ᒪᑎᔪᐤ 21:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ, ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ, ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ, ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮ ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮

ᒪᑎᔪᐤ 21:5 ပူးပေါင်းရင်းမြစ်များ

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᑎᐱᑦ ᐅᓂᑭᒧᐅᓇ 9:14

ᒐᒋ ᐛᐸᑎᔨᐛᔭᓐ ᒥᓯᐛ ᒋᒪᒥᒋᒥᑯᓯᐎᓐ ᐅᒋᒋᐃᔎᑕᒥᒡ ᓴᐃᔭᓐ ᐅᑕᓂᓴ: ᓂᑭ ᒥᔽᔨᑕᓐ ᒋᐱᒪᒋᐃᐛᐅᓂᒡ᙮

ᒪᑎᔪᐤ 11:29

ᐅᑎᓂᒪᓱᒄ ᓂᑦ ᐊᐱᔅᑲᑭᓐ, ᒋᔅᒋᓄᐛᐱᒥᒄ ᒪᒃ, ᐛᔅ ᓂᔪᔅᐸᑎᓯᓐ ᑭᔭ ᓂ ᑎᐱᑕᔨᒧᓐ ᓂᑕᐃᒡ᙮ ᑭᔭ ᒋᑭ ᒥᔅᑲᓇᐛᐤ ᒪᒃ ᒐ ᐃᓯ ᐊᔽᐱᒡ ᒋᑦ ᐊᒐᐧᑯᐛᐅᒡ᙮

ᒪᑎᔪᐤ 2:2

ᐊᑯ ᑲ ᓇᓂᑐᐤ ᑯᒂᒋᒐᒧᒡ ᐊ ᐃᔅᒋᔄᒡ, “ᑕᓐᑕ ᐊ ᑕᑦ ᐊᓐ ᐊᐛᔅ ᑲ ᐃᔪᐅᑦ ᐊᓂᔭᔪᐛ ᒍᐤ ᐃᔪᒡ ᒐ ᐅᒋᓴᐅᒋᒪᒥᒡ ? ᐛᔅ ᐊᓐ ᓂᒋ ᐛᐱᒪᓇᓐ ᐅᑦ ᐅᒐᑭᑕᐧᑯᒪ ᐊᓐᑕ ᐛᐱᓄᑕᒡ᙮ ᐊᐅᒄ ᒪᒃ ᐊᓂᔭ ᒋᐸ ᓄᑯᓯᔪᐛ ᐃᔅᐱ ᐃᔪᒐ᙮ ᐊᑯ ᑲ ᐸᒋ ᑎᑯᓯᓂᔭᒡ ᒐᒋ ᐸᒋ ᐊᔭᒥᐊᔅᑐᐅᒋᒡ᙮”

ᒪᑎᔪᐤ 2:6

ᒋᔨᐛᐤ ᐸᑦᓕᔭᒻ ᐃᔪᒡ ᐊᓐᑕ ᒍᑕ ᐊᔅᒋᒡ, ᓇᒪ ᐊᑲ ᒋᑭ ᐅᒋ ᒋᐧᑲᔭᔨᑕᑯᓐ ᒋᑦ ᐅᑕᓇᒧᐛᐤ ᐊ ᑕᑎᒋ ᐅᑕᓇᐛ ᐊᓐᑕ ᒍᑕ, ᐛᔅ ᐊᑯᑕ ᒐ ᐅᒋᑦ ᐊᓐ ᒐ ᓂᑲᓂᔅᑯᐛᑦ ᑭᔭ ᒐ ᒋᔅᒋᓄᑕᐊᑦ ᐃᔅᕋᐃᓪ ᓂᑦ ᐃᔨᒪ᙮”

ᒪᑎᔪᐤ 21:6

ᐊᑯ ᒪᒃ ᐊᓐᒡ ᓂᓱ ᒋᔅᒋᓄᐊᒧᐛᑭᓐᒡ ᒂ ᐃᑐᑕᒡ ᐊᓐᑕ ᐅᑕᓇᒡ, ᒂ ᑐᑕᒡ ᐊᓂᔭ ᑲ ᐃᑎᓱᒥᑯᒡ ᒋᓴᓴ᙮

ᓗᒃ 24:27

ᐊᑯ ᒋᓴᔅ ᒂ ᒋᒋ ᐛᐎᑎᒧᐛᑦ ᐊᓂᔭᔪᐛ ᓇᐸᐛ ᒥᓯᐛ ᑕᓐ ᑲ ᐃᑎᓯᓇᐃᑭᓄᐎᒡ ᐊ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᒧᓱᔅ ᑕᓐ ᑲ ᐃᑎᔅᑕᔨᒡ ᐊ ᐊᔨᒧᒥᑯᑦ ᒋ ᐅᒋ ᒋᒋᐱᔨᑕᐤ ᒐᒃ ᒂ ᐅᑎᑕᐊᐧᒃ ᑕᓐ ᑲ ᐃᓯ ᒥᓯᓇᐊᒥᔨᒋ ᐊ ᐊᔨᒧᒥᑯᑦ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮

ᒠᓐ 1:49

ᓇᑕᓂᔭᓪ ᒂ ᐃᑕᑦ, “ᒋᔅᑯᑎᒪᒐᓱᐤ, ᐊᐅᒄ ᒋᔾ ᑕᑈ ᒋᓴᒪᓂᑐᐤ ᐅᑯᓴ, ᐊᐅᒄ ᒋᔾ ᒋᓴᐅᒋᒪᐤ ᐅᑕ ᐃᔅᕋᐃᓕᒡ᙮”

2 ᑯᕆᓐᑎᔭᓇ 10:1

ᑎᑯᓐ ᒐ ᐃᓯ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ᐃᑕᔨᑕᑯᓯᓐ ᐊᓐ ᐊ ᐃᓯ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ᑕᐛᒄ ᐊ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ᑕᐅᒡ ᐊ ᐅᒋ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