ᒪᑎᔪᐤ 21:41 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴¹ ᐊᑯ ᐊ ᑎᑯᑦ ᐊᓂᔭ ᑲ ᑎᐸᒋᒧᔅᑐᐛᑦ ᐃᔪᐛ, “ᑎᑯᓯᒐ ᐊᓐ ᐅᒋᒪᐤ ᒋᑭ ᓂᐸᐊᐤ ᐊᓂᔭᔪᐛ ᒥᒋ ᐊᐱᒋᐊᑭᓇ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᒪᒃ ᐅᔭ ᒐ ᒥᔨᑯᑦ ᐎᔾ ᑕᓐ ᐊ ᐃᓯ ᑎᐱᔨᐛᐅᓯᑦ ᐃᔅᐱ ᒋ ᐃᓯ ᓂᑕᐅᒋᓂᒂᐛ ᐊᓂᔭ ᐅᓂᑕᐅᒋᑕᑭᓇ᙮”

ᒪᑎᔪᐤ 21:41 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 2:9

ᒋᑭ ᐱᒂᐛᐅᒡ ᐃᔨᓴᒄ ᐱᓯᔅᑕᐃᑭᓂᔪᐤ ᐅᒡ; ᒋᑭ ᐱᐱᓴᐛᐅᒡ ᒧᔭᒻ ᐊᓯᔅᒋᔾ ᐎᔭᑭᓂᒐᐤ ᐎᔭᑭᓂᔪᐤ᙮”

ᒪᑎᔪᐤ 21:34

ᐃᔅᐱ ᒪᒃ ᐛᑎᒋᐱᔨᒡ ᒐ ᒪᒧᓴᒋᓂᑭᓄᔨᒋ ᐊᓂᔭ ᒥᓂᓴ ᐊᓐᑕ ᒥᔅᑎᑯᒡ ᑲ ᓂᑕᐅᒋᒋ ᒋ ᐃᑎᓴᐛᐤ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᑲ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ᐊᔭᐤ᙮

ᒪᑎᔪᐤ 21:40

ᐊᑯ ᒋᓴᔅ ᐊᑕᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᑲ ᑎᐸᒋᒧᔅᑐᐛᑦ, “ᑕᓐ ᒪᒃ ᐊ ᐃᑕᔨᒪᒄ ᒐ ᐃᑐᑐᐛᑦ ᐊᓐ ᐅᒋᒪᐤ ᐊᓂᔭ ᑲ ᓂᓇᑭᑐᐛᔨᑎᒥᔨᒋ ᐅᓂᑕᐅᒋᑕᑭᓇ ᐃᔅᐱ ᑎᑯᓯᒐ ?”

ᒪᑎᔪᐤ 21:43

ᐊᑯ ᒋᓴᔅ ᒂ ᐊᑎ ᐃᑕᑦ, “ᐅ ᒪᒃ ᒋ ᐎ ᐃᓯ ᐎᑎᒪᑎᓇᐛᐤ, ᒋᓴᒪᓂᑐᐤ ᐅᒋᓴᐅᒋᒪᐅᓐ ᒋᑭ ᒥᔅᑭᒥᑯᓇᐛᐤ, ᐊᑯ ᒐ ᐊᓱᒥᔭᑭᓄᐎᒡ ᐊᓐᒡ ᑕᑈ ᒐ ᓄᑯᑕᐛᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᐱᒪᑎᓯᐅᓄᐛᒡ᙮

ᒪᑎᔪᐤ 3:12

ᐅ ᒐ ᑎᑯᓯᐧᒃ ᒋᑭ ᐃᑕᔨᑕᑯᓱᐤ ᒧᔭᒻ ᓇᐸᐤ ᑲ ᐸᔭᒋᑕᑦ ᐸᒂᓯᑭᓂᒥᓇᑎᑯᔪᐤ ᐊᓐᑕ ᒐᒋ ᐅᑎᓇᑦ ᐸᒂᓯᑭᓇ ᑭᔭ ᑎᐸᓂᔅᑕᐤ ᐊᓂᔭᔪᐛ ᑲ ᒥᔽᔨᒋ ᐊᓐᑕ ᐊᔅᑕᓱᐅᒋᐛᐱᒡ᙮ ᐊᑯ ᐊᓂᔭᔪᐛ ᐊᑲ ᐎᔭᔅ ᐃᑕᐱᑎᓂᔨᒋ ᐃᔎᓯᒻ ᐊᓐᑕ ᐊᑲ ᓂᑕ ᐊᔅᑐᐛᔨᒡ ᐃᔅᑯᑕᔪᐤ᙮” ᐊᐅᒄ ᒪᒃ ᐅᔭ ᑲ ᐃᑕᑦ ᒠᓐ ᐅᓯᑲᐃᑕᒐᐤ ᐊᓂᔭᔪᐛ ᐃᔪᐛ ᑲ ᐸᒋ ᓂᑐᑕᑯᑦ ᐊ ᑭᒐᔅᒋᒧᑦ᙮

ᓗᒃ 20:16

ᑭᑈ ᒐ ᒋᐛᑦ ᐊᓐ ᐅᒋᒪᐤ ᒐ ᓂᐸᐊᑦ ᐊᓂᔭᔪᐛ ᓇᐸᐛ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᓂᑕᐅᒋᑕᑭᓇ᙮” ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑕᒡ ᐅᔭ, ᒋ ᐃᑕᐅᒡ, “ᑭᒪ ᐊᑲ ᓂᑕ ᒋᑦ ᐃᔅᐱᔨᒡ ᐅ᙮”

