ᒪᑎᔪᐤ 21:46 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁶ ᒋ ᐎ ᒪᑯᓇᐅᒡ ᒪᒃ ᐊᓂᔭ ᒋᓴᓴ, ᒥᒄ ᒋ ᑯᔅᑕᐅᒡ ᐊᓂᔭ ᐃᔪᐛ ᑕᓐ ᒐ ᐃᑎᔨᒋ ᐛᔅ ᐊᓐᒡ ᐃᔪᒡ ᓇᔅᒡ ᒋ ᒐᔅᑎᓇᑕᔨᑎᒧᒡ ᒋᓴᓴ ᐊ ᒋᔅᒋᐛᐃᒐᓯᐅᔨᒋ᙮

ᒪᑎᔪᐤ 21:46 ပူးပေါင်းရင်းမြစ်များ

ᒪᑎᔪᐤ 21:11

ᐊᑯ ᒂ ᐃᑎᑯᒡ ᐊᓂᔭ ᐃᔪᐛ ᑲ ᐎᒐᐛᔨᒋ ᒋᓴᓴ, “ᒋᓴᔅ ᐊᓐ᙮ ᐊᐅᑯᓐ ᐅ ᐅᒋᔅᒋᐛᐃᒐᓱᐤ ᐊᓐᑕ ᓇᓴᕆᑎᒡ, ᑲᓕᓕ ᐊᔅᒋᒡ, ᑲ ᐅᒋᑦ᙮”

ᒪᑎᔪᐤ 21:26

ᒪᒃ ᐃᔅᒋᔄᔭᒂ ‘ᐃᔪᐛ ᒋ ᐃᑎᑯᐤ,’ ᒋᑭ ᐎ ᐃᔭᒂᒥᔅᑐᐛᓄᐅᒡ ᑕᓐ ᒐ ᐃᑐᑕᑕᐧᑯᒡ ᐊᓐᒡ ᐃᔪᒡ᙮ ᐛᔅ ᒥᓯᐛ ᑕᑈᑎᒧᒡ ᒠᓇ ᐊᒋ ᐅᒋᔅᒋᐛᐃᒐᓱᔨᒋ᙮”

ᒪᑎᔪᐤ 21:45

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ᐸᑐᐛᐅᒡ ᒋᓴᓴ ᐊ ᐎᑎᒥᔨᒋ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, ᒋ ᒋᔅᒐᔨᑎᒧᒡ ᒪᒃ ᐎᔨᐛᐤ ᐊ ᐊᔨᒧᒥᑯᒡ᙮

ᒪᑎᔪᐤ 22:1

ᐊᑯ ᒋᓴᔅ ᒥᓐ ᒂ ᐃᔨᒪᐊᑦ ᐊᓂᔭ ᐃᔪᐛ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐊᐱᒋᑕᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:18

ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒋ ᐸᑎᒧᒡ ᐅᔭ ᐊᒋ ᐃᔅᒋᔄᔨᒂᓂ᙮ ᐊᓂᔭ ᒪᒃ ᒥᓯᐛ ᐊᐛᔪᐛ ᐊ ᒥᔅᑲᓯᑎᒥᔨᒋ ᑕᓐ ᑲ ᐃᓯ ᒋᔅᑯᑎᒪᒐᔨᒋ ᒋᓴᓴ ᒋ ᓴᒋᓱᐅᒡ ᐅᒡ ᒋᓴᐊᔭᒥᐊᐅᒋᒪᐅᒡ ᑭᔭ ᐊᓐᒡ ᒥᓯᓇᐃᒐᓱᐅᒡ ᐊᑯ ᑲ ᓇᓂᑐ ᒋᔅᒐᔨᑕᒡ ᑕᓐ ᒐᒋ ᐃᑎᒡ ᒐᒋ ᓂᐸᐊᑭᓄᔨᒋ ᒋᓴᓴ᙮

ᓗᒃ 7:16

ᒥᓯᐛ ᒪᒃ ᐊᓐᑕ ᑲ ᑎᓯᒡ ᐊᐛᓐᒋ ᒋ ᓴᒋᓱᐅᒡ ᐊᑯ ᒂ ᒋᔅᑕᒋᒪᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᔅᒋ ᐅᑎᑎᑯᓄᐤ ᐊ ᒋᔅᑕᔨᑕᑯᓯᑦ ᐅᒋᔅᒋᐛᐃᒐᓱᐤ᙮ ᑭᔭ ᒋ ᐃᔅᒋᔄᐅᒡ, ᒋᓴᒪᓂᑐᐤ ᐸᒋ ᐎᒋᐊᐤ ᐅᑦ ᐃᔨᒪ᙮”

ᓗᒃ 7:39

ᐊᓐ ᒪᒃ ᐸᕆᓯ ᑲ ᐎᓴᒪᑦ ᒋᓴᓴ, ᐃᔅᐱ ᐎᔭᐱᒪᑦ ᐊᓂᔭ ᐃᔎᐛ ᐊᓂᔭ ᐊ ᐃᑎᔨᒋ ᒋ ᐃᑕᔨᒪᐤ, “ᒋᐸ ᒋᔅᒐᔨᒪᐤ ᐅᔭ ᐃᔎᐛ ᐊᔅᐱᔅ ᒥᒐᑎᓯᔨᒋ ᑲ ᑕᒋᓂᑯᑦ ᑕᑈ ᐊ ᐅᒋᔅᒋᐛᐃᒐᓱᐅᒂ᙮”

ᒠᓐ 7:30

ᐊᑯᑕ ᑲ ᐎ ᒪᑯᓇᒡ ᒋᓴᓴ ᒥᒄ ᒪᒃ ᓇᒪ ᐅᒋ ᐱᐃᔨᒪᐅᒡ, ᐛᔅ ᐊᔅᒄ ᓇᒪ ᐅᒋ ᐅᑎᒋᐱᔪᐤ ᐊᓐᑕ ᒋᐸ ᒪᑯᓇᑭᓄᐤ᙮

ᒠᓐ 7:7

ᑕᐸ ᑎᑯᓂᔪᐤ ᒐᒂᔪᐤ ᒐᒋ ᐅᒋ ᐛᐧᑲᑎᑕᑯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᒥᒄ ᒪᒃ ᓂ ᐛᐧᑲᑎᑯᒡ ᓂᔾ ᐛᔅ ᓂ ᐎᑕᓐ ᑕᓐ ᐊᔅᐱᔅ ᒥᒐᑎᓯᓇᓄᐅᒡ᙮

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