ᒪᑎᔪᐤ 22:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᐊᐅᒄ ᒪᒃ ᐅᔭ ᓂᓱ ᐃᑎᓱᐛᐅᓇ ᐊᓐᑕ ᒐᒋ ᐅᒋ ᓂᓇᑭᑐᐛᔨᑎᒥᐃᑯᐛᒄ ᐊᓂᔭ ᒧᓱᔅ ᐃᑎᓱᐛᐅᓂᔪᐤ ᑲ ᒥᔭᑭᓄᐅᑦ ᑭᔭ ᑕᓐ ᑲ ᐃᓯ ᒋᔅᑯᑎᒪᒐᒡ ᐅᒋᔅᒋᐛᐃᒐᓱᒡ᙮”

ᒪᑎᔪᐤ 22:40 ပူးပေါင်းရင်းမြစ်များ

ᒪᑎᔪᐤ 7:12

ᑕᓐ ᐊ ᐃᓯ ᓂᑐᐛᔨᒪᑯᒡ ᐊᐛᓐᒋ ᒐᒋ ᐃᑐᑕᑕᑯᒡ, ᐊᐅᑯᓐ ᑭᔭ ᒋᔨᐛᐤ ᐃᑐᑐᐛᐧᑯᒡ, ᐛᔅ ᐊᐅᒄ ᐅ ᐊ ᐃᓯ ᒋᔅᑯᑎᒪᒐᒥᑲᒡ ᐎᓱᐛᐅᓐ ᑭᔭ ᐊᐅᑯᓐ ᑲ ᐃᓯ ᐛᐎᑕᒡ ᐅᒋᔅᒋᐛᐃᒐᓱᒡ᙮”

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:9

ᐅᔭ ᐃᑎᓱᐛᐅᓇ, “ᐊᑲᐎᔾ ᐱᓯᒂᑎᓯ, ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᒋᒧᑎ, ᐊᑲᐎᔾ ᒧᔅᑕᓂᒧᐤ ᑯᑎᒃ ᐊᐛᓐ ᑕᓐ ᐊ ᐃᓯ ᐊᔭᑦ᙮” ᑯᑎᑲ ᒪᒃ ᐃᑎᓱᐛᐅᓇ ᐊ ᐃᑎᒂᒋ, ᒥᓯᐛ ᒪᒧᐤ ᒋᑭ ᒋ ᐃᓯ ᑭᓄᐛᐸᑕᑭᓄᐛ ᐊᓐᑕ ᐊᓐ ᐸᐃᒄ ᐃᑎᓱᐛᐅᓐ ᑲ ᐃᑎᓱᐛᒥᑲᒡ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”

ᑲᓚᓯᔭᓇ 5:14

ᑎᐸᑐᑎᒻ ᐊᐛᓐ ᐎᓱᐛᐅᓇ, ᐅᔭ ᐸᐃᒄ ᐎᓱᐛᐅᓂᔪᐤ ᐊ ᓂᓇᐃᑕᐧᒃ ᐊᐅᒄ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”

1 ᑎᒧᑎ 1:5

ᐛᔅ ᐅᔭ ᐃᑎᓱᒥᑥᐛ ᐊᑯᑕ ᒐᒋ ᐅᒋ ᓴᒋᐊᒡ ᐊᐛᔪᐛ ᐊ ᐸᔭᐧᑭᓂᔨᒋ ᐅᑕᐃᐛᐛ ᑭᔭ ᐊ ᒋᔅᒐᔨᑕᒡ ᑯᐃᔅᒄ ᐊᒋ ᐃᑎᒡ ᑭᔭ ᐊ ᓱᒐᔨᑕᑯᓂᔨᒡ ᐅᑕᑈᑎᒧᐅᓄᐛᐤ᙮ ᐛᔅ ᐅ ᐃᓯ ᓂᓇᑭᑐᐛᔨᑎᒥᐃᑯᔨᓇ ᒐᒋ ᐃᓯ ᐎᑎᒧᐅᑥᐤ ᐊᑯᑕ ᒐᒋ ᐅᒋ ᓇᔅᒡ ᓴᒋᐊᒡ ᐊᐛᔪᐛ ᐅᑕᐃᐛᒡ᙮

ᒋᒥᔅ ᐅᒥᓯᓇᐊᒪᒐᐅᓐ 2:8

ᑕᑈ ᒪᒃ ᒋᑭ ᒥᔪᑐᑕᓇᐛᐤ ᓂᓇᐃᑎᒪᒂ ᐊᓐ ᒪᐅᒡ ᑲ ᒋᔅᑕᔨᑕᒂᒡ ᐎᓱᐛᐅᓐ, ᐊᓐ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”