ᒪᑎᔪᐤ 20:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᒋᓴᔅ ᒪᒃ ᒋ ᒋᔅᑎᒪᒐᔨᒪᐤ, ᒂ ᑕᒋᓂᒺᑦ ᐅᔅᒋᓯᑯᔪᐛ, ᑎᐛᒡ ᒪᒃ ᒋ ᐛᐸᑎᒥᔪᐛ, ᐊᑯ ᒂ ᐊᑎ ᓇᓴᐅᑯᑦ᙮

ᒪᑎᔪᐤ 20:34 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 119:67

ᐊᒺᔭ ᐅᒋ ᒪᒂᔨᑎᒪᓐ ᓂᒋ ᐛᓂᓯᓐ; ᐊᓄᒡ ᒪᒃ ᓂᒋ ᑭᓄᐛᔨᑕᓐ ᒋᑦ ᐃᔨᒧᐅᓐ᙮

ᑎᐱᑦ ᐅᓂᑭᒧᐅᓇ 119:71

ᒥᔽᓱᐤ ᐊᒋ ᒪᒂᔨᑎᒪᓐ; ᒐᒋ ᒋᔅᒐᔨᑎᒪᓐ ᒋᑦ ᐃᑎᓱᐛᐅᓇ᙮

ᑎᐱᑦ ᐅᓂᑭᒧᐅᓇ 145:8

ᑎᐸᔨᒋᒐᓱᐤ ᒋᓴᐛᑎᓯᐤ, ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ; ᓇᒪ ᑎᐛᒡ ᒋᔄᓯᑦ, ᑭᔭ ᓇᔅᒡ ᐊ ᓱᐛᔨᒋᒐᑦ᙮

ᒪᑎᔪᐤ 14:14

ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ᒋᔅᑎᒪᒐᔨᒪᐤ, ᑭᔭ ᒋ ᒥᓏᒋᐊᐤ ᐊᓂᔭ ᑲ ᐸᓱᐛᑭᓄᔨᒋ ᑲ ᐊᐧᑯᓯᔨᒋ᙮

ᒪᑎᔪᐤ 15:32

ᐊᑯ ᒋᓴᔅ ᒂ ᐎᓴᒪᑦ ᐅᒋᔅᒋᓄᐊᒧᐛᑭᓇ, ᒂ ᐃᑕᑦ, “ᓇᔅᒡ ᐊ ᒋᔅᑎᒪᒐᔨᒥᒂᐤ ᐅᒡ ᐃᔪᒡ, ᓴᔅ ᓂᔅᑐ ᒋᓯᑲᐛ ᑕᐅᒡ ᐅᑕ ᐊ ᑕᐅᒡ, ᓇᒪ ᒪᒃ ᓴᔅ ᑎᑯᓂᔪᐤ ᒐᒂᔪᐤ ᒐ ᒥᒋᒡ᙮ ᓇᒪ ᑭᔭ ᓂ ᐎ ᒋᑎᓴᐛᐅᒡ ᐊ ᓯᐛᔨᒡ, ᒂᔄᓐ ᒋᑭ ᐊᑎ ᓄᑕᐧᑭᑕᐅᒡ ᒪᒂᒡ ᐊ ᐱᒧᑕᒡ᙮”

ᒪᑎᔪᐤ 20:33

ᒋ ᐃᑕᐅᒡ ᒪᒃ, “ᐅᑎᐸᔨᒋᒐᐤ, ᐃᑐᑐᐅᓇᓐ ᒪ ᒐᒋ ᐛᐸᑎᒪᒡ᙮”

ᒪᑎᔪᐤ 21:1

ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐᑕ ᒋᕈᓯᓕᒥᒡ ᒋ ᐎ ᐃᑐᑕᐅᒡ᙮ ᐃᔅᐱ ᐊ ᐊᑎ ᐸᓱᐛᐸᑕᒡ ᒋ ᐅᑎᑎᒧᒡ ᐊᓂᔭ ᐅᑕᓇᔪᐤ ᐸᑦᐸᐃᒡ ᑲ ᐃᓯᓂᐧᑲᑕᔨᒡ᙮ ᐊᓐᑕ ᐱᔅᑯᑎᓇᐤ ᐊᓕᐱᔅ ᑲ ᐃᓯᓂᐧᑲᑕᒡ ᐊᑯᑕ ᐊ ᑎᒂᒡ ᐅ ᐅᑕᓇᐤ᙮ ᐊᑯᑕ ᒪᒃ ᐅᑕ ᒋᓴᔅ ᑲ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ,

ᒪᑎᔪᐤ 8:15

ᐊᑯ ᒋᓴᔅ ᐛᑎᓂᒺᑦ ᐊᓂᔭ ᐃᔎᐛ ᐅᑎᒋᔪᐤ, ᑎᐛᒡ ᒋ ᓂᑯᑎᑯᔪᐛ ᐊᓂᔭ ᑲ ᒋᓯᑕᐅᐱᔨᒋ, ᒂ ᐊᑎ ᐅᓂᔨᒋ ᑭᔭ ᒂ ᐊᑎ ᐃᑐᑕᑯᑦ ᒋᓴᔅ᙮