ᐊᑈᔅᑕᓇᒡ 15:7

ᓇᐅᔅ ᒪᒃ ᒋ ᐃᔭᔨᒧᑎᒧᒡ ᐅᔭ ᐊᑯ ᐱᑕᕐ ᒂ ᐅᒋ ᐱᓯᑯᑦ ᐊ ᐃᔅᒋᔄᑦ, “ᓂᐧᑲᓂᓯᑐᒄ, ᒋ ᒋᔅᒋᓯᓇᐛᐤ ᒋᓴᒪᓂᑐᐤ ᐊᒋ ᐅᑎᓂᑦ ᒐᒋ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ, ᒐᒋ ᐅᒋ ᐸᑕᒡ ᑭᔭ ᒐᒋ ᑕᑈᑕᒡ᙮

ᐊᑈᔅᑕᓇᒡ 18:6

ᒋ ᐊᓏᑕᑯᐤ ᒪᒃ ᑭᔭ ᒋ ᒪᔭᔨᒥᑯᐤ ᐊᑯ ᑈᓪ ᒂ ᐸᐳᐛᒄ ᐅᑦ ᐊᐱᒋᑕᐅᓇ ᐊ ᓄᑯᑕᑦ ᐊᑲ ᓂᐃᔅᑲᑯᑦ ᐊᓂᔭ ᐊ ᐃᑎᔨᒋ᙮ ᐊᑯ ᒂ ᐃᑕᑦ, “ᒋᔨᐛᐤ ᒋᑭ ᐃᑐᑕᓱᓇᐛᐤ ᓂᓱᐅᓇᑎᓯᔭᒂ, ᓇᒪᔭᐤ ᓂᔾ ᒐ ᑐᑕᑎᑯᒡ᙮ ᐛᔅ ᐊᐅᑯᐤ ᒐ ᒋᒋᐱᔭᓐ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ᙮”

ᐊᑈᔅᑕᓇᒡ 28:28

ᐊᑯ ᑈᓪ ᒂ ᐃᔅᒋᔄᑦ, “ᒐ ᐎ ᒋᔅᒐᔨᑎᒪᒄ ᒪᒃ ᒋᓴᒪᓂᑐᐤ ᐊ ᐃᑎᓴᐅᑯᔭᒡ ᒐᒋ ᐛᐎᑎᒪᒡ ᒐᒋ ᐱᒪᒋᐊᑭᓄᐎᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᐛᓐᒋ᙮ ᒋᑭ ᓂᑐᑎᒧᒡ ᒪᒃ ᐅᒡ ᐎ᙮”

ᐊᑈᔅᑕᓇᒡ 28:8

ᐅ ᒪᒃ ᐳᐱᓕᔭᔅ ᐅᑕᐎᔭ ᒋ ᐊᐧᑯᓯᔪᐛ, ᐊ ᒋᓯᑕᐅᐱᔨᒋ ᑭᔭ ᐊ ᓱᐎᒂᔨᒡ ᐊ ᒥᓯᔨᒋ᙮ ᐊᑯ ᑈᓪ ᒂ ᐱᒐᐛᑦ ᐊᓐᑕ ᑲᐃᐱᓇᓄᐅᒡ, ᒂ ᑕᒋᓇᑦ ᐊ ᐊᔭᒥᐊᔅᑎᒧᐛᑦ, ᒂ ᒥᓏᒋᐊᑦ᙮

1 ᑕᓴᓗᓂᔭᓇ 2:16

ᐛᐛᒡ ᓂᒋ ᐎ ᒋᐱᒋᐃᑯᓇᓂᒡ ᐊ ᐛᐎᑎᒪᒥᒋᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭ ᒥᔽᒋᒧᐅᓂᔪᐤ ᒐ ᐱᒪᒋᐃᑯᔨᒋ᙮ ᐊᑯᑕ ᐛᒋ ᑕᐱᐱᔨᑕᒡ ᑕᓐ ᒧᔅ ᑲ ᐃᓯ ᐸᒋ ᐅᓂᑐᑕᒡ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᒋᔄᐊᒡ ᑭᔭ ᒐᒋ ᐛᐛᓯᐃᑯᒡ ᒋᓴᒪᓂᑐᐛ᙮

ᐃᑉᕈᐛ 12:25

ᐊᑯ ᒪᒃ ᐃᔭᒂᒥᒄ ᒐᒋ ᓂᑐᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ᙮ ᐊᓐᒡ ᐃᔅᕋᐃᓪ ᐃᔪᒡ ᓇᒪ ᐅᒋ ᐎ ᓂᓇᐃᑐᐛᐅᒡ ᐊᓂᔭ ᐅᑕ ᐊᔅᒋᒡ ᑲ ᑕᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑲ ᐛᐎᑎᒥᔨᒋ, ᑭᔭ ᓇᒪ ᐅᒋ ᐱᒪᒋᐊᑭᓄᐅᒡ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒐ ᐱᒪᒋᐃᑯᔭᐧᒄ ᒋᔭᓄᐤ ᐊᑲ ᓂᑐᑐᐛᒂ ᒋᓴᒪᓂᑐᐤ ᒋᒋᒋᓯᑯᒡ ᐊ ᐅᒋ ᐃᔨᒥᐃᑕᐧᒄ ? ᓇᒪ ᑭᔭ ᒋᔭᓄᐤ ᒋᑭ ᒋ ᒋᑎᓯᒧᑕᓇᓄᐤ ᐛᐛᓯᐃᑯᓯᐅᓐ᙮

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