ᒪᑎᔪᐤ 23:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ “ᐊᑲᐎᔾ ᒪᒃ ᐎ ᒋᔨᐛᐤ ᓂᑐᐛᔨᑎᒧᒄ ‘ᒋᔅᑯᑎᒪᒐᓱᐤ’ ᒐᒋ ᐃᓯᓂᐧᑲᑎᑯᐅᔭᒄ, ᐛᔅ ᒥᓯᐛ ᒋ ᐎᐧᑲᓂᓯᑕᑐᓇᐛᐤ, ᑭᔭ ᒥᒄ ᐸᐃᑯᓱᐤ ᒋ ᒋᔅᑯᑎᒪᒐᓯᒧᐛᐤ᙮

ᒪᑎᔪᐤ 23:8 ပူးပေါင်းရင်းမြစ်များ

ᒪᑎᔪᐤ 10:25

ᒋᐸ ᒥᔽᔨᑎᒻ ᒪᒃ ᐊᓐ ᑲ ᒋᔅᑯᑎᒧᐛᑭᓄᐅᑦ, ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᒋᔅᑯᑎᒪᑯᑦ, ᑭᔭ ᐊᓐ ᐊᐱᒋᐊᑭᓐ ᐃᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐅᒋᒪᒪ᙮ ᓂᔾ ᒪᒃ ᐊᑎ ᐊ ᐅᒋᒪᐎᔭᓐ ᒋᔅᒋᒄ ᒪ ᑕᓐ ᑲ ᐃᓯ ᒪᔭᔨᒥᒡ ᐊᒋ ᐃᔅᒋᔄᒡ ᐊᓐ ᒥᒋ ᐊᒐᐧᒄ ᐅᒋᒪᐤ ᐸᐃᓪᓯᐳᓪ ᐊ ᐊᐎᔭᓐ᙮ ᒋᔨᐛᐤ ᒪᒃ ᐊᑐᐎᔅ ᒋᑭ ᒪᔭᔨᒥᑯᐛᐅᒡ᙮”

ᒪᑎᔪᐤ 17:5

ᒪᒂᒡ ᒪᒃ ᐊᔅᒄ ᐊ ᐃᔨᒥᑦ, ᑭᔅᑯᐅᓂᔎ ᓇᔅᒡ ᐊ ᐛᓱᓱᔨᒋ ᒋ ᐸᒋ ᐊᑯᒋᓂᔪᐛ ᐊᓐᑕ ᑎᐱᔅᑯᒡ ᐃᔅᐱᒥᒡ ᐊ ᑕᒡ, ᐊᓐᑕ ᒪᒃ ᑭᔅᑯᐅᓂᔅᑯᒡ ᒋ ᐅᒋ ᐸᑐᐛᐅᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᑯᔅ ᑲ ᓴᒋᐃᒃ, ᑭᔭ ᓇᔅᒡ ᑲ ᓂᓇᐊᔨᑎᒥᐃᑦ᙮ ᓂᑐᑐᐛᐧᒄ᙮”

ᒪᑎᔪᐤ 23:10

ᐊᑲᐎᔾ ᓂᑐᐛᔨᑎᒧᒄ, ‘ᐅᒋᒪᐤ’ ᒐᒋ ᐃᓯᓂᐧᑲᑎᑯᐅᔭᒄ, ᐛᔅ ᐸᐃᑯᓱᐤ ᒥᒄ ᒋᐅᒋᒪᒧᐛᐤ, ᐊᐅᒄ ᙭᙮

ᒪᑎᔪᐤ 23:7

ᓂᑐᐛᔨᑎᒧᒡ ᔭᐃᑕᔾ ᒧᔅ ᒐᒋ ᐊᑎᒥᔅᑯᐛᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ ᑭᔭ ᓂᑐᐛᔨᒪᐅᒡ ᐊᐛᔪᐛ ‘ᒋᔅᑯᑎᒪᒐᓱᐤ’ ᒐᒋ ᐃᓯᓂᐧᑲᑎᑯᒡ᙮”

ᒪᑎᔪᐤ 26:25

ᐊᑯ ᒍᑎᔅ ᐊᓐ ᒐ ᐎᔭᓯᐱᔅᑎᓇᑯᐱᓇ ᒋᓴᓴ ᒂ ᐃᔅᒋᔄᑦ, “ᓂᔾ ᐊ ᑲ ᐃᓯᔨᓐ ?” ᐊᑯ ᒋᓴᔅ ᐊᑕᑦ, “ᓂᐦᐃ, ᐊᐅᑯᓐ ᐛᔅ ᑭᑈ ᐊ ᐃᔅᒋᔄᔨᓐ᙮”

