ᒪᑎᔪᐤ 22:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᐊᑯ ᒪᒃ ᐊᓐ ᐎ ᒐ ᐅᓂᔅᑲᒡ ᐊᓐᒡ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᑕᒄ ᒋᓴᒪᓂᑐᐤ, ᒥᓐ ᒐ ᐅᓂᔅᑲᔨᒋ ᒥᓯᐛ ᐊᓂᔭ ᑲ ᐳᓂᐱᒪᑎᓯᔨᒋ᙮

ᒪᑎᔪᐤ 22:31 ပူးပေါင်းရင်းမြစ်များ

ᒪᑎᔪᐤ 12:3

ᐊᑯ ᒋᓴᔅ ᐊᑕᑦ ᐊᓂᔭ ᐸᕆᓯᐊ, “ᔅᒋ ᐃᔨᒥᑕᓇᐛᒐ ᒥᓯᓇᐃᑭᓂᒡ ᑲ ᑎᐸᒋᒪᑭᓄᐅᑦ ᐊᓂᔭ ᒋᓴᐅᒋᒪᐤ ᑎᐱᑦ, ᒥᓯᐛ ᒪᒃ ᐊᓂᔭ ᑲ ᐎᒐᐅᑯᑦ ᐃᔅᐱ ᑲ ᐎ ᒥᒋᓱᒡ ?

ᒪᑎᔪᐤ 12:7

ᐛᔅ ᐃᑎᔅᑕᐤ ᒥᓯᓇᐃᑭᓂᒡ ᒋᓴᒪᓂᑐᐤ ᐊᒋ ᐃᔅᒋᔄᑦ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪ ᐎ ᐊ ᒥᑐᔅᑕᐊᒪᓄᐅᒡ ᒐᒂᓐ,’ ᓂᔅᑐᑎᒧᒄ ᒪᒃ ᐅ ᑕᓐ ᐊᓐ ᐊ ᐃᔅᒋᔄᒥᑲᒡ, ᓇᒪ ᒋᐸ ᐅᒋ ᑎᐸᔅᑯᓇᐛᐅᒡ ᐊᓐᒡ ᐊᑲ ᒥᒋᑐᑕᒡ᙮

ᒪᑎᔪᐤ 21:16

ᐊᑯ ᒂ ᐃᑕᒡ ᐊᓂᔭ ᒋᓴᓴ, “ᒋ ᐸᑐᐛᐅᒡ ᐊ ᑕᓐ ᐊ ᐃᔅᒋᔄᒡ ?” ᒋᓴᔅ ᒂ ᐃᑕᑦ, “ᓂ ᐸᑐᐛᐅᒡ, ᓇᒪᐎᔾ ᐊ ᓂᑕ ᒋ ᐅᒋ ᐃᔨᒥᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐᑕ ᑲ ᐃᑎᔅᑕᒡ, ᒋᓴᒪᓂᑐᐤ ᒋ ᐃᑐᑐᐛᐤ ᐊᐛᓴ ᑭᔭ ᐅᔅᒋᐛᓴ ᒐᒋ ᒥᔪ ᒪᒥᒋᒥᑯᑦ” ?

ᒪᑎᔪᐤ 21:42

ᐊᑯ ᒋᓴᔅ ᐊᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮ ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓇ, ᐊᔪᐛᒡ ᒥᔅᑲᓯᓇᑯᓂᔪᐛ ᐊ ᑭᓄᐛᐸᑕᑭᓄᔨᒋ ?”

ᒪᑎᔪᐤ 22:30

ᐛᔅ ᐃᔅᐱ ᐅᑎᒋᐱᔨᒐ ᒐ ᐅᓂᔅᑲᒡ ᐊᓐᒡ ᑲ ᐳᓂᐱᒪᑎᓯᒡ, ᑕᐸ ᒋᑭ ᐅᒋ ᓂᐳᐅᒡ ᑭᔭ ᓇᒪ ᒋᑭ ᐅᒋ ᓂᐳᐊᑭᓄᐅᒡ, ᐛᔅ ᐊᓂᔭ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓂᒪ ᒋᒋᒋᓯᑯᒡ ᐊ ᑕᔨᒋ ᐊᐅᑯᓐ ᒧᔭᒻ ᒐ ᐃᑕᔨᑕᑯᓯᒡ᙮

ᒪᑎᔪᐤ 22:32

ᒋ ᐃᑕᐤ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮’ ᓇᒪ ᐅᒋᓴᒪᓂᑐᒥᑐᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᒥᒄ ᐊᓂᔭ ᑲ ᐱᒪᑎᓯᔨᒋ᙮”

ᒪᑎᔪᐤ 9:13

ᓇᓂᑐ ᒋᔅᒐᔨᑎᒧᒄ ᒪ ᑲ ᐃᑎᔅᑕᒡ ᒋᒋᒥᓯᓇᐃᒐᐅᓐ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪᔭᐤ ᐊ ᒥᑐᔅᑕᐊᒪᓄᐅᒡ ᒐᒂᓐ᙮’ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᐎᓴᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”