ᒪᑎᔪᐤ 22:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᒋ ᐃᑎᓴᐛᐅᒡ ᒪᒃ ᐅᒋᔅᒋᓄᐊᒧᐛᑭᓄᐛᐛ ᑭᔭ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᓐᑕ ᒋᓴᓴ ᐊ ᑕᔨᒋ᙮ ᐊᑯ ᐊ ᑕᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᑕᑈ ᐊ ᑕᑈᒥᑲᒡ ᑕᓐ ᐊ ᐃᓯ ᒋᔅᑯᑎᒪᒐᔨᓐ ᑭᔭ ᒥᓯᐛ ᐸᐃᑯᓄᒡ ᐊ ᐃᓯ ᒋᔅᑯᑎᒧᐅᑥᐤ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᓇᒪ ᓇᔅᒡ ᒐᒂᓐ ᒋᑦ ᐃᑕᔨᑎᒥᐃᑯᓐ ᑕᓐ ᒐ ᐊᑎ ᐃᑕᔨᑎᒥᐃᑯᒡ ᐊᐛᓐᒋ ᑕᓐ ᐊ ᐃᓯ ᒋᔅᑯᑎᒪᒐᐅᑦ, ᑭᔭ ᒥᓯᐛ ᐸᐃᑯᓄᒡ ᒋᑦ ᐃᑕᔨᒪᐅᒡ ᐊᐛᓐᒋ᙮

ᒪᑎᔪᐤ 22:16 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 12:2

ᒥᓯᐛ ᑕᑐᐤ ᐊ ᐃᑎᓯᒡ ᑭᑭᒋᔭᒪᐅᒡ ᐎᒋ ᐃᔪᐛᐛ; ᒪᒥᒋᒧᐛᐤ ᒥᑐᓂᒡ ᑭᔭ ᑭᑭᒋᐊᐅᓂᒡ ᐅᒋ ᐃᔨᒧᐅᒡ᙮

ᑎᐱᑦ ᐅᓂᑭᒧᐅᓇ 5:9

ᐛᔅ ᓇᒪ ᑎᒂᓂᔪᐤ ᑯᐃᔅᑯᑐᐅᓂᔪᐤ ᐅᑐᓄᐛᒡ; ᐅᐱᒋᔭᐛᐛ ᓇᔅᒡ ᒥᒐᑎᓯᒪᑭᓂᔪᐤ; ᐅᑯᑕᑭᓄᐛᐛ ᑲ ᔪᑕᑯᑕᔨᒡ ᒋᐱᐃᒋᐛᐱᔪᐤ; ᑲ ᒥᒐᒋᒧᐊᓯᒡ ᐅᑕᔨᐛᐛ ᐅᒡ᙮

ᑎᐱᑦ ᐅᓂᑭᒧᐅᓇ 55:21

ᐃᔨᒧᐅᓇ ᐅᑐᓂᒡ ᑲ ᐅᒋᐱᔨᒋ ᐊᑐᐎᔅ ᒋ ᓱᔎᐛ ᐃᔅᐱᔅ ᑲᐎᔄᐛᒡ, ᒪᒃ ᓂᑐᐱᔪᐅᓂᔪᐤ ᒋ ᑎᑯᓂᔪᐤ ᐅᑕᐃᒡ: ᐅᑦ ᐃᔨᒧᐅᓇ ᐊᑐᐎᔅ ᒋ ᔪᔅᑲᔪᐛ ᐃᔅᐱᔅ ᐱᒥᔾ, ᐊᔪᐛᒡ ᒪᒃ ᐊ ᒐᒋᑯᐱᑕᑭᓄᐎᒡ ᓯᒪᑭᓇ ᐃᓯᓇᑯᓂᔪᐤ᙮