ᒪᑎᔪᐤ 26:49

ᒍᑎᔅ ᒪᒃ ᑯᐃᔅᒄ ᒋ ᓂᑐᐛᐱᒪᐤ ᐊᓂᔭ ᒋᓴᓴ, ᐊᑯ ᒂ ᐃᑕᑦ, “ᐛᒋᔭ, ᒋᔅᑯᑎᒪᒐᓱᐤ᙮” ᐊᑯ ᒂ ᓱᐛᔨᒪᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:51

ᐊᑯ ᒋᓴᔅ ᒂ ᐃᑕᑦ ᐅᔭ ᓇᐸᐛ, “ᑕᓐ ᐊ ᐃᓯ ᓂᑐᐛᔨᑎᒥᓐ ᒐᒋ ᐃᑐᑎᒪᑕᓐ ?” ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᐅᑎᐸᔨᒋᒐᐤ, ᒥᔨ ᒐᒋ ᐛᐸᑎᒪᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:21

ᐱᑕᕐ ᒪᒃ ᒋ ᐅᒋ ᒋᔅᒋᓱᐤ ᐊᓂᔭ ᑕᓐ ᑲ ᐃᔅᐱᔨᒡ ᐊᑯ ᒂ ᐃᑕᑦ ᒋᓴᓴ, “ᒋᔅᑯᑎᒪᒐᓱᐤ, ᐃᑕᐱ ᒪ᙮ ᐅ ᒥᓯᓱᒥᓇᑎᒄ ᑲ ᐊᓏᔨᒥᑦ ᓇᔅᒡ ᐸᓱᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:45

ᐃᔅᐱ ᒪᒃ ᑲ ᑎᑯᓯᐧᒃ ᒍᑎᔅ, ᑎᐛᒡ ᒋ ᓇᑕᐤ ᒋᓴᓴ ᐊᑯ ᐊᑕᑦ, “ᒋᔅᑯᑎᒪᒐᓱᐤ᙮” ᐊᑯ ᓴᐛᔨᒪᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:5

ᐊᑯ ᐱᑕᕐ ᐊᑕᑦ ᒋᓴᓴ, “ᒋᔅᑯᑎᒪᒐᓱᐤ, ᐊᔪᐛᒡ ᒥᔽᔨᑕᑯᓐ ᐅᑕ ᒐᒋ ᐃᑕᐛᐅᒐ᙮ ᓇᐃᒥᓇᓐ ᒐᒋ ᐅᓯᑕᔭᒡ ᓂᔅᑐ ᒥᒋᐛᐸ, ᐸᐸᐃᒄ ᒐ ᐊᔭᔭᒄ, ᒋᔾ, ᒧᓱᔅ ᑭᔭ ᐃᓚᐃᒐ᙮”

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᒠᓐ 1:38

ᒋᓴᔅ ᒪᒃ ᒋ ᒋᐱᒋᑲᐳᐤ, ᒂ ᐊᐱᓴᐱᑦ ᒂ ᐛᐱᒪᑦ ᐊᓂᔭ ᐊ ᓇᓴᐅᑯᑦ, ᐊᑯ ᒂ ᐃᑕᑦ, “ᒐᒂᓐ ᓂᔭᓂᑐᐛᐸᑎᒪᒄ ?” ᐊᑯ ᒂ ᐃᑕᒡ, “ᒋᔅᑯᑎᒪᒐᓱᐤ ᑕᓐᑕ ᐛᒋᔨᓐ ?”

ᒠᓐ 1:49

ᓇᑕᓂᔭᓪ ᒂ ᐃᑕᑦ, “ᒋᔅᑯᑎᒪᒐᓱᐤ, ᐊᐅᒄ ᒋᔾ ᑕᑈ ᒋᓴᒪᓂᑐᐤ ᐅᑯᓴ, ᐊᐅᒄ ᒋᔾ ᒋᓴᐅᒋᒪᐤ ᐅᑕ ᐃᔅᕋᐃᓕᒡ᙮”

ᒠᓐ 11:8

ᒋ ᐃᑎᑯᐤ ᒪᒃ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒋᔅᑯᑎᒪᒐᓱᐤ, ᓇᒪ ᐛᔅᑭᒡ ᑲ ᐎ ᓂᐸᐃᔅᒡ ᐊ ᐎ ᐸᐱᐳᒧᓯᓇᑕᐅᔅᒡ ᐊᓐᒡ ᒍᐤ ᐃᔪᒡ ᐃᔭᐱᒡ ᒪᒃ ᒥᓐ ᑲᐤ ᒋ ᐎ ᐃᑐᑕᓐ ᐊᓐᑕ᙮”

