ᒪᑎᔪᐤ 23:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ “ᒋᔨᐛᐤ ᒋᕈᓯᓕᒥᒡ ᑲ ᑕᔭᒄ, ᑲ ᓂᐸᐊᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᑲ ᐸᐱᒧᓯᓇᑕᐛᑯᒡ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐊᒪᑕᒄ, ᑕᓐ ᑕᑥᐤ ᑲ ᐎ ᒪᐅᓱᑯᐱᑎᑎᑯᒡ ᐊᓐᑕ ᐃᔅ ᐊ ᑕᔭᓐ, ᒧᔭᒻ ᐱᑲᒂᓐ ᐊ ᐃᑐᑐᐛᑦ ᐅᐱᑲᒂᓂᒥᓴ, ᓯᐸ ᐅᑎᑎᑭᓂᒡ ᐊ ᐃᓯ ᒪᐅᓱᑯᓇᑦ ᐊ ᐎ ᓂᓇᑭᑐᐛᔨᒪᑦ᙮ ᐊᐅᑯᓐ ᒪᒃ ᒧᔭᒻ ᑲ ᐎ ᐃᑐᑕᑎᑯᒡ᙮ ᒥᒄ ᓇᒪ ᒋ ᐅᒋ ᐱᔅᑎᓇᐛᐤ ᐅ ᒐᒋ ᐃᑐᑕᑎᑯᒡ᙮

ᒪᑎᔪᐤ 23:37 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 17:8

ᑭᓄᐛᔨᒥ ᒧᔭᒻ ᑕᑐᐎᒡ ᒥᔅᒋᓯᑯᒡ, ᑲᔨ ᐊ ᐊᑯᓇᐎᓐ ᒋᒥᑯᓇ,

ᑎᐱᑦ ᐅᓂᑭᒧᐅᓇ 36:7

ᑕᑈ ᒋᔅᑕᔨᑕᑯᓐ ᒋᓴᒋᐃᐛᐎ ᒋᓴᐛᑎᓯᐅᓐ, ᐅ ᒋᓴᒪᓂᑐᐤ ! ᐊᐅᒄ ᐅᒡ ᐃᔪᒡ ᐅᑦ ᐊᐛᓯᒥᓱᐛᐛ ᒪᒥᓯᑐᑎᒥᔪᐛ ᐊ ᐊᑯᓇᐎᔨᓐ ᒋᑎᑎᐧᑭᓇ᙮

ᑎᐱᑦ ᐅᓂᑭᒧᐅᓇ 57:1

ᒋᔅᑎᒪᒐᔨᒥ, ᐅ ᒋᓴᒪᓂᑐᐤ, ᒋᔅᑎᒪᒐᔨᒥ: ᐛᔅ ᓂᑦ ᐊᒐᐧᒄ ᒋ ᒪᒥᓯᑐᑕᒄ: ᓂᐦᐃ, ᐊ ᐊᑯᓇᐎᓐ ᒋᑎᑎᑭᓇ ᓂᑭ ᒋᔅᐸᐛᑎᑯᓐ, ᐃᔅᐱ ᐅᔭ ᐊᔨᒥᓯᐅᓇ ᒋ ᐎᒪᐱᔨᒂᐛ᙮

ᑎᐱᑦ ᐅᓂᑭᒧᐅᓇ 63:7

ᒋᔾ ᐊᒋ ᐎᒋᐃᔨᓐ, ᐊ ᐊᑯᓇᐎᓐ ᒋᒥᑯᓇ ᓂᑭ ᒥᔽᔨᑕᓐ᙮

ᑎᐱᑦ ᐅᓂᑭᒧᐅᓇ 91:4

ᒋᑭ ᐊᒂᓇᐅᒄ ᐅᒥᑯᓇ ᐅᒡ, ᑭᔭ ᓯᐸ ᐅᑎᑎᑭᓂᒡ ᒋᑭ ᒪᒥᓯᓐ: ᐅᑕᑈᐅᓐ ᒋᑭ ᐅᑦ ᐊᒂᓇᐊᓱᐛᑭᓄᐛᓐ ᑭᔭ ᒋᑭ ᐊᒂᓇᐱᔅᑯᒧᐛᓐ᙮

ᒪᑎᔪᐤ 22:3

ᒋ ᐃᑎᓴᐛᐤ ᒪᒃ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᐊᐛᔪᐛ ᑲ ᐎᓴᒪᑭᓄᔨᒋ᙮ ᐊᑯ ᓇᒪ ᐅᒋ ᐎ ᑎᑯᓯᓂᔪᐛ ᐊᓂᔭ ᑲ ᐎᓴᒪᑭᓄᔨᒋ᙮”

