ᒪᑎᔪᐤ 20:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐃᔅᐱ ᒪᒃ ᐛᑕᑯᓯᔨᒡ, ᐅᒋᒪᐤ ᒋ ᐃᑕᐤ ᐊᓂᔭ ᑲ ᓂᓇᑭᑐᐛᔨᒪᔨᒋ ᐊᓂᔭ ᑲ ᐊᑐᔅᒐᓯᔨᒋ, “ᐎᓴᒥᒡ ᐊᓐᒡ ᑲ ᐊᐱᒋᐃᒂᐤ, ᒥᓯᐛ ᒐ ᒋᓯᐧᑯᐅᑥᐤ ᐊᓐᒡ ᑲ ᐊᑐᔅᒐᒡ᙮ ᒪᔅᑕᔾ ᐊᓐᒡ ᑲ ᐅᑎᓇᑭᓄᐅᒡ ᓂᔅᑎᒻ ᒐ ᒋᓯᐧᑯᐅᑥᐤ, ᐊᑯ ᒥᓐ ᐊᓐᒡ ᑯᑎᑭᒡ ᑕᓐ ᒥᒄ ᑲ ᐊᑎ ᐃᑎᔅᑲᑐᒡ ᐊ ᐅᑎᓇᑭᓄᐅᒡ, ᒐ ᐊᑎ ᐅᑎᑕᐅᑥᐤ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ᙮ ᐊᐅᑯᓐᒡ ᐅᒡ ᓂᔅᑎᒻ ᑲ ᐅᑎᓇᑭᓄᐅᒡ ᒪᔅᑕᔾ ᒐ ᒋᓯᐧᑯᐅᑥᐤ᙮”

ᒪᑎᔪᐤ 20:8 ပူးပေါင်းရင်းမြစ်များ

ᒐᓂᓯᔅ 15:2

ᒥᒄ ᐊᑉᕋᒻ ᐃᑕᐤ, “ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒂᓐ ᒐ ᒥᔨᓐ ? ᐊᔅᒄ ᓇᒪ ᓂ ᐅᑦ ᐊᐛᓯᒥᓐ᙮ ᐃᓕᐃᓱᐤ ᑕᒪᔅᑲᔅ ᑲ ᐅᒋᑦ ᐊᐅᑯᓐ ᒐ ᑎᐸᔨᑕᐧᒃ ᓂᑎᐸᔨᑎᒧᐅᓇ ᐃᔅᐱ ᐳᓂᐱᒪᑎᓯᔭᓇ᙮”

ᒐᓂᓯᔅ 43:19

ᐊᑯ ᓂᔭᑕᒡ ᑲ ᑭᓄᐛᔨᑎᒥᔨᒋ ᒥᒋᐛᐱᔪᐤ ᑭᔭ ᒋ ᐃᔨᒪᐊᐅᒡ ᒪᒃ ᒋᐱᔎᒡ ᒥᒋᐛᐱᒡ,

ᒪᑎᔪᐤ 20:7

ᐊᑯ ᐊᑎᑯᑦ, “ᓇᒪ ᐊᐛᓐ ᐊᔅᒄ ᓂ ᐅᒋ ᐅᑎᓂᑯᓇᓐ᙮” ᐊᑯ ᐊᑕᑦ, “ᑭᔭ ᒋᔨᐛᐤ ᒪ ᐊᑐᔅᒐᒄ ᐊᓐᑕ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮”

ᒪᑎᔪᐤ 20:9

ᐊᓐᒡ ᒪᒃ ᓇᐸᐅᒡ ᐱᑕᑕᒡ ᑲ ᐃᔅᐱᔨᒋ ᑲ ᐅᑎᓇᑭᓄᐅᒡ ᐊᐅᑯᓐᒡ ᓂᔅᑎᒻ ᑲ ᒋᓯᐧᑯᐛᑭᓄᐅᐅᒡ᙮ ᐸᐃᒄ ᓱᓇᔭᐱᔎ ᒋ ᒥᔭᑭᓄᐎᒡ᙮ ᐊᐅᑯᓐ ᒪᒃ ᑲ ᐃᔅᐱᔅ ᒋᓯᐧᑯᐛᑭᓄᐅᒡ ᒥᓯᐛ ᐊᓐᒡ ᑲ ᐅᑎᓇᑭᓄᐅᒡ ᐊᓂᔭ ᒐᓯᑲᔨᒡ, ᑭᔭ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ᙮

ᒪᑎᔪᐤ 25:19

“ᓇᐅᔅ ᒪᒃ ᓇᒪ ᐅᒋ ᑕᔪᐛ ᐊᓂᔭ ᐅᒋᒪᒧᐛᐛ ᐊᓐᒡ ᐊᐱᒋᐊᑭᓐᒡ ᒐᒃ ᒂ ᐸᒋ ᒋᐛᔨᒋ ᐊᑯ ᒂ ᑯᒂᒋᒧᑯᒡ ᑕᓐ ᑲ ᑐᑕᒡ ᐊᓂᔭ ᓱᓇᔭᔪᐤ ᑲ ᒥᔨᑯᒡ᙮

ᒪᑎᔪᐤ 25:31

“ᐊᓐᑕ ᒪᒃ ᓂᑲᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᓐᒐ ᓇᔅᒡ ᐊ ᒋᔅᑕᔨᑕᑯᓯᑦ ᑭᔭ ᐊ ᓱᒐᔨᑕᑯᓯᑦ ᒥᓯᐛ ᐊᓐᒋᓇ ᐊ ᐸᒋ ᐎᒐᐛᑦ, ᐊᑯ ᒐ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᓐᑕ ᒐᒋ ᐅᒋ ᑎᐸᔅᑯᓇᑦ ᐊᐛᔪᐛ᙮

