ᒪᑎᔪᐤ 20:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐊᑯ ᒋᓴᔅ ᒂ ᐃᑕᑦ, “ᓂᐦᐃ, ᑕᑈ, ᐊᓐ ᒐ ᐃᓯ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ᒥᓂᔭᒄ, ᒋᑭ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ᓯᑲᐃᑕᑯᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ᓯᑲᐃᑕᑯᔭᒄ᙮ ᒥᒄ ᒪᒃ ᓇᒪ ᓂᔾ ᓂᑭ ᒋ ᐅᑎᓇᐤ ᐊᐛᓐ ᒐ ᐎᑎᐱᒥᑦ ᐊᓐᑕ ᓂᒥᔪᐅᓂᒡ ᒪᒃ ᐊᓐᑕ ᓂᓂᔅᐸᒋᐅᓂᒡ᙮ ᐛᔅ ᐎᔾ ᓄᑕᐎᔾ ᒋ ᐅᑎᓇᐤ ᐊᓂᔭ ᐊᐛᔪᐛ ᐊᓐᑕ ᒐ ᐊᐱᔨᒋ᙮”

ᒪᑎᔪᐤ 20:23 ပူးပေါင်းရင်းမြစ်များ

ᒪᑎᔪᐤ 13:11

ᐊᑯ ᒋᓴᔅ ᐊᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒪᒄ ᒋᒋᒋᓯᒄ ᐅᒋᒪᐅᓐ᙮ ᐎᔨᐛᐤ ᒪᒃ ᓇᒪ ᐅᒋ ᐱᔅᑎᓇᑭᓄᐎᒡ ᐊᓂᔭ ᒐᒋ ᐃᓯ ᒋᔅᒐᔨᑕᒡ᙮

ᒪᑎᔪᐤ 20:24

ᐃᔅᐱ ᒪᒃ ᐊᓐᒡ ᑯᑎᑭᒡ ᐸᐃᑯᔪᐤ ᒋᔅᒋᓄᐊᒧᐛᑭᓐᒡ ᐱᔭᑕᒡ ᐅᔭ, ᒋ ᒋᔄᐃᑯᐅᒡ ᐊᓂᔭ ᓂᓱ ᑲ ᐎᐧᑲᓂᓯᑕᑐᔨᒋ᙮

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:40

ᒥᒄ ᒪᒃ ᓇᒪ ᓂᔾ ᓂᑭ ᒋ ᐅᑎᓇᐤ ᐊᐛᓐ ᒐ ᐊᐱᑦ ᐊᓐᑕ ᓂᒥᔪᐅᓂᒡ ᒪᒃ ᐊᓐᑕ ᓂᓂᔅᐸᒋᐅᓂᒡ ᐛᔅ ᓴᔅ ᒋ ᐎᔭᔨᒪᑭᓄᐎᒡ ᐊᐛᓐᒋ ᒐ ᐊᐱᒡ ᐊᓐᑕ᙮”

ᐊᑈᔅᑕᓇᒡ 12:2

ᒠᓐ ᐎᐧᑲᓂᓱᐛᐛ ᒋᒥᓴ ᐊᐅᑯᓐ ᐊᓂᔭ ᓂᔅᑎᒻ ᑲ ᐃᑎᓱᐛᑕᑦ ᒐ ᓂᐸᐊᑭᓄᔨᒋ, ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:17

ᐊᑯ ᒪᒃ ᐊ ᐅᑦ ᐊᐛᓯᒥᑕᑕᐧᒄ ᒋᓴᒪᓂᑐᐤ ᒐᔅᑎᓇᔅ ᒋᑭ ᒥᔨᑯᓄᐤ ᐊᓂᔭᔪᐛ ᑲ ᐃᓯ ᒥᔽᓯᔨᒋ ᓱᐛᔨᒋᒐᐅᓇ ᑲ ᐊᔭᔅᑯᔅᑎᒧᐛᑦ ᐅᑦ ᐊᐛᓯᒪ᙮ ᑭᔭ ᑕᐱᔅᑯᓐ ᒋᓴᔅ ᑭᔭ ᒋᔭᓄᐤ ᒋᑭ ᐊᔭᓇᓄᐤ ᑕᓐ ᑲ ᐃᓯ ᐊᔭᔅᑯᔅᑎᒧᐛᑭᓄᐅᑦ ᒋᓴᔅ᙮ ᐛᔅ ᒧᔭᒻ ᐎᒋ ᓂᓇᐧᑲᑕᔨᒧᒪᒂ ᒋᓴᔅ ᐊᓂᔭ ᐊ ᑕᑈᔭᔨᒪᐧᒄ ᑭᔭ ᒋᔭᓄᐤ ᒋᑭ ᒋᔅᑕᔨᑕᑯᐃᑯᓇᓄᐤ ᒋᔅᑕᔨᑕᑯᐊᑭᓄᐅᒐ᙮

1 ᑯᕆᓐᑎᔭᓇ 2:9

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᐅᒋ ᐛᐸᑎᒻ ᑭᔭ ᓇᒪ ᐊᐛᓐ ᐅᒋ ᐸᑎᒻ ᑭᔭ ᓇᒪ ᐊᐛᓐ ᐅᒋ ᒋᔅᒐᔨᑎᒻ ᑕᓐ ᑲ ᐃᓯ ᐊᔭᔅᑯᔅᑎᒧᐛᑦ ᒋᓴᒪᓂᑐᐤ ᐊᓂᔭᔪᐛ ᑲ ᓴᒋᐃᑯᑦ᙮

2 ᑯᕆᓐᑎᔭᓇ 1:7

ᓂᒐᔅᑎᓇᐅᓇᓐ ᒪᒃ ᒐ ᓱᒋᑲᐳᔭᒄ ᐊᑎ ᐊ ᓂᓇᐧᑲᑕᔨᒧᐃᑯᐅᔭᒄ ᒧᔭᒻ ᓂᔭᓐ ᐊ ᐃᓯ ᓂᓇᐧᑲᑕᔨᒧᐃᑯᐅᔭᒡ, ᑭᔭ ᒐᔅᑎᓇᔅ ᑭᔭ ᒋᔨᐛᐤ ᒐ ᒥᔽᔨᒧᐃᑕᒄ ᒋᓴᒪᓂᑐᐤ ᒧᔭᒻ ᓂᔭᓐ ᑲ ᐃᓯ ᒥᔽᔨᒧᐃᔨᒥᑦ᙮

ᑯᓚᓯᔭᓇ 1:24

ᓂ ᒥᔽᔨᑕᓐ ᒪᒃ ᐊ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ᐊᔭᒥᐊᐛᑎᓯᒡ, ᙭ ᐎᔪᐤ᙮

ᐃᑉᕈᐛ 11:16

ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