ᒪᑎᔪᐤ 22:24

ᒋ ᐃᑎᑯᐤ ᐊᓂᔭ ᓴᑎᔪᓯᐊ, “ᒋᔅᑯᑎᒪᒐᓱᐤ, ᒧᓱᔅ ᒋ ᒥᓯᓇᐊᒻ ᐅᔭ ᐎᓱᐛᐅᓂᔪᐤ᙮ ᐃᑎᔅᑕᔪᐤ ᒪᒃ, ‘ᓂᐱᒐ ᓇᐸᐤ, ᐊᑲ ᒪᒃ ᐅᒋ ᐊᔭᐛᒂ ᐊᐛᓴ, ᐊᓂᔭ ᐎᐧᑲᓂᓴ ᐊᓐ ᓇᐸᐤ ᑲ ᓂᐱᑦ ᒋᐸ ᐎᒋᒪᔪᐛ ᐊᓂᔭ ᐎᐛ᙮ ᐊᑯ ᒪᒃ ᒋᐸ ᐊᔭᐛᐅᒡ ᐊᐛᓴ ᐊᓂᔭ ᐅᔅᑕᓴ ᒐᒋ ᓂᑕᐅᒋᑎᒧᐛᑦ᙮’ ”

ᒪᑎᔪᐤ 22:26

ᒐᒃ ᒪᒃ ᑭᔭ ᐎᔾ ᐊᓐ ᐎᐧᑲᓂᓯᒪᐤ ᑲ ᐎᒋᒪᑦ ᐊᓂᔭ ᐎᐧᑲᓂᓴ ᐎᐎᔪᐛ ᒂ ᐳᓂᐱᒪᑎᓯᑦ᙮ ᓇᒪ ᑭᔭ ᐎᔾ ᐅᒋ ᐊᔭᐛᐤ ᐊᐛᓴ᙮ ᐊᑯ ᒥᓐ ᐊᓂᔭᔪᐛ ᐛᒋ ᑕᒋᔅᑲᑯᑦ ᐊᓐ ᐊᓄᒡ ᑲ ᐳᓂᐱᒪᑎᓯᑦ ᒂ ᐎᒋᒪᔨᒋ ᐊᓂᔭ ᐃᔎᐛ᙮ ᐊᐅᑯᓐ ᒧᔭᒻ ᑲ ᐊᑎ ᐃᔅᐱᔨᑦ ᑭᔭ ᐎᔾ ᐅ᙮ ᒋ ᐳᓂᐱᒪᑎᓯᐤ ᐊᑲ ᐛᐛᒡ ᐅᒋ ᐊᔭᐛᑦ ᐊᐛᓴ᙮ ᒐᒃ ᒥᓯᐛ ᐊᐅᑯᓐ ᒂ ᐊᑎ ᐃᓯᓇᑯᓯᒡ ᐊᓐᒡ ᓂᔄᐅᑕᒡ ᐎᐧᑲᓂᓯᒪᐅᒡ᙮ ᒥᓯᐛ ᒋ ᐎᒋᒪᐅᒡ ᐊᓂᔭᔪᐛ ᐃᔎᐛ ᑭᔭ ᒥᓯᐛ ᒋ ᐊᑎ ᐳᓂᐱᒪᑎᓱᐅᒡ ᐊᑲ ᐅᒋ ᐊᔭᐛᒡ ᐊᐛᓴ᙮

ᒪᑎᔪᐤ 26:18

ᒋ ᐃᑕᐤ ᒪᒃ, “ᐃᑐᑕᒄ ᐊᓐᑕ ᐅᑕᓇᒡ, ᒐ ᓂᑐᐛᐱᒪᒄ ᐸᐃᒄ ᓇᐸᐤ ᐊᑯ ᒐ ᐃᑕᒄ, ‘ᐃᔅᒋᔄᐤ ᒋᔅᑯᑎᒪᒐᓱᐤ, ᓴᔅ ᐎᐱᒡ ᒋᑭ ᐅᑎᒋᐱᔪᐤ ᒐ ᓂᑭᑎᒪᓐ ᐅ ᐊᔅᒋᔾ᙮ ᐊᓐᑕ ᒋᒋᒡ ᓂᒋᔅᒋᓄᐊᒧᐛᑭᓐᒡ ᓂᑭ ᐸᒋ ᒥᑯᓴᓇᓐ ᐊᓐ ᐎᒪᔅᑲᒐᐅ-ᒥᑯᓴᓐ᙮’ ”