ᒪᑎᔪᐤ 9:29

ᐊᑯ ᒋᓴᔅ ᒂ ᑕᒋᓂᒺᑦ ᐊᓂᔭ ᐅᔅᒋᓯᑯᔪᐛ, ᐊ ᐃᑕᑦ, “ᑕᓐ ᐊᓐ ᐊ ᐃᓯ ᑕᑈᔭᔨᑎᒪᒄ ᐊᑯᓐ ᒐ ᐃᓯ ᐃᑐᑎᒪᑯᔭᒄ᙮”

ᒪᑎᔪᐤ 9:36

ᐃᔅᐱ ᒪᒃ ᐎᔭᐱᒪᑦ ᐊᓂᔭ ᒥᒐᑦ ᐃᔪᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐛᔅ ᓇᔅᒡ ᐊ ᒥᑯᔅᑲᑕᔨᑎᒥᐊᑭᓄᔨᒋ ᑭᔭ ᐊᑲ ᐊᔭᔨᒋ ᐊᔅᐸᔨᒧᐅᓂᔪᐤ, ᒧᔭᒻ ᒪᔭᑕᓂᓯᒡ ᐊ ᐃᓯᓇᑯᓯᒡ ᐊᑲ ᐊᔭᐛᒡ ᒪᔭᑕᓂᓯᐅ-ᐃᔪᐛ ᒐ ᑭᓄᐛᔨᒥᑯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:33

ᐊᑯ ᒋᓴᔅ ᒂ ᒋᑐᑕᐊᑦ ᐊᓂᔭᔪᐛ ᓇᐸᐛ ᒥᒄ ᐎᔨᐛᐤ ᒐᒋ ᓂᓯᒡ, ᐊᑯ ᒂ ᐳᒋᔅᑐᑭᔭᓇᑦ, ᑭᔭ ᒋ ᓯᔅᑎᑯᐤ ᐊᑯ ᒂ ᑕᒋᓂᒺᑦ ᐅᑕᔨᔪᐤ᙮

ᓗᒃ 18:43

ᑎᐛᒡ ᒪᒃ ᓇᔅᒡ ᒋ ᐛᐸᑎᒻ, ᒂ ᐊᑎ ᓇᓴᐛᑦ ᒋᓴᔅ ᐊ ᒪᒥᒋᒪᑦ ᒋᓴᒪᓂᑐᐛ᙮ ᐃᔅᐱ ᒪᒃ ᒥᓯᐛ ᐊᐛᓐ ᐎᔭᐸᑕᐧᒃ ᐅᔭ ᐊ ᐃᔅᐱᔨᒡ, ᑭᔭ ᐎᔨᐛᐤ ᒋ ᒪᒥᒋᒪᐅᒡ ᒋᓴᒪᓂᑐᐛ᙮

ᓗᒃ 22:51

ᒋᓴᔅ ᒪᒃ ᒋ ᐃᑕᐤ, “ᐊᑯᓐ᙮” ᐊᑯ ᒪᒃ ᑲ ᑕᒋᓂᒧᐛᑦ ᐅᑐᐅᑭᔪᐤ ᐊᓂᔭᔪᐛ ᐊᐱᒋᐊᑭᓇ, ᒂ ᒥᓏᒋᑕᐛᑦ᙮

ᓗᒃ 7:13

ᐃᔅᐱ ᒪᒃ ᐅᑎᐸᔨᒋᒐᐤ ᐎᔭᐱᒪᑦ ᐊᓂᔭ ᐃᔎᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐊᑯ ᒂ ᐃᑕᑦ, “ᐊᑲᐎᔾ ᒪᒄ᙮”

ᐊᑈᔅᑕᓇᒡ 26:18

ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

1 ᐱᑕᕐ 3:8

ᐅ ᒪᒃ ᒥᓯᐛ ᑲ ᐃᓯ ᐊᔨᒧᑎᒪᑎᑯᒡ ᒥᓯᐛ ᐊ ᑎᓯᔭᒄ ᓱᒃ ᐸᐃᑯᓄᒡ ᐃᓯ ᒪᒥᑐᓇᔨᑎᒧᒄ ᐊ ᒋᔅᑎᒪᒐᔨᒥᑐᔭᒄ ᑭᔭ ᓴᒋᐃᑐᒄ ᑕᐱᔅᑯᓐ ᐊ ᐎᐧᑲᓂᓯᑕᑐᔭᒄ ᑭᔭ ᒋᓴᐛᑐᑕᑐᒄ᙮ ᓱᒃ ᒧᔅ ᑎᐱᑕᔨᒧᒄ᙮