ᒪᑎᔪᐤ 20:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᐊᑯ ᒋᓴᔅ ᒂ ᐃᑕᑦ, “ᒐᒂᓐ ᓇᑐᐛᔨᑎᒥᓐ ?” ᒋ ᐃᑎᑯᐤ ᒪᒃ, “ᐅᒡ ᑕᐱᔅᑯᓐ ᓂᑯᓯᒡ ᒐᒋ ᐎᑎᐱᒥᔅᒡ ᐃᔅᐱ ᒋᓴᐅᒋᒪᐎᔨᓇ, ᐸᐃᒄ ᐊᓐᑕ ᒋᒥᔪᐅᓂᒡ ᒐᒋ ᐊᐱᑦ ᐊᑯ ᐊᓐ ᑯᑎᒃ ᐊᓐᑕ ᒋᓂᔅᐸᒋᐅᓂᒡ᙮”

ᒪᑎᔪᐤ 20:21 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 110:1

ᑎᐸᔨᒋᒐᓱᐤ ᒋ ᐃᑕᐤ ᓂᑎᐸᔨᒋᒐᓯᒪ, “ᐊᐱ ᓂᒥᔪᐅᓂᒡ, ᐸᑎᒪ ᐃᓯᐃᒂᐛ ᑲ ᐛᐧᑲᑎᔅᒡ ᒐᒋ ᐅᑕᑯᔅᑲᒋᑭᓂᔨᓐ᙮”

ᑎᐱᑦ ᐅᓂᑭᒧᐅᓇ 45:9

ᒋᓴᐅᒋᒪᐤ ᐅᑕᓂᓴ ᒋ ᐊᓯᑕᒋᒪᑭᓄᐅᒡ ᒋ ᒋᒋᐃᔎᒥᒡ: ᒋᒥᔪᐅᓂᒡ ᒋᓴᐅᒋᒪᔎᐤ ᒋ ᓂᐳᐤ ᐊ ᑭᓄᐛᔨᑕᐧᒃ ᐎᔄᐅᓱᓇᔭᐱᔅᑯᔪᐤ ᐅᐸᕆᒡ ᑲ ᐅᒋᒥᑭᓂᔨᒡ᙮

ᒪᑎᔪᐤ 18:1

ᓇᓇᒐᓯᔅ ᒪᒃ ᐊᑯ ᒋᓴᔅ ᒂ ᐸᒋ ᓂᑐᐛᐱᒥᑯᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᒂ ᑯᒂᒋᒥᑯᑦ ᐊ ᐃᑎᑯᑦ, “ᐊᐛᓐ ᒪᐅᒡ ᓇᑲᓇᔨᑕᑯᔅᑦ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ?”

ᒪᑎᔪᐤ 19:28

ᐊᑯ ᒋᓴᔅ ᒂ ᐃᑕᑦ, “ᒋᑭ ᒐᔅᑎᓇᐅᓇᐛᐤ, ᐃᔅᐱ ᐃᔪᐤ ᐅᑯᓯᓴᓐ ᐊᐱᒐ ᒋᓴᐅᒋᒪᐤ ᑕᑎᐳᐛᑭᓂᒡ ᒥᓐ ᐅᔅᑲᒐ ᐊᔅᒋᔾ, ᐊᑯ ᑭᔭ ᒋᔨᐛᐤ ᓂᒋᔅᒋᓄᐊᒧᐛᑭᓂᑎᒄ ᒐ ᐊᐱᔭᒄ ᓂᓱᓴᑉ ᐅᒋᒪᐤ ᑕᑎᐳᐛᑭᓇ, ᒐ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮

ᒪᑎᔪᐤ 20:22

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐅᑯᓯᔪᐛ, “ᓇᒪ ᒋ ᒋᔅᒐᔨᑕᓇᐛᐤ ᐊᓐ ᒐᒂᓐ ᑲ ᐃᓯ ᓂᑐᑎᒪᔭᒄ᙮ ᒋᑭ ᒋ ᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ᑎᒂᒡ ᓂᒥᓂᒂᑭᓂᒡ ᒐ ᒥᓂᔭᓐ ᐊᓄᒡ᙮ ᒋᑭ ᒋ ᑎᓇᐛᐤ ᐊ ᒐᒋ ᓯᑲᐃᑕᑯᔭᒄ ᒧᔭᒻ ᓂᔾ ᑕᓐ ᒐ ᐃᓯ ᓯᑲᐃᑕᑯᔭᓐ ?” ᐊᑯ ᒂ ᐃᑎᑯᑦ, “ᓂᐦᐃ, ᓂᑭ ᒋ ᑎᓇᓐ᙮”

ᒪᑎᔪᐤ 20:32

ᒋᓴᔅ ᒪᒃ ᒋ ᒋᐱᒋᑲᐳᐤ, ᒂ ᐎᓴᒪᑦ ᐊᓂᔭ ᓇᐸᐛ, ᒂ ᐃᑕᑦ, “ᒐᒂᓐ ᓇᑐᐛᔨᑎᒪᒄ ᒐᒋ ᐃᑐᑎᒪᑎᑯᒡ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:51

ᐊᑯ ᒋᓴᔅ ᒂ ᐃᑕᑦ ᐅᔭ ᓇᐸᐛ, “ᑕᓐ ᐊ ᐃᓯ ᓂᑐᐛᔨᑎᒥᓐ ᒐᒋ ᐃᑐᑎᒪᑕᓐ ?” ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᐅᑎᐸᔨᒋᒐᐤ, ᒥᔨ ᒐᒋ ᐛᐸᑎᒪᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:22