ᓗᒃ 10:7

ᐊᑯᑕ ᒪᒃ ᒐ ᑕᔭᒄ ᐊᓐᑕ ᐊᓐ ᒥᒋᐛᑉ ᐊ ᑕᒡ ᐊᓐᒡ ᐊ ᐎ ᐊᔭᒡ ᒋᔭᒪᔨᑎᒧᐅᓂᔪᐤ᙮ ᐊᑯᑕ ᒐ ᒥᒋᓱᔭᒄ ᑭᔭ ᒐ ᒥᓂᔭᒄ ᑕᓐ ᒐ ᐃᓯ ᒥᔨᑯᐅᔭᒄ, ᐛᔅ ᐊᐛᓐ ᑲ ᐊᑐᔅᒐᑦ ᑕᑈ ᐃᑕᔨᑕᑯᓱᐤ ᒐᒋ ᑎᐸᐊᒧᐛᑭᓄᐅᑦ᙮ ᐊᑲᐎᔾ ᐊᓱᐱᒐᒄ ᒥᒋᐛᑉ, ᐊᑯᑕ ᒥᒄ ᑕᒄ ᐊᓐᑕ ᑲ ᐱᑎᑲᐃᑯᐅᔭᒄ᙮”

ᓗᒃ 12:42

ᐅᑎᐸᔨᒋᒐᐤ ᒋ ᐃᔅᒋᔄᐤ, “ᐊᐱᒋᐊᑭᓐ ᑯᐃᔅᒄ ᑲ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ᐃᑈᐧᑲᑦ ᐊᐅᒄ ᒐ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᐧᑲᑐᐛᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ᐊᓯᒪᑭᓄᔨᒋ᙮

ᓗᒃ 8:3

ᑭᔭ ᒍᐛᓇ ᒋ ᐎᒋᐃᐛᐤ᙮ ᐅ ᐃᔎᐤ ᒍᓴ ᒋ ᐃᓯᓂᐧᑲᓱᔪᐛ ᐅᓇᐸᒪ, ᒋ ᑎᐸᔨᒪᐤ ᑲ ᐊᑐᔅᒐᔅᒋᔨᒋ, ᒋᓴᐅᒋᒪᐛ ᐊᕈᑕ ᒋ ᐊᑐᔅᑯᐛᔪᐛ᙮ ᑭᔭ ᓱᓴᓇ ᒋ ᐎᒋᐃᐛᐤ᙮ ᒥᒐᑦ ᒪᒃ ᒥᓐ ᑯᑎᑭᒡ ᐃᔎᐅᒡ ᒋ ᐎᒐᐛᐅᒡ ᒋᓴᓴ᙮ ᑎᐱᔨᐛ ᒪᒃ ᐅᓱᓇᔭᓂᒧᐛᐤ ᒋ ᐊᐱᒋᑕᐅᒡ ᐅᒡ ᐃᔎᐅᒡ ᐊ ᐎᒋᐊᒡ ᒋᓴᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ᙮

2 ᑯᕆᓐᑎᔭᓇ 5:10

ᐛᔅ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᒋᑭ ᐅᑎᔅᑯᑲᐳᔅᑐᐛᓄᐤ ᙭ ᐊᓐᑕ ᐊ ᐱᑦ ᒐᒋ ᑎᐸᔅᑯᓂᑕᐧᒄ ᐊᑯ ᒪᒃ ᒥᓯᐛ ᐸᐸᐃᒄ ᒐ ᒥᔨᑕᐧᒄ ᑕᓐ ᐊᓐ ᐊ ᐃᑕᔨᑕᒂᒡ ᒐᒋ ᒥᔨᑯᐛᐅᐧᑯᐱᓇ ᒥᒄ ᑕᓐ ᑲ ᐃᑐᐛᐛᒂ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᔭᐧᒄ, ᑲ ᒥᔪ ᐃᑐᐛᐛᒂ ᑭᔭ ᒪᒃ ᐊᑲ ᐅᒋ ᒥᔪ ᐃᑐᐛᐛᒂ᙮

ᑕᐃᑕᔅ 1:7

ᐊᓐ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ, ᓇᒪ ᒋᐸ ᐅᒋ ᒥᒋᑐᑎᒻ ᐊᓐᑕ ᒐᒋ ᐅᒋ ᐊᑕᒪᔨᒪᑭᓄᐅᑦ ᒐᒂᔪᐤ, ᐛᔅ ᒋᓴᒪᓂᑐᐛ ᐊᑐᔅᑯᐛᐤ᙮ ᓇᒪ ᒋᒋᐛ ᒋᐸ ᐅᒋ ᐃᑕᔨᒥᓱᐤ, ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ, ᑭᔭ ᓇᒪ ᒋᐸ ᐅᒋ ᐎᒋᐸᐤ, ᑭᔭ ᓇᒪ ᒋᐸ ᐅᒋ ᐊᐧᑯᔪᐛᓱᐤ, ᑭᔭ ᓇᒪ ᒋᐸ ᐅᒋ ᓴᒋᑕᐤ ᓱᓇᔭᔪᐤ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

1 ᐱᑕᕐ 4:10

ᒥᓯᐛ ᐸᐸᐃᒄ ᐊᐛᓐ ᑎᑯᓂᔪᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᐅᒄ ᒪᒃ ᐅᔭ ᑭᔅᒋᐅᓂᔪᐤ ᒋᐸ ᐊᐱᒋᑕᐤ ᐊ ᐛᐎᒋᐊᑦ ᑯᑎᑲ ᐊᐛᔪᐛ, ᐊ ᐊᓱᐤ ᒥᔭᑦ ᐊᐛᔪᐛ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