ᒪᑎᔪᐤ 26:49

ᒍᑎᔅ ᒪᒃ ᑯᐃᔅᒄ ᒋ ᓂᑐᐛᐱᒪᐤ ᐊᓂᔭ ᒋᓴᓴ, ᐊᑯ ᒂ ᐃᑕᑦ, “ᐛᒋᔭ, ᒋᔅᑯᑎᒪᒐᓱᐤ᙮” ᐊᑯ ᒂ ᓱᐛᔨᒪᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:17

ᒪᒂᒡ ᒪᒃ ᐊ ᐱᒧᑕᑦ ᒋᓴᔅ ᒪᔅᑭᓇᒡ, ᓇᐸᐛ ᒋ ᐅᒋ ᐸᐸᑕᔪᐛ ᒂ ᐊᑎ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐊ ᑕᑦ ᐊᑯ ᐊᑎᑯᑦ, “ᒋᔅᑯᑎᒪᒐᓱᐤ, ᑲ ᒥᔽᔨᑕᑯᓯᔨᓐ, ᑕᓐ ᒐ ᐃᑎᔭᓐ ᒐᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:13

ᒋ ᐃᑎᓴᐛᑭᓄᐎᒡ ᐱᔅᒐ ᐸᕆᓯᔨᒡ ᑭᔭ ᐱᔅᒐ ᐊᓐᒡ ᐊᕈᑦ ᐅᑦ ᐊᐱᒋᐊᑭᓇ ᐊᓐᑕ ᒋᓴᓴ ᐊ ᑕᔨᒋ ᒐᒋ ᓇᓂᑐᐤ ᐎᔭᓴᐊᒡ ᐊᑲ ᒧᔭᒻ ᒐᒋ ᐃᔅᒋᔄᔨᒋ ᒐᒂᔪᐤ᙮ ᓂᓇᐧᑯᐤ ᒐᒂᔪᐤ ᒋ ᐃᓯ ᑯᒂᒋᒪᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:14

ᒋ ᐸᒋ ᓂᑐᐛᐱᒪᐅᒡ ᒪᒃ ᐊᑯ ᒂ ᐃᑕᒡ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒧᔅ ᐊ ᑕᑈᔨᓐ ᑕᓐ ᐊ ᐃᔅᒋᔄᔨᓐ᙮ ᓇᒪ ᐎᔭᓯᓐ ᐊᐛᓐ ᐊᓐ ᑲ ᐃᔨᒥᐃᑦ ᐛᔅ ᒥᓯᐛ ᐊᐛᓐ ᐸᐃᑯᓄᒡ ᒋᑦ ᐃᑕᔨᒪᐤ᙮ ᓇᒪ ᒋ ᑭᓄᐛᐸᑎᒺᓐ ᑕᓐ ᐊ ᐃᓯ ᒋᔅᑕᔨᑕᑯᓯᑦ ᐊᐛᓐ᙮ ᑯᐃᔅᒄ ᑭᔭ ᒋ ᒋᔅᑯᑎᒧᐛᐅᒡ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᐃᑎᔅᑕᐤ ᐊ ᐎᓱᐛᐅᓂᒡ ᓯᓴᕐ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᒐᓯᐧᑲᓱᔨᒋ ᐊᐛᔪᐛ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:6

ᐊᑯ ᐊᓐᒡ ᐸᕆᓯᔨᒡ ᒋ ᐊᑎ ᐎᐎᔪᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ᙮ ᐊᑯ ᑎᐛᒡ ᑲ ᓂᑐᐛᐱᒪᒡ ᐊᓂᔭᔪᐛ ᐊᐛᔪᐛ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᑯ ᒂ ᒪᒧᐎᒡ᙮ ᒋ ᐊᔨᒧᑎᒧᒡ ᑕᓐ ᒋᐸ ᒋ ᐃᑐᐅᒡ ᒐᒋ ᓂᐸᐊᒡ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:15

ᒋᓴᓴ ᒋ ᐃᓯ ᐃᔭᒂᒥᒥᑯᐅᒡ, “ᐃᔭᒂᒄ, ᐃᔭᒂᒥᔅᑎᒧᐛᑯ ᐅᐱᓯᑲᓂᒧᐛᐤ ᐸᕆᓯᔨᒡ ᑭᔭ ᒪᒃ ᐊᕈᑦ ᐅᐱᓯᑲᓂᒪ᙮”