ᒠᓐ 20:16

“ᒪᕆ,” ᒋ ᐃᑕᐤ ᒋᓴᔅ᙮ ᒋ ᒂᔅᒋᑲᐳᐤ ᒪᕆ ᐊᑯ ᑲ ᐃᑕᑦ ᐊᓂᔭ ᒋᓴᓴ ᐃᑉᕈᐤ ᐊ ᐃᓯ ᐃᔨᒥᑦ, “ᕋᐳᓇᐃ,” ᒋ ᐃᑕᐤ᙮ ᐅ ᒪᒃ ᕋᐳᓇᐃ ᑲ ᐃᓇᓄᐅᒡ ᐊ ᐱᔭᑭᔅᒋᑕᑯᓯᓇᓄᐅᒡ ᐅᑎᐸᔨᒋᒐᐤ ᐃᓇᓄᐤ᙮

ᒠᓐ 3:2

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒋ ᓂᑐᐛᐱᒪᐤ ᒋᓴᓴ ᐊᑯ ᒂ ᐃᑕᑦ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”

ᒠᓐ 3:26

ᒋ ᓂᑐᐛᐱᒪᐅᒡ ᒠᓇ ᐊᑯ ᒂ ᐃᑕᒡ, “ᒋᔅᑯᑎᒪᒐᓱᐤ, ᐊᓐ ᓇᐸᐤ ᑕᐱᔅᑯᓐ ᑲ ᑕᔭᒄ ᐊᓐᑕ ᐛᐱᓄᑕᒡ ᐊᓐ ᒠᕐᑕᓐ ᓯᐱᔾ, ᐊᓐ ᑲ ᐊᔨᒧᒥᑦ, ᐊᓄᒡ ᑭᔭ ᐎᔾ ᓯᑲᐃᑕᒐᐤ ᑭᔭ ᒥᓯᐛ ᐊᐛᔪᐛ ᓂᑐᐛᐱᒥᑯᐤ᙮”

ᒠᓐ 4:31

ᒪᒂᒡ ᒪᒃ ᐅ, ᒋᓴᔅ ᐅᒋᔅᒋᓄᐊᒧᐛᑭᓇ ᒋ ᐎ ᐊᔨᐧᑭᒥᐃᑯᐤ, “ᒋᔅᑯᑎᒪᒐᓱᐤ, ᒥᒋᓱᐤ,” ᐊ ᐃᑎᑯᑦ᙮

ᒠᓐ 6:25

ᐃᔅᐱ ᒪᔅᑯᐛᒡ ᒋᓴᓴ ᐊᓐᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ ᒋ ᐃᑕᐅᒡ, “ᒋᔅᑯᑎᒪᒐᓱᐤ ᑕᐃᔅᐱ ᑲ ᑎᑯᓯᓂᔨᓐ ᐅᑕ ?”

ᒠᓐ 9:2

ᐊᑯ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᑲ ᑯᒂᒋᒥᑯᑦ, “ᒋᔅᑯᑎᒪᒐᓱᐤ ᒐᒂᔪᐤ ᐛᒋ ᐃᓯᓇᑯᓯᑦ ᐅ ᓇᐸᐤ ᒋᒋᐛ ᐊᑲ ᐛᐸᑕᐧᒃ ? ᐎᔾ ᐊ ᐊᒋ ᒥᒋᑐᑕᐧᒃ ᑭᔭ ᒪᒃ ᐊᓂᔭᔪᐛ ᐅᓂᒋᐃᒂ ᐊᒋ ᒥᒋᑐᑎᒥᔨᒋ ?”

2 ᑯᕆᓐᑎᔭᓇ 1:24

ᓇᒪᐎᔾ ᑭᑈ ᐎ ᒋ ᐎ ᐛᐎᓱᐛᑎᑎᓇᓐ ᒐᒋ ᐎᑎᒪᑕᒡ ᒐᒂᓐ ᒋᐸ ᑕᑈᑕᓇᐛᐤ ᐛᔅ ᒋ ᐊᔨᒋᑲᐳᓇᐛᐤ ᑕᑈᑎᒧᐅᓂᒡ ᐃᔅ᙮ ᐃᔭᐱᒡ ᐛᔅ ᐊᓐ ᒋ ᐎᒋ ᐊᑐᔅᒐᒥᑎᓇᓐ ᒋᔨᐛᐤ ᒐᒋ ᐅᒋ ᒥᔽᔨᑎᒪᒄ᙮

