ᒪᑎᔪᐤ 20:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᓂᓱ ᒪᒃ ᓇᐸᐅᒡ ᐊᑲ ᐛᐸᑕᒡ ᐊᓐᑕ ᐅᐱᒪᔅᑭᓇᒡ ᐊ ᐊᐱᒡ, ᒋ ᐸᑎᒧᒡ ᐊ ᐃᓇᓄᐎᒡ ᒋᓴᓴ ᐊ ᐱᒧᑕᔨᒋ, ᐊᑯ ᒂ ᑕᑈᒡ ᐊ ᐃᔅᒋᔄᒡ, “ᐅᑎᐸᔨᒋᒐᐤ, ᒋᔾ ᑎᐱᑦ ᑲ ᐅᑯᓯᑐᑕᔅᒃ, ᓇᒪᐎᔾ ᐊ ᒋᔅᑎᒪᓯᓄᐅᓇᓐ ?”

ᒪᑎᔪᐤ 20:30 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 146:8

ᑎᐸᔨᒋᒐᓱᐤ ᑐᑐᐛᐤ ᒐᒋ ᐛᐸᑎᒥᔨᒋ ᐊᑲ ᐛᐸᑎᒥᔨᒋ: ᑎᐸᔨᒋᒐᓱᐤ ᐱᓯᑯᓇᐤ ᐊᓂᔭᔪᐛ ᑲ ᒪᒥᓴᒪᔨᑎᒥᔨᒋ: ᑎᐸᔨᒋᒐᓱᐤ ᓴᒋᐊᐤ ᐅᑯᐃᔅᑯᑕᑎᓯᐛ:

ᒪᑎᔪᐤ 13:4

ᐊᓂᔭ ᒪᒃ ᐊ ᐛᓴᔄᐱᓇᐧᒃ ᓂᑕᐅᒋᑕᑭᓇ ᐱᔅᒐ ᐊᓐᑕ ᐱᑎᑕᔅᑭᓄᐤ ᒋ ᐸᐸᒋᑎᓂᔪᐛ, ᐊᑯ ᐱᔭᓯᓴ ᒥᓯᐛ ᑲ ᒥᒋᔨᒋ᙮

ᒪᑎᔪᐤ 15:22

ᐃᔎᐤ ᒪᒃ ᒋ ᐎᒍᐤ ᐊᓐᑕ ᑲᐃᓇᓐ ᐊᒋ ᐅᒋᑦ, ᐊᔪᑯᓂ ᐅᔭ ᑲ ᐸᒋ ᓂᑐᐛᐱᒥᑯᑦ ᒋᓴᔅ, ᐊ ᑕᑈᔨᒋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᓂᔭ ᒋᓴᐅᒋᒪᐤ ᑎᐱᑦ ᐅᑯᓴ, ᐸᒋ ᒋᔅᑎᒪᒐᔨᒥ ᒪ᙮ ᓂᑕᓂᔅ ᓇᔅᒡ ᑕᑈ ᐛᐎᓯᒐᔨᑎᒥᐃᑯᐤ ᒥᒋ ᐊᒐᒂ ᐊ ᐱᒋᔅᑲᑯᑦ᙮”

ᒪᑎᔪᐤ 20:31

ᐊᓐᒡ ᒪᒃ ᐃᔪᒡ ᐛᔅᑲ ᐊᓐᑕ ᑲ ᑕᒡ ᒋ ᒋᑕᐊᒧᐛᐅᒡ ᐊᓂᔭ ᓇᐸᐛ, ᐊ ᐃᑕᒡ, “ᐊᑲ ᒪ ᒋᔅᑐᒄ᙮” ᐊᑯ ᒥᒄ ᐊᑐᐎᔅ ᓱᒃ ᒂ ᑕᑈᒡ ᐊᓐᒡ ᓇᐸᐅᒡ ᐊ ᐃᔅᒋᔄᒡ, “ᐅᑎᐸᔨᒋᒐᐤ, ᑎᐱᑦ ᑲ ᐅᑯᓯᑐᑕᔅᒃ, ᓇᒪᐎᔾ ᐊ ᒋᔅᑎᒪᓯᓄᐅᓇᓐ ?”

