ᒪᑎᔪᐤ 23:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ “ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᒧᔭᒻ ᐊᑲ ᐛᐸᑎᒪᒄ ᑲ ᐃᓯᓇᑯᓯᔭᒄ ᐃᔭᐱᒡ ᒪᒃ ᑲ ᐎ ᒋᔅᒋᓄᑕᐊᑯᒡ ᐊᐛᓐᒋ᙮ ᒋᑦ ᐃᔅᒋᔄᓇᐛᐤ, ‘ᐊᐛᓐ ᓇᔅᒡ ᐊ ᐎ ᑕᑕᑈᑦ ᒐ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ, ᐊᓐᑕ ᒪᒃ ᒋᓴᐊᔭᒥᐊᐅᒋᐛᐱᒡ ᐊ ᐃᓯ ᑕᑈᑦ ᐊᓂᔭ, ᓇᒪ ᓂᑐᐛᔨᑕᑯᓱᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ᙮ ᐊᑯ ᐊᐛᓐ ᓇᔅᒡ ᐊ ᐎ ᑕᑕᑈᑦ ᒐ ᐃᑐᑎᒧᐛᑦ ᒋᓴᒪᓂᑐᐛ ᒐᒂᔪᐤ ᐊᓐᑕ ᒪᒃ ᐊᓂᔭᔪᐛ ᐎᔄᐅᓱᓇᔭᐱᔎ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲ ᑕᔨᒋ ᐃᓯ ᑕᑈᒐ ᐅᔭ ᑲ ᐃᔅᒋᔄᑦ, ᐃᑕᔨᑕᑯᓂᔪᐤ ᔭᐃᑕᔾ ᒐᒋ ᐃᑐᑕᐧᒃ ᐊᓂᔭ ᑕᓐ ᑲ ᐃᔅᒋᔄᑦ᙮’

ᒪᑎᔪᐤ 23:16 ပူးပေါင်းရင်းမြစ်များ

ᒪᑎᔪᐤ 15:14

ᐊᑯᔅ ᐊᑲ ᐊᔨᒪᔨᒪᐧᑯᒡ ᐊᓐᒡ ᐸᕆᓯᔨᒡ᙮ ᐛᔅ ᒧᔭᒻ ᐊᐛᓐᒋ ᐊᑲ ᐛᐸᑕᒡ ᐃᔭᐱᒡ ᒪᒃ ᑲ ᐎ ᒋᔅᒋᓄᑕᐊᒡ ᐊᐛᔪᐛ ᐊᑲ ᐛᐸᑎᒥᔨᒋ ᐊᑯᓐ ᐊ ᐃᑕᔨᑕᑯᓯᒡ᙮ ᑕᐱᔅᑯᓐ ᒪᒃ ᐊᑲ ᐛᐸᑕᒡ ᐛᑎᓂᔪᐤ ᒐᒋ ᐳᑎᓱᐛᐱᔨᒡ ᐊᓐᑕ ᐊ ᐱᑯᓇᔭᔨᒡ᙮”

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

ᒪᑎᔪᐤ 23:17

ᒋᔨᐛᐤ ᐊᑲ ᐛᐸᑎᒪᒄ ᑲ ᐃᓯᓇᑯᓯᔭᒄ, ᑕᑈ ᓇᒪ ᔅᒋ ᓂᔅᑐᑕᓇᐛᐤ ! ᑕᓐ ᐅᔅᑕ ᒐᔅᑕᔨᑕᒂᒡ, ᐊᓐ ᐎᔄᐅᓱᓇᔭᐱᔅᒄ ᒪᒃ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᐛᒋ ᐱᔭᒐᔨᑕᑯᓯᑦ ᐊᓐ ᐎᔄᐅᓱᓇᔭᐱᔅᒄ ?

ᒪᑎᔪᐤ 23:19

ᒋᔨᐛᐤ ᐊᑲ ᐛᐸᑎᒪᒄ ᑲ ᐃᓯᓇᑯᓯᔭᒄ, ᑕᓐ ᐅᔅᑕ ᒐᔅᑕᔨᑕᒂᒡ, ᐊᓐ ᐊ ᒥᔨᐛᐅᓐ ᑭᔭ ᒪᒃ ᐊᓐ ᐱᔅᑎᓂᒐᐅᓇᐱᔅᒄ ? ᐛᔅ ᐊ ᐊᔅᑕᑭᓄᐅᒡ ᒥᔨᐛᐅᓐ ᐊᓐᑕ ᐊᓐ ᑲᒋ ᐱᔅᑎᓂᒧᐛᑭᓄᐅᑦ ᒋᓴᒪᓂᑐᐤ ᒐᒂᔪᐤ ᐊᑯᑕ ᒥᒄ ᐛᒋ ᒋᔅᑕᔨᑕᒂᒡ ᐊᓐ ᒥᔨᐛᐅᓐ᙮

ᒪᑎᔪᐤ 23:24

ᒋᔨᐛᐤ ᐊᑲ ᐛᐸᑕᒡ ᑲ ᐃᓯᓇᑯᓯᔭᒄ, ᐊᑲ ᓇᔅᒡ ᓂᔅᑐᑎᒪᒄ, ᐃᔭᐱᒡ ᐊ ᐎ ᒋᔅᒋᓄᑕᐊᑯᒡ ᐊᐛᓐᒋ᙮ ᓇᔅᒡ ᐃᔭᒂ ᒋ ᐎᓯ ᓂᓇᑭᑐᐛᔨᑕᓇᐛᐤ ᑕᓐ ᐊ ᐃᓯ ᓂᐃᑕᑭᓄᐅᒋ ᐊᓂᔭ ᐎᓱᐛᐅᓇ ᐊᑲ ᓇᔅᒡ ᒋᔅᑕᔨᑕᒂᒋ ᐊᑯ ᐊᓂᔭ ᑲ ᒋᔅᑕᔨᑕᒋ ᓇᒪ ᒋ ᐃᔅᐱᔅ ᓂᓇᑭᑐᐛᔨᑎᒥᐃᑯᓇᐛᐤ, ᒧᔭᒻ ᐊᐛᓐ ᓇᔅᒡ ᐃᔭᒂ ᑲ ᐃᑎᑦ ᒐᒋ ᓴᐳᐱᔨᐊᑦ ᒥᓐᑐᓯᓴ ᒥᒄ ᒪᒃ ᒧᔅ ᑲ ᓴᐳᑐᐛᐱᔨᐃᑯᑦ ᐊᑯᓐ ᐊ ᐃᓯᓇᑯᓯᔭᒄ᙮”

ᒪᑎᔪᐤ 23:26

ᒋᔨᐛᐤ ᐸᕆᓯᔨᒡ ᐊ ᒋᔅᒋᓄᑕᐊᑯᒡ ᐊᓐᒡ ᐊᑲ ᐛᐸᑕᒡ ᑲ ᐃᓯᓇᑯᓯᔭᒄ, ᓂᔅᑎᒻ ᐊᓐᑕ ᐱᒡ ᒋᐸ ᐸᔭᒋᑕᓇᐛᐤ ᐊᓂᔭ ᒋᒥᓂᒂᑭᓄᐛᐛ, ᑭᔭ ᐃᔭᒄ ᓇᔅᒡ ᒐ ᒥᔽᐱᔅᑲᒋ᙮”

ᑲᓚᓯᔭᓇ 5:3

ᒥᓐ ᓂᑭ ᐃᑕᐤ ᒥᓯᐛ ᐊᐛᓐ ᑲ ᐱᔅᑎᓂᓱᑦ ᒐᒋ ᒋᔅᒋᓄᐛᒋᔄᑭᓄᐅᑦ, ᑭᑈ ᒐ ᓂᑐᐛᔨᑕᑯᓯᑦ ᒥᓯᐛ ᐊᓂᔭᔪᐛ ᒍᐤ ᐊᔭᒥᐊᐅ-ᐎᓱᐛᐅᓇ ᓇᔅᒡ ᒐᒋ ᓂᓇᐃᑕᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 5:12

ᓂᐧᑲᓂᓯᑐᒄ, ᐊ ᐃᑎᑦ ᐊᐛᓐ ᒐᔅᑎᓇᔅ ᒐ ᐃᑐᑎᒥᓐ ᒐᒂᓐ, ᐊᑲᐎᔾ ᐎ ᓇᔅᐱᒋᑕᑈ ᒋᓴᒪᓂᑐᐤ ᐅᑦ ᐃᓯᓂᐧᑲᓱᐅᓐ ᐊ ᐊᐱᒋᑕᐅᑦ᙮ ᐊᑲᐎᔾ ᐃᔅᒋᔄ, ᐃᔅᐱᒥᒡ ᐊ ᐃᓯ ᑕᑈᔨᓐ, ᒪᒃ ᑯᑎᒡ ᒐᒂᓐ ᒐᒋ ᐃᔅᒋᔄᔨᓐ ᒐᒋ ᒐᔅᑎᓇᔅᑕᑯᓯᔨᓐ ᑕᓐ ᐊ ᐃᔅᒋᔄᔨᓐ᙮ ᐊ ᐎ ᐃᔅᒋᔄᔨᓐ “ᓂᐦᐃ,” ᒥᒄ “ᓂᐦᐃ” ᒋᐸ ᐃᔅᒋᔄᓐ, ᒪᒃ “ᓇᒪ” ᐊ ᐎ ᐃᔅᒋᔄᔨᓐ, ᒥᒄ “ᓇᒪ” ᒋᐸ ᐃᔅᒋᔄᓐ, ᑭᔭ ᓇᒪ ᒋᑭ ᐅᒋ ᓂᓱᐅᓇᒋᒧᒄ ᒋᓴᒪᓂᑐᐤ᙮