᒋᒋᓯᑯᒡ᙮ ᓂᒋ ᐛᐱᒪᐤ ᐃᔎᐤ, ᐱᓯᒺ ᐊ ᐅᑦ ᐊᑯᐱᑦ ᐊ ᐃᓯᓇᑯᓯᑦ ᑭᔭ ᑎᐱᔅᑲᐤ ᐱᓯᒺ ᓯᐸ ᐅᓯᑎᒡ ᐊ ᑕᔨᒋ᙮ ᒋᓴᐅᒋᒪᐅᑯᓂᔎᐅᓂᔪᐤ ᒋ ᒋᔅᑭᒻ ᓂᓱᓴᑉ ᐅᒐᑭᑕᒂ ᐊ ᒋᑭᒧᔨᒋ᙮