ᒪᑎᔪᐤ 22:6

ᐊᑯ ᐊᓐᒡ ᑯᑎᑭᒡ ᒂ ᒪᑯᓇᒡ ᐊᓂᔭ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᐊᑯ ᒂ ᒪᓯᐧᑯᐛᒡ, ᒂ ᐊᑎ ᓂᐸᐊᒡ᙮

ᒪᑎᔪᐤ 23:30

ᑭᔭ ᒋᑦ ᐃᔅᒋᔄᓇᐛᐤ, ᒋ ᐱᒪᑎᓯᔭᒡ ᒪᒂᒡ ᑲ ᐱᒪᑎᓯᒡ ᐊᓂᔭᐧᑲ ᐊᓂᔅᒐ ᓂᐛᐧᑯᒪᑭᓇᓂᒡ, ᓇᒪ ᓂᐸ ᐅᒋ ᐃᑎᓇᓐ ᐊᓂᔭ ᑲ ᐃᑐᐛᒂ, ᑲ ᓂᐸᐊᒡ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮

ᒪᑎᔪᐤ 23:31

ᐊᑯᑕ ᒪᒃ ᓇᔅᒡ ᑕᐸᒋᒥᓱᔭᒄ ᑕᑈ ᐊᒋ ᐊᓂᔅᒐ ᐱᒪᑎᓯᔭᒄ ᐊᓐᑕ ᐅᒋ ᐊᓂᔭᐧᑲ ᑲ ᓂᐸᐊᒡ ᐊᓂᔭ ᐅᒋᔅᒋᐛᐃᒐᓱᐛ᙮

ᒪᑎᔪᐤ 5:12

ᒥᔽᔨᑎᒧᒄ ᐛᔅ ᒋᑭ ᒥᓴᐤ ᒋᑎᐸᐊᒪᑯᓯᐅᓄᐛᐤ ᑕᓐ ᐊ ᐃᓯ ᑭᓄᐛᔨᑕᒂᒡ ᐊᓐᑕ ᒋᒋᒋᓯᑯᒡ᙮ ᐛᔅ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᒋᐊᑭᓄᐎᒡ ᐊᓐᒡ ᐅᒋᔅᒋᐛᐃᒐᓱᒡ ᐊᓐᑕ ᐅᑕᒡ᙮”

ᓗᒃ 15:28

ᐃᔅᐱ ᒪᒃ ᐱᔭᑕᐧᒃ ᐅᔭ ᐊᓐ ᐅᔅᑕᓯᒪᐤ ᒋ ᒋᔄᓱᐤ, ᐊᑯ ᓇᒪ ᐅᒋ ᐎ ᐱᒐᐤ᙮ ᐅᑕᐎᔭ ᒂ ᐸᒋ ᓂᑐᐛᐱᒥᑯᑦ, ᒂ ᓯᒋᒥᑯᑦ ᒐᒋ ᐱᒐᑦ᙮

1 ᑕᓴᓗᓂᔭᓇ 2:15

ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᐅᒄ ᐊᓐᒡ ᑲ ᓂᐸᐊᒡ ᐅᑎᐸᔨᒋᒐᐤ ᒋᓴᓴ ᑭᔭ ᐊᓂᔭᔪᐛ ᐅᒋᔅᒋᐛᐃᒐᓱᐛ᙮ ᑭᔭ ᓂᔭᓐ ᒪᒃ ᓂᒋ ᓂᓇᐧᑲᒋᐃᑯᓇᓂᒡ᙮ ᓇᔅᒡ ᑕᑈ ᓇᒪ ᓇᐊᔨᒥᑯᐅᒡ ᒋᓴᒪᓂᑐᐛ᙮ ᑭᔭ ᒥᓯᐛ ᐊᐛᔪᐛ ᐛᐧᑲᑕᐅᒡ᙮

ᒋᔅᒐᔨᑕᑯᑕᒐᐅᓐ 17:6

ᓂᒋ ᐛᐱᒪᐤ ᒪᒃ ᐊᓐ ᐃᔎᐤ ᐊ ᒥᔪᐧᑭᓱᑦ ᐊᒋ ᒥᓄᐛᑦ ᐅᒥᐧᑯᔪᐤ ᑲ ᑕᑈᑎᒥᔨᒋ ᑭᔭ ᐅᒥᐧᑯᔪᐤ ᐊᓂᔭᔪᐛ ᑲ ᓂᐸᐊᑭᓄᐃᑯᐱᓇᓂ ᐊ ᑕᑈᔭᔨᒪᔨᒋ ᒋᓴᓴ᙮ ᐃᔅᐱ ᒪᒃ ᑲ ᐛᐱᒥᒃ ᓇᔅᒡ ᓂᒋ ᒥᔅᑲᓯᓄᐛᐤ᙮