ᓗᒃ 20:21

ᐊᑯ ᒪᒃ ᐅᒡ ᓇᐸᐅᒡ ᒂ ᑯᒂᒋᒪᒡ ᒋᓴᓴ ᐊ ᐃᑕᒡ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒐᒂᓐ ᐊ ᐃᔅᒋᔄᔨᓐ ᑭᔭ ᑕᓐ ᐊ ᐃᓯ ᒋᔅᑯᑎᒪᒐᔨᓐ ᐊ ᑕᑈᒥᑲᒡ᙮ ᑭᔭ ᒋ ᒋᔅᒐᔨᒥᑎᓇᓐ ᒥᓯᐛ ᐸᐃᑯᓄᒡ ᐊ ᐃᑕᔨᒥᔅᒡ ᐊᐛᓐᒋ, ᑭᔭ ᒥᓯᐛ ᐸᐃᑯᓄᒡ ᑕᑈ ᐊ ᐃᓯ ᒋᔅᑯᑎᒧᐅᑥᐤ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᒐᒋ ᐃᓯ ᐱᒪᑎᓯᒡ᙮

ᓗᒃ 7:40

ᒋᓴᓴ ᒂ ᐃᔨᒥᐃᑯᑦ ᐊ ᐃᑎᑯᑦ, “ᓴᐃᒥᓐ, ᒋ ᐎ ᐃᑎᑎᓐ ᒐᒂᓐ᙮” ᓴᐃᒥᓐ ᒂ ᐃᔅᒋᔄᑦ, “ᒋᔅᑯᑎᒪᒐᓱᐤ, ᐸᒋ ᐎᑎᒧᐎ ᒐᒂᓐ ᐊᓐ᙮”

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 18:37

ᐊᑯ ᑈᓚᑦ ᒂ ᐃᑕᑦ, “ᑕᑈ ᑭᑈ ᒋᒋᓴᐅᒋᒪᐅᓇᒐ᙮” ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᔅᒋᔄᓐ ᐊ ᒋᓴᐅᒋᒪᐎᔭᓐ᙮ ᐊᐅᒄ ᐛᒋ ᐱᒪᑎᓯᔭᓐ ᑭᔭ ᐊᐅᒄ ᐛᒋ ᐸᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᑎᐸᑐᑎᒪᓐ ᐊᓐ ᑕᑈᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᑕᑐᐤ ᐊᐛᓐ ᑕᑈᐅᓂᒡ ᑲ ᑕᑦ ᐊᐅᒄ ᐊᓐ ᐱᔭᒋ ᓂᑐᑐᐅᑦ᙮”

ᒠᓐ 7:18

ᐊᓐ ᐊᐛᓐ ᒥᒄ ᐎᔾ ᑕᓐ ᐊ ᐃᑕᔨᑕᐧᒃ ᑲ ᐃᓯ ᐎᑕᐧᒃ ᒐᒂᔪᐤ, ᓂᑐᐛᔨᑎᒻ ᐎᔾ ᒐᒋ ᒋᔅᑕᔨᒪᑭᓄᐅᑦ᙮ ᐊᑯ ᐊᓐ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᒋᔅᑕᔨᒪᑭᓄᔨᒋ ᐊᓂᔭ ᑲ ᐸᒋ ᐃᑎᓴᐅᑯᑦ ᑯᐃᔅᒄ ᐃᑐᐤ ᑭᔭ ᓇᒪ ᓇᔅᒡ ᑎᑯᓂᔪᐤ ᐎᔭᓯᐃᐛᐅᓂᔪᐤ ᐊᓐᑕ ᐊ ᑕᑦ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