ᒪᑎᔪᐤ 21:14

ᒋ ᐸᒋ ᓂᑐᐛᐱᒥᑯᐤ ᒪᒃ ᐊᓂᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓂᑕᐅᒋᔨᒋ ᐊᐛᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒪᒂᒡ ᐊ ᑕᑦ, ᒋ ᒥᓏᒋᐊᐤ ᒪᒃ᙮

ᒪᑎᔪᐤ 21:9

ᐊᓐᒡ ᒪᒃ ᐃᔪᒡ ᐊᓐᑕ ᓂᑲᓄᒡ ᑲ ᐱᒧᑕᒡ ᐊᓂᔭ ᒋᓴᓴ ᐊ ᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐱᒧᑕᐛᒡ ᒋ ᒋᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᒋᔄᐛᒡ ᐊ ᐃᔅᒋᔄᒡ, “ᒋᔅᑕᔨᑕᑯᐊᒄ ᐊᓐ ᑲ ᐅᑯᓯᑐᑕᑯᑦ ᑎᐱᑕ, ᓱᐛᔨᑕᑯᓱᐤ ᐅ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ᙮ ᒪᒥᒋᒪᑕᐤ ᒋᓴᒪᓂᑐᐤ ᐎᔾ ᓇᔅᒡ ᐊ ᒋᔅᑕᔨᑕᑯᓯᑦ᙮”

ᒪᑎᔪᐤ 22:42

“ᑕᓐ ᐊ ᐃᑕᔨᒪᒄ ᙭ ? ᐊᐛᓐ ᐊᓂᔭ ᐅᑯᓴ ? ᐊᐛᔪᐛ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᑦ ?” ᐊᑯ ᒂ ᐃᑎᑯᑦ, “ᑎᐱᑦ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:46

ᒋ ᐅᑎᑎᒧᒡ ᐅᑕᓇᔪᐤ ᒐᕆᑯᐤ ᑲ ᐃᓯᓂᐧᑲᑕᔨᒡ᙮ ᐊᓂᔭ ᒪᒃ ᐊ ᐊᑎ ᐎᐎᒡ ᐊᓂᔭ ᐅᑕᓇᔪᐤ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᑭᔭ ᑯᑎᑭᒡ ᐊᐛᓐᒋ ᐊ ᒥᒐᑎᒡ, ᒋ ᐅᑎᑕᐅᒡ ᓇᐸᐛ ᐊᓐᑕ ᐱᑎᑕᔅᑭᓄᐤ ᐊ ᐊᐱᔨᒋ᙮ ᐅ ᒪᒃ ᓇᐸᐤ ᓇᒪ ᐅᒋ ᐛᐸᑎᒻ ᑭᔭ ᒋ ᓂᑐᑎᒪᐤ ᓱᓇᔭᔪᐤ ᐊᓐᑕ ᐊᓂᔭ ᐊ ᐊᐱᑦ᙮ ᐸᕐᑎᒪᔭᔅ ᒋ ᐃᓯᓂᐧᑲᓱᐤ᙮ ᑎᒪᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔭ᙮

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᓗᒃ 7:21

ᒪᒂᒡ ᒪᒃ ᐊᓂᔭᔪᐤ ᒋᓴᔅ ᒋ ᒥᓏᒋᐊᐤ ᒥᒐᑦ ᐊᐛᔪᐛ, ᓂᓇᐧᑯᐤ ᐊ ᐃᑕᔅᐱᓇᔨᒋ, ᑭᔭ ᒥᒋ ᐊᒐᒂ ᐊᒋ ᐎᐎᑎᓴᐛᑦ ᑭᔭ ᐊᒋ ᐃᑐᑐᐛᑦ ᐊᓂᔭᔪᐛ ᐊᑲ ᐛᐸᑎᒥᔨᒋ ᒐᒋ ᐛᐸᑎᒥᔨᒋ᙮

ᐊᑈᔅᑕᓇᒡ 2:30

ᐊᓂᔭ ᒪᒃ ᒋᑦ ᐊᓂᔅᒐ ᒋᒧᓱᒥᓄᐤ ᒋᓴᐅᒋᒪᐤ ᑎᐱᑦ ᒋ ᐅᒋᔅᒋᐛᐃᒐᓱᐅ᙮ ᒋ ᐃᔅᒋᔄᑯᐱᓐ ᒪᒃ ᒋᓴᒪᓂᑐᐤ ᒐᔅᑎᓇᔅ ᐸᐃᒄ ᐊᓐᑕ ᐊᓂᔅᒐ ᐅᑦ ᐊᐛᓯᒥᔪᐛ ᐊᓂᔭ ᑎᐱᑕ ᒐ ᒋᓴᐅᒋᒪᐎᔨᒋ ᒧᔭᒻ ᐊᓂᔭ ᑎᐱᑕ ᑲ ᐃᓯ ᒋᓴᐅᒋᒪᐎᔨᒋ᙮