ᐊᓂᔭ ᒪᒃ ᐊᕈᑎᔭᔅ ᐅᑕᓂᓴ ᒋ ᐸᒋ ᓂᒥᔪᐛ ᐊᑯ ᓇᔅᒡ ᑲ ᒥᔽᔨᑎᒥᔨᒋ ᐊᕈᑕ ᑭᔭ ᒥᓯᐛ ᐊᓂᔭ ᐊᐛᔪᐛ ᑲ ᐎᓴᒪᑭᓄᔨᒋ᙮ ᐊᑯ ᒋᓴᐅᒋᒪᐤ ᐊᕈᑦ ᒂ ᐃᑕᑦ ᐊᓂᔭ ᐃᔎᓴ, “ᐸᒋ ᐎᑎᒧᐎ ᒐᒂᓐ ᒋᐸ ᒥᔽᔨᑕᓐ ᒥᔨᑕᓐ᙮ ᒥᒄ ᒐ ᐃᓯ ᓂᑐᐛᔨᑎᒧᐎᓇ ᐊᐅᑯᓐ ᐊᓐ ᒐ ᒥᔨᑕᓐ᙮”

ᓗᒃ 18:41

“ᑕᓐ ᐊ ᐃᓯ ᓂᑐᐛᔨᑎᒥᓐ ᒐᒋ ᐃᑐᑎᒪᑕᓐ ?” ᐊᓐ ᓇᐸᐤ ᒋ ᐃᑕᐤ, “ᐅᑎᐸᔨᒋᒐᐤ, ᐃᑐᑐᐎ ᒐᒋ ᐛᐸᑎᒪᓐ᙮”

ᓗᒃ 19:11

ᐊᔭᔅᒃ ᒪᒃ ᒋ ᐊᑎ ᐸᓱᐛᐸᑎᒧᒡ ᒋᕈᓯᓕᒥᔪᐤ ᐊᓐᒡ ᐃᔪᒡ ᐊ ᓇᓴᐛᒡ ᒋᓴᓴ᙮ ᐊᓂᔭ ᒪᒃ ᑕᓐ ᑲ ᐃᓯ ᐛᐎᑎᒪᑯᒡ ᒋᓴᓴ ᒋ ᐃᑕᔨᑎᒧᒡ ᑕᑈ ᓴᔅ ᑎᐛᒡ ᒐ ᓄᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᐊᑯ ᒪᒃ ᒋᓴᔅ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᑲ ᐎᑎᒧᐛᑦ ᒪᒂᒡ ᐊ ᐊᑎ ᐱᒧᑕᒡ᙮ ᒋ ᐃᔅᒋᔄᐤ ᒪᒃ,

ᓗᒃ 22:24

ᒋ ᐃᔨᒥᐃᑐᐅᒡ ᒪᒃ ᒋᔅᒋᓄᐊᒧᐛᑭᓐᒡ, ᐊᐛᓐ ᐊᓐᑕ ᐊ ᑎᓯᒡ ᐃᐛᒃ ᐊ ᐃᔅᐸᔨᑕᑯᓯᑦ᙮

ᒠᓐ 15:7

ᓂᔾ ᒪᒃ ᐊ ᑕᔭᓐ ᒧᔅ ᐃᓯ ᐱᒪᑎᓯᔭᒂ ᑭᔭ ᓂᑦ ᐃᔅᒋᔄᐅᓇ ᐱᒋᔅᑲᑯᔭᒂ ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᒐᒂᓐ ᐊᐅᑯᓐ ᐊᓐ ᒐ ᐃᑐᑎᒪᑯᐅᔭᒄ᙮

ᐊᑈᔅᑕᓇᒡ 1:6

ᐊᑯ ᒪᒃ ᒥᓐ ᐸᐃᒂᐤ ᐊ ᒪᒧᐎᒡ ᐊᓐᒡ ᐊᑈᔅᑕᓇᒡ ᒋ ᑯᒂᒋᒪᐅᒡ ᒋᓴᓴ ᐊ ᐃᑕᒡ, “ᐅᑎᐸᔨᒋᒐᐤ, ᓴᔅ ᐊ ᐅᑎᒋᐱᔪᐤ ᒐ ᒥᔨᑥᐤ ᒍᐤ ᐃᔪᒡ ᐎᔨᐛᐤ ᒥᓐ ᒐᒋ ᐱᒥᐱᔨᑥᓱᒡ ᒥᓯᐛ ᒐᒂᔪᐤ ᐊᓐᑕ ᐅᑦ ᐊᔅᒋᐛᒡ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:10

ᓴᒋᐃᑐᒄ ᐛᔅ ᒥᓯᐛ ᒋ ᐎᐧᑲᓂᓯᓂᑐᓇᐛᐤ᙮ ᒋᔅᑕᔨᒥᑐᒄ ᒋᑕᐃᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:34

ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮

ᑯᓚᓯᔭᓇ 3:1

ᒋ ᒋᔅᒐᔨᑕᓇᐛᐤ ᑲ ᐅᓂᔅᑲᓇᑦ ᒋᓴᒪᓂᑐᐤ ᙭ᑕ ᓂᐳᐅᓂᒡ ᐅᒡ ᒧᔭᒻ ᑭᔭ ᒋᔨᐛᐤ ᐊᒋ ᐅᓂᔅᑲᓂᑯᐅᔭᒄ ᐊᐅᑯᓐ ᐊ ᐃᓯᓇᒂᒡ᙮ ᐊᑯ ᒪᒃ ᒧᔅ ᒋᐸ ᓇᓂᑐᐛᔨᑕᓇᐛᐤ ᐊᓂᔭᔪᐛ ᒐᒂᔪᐛ ᐃᔅᐱᒥᒡ ᐊ ᑎᒂᒋ, ᐊᓐᑕ ᐊ ᐊᐱᑦ ᙭ ᒋᓴᒪᓂᑐᐛ ᐅᒥᔪᓂᔨᒡ᙮