2 ᑯᕆᓐᑎᔭᓇ 5:16

ᓇᒪ ᒪᒃ ᐊᑯ ᐅᔅᒡ ᐊ ᐃᓯᓄᐛᑭᓄᐅᑦ ᐊᐛᓐ ᓂᑦ ᐃᓯ ᑭᓄᐛᐱᒪᓇᓐ᙮ ᐊᐅᑯᓐ ᑲ ᐃᓯ ᑭᓄᐛᐱᒥᒋᒡ ᙭ ᐸᐃᒂᐤ᙮ ᓇᒪᐎᔾ ᐊᑯ ᐊᓐᑕ ᓂᑦ ᐃᓯ ᑭᓄᐛᐱᒪᓇᓐ᙮

ᑲᓚᓯᔭᓇ 1:10

ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮

ᑲᓚᓯᔭᓇ 2:6

ᐊᓐᒡ ᑲ ᓂᑲᓂᔅᑲᒐᒡ, ᒋᔅᑕᔨᑕᑯᓱᐅᒡ ᒋ ᐃᑕᔨᒪᑭᓄᐎᒡ᙮ ᓇᒪ ᒪᒃ ᒐᒂᓐ ᑕᓐ ᐊ ᐃᑕᔨᒪᑭᓄᐎᒡ ᓂᑦ ᐃᑕᔨᑕᓐ ᓂᔾ ᐎ᙮ ᐛᔅ ᒥᓯᐛ ᐊᐛᔪᐛ ᐸᐃᑯᓄᒡ ᐃᑕᔨᒪᐤ ᐎᔾ ᒋᓴᒪᓂᑐᐤ᙮ ᒋ ᓇᐊᔨᑎᒧᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ, ᓇᒪ ᐅᒋ ᑎᑯᓂᔪᐤ ᐊᑐᐎᔅ ᒐᒋ ᐃᓯ ᐸᒋ ᐎᑎᒧᐅᑥᐤ᙮

1 ᑕᓴᓗᓂᔭᓇ 2:4

ᐃᔭᐱᒡ ᒧᔅ ᒥᒄ ᑕᓐ ᐊ ᐃᓯ ᓂᑐᐛᔨᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐛᐎᑎᒧᒋᒡ ᐊᑯᓐ ᐊ ᐃᓯ ᐛᐎᑎᒪᒡ, ᐛᔅ ᐎᔾ ᓂᒋ ᐃᑕᔨᒥᑯᓇᓐ ᐊ ᑕᑈᐅᒐᔨᑕᑯᓯᔭᒡ ᒐᒋ ᐊᑐᔅᒐᔅᑎᒧᒋᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᐎᔭᐎᑎᒪᒡ, ᓇᒪ ᐎ ᓇᐸᐤ ᐊ ᐎ ᓇᐊᔨᑎᒥᐃᒋᒡ, ᒋᓴᒪᓂᑐᐤ ᐊᐅᒄ ᒐᒋ ᓇᐊᔨᑎᒥᐃᒋᒡ ᐛᔅ ᐎᔾ ᒋ ᓂᑐ ᒋᔅᒐᔨᒥᑯᓄᐤ ᑕᓐ ᐊ ᐃᑐᐛᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 3:17

ᐊᓐ ᒪᒃ ᑭᒐᑕᐛᔨᑎᒧᐅᓐ ᐃᔅᐱᒥᒡ ᑲ ᐅᒋᐱᔨᒡ ᓂᔅᑎᒻ ᓇᔅᒡ ᐸᔭᐧᑭᓐ, ᐊᑯ ᒥᓐ ᐊ ᒋᔭᒪᔨᑕᑯᐃᐛᒥᑲᒡ, ᔪᔅᐸᔨᑕᑯᐃᐛᒥᑲᒡ, ᑭᔭ ᐃᑐᑕᑯᐤ ᐊᐛᓐ ᐃᔭᒂ ᒐᒋ ᓂᑐᑐᐛᑦ ᐊᐛᔪᐛ᙮ ᐊᐛᓐ ᐊ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᑭ ᐛᔪᒡ ᒋᓴᐛᑐᑐᐛᐤ ᐊᐛᔪᐛ ᑭᔭ ᒥᔅᑎ ᒋᑭ ᒥᔪᑐᑎᒪᒐᐤ, ᐸᐃᑯᓄᒡ ᒋᑭ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᑭᑲᑕᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