2 ᑯᕆᓐᑎᔭᓇ 4:5

ᐃᔅᐱ ᐊ ᑭᒐᔅᒋᒧᔭᒡ ᓇᒪ ᓂᔭᓐ ᓂᑦ ᐊᔨᒧᒥᓱᓇᓐ᙮ ᒋᓴᔅ ᙭ ᓂᑦ ᐊᔨᒧᒪᓇᓐ ᐎᔾ ᐊ ᑎᐸᔨᒋᒐᐅᑦ᙮ ᒋᓴᔅ ᓂᒋ ᐸᒋ ᐃᑎᓴᐅᑯᓇᓐ ᒐᒋ ᐊᑐᔅᑲᑕᒡ᙮

ᐃᐱᓯᔭᓇ 3:15

ᐎᔾ ᐊ ᑕᑦ ᐊᒋ ᐅᒋ ᐎᐊᑭᓄᐎᒡ ᒥᓯᐛ ᑲ ᐸᐃᑯᑕᐅᓯᒡ ᐊᓐᑕ ᒋᒋᒋᓯᑯᒡ ᑭᔭ ᐊᔅᒋᒡ ᐊ ᑕᒡ᙮

ᐸᐃᓕᒪᓐ 1:16

ᑕᐸ ᐊᑯ ᐊᐱᒋᐊᑭᓐ ᒋᑭ ᐅᒋ ᐃᓯ ᑭᓄᐛᐱᒪᑭᓄᐤ᙮ ᐃᐛᒃ ᒋᔅᑕᔨᑕᑯᓱᐤ ᐃᔅᐱᔅ ᐊᐱᒋᐊᑭᓇ᙮ ᒧᔭᒻ ᑎᐱᔨᐛ ᒋᐧᑲᓂᓯᓄᐤ ᒋᑭ ᐃᓯ ᑭᓄᐛᐱᒪᓄᐤ᙮ ᐊᔪᐅᒄ ᐛᔅ ᑭᑈ ᓂᔾ ᐊ ᐃᓯ ᑭᓄᐛᐱᒥᒃ᙮ ᐊᐅᑯᓐ ᒪᒃ ᒧᔭᒻ ᑭᔭ ᒋᔾ ᒐ ᐃᓯ ᑭᓄᐛᐱᒥᑦ, ᒧᔭᒻ ᑎᐱᔨᐛ ᒋᐧᑲᓂᔅ ᑭᔭ ᐅᑎᐸᔨᒋᒐᐤ ᐅᑦ ᐊᐱᒋᐊᑭᓇ᙮

ᒋᒥᔅ ᐅᒥᓯᓇᐊᒪᒐᐅᓐ 3:1

ᓂᐧᑲᓂᓯᑐᒄ, ᐊᑲᐎᔾ ᒋᑭ ᐅᒋ ᒥᒐᑎᓇᐛᐤ ᐊ ᒋᔅᑯᑎᒪᒐᔭᒄ᙮ ᒋ ᒋᔅᒐᔨᑕᓇᐛᐤ ᒋᔭᓄᐤ ᑲ ᒋᔅᑯᑎᒪᒐᔭᐧᒄ ᐅᔅᑕ ᒐ ᐊᒂᑕᔨᑕᒂᒡ ᑕᓐ ᒐ ᐃᓯ ᑎᐸᔅᑯᓂᑯᐅᔭᐧᒄ᙮

1 ᐱᑕᕐ 5:3

ᐊᑲᐎᔾ ᐎ ᐃᓯᓇᑯᓯᒄ ᓇᔅᒡ ᒐᒋ ᐎ ᐅᒋᒪᐧᑲᑐᐛᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᑲᓂᔅᑯᐛᑯᒡ, ᐃᔭᐱᒡ ᐅᔅᑕ ᐎ ᒥᔪᑐᑐᐛᐧᑯᒡ ᒐ ᑎᑯᓂᔨᒡ ᒪᒃ ᐊᓐᑕ ᒐᒋ ᐅᒋ ᒋᔅᒋᓄᐛᐱᒥᑕᑯᒡ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 22:9

ᒥᒄ ᒪᒃ ᓂᒋ ᐃᑎᒄ, “ᐊᑲ ᐸᒋ ᐊᔭᒥᐊᔅᑐᐎ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᐊ ᐃᑎᔨᓐ ᑭᔭ ᒧᔭᒻ ᐊ ᐃᑎᒡ ᒋᐧᑲᓂᓯᒡ, ᐊᓐᒡ ᑲ ᒋᔅᒋᐛᐃᒐᒡ ᑭᔭ ᐊᓐᒡ ᑲ ᓂᓇᐃᑕᒡ ᑕᓐ ᐊ ᐃᑎᔅᑕᔨᒡ ᐅᑕ ᒥᓯᓇᐃᑭᓂᒡ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮”