ᒪᑎᔪᐤ 22:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐃᔅᐱ ᒪᒃ ᐊᓐ ᒋᓴᐅᒋᒪᐤ ᒐᔅᒐᔨᑕᐧᒃ ᐅᔭ ᐊᒋ ᐃᑎᓇᓄᐎᒡ ᒋ ᒥᔅᑎ ᒋᔄᓱᐤ᙮ ᐊᑯ ᒂ ᐃᑎᓴᐛᑦ ᐅᑦ ᐊᓯᒪᑭᓂᓯᒪ ᒐᒋ ᓂᐸᐊᔨᒋ ᐊᓂᔭ ᑲ ᓂᐸᐊᔨᒋ ᐅᑦ ᐊᐱᒋᐊᑭᓇ ᐊᑯ ᑭᔭ ᒂ ᐊᑎ ᐃᔎᓯᒺᑦ ᐊᓂᔭ ᐅᑦ ᐃᑕᐅᓂᔪᐤ᙮”

ᒪᑎᔪᐤ 22:7 ပူးပေါင်းရင်းမြစ်များ

ᒪᑎᔪᐤ 22:6

ᐊᑯ ᐊᓐᒡ ᑯᑎᑭᒡ ᒂ ᒪᑯᓇᒡ ᐊᓂᔭ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᐊᑯ ᒂ ᒪᓯᐧᑯᐛᒡ, ᒂ ᐊᑎ ᓂᐸᐊᒡ᙮

ᒪᑎᔪᐤ 22:8

“ᐊᑯ ᒥᓐ ᒂ ᐎᓴᒪᑦ ᑯᑎᑲ ᐅᑦ ᐊᐱᒋᐊᑭᓇ, ᒂ ᐃᑕᑦ, ‘ᓴᔅ ᐛᔅ ᐊᔭᔅᑯᔅᑕᐤ ᐊᓐ ᓂᐳᐅᐤ ᒥᑯᓴᓐ᙮ ᐊᓐᒡ ᒪᒃ ᑲ ᐎᓴᒥᒂᐤ ᓇᒪ ᐅᒋ ᐎ ᑎᑯᓯᓄᐅᒡ ᑭᔭ ᓇᒪ ᒋᔅᑕᔨᑕᑯᓱᐅᒡ ᐊᓐᑕ ᒐᒋ ᑕᒡ᙮

ᓗᒃ 19:27

ᐊᑯ ᒪᒃ ᐸᓱᐛᐧᑯᒡ ᐊᓐᒡ ᑲ ᐛᐧᑲᓯᒡ ᐊᓐᒡ ᐊᑲ ᓂᑐᐛᔨᒥᒡ ᒐᒋ ᒋᓴᐅᒋᒪᐅᒡ, ᒐᒋ ᓂᐸᐊᑭᓄᐅᒡ ᐅᑕ ᐊ ᑕᐅᒡ᙮’ ” ᐊᔪᐅᒄ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒋᓴᔅ ᑲ ᐎᑕᐧᒃ ᒪᒂᒡ ᐊ ᐊᑎ ᐱᒧᑕᒡ ᒋᕈᓯᓕᒥᒡ ᐃᔅ᙮

ᓗᒃ 21:21

ᐊᑯ ᒪᒃ ᐊᓐᒡ ᐃᔪᒡ ᑲ ᑕᒡ ᐊᓐᑕ ᒍᑎᔭ ᐊᔅᒋᒡ, ᐊᓐᑕ ᐱᔅᑯᑎᓇᒡ ᒋᑭ ᐃᑎᓯᒧᒡ᙮ ᐊᑯ ᐊᓐᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒐᔅᑎᓄᐤ ᒋᑭ ᐎ ᓂᑭᑎᒧᒡ ᐊᓂᔭ ᐅᑕᓇᔪᐤ᙮ ᐊᑯ ᐊᓐᒡ ᐊᑲ ᒪᒂᒡ ᐃᑕᑥᐛ ᐊᓐᑕ ᐊᓂᔭ ᐅᑕᓇᔪᐤ, ᐊᑲᐎᔾ ᒥᓐ ᒋᑭ ᐅᒋ ᐃᑐᑕᐅᒡ ᐊᓐᑕ᙮

ᓗᒃ 21:24

ᐱᔅᒐ ᐊᐛᓐᒋ ᓂᑐᐱᔪᐅ-ᒧᐧᑯᒪᓂᔪᐤ ᒋᑭ ᐊᐱᑎᓂᔪᐤ ᐊ ᓂᐸᐊᑭᓄᐎᒡ᙮ ᐊᑯ ᑯᑎᑭᒡ ᒐ ᒪᑯᓇᑭᓄᐎᒡ, ᓂᓇᐧᑯᐤ ᐊᔅᒋᒡ ᒐ ᐃᑐᑕᐊᑭᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᔅᒡ ᒋᑭ ᐎ ᓂᓱᐅᓇᒋᑕᐅᒡ ᒋᕈᓯᓕᒥᔪᐤ, ᐸᑐᔅ ᒋᓴᒪᓂᑐᐛ ᒋᑕᐊᒪᑯᑥᐛ᙮”

1 ᑕᓴᓗᓂᔭᓇ 2:16

ᐛᐛᒡ ᓂᒋ ᐎ ᒋᐱᒋᐃᑯᓇᓂᒡ ᐊ ᐛᐎᑎᒪᒥᒋᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭ ᒥᔽᒋᒧᐅᓂᔪᐤ ᒐ ᐱᒪᒋᐃᑯᔨᒋ᙮ ᐊᑯᑕ ᐛᒋ ᑕᐱᐱᔨᑕᒡ ᑕᓐ ᒧᔅ ᑲ ᐃᓯ ᐸᒋ ᐅᓂᑐᑕᒡ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᒋᔄᐊᒡ ᑭᔭ ᒐᒋ ᐛᐛᓯᐃᑯᒡ ᒋᓴᒪᓂᑐᐛ᙮