ᒪᑎᔪᐤ 22:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ “ᐊᑯ ᐊᓐ ᒋᓴᐅᒋᒪᐤ ᒂ ᐃᑕᑦ ᐊᓂᔭ ᐅᑯᐸᓇᒪ, ‘ᒪᑯᐱᑎᒺᐧᒄ ᐅᓯᑕ ᑭᔭ ᐅᑎᒋᔭ, ᒐ ᐃᓯ ᐛᐱᓇᒄ ᒪᒃ ᐎᐎᑎᒥᒡ ᐊ ᐃᓯ ᑭᔅᑎᐱᔅᑲᔨᒡ, ᐊᑯᑕ ᒐ ᑎᒂᒡ ᒪᐅᓐ ᑭᔭ ᒐ ᒪᒥᑥᔭᐱᑕᓯᓇᓄᐅᒡ᙮’ ”

ᒪᑎᔪᐤ 22:13 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 112:10

ᐅᒥᒋᑥᐤ ᒋᑭ ᐛᐸᑎᒻ, ᑭᔭ ᒋᑭ ᒥᑕᒋᔨᐛᓱᐤ; ᒋᑭ ᒪᑥᔭᐱᑕᓯᓐ, ᑭᔭ ᒋᑭ ᑎᒋᐱᔪᐤ; ᐅᐱᑯᓴᔨᒧᐅᓐ ᐅᒥᒋᑥᐤ ᒋᑭ ᓂᓱᐅᓇᑎᓂᔪᐤ᙮

ᑎᐱᑦ ᐅᓂᑭᒧᐅᓇ 37:12

ᐅᒥᒋᑥᐤ ᒋᒧᑦ ᓇᔭᑕᐎᑐᑕᐛᐤ ᑲ ᑯᐃᔅᑯᑎᔨᒋ, ᒪᑥᔭᐱᑕᓯᓂᑐᐛᐤ ᒪᒃ᙮

ᒪᑎᔪᐤ 12:29

“ᓇᒪ ᐊᐛᓐ ᒋᑭ ᒋ ᐱᒐᐛᐤ ᐊ ᓱᒋᔨᒋ ᓇᐸᐛ ᐎᒋᐛᔨᒡ ᒐᒋ ᑭᒐᒧᑎᒧᐛᑦ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᐸᑐᔅ ᓂᔅᑎᒻ ᒋ ᒪᑯᐱᑕᒐ ᐊᓂᔭ ᓇᐸᐛ ᑲ ᓱᒋᔨᒋ, ᑭᔭ ᐃᔭᒄ ᒐᒋ ᒋᒧᑎᒧᐛᑦ ᑕᓐ ᐊ ᐃᓯ ᑎᐱᔨᐛᐅᓯᔨᒋ ?”

ᒪᑎᔪᐤ 13:30

ᐊᑯᔅ ᑕᐱᔅᑯᓐ ᐊᓂᔭ ᒥᒋ ᓂᑕᐅᒋᑕᑭᓇ ᑭᔭ ᐊᓂᔭᔪᐛ ᑲ ᐎ ᓂᑕᐅᒋᑕᔭᓐ ᒋᑭ ᒋᓯᓂᑕᐅᒋᓇ, ᐸᑐᔅ ᒪᒧᓴᒋᓂᑭᓄᒂᐛ᙮ ᐊᑯ ᒪᒃ ᒐ ᐃᑎᒂᐤ ᐊᓐᒡ ᒐ ᒪᒧᓴᒋᓇᒡ, ᓂᔅᑎᒻ ᐊᓂᔭᔪᐛ ᒥᒋ ᓂᑕᐅᒋᑕᑭᓇ ᒐᒋ ᒪᒧᓴᒋᓇᒡ, ᑭᔭ ᒐᒋ ᑕᐱᑐᐛᐱᐧᑲᑕᒡ ᒐ ᐃᔎᓴᒡ, ᐊᑯ ᐃᔭᒄ ᐊᓂᔭᔪᐛ ᐸᒂᓯᑭᓂᒥᓇᑎᒂ ᒐᒋ ᒪᒧᓴᒋᓇᒡ, ᐊᓐᑕ ᒐ ᐊᔅᑕᒡ ᓂᑦ ᐊᔅᑕᓱᐅᒋᐛᐱᒡ᙮’ ”

ᒪᑎᔪᐤ 13:42

ᐊᑯ ᒪᒃ ᒐ ᐃᓯ ᐛᐱᓇᒡ ᐊᓐᑕ ᒥᒋ ᐃᔅᑯᑕᒡ ᐊᓐᑕ ᐱᓯᒄ ᒐ ᒪᒡ ᑭᔭ ᒐ ᒪᒥᑥᐛᐱᑕᓯᓂᒡ᙮

ᒪᑎᔪᐤ 13:50

ᐊᑯ ᐊᓐᑕ ᒥᒋ ᐃᔅᑯᑕᒡ ᒐ ᐃᓯ ᐛᐱᓇᑭᓄᐎᒡ ᐊᓐᒡ ᑲ ᒥᒐᑎᓯᒡ, ᐊᑯᑕ ᒐ ᒪᒡ ᑭᔭ ᒐ ᒥᑥᐛᐱᑕᓯᓂᒡ ᒐ ᐃᔅᐱᔅ ᐎᓯᒐᔨᑕᒡ᙮”

ᒪᑎᔪᐤ 24:51

ᐊᑯ ᒐ ᐛᐛᓯᐊᑭᓄᐅᑦ ᓇᔅᒡ ᒐᒋ ᐛᐎᓯᒐᔨᑕᐧᒃ᙮ ᐊᑯ ᒪᒃ ᒐ ᐃᓯ ᐱᔅᑎᓇᑭᓄᐅᑦ ᐊᓐᑕ ᑲ ᐊᔭᒥᐊᐧᑲᓱᔨᒋ ᐊ ᑕᔨᒋ ᒐᒋ ᓂᓇᐧᑲᑕᔨᒧᑦ᙮ ᐊᑯᑕ ᐊᓐᑕ ᒐ ᒪᒡ ᑭᔭ ᒐ ᒪᒥᑕᔭᐱᑕᓯᒡ ᒐ ᐃᔅᐱᔅ ᓂᓇᐧᑲᑕᔨᒧᒡ᙮”

ᒪᑎᔪᐤ 25:30

ᐅ ᒪᒃ ᐊᐱᒋᐊᑭᓐ ᐊᑲ ᐎᔭᔅ ᐃᑕᐱᑎᓯᑦ ᐊᓐᑕ ᐅᓂᑎᐱᔅᒋᓯᐅᓂᒡ ᐃᓯ ᐛᐱᓇᐧᒄ᙮ ᐊᑯᑕ ᐊᓐᑕ ᒐ ᒪᓄᐅᒡ ᑭᔭ ᒐ ᒪᒥᑥᔭᐱᑕᓯᓇᓄᐅᒡ ᒐ ᐃᔅᐱᔅ ᐎᓯᒐᔨᑕᑭᓄᐅᒡ᙮’ ”

ᒪᑎᔪᐤ 8:12

ᒥᒄ ᒪᒃ ᐊᓐᒡ ᑲ ᒥᓯᓇᓱᒡ ᒋᓴᐅᒋᒪᐅᓂᒡ ᒋᐸ ᐃᓯ ᐎᒋᐃᐛᐱᓐᒡ ᓇᒪ ᒋᑭ ᐅᒋ ᐱᑎᑲᐊᑭᓄᐅᒡ ᐊᓐᑕ᙮ ᐅᓂᑎᐱᔅᒋᓯᐅᓂᒡ ᒋᑭ ᐃᓯ ᐛᐱᓇᑭᓄᐎᒡ, ᐊᑯᑕ ᐊᓐᑕ ᒐ ᒪᒡ ᑭᔭ ᒐ ᒪᒥᑕᔭᐱᑕᓯᓂᒡ᙮”

ᓗᒃ 13:28

“ᓇᔅᒡ ᑕᑈ ᓱᒃ ᒋᑭ ᒪᓇᐛᐤ ᑭᔭ ᒋᑭ ᒪᒥᑥᔭᐱᑕᓯᓇᐛᐤ ᐃᔅᐱ ᐛᐱᒪᒂᐛ ᐊᑉᕋᐊᒻ, ᐊᐃᓯᒃ, ᒐᑭᑉ, ᑭᔭ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊ ᑕᒡ ᐎᔨᐛᐤ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᒋᔨᐛᐤ ᒪᒃ ᐎᐎᐛᐱᓂᑯᐅᔭᒂ᙮

ᒠᓐ 21:18

ᑯᐃᔅᒄ ᒋ ᐎᑎᒪᑎᓐ, ᐊᔅᒄ ᐊᒋ ᐅᔅᒋᓂᒋᓱᐎᓐ ᒥᒄ ᑕᓐ ᐛ ᐊᐃᑎᔨᓐ ᔅᒋ ᐃᑎᓐ ᑭᔭ ᒥᒄ ᑕᓐᑕ ᐛ ᐃᑐᑕᔨᓐ ᐊᑯᑕ ᑲ ᐃᑐᑕᔨᓐ᙮ ᐃᔅᐱ ᒪᒃ ᒋᓴᐃᔪᔨᓇ, ᓱᐅᓂᔅᒐᔨᓇ ᒪᒃ ᒋᑭ ᒪᑯᐱᑕᑭᓄᐛ ᔅᑎᒋᔭ ᐊᑯ ᒐ ᐃᑐᑕᐃᑯᔨᓐ ᐊᓐᑕ ᐊᑲ ᐎ ᐃᑐᑕᔨᓐ᙮”

ᐊᑈᔅᑕᓇᒡ 21:11

ᐊᑯ ᒂ ᐸᒋ ᓂᑐᐛᐱᒥᔨᒥᑦ ᐅ ᓇᐸᐤ, ᒂ ᐅᑎᓂᒺᑦ ᑈᓚ ᐅᐱᒂᑕᐅᓂᔪᐤ, ᒂ ᒪᑯᐱᑕᐧᒃ ᐅᓯᑕ ᑭᔭ ᐅᑎᒋᔭ ᐊᑯ ᑲ ᐃᔅᒋᔄᑦ, “ᒪᐅ ᐊ ᐃᔅᒋᔄᑦ ᑲ ᐸᔭᒋᓯᑦ ᐊᒐᐧᒄ, ᐊᐅᑯᓐ ᒐ ᐃᑕᐱᒂᑎᑯᑦ ᐊᓂᔭ ᒍᐤ ᐃᔪᐛ ᒋᕈᓯᓕᒥᒡ ᑲ ᑕᔨᒋ ᐊᓐ ᐊᐛᓐ ᑕᐱᔨᐛᐅᓯᑦ ᐅᔭ ᐱᒂᑕᐅᓂᔪᐤ᙮ ᒋᑭ ᐃᓯ ᐱᔅᑎᓱᐛᑎᑯᐤ ᑭᔭ ᐅᔭ ᐃᔪᐛ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ᙮”

ᐊᑈᔅᑕᓇᒡ 7:54

ᐃᔅᐱ ᒪᒃ ᐊᓐᒡ ᑲ ᒪᒧᐎᒡ ᑲ ᐸᑐᐛᒡ ᐊᓂᔭ ᔅᑎᐱᓇ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎᒋᔄᐃᑯᒡ᙮

2 ᑕᓴᓗᓂᔭᓇ 1:9

ᒋᑭ ᐛᐛᓯᐊᑭᓄᐅᒡ ᑲᒋᒡ ᒐᒋ ᓂᓱᐅᓇᑎᓯᒡ᙮ ᒋᑭ ᐃᒐᓇᑭᓄᐎᒡ ᐅᑎᐸᔨᒋᒐᐛ ᐊ ᑕᔨᒋ ᐅᒋ ᑭᔭ ᓇᒪ ᓂᑕ ᒋᑭ ᐅᒋ ᐛᐸᑎᒧᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᒥᔅᑯᓯᐅᓂᔪᐤ᙮

2 ᐱᑕᕐ 2:17

ᐅᒡ ᒪᒃ ᐊᐛᓐᒋ ᒧᔭᒻ ᐅᑕᐃᐸᓐ ᐊ ᐸᒂᐱᔨᒋ ᐃᑕᔨᑕᑯᓱᐅᒡ, ᑭᔭ ᒧᔭᒻ ᑭᔅᑯᐅᓂᔅᑯᒡ ᐊ ᐱᐸᒪᓯᒡ᙮ ᐊᓐᑕ ᒪᐅᒡ ᐊ ᐅᑲᔅᑕᔭᔨᒡ ᐊᑯᑕ ᐊ ᐊᔭᔅᑯᔍᑯᒡ ᒋᓴᒪᓂᑐᐛ ᒐᒋ ᑕᒡ᙮

2 ᐱᑕᕐ 2:4

ᑕᐸ ᐃᔭᐱᒡ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭ ᐊᓐᒋᓇ ᑲ ᐅᓂᑐᑎᒥᔨᒋ, ᐃᔭᐱᒡ ᒥᒋ ᐃᔅᑯᑕᒡ ᒋ ᐃᑎᓴᐛᐤ᙮ ᐊᑯᑕ ᒪᒃ ᐊᓐᑕ ᒪᒂᒡ ᐊ ᑕᔨᒋ᙮ ᒪᒋᒂᐱᔅᑲᐛᑭᓄᐅᔪᐛ ᐊᓐᑕ ᐊ ᐅᑲᔅᑕᔭᔨᒡ᙮ ᐊᑯᑕ ᒪᒃ ᐊᓐᑕ ᒐ ᑕᔨᒋ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᑎᐸᔅᑯᓇᑭᓄᔨᒋ᙮

ᒍᑦ 1:13

ᒧᔭᒻ ᑭᔅᑭᓂᒡ ᐎᓂᐸᑯᒡ ᒪᒂᒡ ᓇᔅᒡ ᐊ ᒥᔅᑎᔪᑎᒡ, ᐊᐅᑯᓐ ᐊ ᐃᓯ ᐱᔅᑕᐅᑕᒧᒡ ᐅᐱᒪᑎᓯᐅᓄᐛᒡ ᑕᓐ ᐊ ᐃᓯ ᓴᒂᔨᑕᑯᓂᔨᒡ ᑎᐱᔨᐛ ᐅᒥᒋᑐᑎᒧᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᒥᒄ ᓂᑎᒥᒄ ᑲ ᐃᓯ ᐱᐸᒥᐱᔨᒡ, ᐊᐅᑯᓐ ᐊ ᐃᓯᓇᑯᓯᒡ᙮ ᑎᑯᓂᔪᐤ ᒪᒃ ᐊᓐᑕ ᒪᐅᒡ ᐛᑲᔅᑕᔭᔨᒡ ᐊ ᐊᔭᔅᑯᔅᑎᒪᑯᒡ ᒋᓴᒪᓂᑐᐛ ᑲᒋᒡ ᒐ ᑕᒡ᙮

ᒍᑦ 1:6

ᒋᔅᒋᓯᑐᑐᐛᐧᑯᒡ ᑭᔭ ᐊᓐᒡ ᐊᓐᒋᓐᒡ ᐊᑲ ᐅᒋ ᓂᓇᑭᑐᐛᔨᑕᒡ ᑕᓐ ᑲ ᐃᔅᐱᔅ ᒥᔭᑭᓄᐎᒡ ᑎᐸᔨᒋᒐᐅᓂᔪᐤ ᑭᔭ ᑲ ᓂᑭᑕᒡ ᐊᓐᑕ ᑲ ᐱᔅᑎᓇᑭᓄᐎᒡ ᒐᒋ ᑕᒡ᙮ ᒪᒂᒡ ᑲᒋᒡ ᐃᓴᒂᔭᐱᔭ ᒪᒋᒂᐱᐧᑲᓱᒡ ᐊᓐᑕ ᑕᒥᒡ ᓇᔅᒡ ᐊ ᐅᑲᔅᑕᔭᔨᒡ᙮ ᐊᑯᑕ ᒐᐸᐅᑯᒡ ᒋᓴᒪᓂᑐᐤ ᐸᑐᔅ ᐅᑎᒋᐱᔨᒐ ᐊᓂᔭ ᓇᔅᒡ ᒐᔅᑕᔨᑕᑯᓂᔨᒡ ᐊ ᒋᓯᑲᔨᒡ ᒐ ᑎᐸᔅᑯᓇᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 21:27

ᓇᒪ ᒋᑭ ᐅᒋ ᐱᔅᑎᓂᑭᓄᐤ ᒐᒂᓐ ᐊ ᒪᔭᑎᒡ ᒐᒋ ᑎᒂᒡ ᐊᓐᑕ ᐊᓐ ᐅᑕᓇᐤ᙮ ᓇᒪ ᑭᔭ ᒋᑭ ᒋ ᐱᒐᐤ ᐊᓐ ᐊᐛᓐ ᓂᑐᐎᔾ ᑲ ᐃᑎᑦ ᒪᒃ ᑲ ᐎᒋ ᑭᑭᒋᔭᑦ᙮ ᒥᒄ ᐊᓐᒡ ᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᐊᓂᔭᔪᐛ ᒪᔭᑕᓂᓴ ᐅᐱᒪᑎᓯᐤ ᒥᓯᓇᐃᑭᓂᔨᒡ ᒋᑭ ᒋ ᐱᒐᐅᒡ ᐊᓂᔭ ᐅᑕᓇᔪᐤ᙮